ବଣାଇଁ ଉପଖଣ୍ଡର ଲହୁଣୀପଡ଼ା ବ୍ଲକ ଅନ୍ତର୍ଗତ ତୁମକେଳା ଠାରେ ଥିବା ଭାସ୍କର ସ୍ପଞ୍ଜ ଆଇରନ କାରଖାନା ନିର୍ଭୟରେ ବିଷାକ୍ତ କଳାଧୂଆଁ ଛାଡୁଛି, ଯାହା ବଣାଇଁ ସହର ସମେତ ଆଖପାଖ ଅଞ୍ଚଳକୁ ବିଷାକ୍ତ କରୁଛି। ଏହି ଗୁରୁତର ପ୍ରଦୂଷଣ ସତ୍ତ୍ୱେ ପ୍ରଶାସନ ଓ ପ୍ରଦୂଷଣ ବିଭାଗର ଅଧିକାରୀମାନେ ଜାଣି ନ ଜାଣିବା ଭଳି ଚେଇଁ ଶୋଇଛନ୍ତି, ଯାହା ଏକ ବଡ଼ ପ୍ରଶ୍ନବାଚୀ ସୃଷ୍ଟି କରୁଛି। କାରଖାନାରୁ ଦିନରାତି କଳାଧୂଆଁ ନିର୍ଗତ ହେତୁ ବାୟୁମଣ୍ଡଳ ଦୂଷିତ ହେଉଥିବା ବେଳେ ନିକଟସ୍ଥ ଗ୍ରାମର ଲୋକେ ଅତିଷ୍ଠ ହୋଇପଡ଼ିଲେଣି। ଅଧିକ ଲାଭ ଅର୍ଜନ କରିବା ପାଇଁ କାରଖାନା ମାଲିକ ପ୍ରଦୂଷଣ ନିୟମକୁ ଅଣଦେଖା କରି ଅତ୍ୟଧିକ ପରିମାଣରେ କଳାଧୂଆଁ ଛାଡୁଥିବା ଅଭିଯୋଗ ହୋଇଛି। ଏହି ବିଷାକ୍ତ କୋଇଲା ଗୁଣ୍ଡ ଘରଦ୍ୱାର ଠାରୁ ଆରମ୍ଭ କରି ଚାଷ ଜମି, ପନିପରିବା ଚାଷ ଉପରେ ଏକ କଳା ଆବରଣ ସୃଷ୍ଟି କରୁଛି, ଫଳରେ ଚାଷୀଙ୍କ ଫସଲ ବି ବିଷାକ୍ତ ହୋଇପଡ଼ୁଛି। ଭାସ୍କର ସ୍ପଞ୍ଜ କାରଖାନାରୁ ନିର୍ଗତ ବିଷାକ୍ତ କଳାଧୂଆଁ ଯୋଗୁଁ ନିକଟସ୍ଥ ଗ୍ରାମଗୁଡ଼ିକରେ ଦିନକୁ ଦିନ କିଡନୀ ରୋଗ ଏବଂ ଚର୍ମ ରୋଗରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି। ଏତେ ମାତ୍ରାରେ କଳାଧୂଆଁ ଛଡ଼ାଯାଉଥିବାରୁ ସ୍ପଞ୍ଜ କାରଖାନା ନିକଟସ୍ଥ ଗ୍ରାମବାସୀମାନେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ସେମାନେ ସ୍ଥାନୀୟ ପ୍ରଶାସନ ଏବଂ ରାଉରକେଲା ପ୍ରଦୂଷଣ ବିଭାଗର ଅଧିକାରୀମାନଙ୍କୁ ଏହି ବିଷାକ୍ତ କଳାଧୂଆଁ ନିର୍ଗମନ ବନ୍ଦ କରିବା ପାଇଁ ଦାବି କରିଛନ୍ତି।

ସୁରଜ ପ୍ରତାପ ମହାନ୍ତି

Local News Reporter ବଣେଇ, ସୁନ୍ଦରଗଡ଼, ଓଡ଼ିଶା•

1 hr ago

ବଣାଇଁ ଉପଖଣ୍ଡର ଲହୁଣୀପଡ଼ା ବ୍ଲକ ଅନ୍ତର୍ଗତ ତୁମକେଳା ଠାରେ ଥିବା ଭାସ୍କର ସ୍ପଞ୍ଜ ଆଇରନ କାରଖାନା ନିର୍ଭୟରେ ବିଷାକ୍ତ କଳାଧୂଆଁ ଛାଡୁଛି, ଯାହା ବଣାଇଁ ସହର ସମେତ ଆଖପାଖ ଅଞ୍ଚଳକୁ ବିଷାକ୍ତ କରୁଛି। ଏହି ଗୁରୁତର ପ୍ରଦୂଷଣ ସତ୍ତ୍ୱେ ପ୍ରଶାସନ ଓ ପ୍ରଦୂଷଣ ବିଭାଗର ଅଧିକାରୀମାନେ ଜାଣି ନ ଜାଣିବା ଭଳି ଚେଇଁ ଶୋଇଛନ୍ତି, ଯାହା ଏକ ବଡ଼ ପ୍ରଶ୍ନବାଚୀ ସୃଷ୍ଟି କରୁଛି। କାରଖାନାରୁ ଦିନରାତି କଳାଧୂଆଁ ନିର୍ଗତ ହେତୁ

ବାୟୁମଣ୍ଡଳ ଦୂଷିତ ହେଉଥିବା ବେଳେ ନିକଟସ୍ଥ ଗ୍ରାମର ଲୋକେ ଅତିଷ୍ଠ ହୋଇପଡ଼ିଲେଣି। ଅଧିକ ଲାଭ ଅର୍ଜନ କରିବା ପାଇଁ କାରଖାନା ମାଲିକ ପ୍ରଦୂଷଣ ନିୟମକୁ ଅଣଦେଖା କରି ଅତ୍ୟଧିକ ପରିମାଣରେ କଳାଧୂଆଁ ଛାଡୁଥିବା ଅଭିଯୋଗ ହୋଇଛି। ଏହି ବିଷାକ୍ତ କୋଇଲା ଗୁଣ୍ଡ ଘରଦ୍ୱାର ଠାରୁ ଆରମ୍ଭ କରି ଚାଷ ଜମି, ପନିପରିବା ଚାଷ ଉପରେ ଏକ କଳା ଆବରଣ ସୃଷ୍ଟି କରୁଛି, ଫଳରେ ଚାଷୀଙ୍କ ଫସଲ ବି ବିଷାକ୍ତ

ହୋଇପଡ଼ୁଛି। ଭାସ୍କର ସ୍ପଞ୍ଜ କାରଖାନାରୁ ନିର୍ଗତ ବିଷାକ୍ତ କଳାଧୂଆଁ ଯୋଗୁଁ ନିକଟସ୍ଥ ଗ୍ରାମଗୁଡ଼ିକରେ ଦିନକୁ ଦିନ କିଡନୀ ରୋଗ ଏବଂ ଚର୍ମ ରୋଗରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି। ଏତେ ମାତ୍ରାରେ କଳାଧୂଆଁ ଛଡ଼ାଯାଉଥିବାରୁ ସ୍ପଞ୍ଜ କାରଖାନା ନିକଟସ୍ଥ ଗ୍ରାମବାସୀମାନେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ସେମାନେ ସ୍ଥାନୀୟ ପ୍ରଶାସନ ଏବଂ ରାଉରକେଲା ପ୍ରଦୂଷଣ ବିଭାଗର ଅଧିକାରୀମାନଙ୍କୁ ଏହି ବିଷାକ୍ତ କଳାଧୂଆଁ ନିର୍ଗମନ ବନ୍ଦ କରିବା ପାଇଁ ଦାବି କରିଛନ୍ତି।