नाशिकच्या रस्त्यावर धावली सिटीलिंकची पर्यावरणपूरक इलेक्ट्रिक बस.. मार्ग क्र. १०२ व १०३ वर ई-बस सेवेला प्रारंभ.. केंद्र शासनाच्या PM-eBus Sewa योजनेंतर्गत नाशिक महानगर परिवहन महामंडळ लि. (सिटीलिंक) च्या ताफ्यात दाखल झालेल्या इलेक्ट्रिक बसेसपैकी पहिली ई-बस आज अखेर नाशिकच्या रस्त्यावर प्रवासी सेवेत धावली. दि. २८ ऑगस्ट २०२६ रोजी महाराष्ट्र राज्याचे मुख्यमंत्री मा. श्री. देवेंद्र फडणवीस यांच्या हस्ते या ई-बसेसचे उद्घाटन करण्यात आले होते. तर आजपासून ई-बस सेवा प्रत्यक्ष प्रवासी सेवेत दाखल करण्यात आली आहे. नाशिक महानगर परिवहन महामंडळ लि.चे मुख्य कार्यकारी अधिकारी श्री. विजयकुमार मुंडे आणि उपमहाव्यवस्थापक (वाहतूक) श्री. संजय सुर्वे यांच्या हस्ते श्रीफळ वाढवून ई-बस ई-बस डेपोमधून प्रवासी सेवेसाठी मार्गस्थ करण्यात आली. सिटीलिंकच्या ई-बस सेवेच्या प्रारंभिक टप्प्यात २ बसेसच्या माध्यमातून मार्ग क्र. १०२ व मार्ग क्र. १०३ वर ई-बस सेवा सुरू करण्यात आली असून, या मार्गांवर नाशिककरांना पर्यावरणपूरक, आरामदायी, शांततामय आणि आधुनिक सार्वजनिक वाहतूक सेवेचा लाभ मिळणार आहे. ई-बसचे मार्ग १. मार्ग क्रमांक १०२ – तपोवन टर्मिनस ते बारदान फाटा मार्गे – जुना आडगाव नाका, रविवार कारंजा, सीबीएस, राजीव गांधी भवन, एचपीटी कॉलेज, महात्मानगर, आयटीआय, सातपूर मनपा विभागीय कार्यालय, सातपूर कॉलनी, अशोकनगर. २. मार्ग क्रमांक १०३ – तपोवन टर्मिनस ते सिम्बायोसिस कॉलेज मार्गे – जुना आडगाव नाका, सीबीएस, वेद मंदिर, पवननगर. राजलक्ष्मी सुर्वे व उज्वल सुर्वे ठरले सिटीलिंक ई-बसचे पहिले प्रवासी सिटीलिंकच्या ई-बस सेवेतून प्रवास करणारे राजलक्ष्मी सुर्वे व उज्वल सुर्वे हे पहिले प्रवासी ठरले. ई-बस सेवेला नाशिककरांकडून उत्स्फूर्त प्रतिसाद मिळत असून, पर्यावरणपूरक, आरामदायी आणि आधुनिक सार्वजनिक वाहतूक व्यवस्थेच्या दिशेने सिटीलिंकने आणखी एक महत्त्वपूर्ण पाऊल टाकले आहे. सकाळी १०:३० वाजेपासून ते ४:३० वाजेपर्यंत ५२६ प्रवाशांनी घेतला ई-बस सेवेचा लाभ सकाळी १०:३० वाजेपासून सायंकाळी ४:३० वाजेपर्यंत दोन ई-बसेसच्या माध्यमातून ये-जा अशा एकूण चार फेऱ्या करण्यात आल्या. या चार फेऱ्यांमधून एकूण ५२६ प्रवाशांनी सिटीलिंकच्या ई-बस सेवेचा लाभ घेतला. ई-बसचा आरामदायी प्रवास, कमी आवाज तसेच पर्यावरणपूरक सेवेबाबत प्रवाशांनी समाधान व्यक्त केले. विशेष म्हणजे, ई-बस सेवेसाठी कोणतीही अतिरिक्त भाडेवाढ करण्यात आलेली नसून, प्रवाशांकडून विद्यमान बस भाडेदरानुसारच प्रवासाचे शुल्क आकारण्यात येत आहे. त्यामुळे पर्यावरणपूरक ई-बस सेवेला नाशिककरांकडून चांगला प्रतिसाद मिळत आहे. सिटीलिंकच्या ई-बस सेवेमुळे प्रदूषणात घट, ध्वनीप्रदूषण कमी होणे तसेच पर्यावरणपूरक सार्वजनिक वाहतुकीला चालना मिळणार आहे. नाशिक शहरातील सार्वजनिक वाहतूक अधिक सक्षम, आधुनिक आणि शाश्वत करण्याच्या दृष्टीने ई-बस सेवा महत्त्वपूर्ण ठरणार आहे. नाशिककरांनी पर्यावरणपूरक सार्वजनिक वाहतुकीचा स्वीकार करून मार्ग क्र. १०२ व १०३ वरील सिटीलिंकच्या ई-बस सेवेचा मोठ्या प्रमाणावर लाभ घ्यावा, असे आवाहन सिटीलिंक प्रशासनाच्या वतीने करण्यात आले आहे. यापुढे टप्प्याटप्प्याने उर्वरित ई-बसेस नाशिक शहरातील विविध मार्गांवर प्रवाशांच्या सेवेत दाखल करण्यात येणार आहेत. त्यामुळे आगामी काळात नाशिक शहरातील विविध भागांमध्ये पर्यावरणपूरक ई-बस सेवेचा विस्तार होऊन, नाशिककरांना अधिक सक्षम, आरामदायी आणि आधुनिक सार्वजनिक वाहतूक सेवा उपलब्ध होणार आहे.

Kapil Katyare

Photographer नाशिक, नाशिक, महाराष्ट्र•

1 hr ago

नाशिकच्या रस्त्यावर धावली सिटीलिंकची पर्यावरणपूरक इलेक्ट्रिक बस.. मार्ग क्र. १०२ व १०३ वर ई-बस सेवेला प्रारंभ.. केंद्र शासनाच्या PM-eBus Sewa योजनेंतर्गत नाशिक महानगर परिवहन महामंडळ लि. (सिटीलिंक) च्या ताफ्यात दाखल झालेल्या इलेक्ट्रिक बसेसपैकी पहिली ई-बस आज अखेर नाशिकच्या रस्त्यावर प्रवासी सेवेत धावली. दि. २८ ऑगस्ट २०२६ रोजी महाराष्ट्र राज्याचे मुख्यमंत्री मा. श्री. देवेंद्र फडणवीस यांच्या हस्ते या ई-बसेसचे उद्घाटन करण्यात आले होते. तर आजपासून ई-बस सेवा प्रत्यक्ष प्रवासी सेवेत दाखल करण्यात आली आहे. नाशिक महानगर परिवहन महामंडळ लि.चे मुख्य कार्यकारी अधिकारी श्री. विजयकुमार मुंडे आणि उपमहाव्यवस्थापक (वाहतूक) श्री. संजय सुर्वे यांच्या हस्ते श्रीफळ वाढवून ई-बस ई-बस डेपोमधून प्रवासी सेवेसाठी मार्गस्थ करण्यात आली. सिटीलिंकच्या ई-बस सेवेच्या प्रारंभिक टप्प्यात २ बसेसच्या माध्यमातून मार्ग क्र. १०२ व मार्ग क्र. १०३ वर ई-बस सेवा सुरू करण्यात आली असून, या मार्गांवर नाशिककरांना पर्यावरणपूरक, आरामदायी, शांततामय आणि आधुनिक सार्वजनिक वाहतूक सेवेचा लाभ मिळणार आहे. ई-बसचे मार्ग १. मार्ग क्रमांक १०२ – तपोवन टर्मिनस ते बारदान फाटा मार्गे – जुना आडगाव नाका, रविवार कारंजा, सीबीएस, राजीव गांधी भवन, एचपीटी कॉलेज, महात्मानगर, आयटीआय, सातपूर मनपा विभागीय कार्यालय, सातपूर कॉलनी, अशोकनगर. २. मार्ग क्रमांक १०३ – तपोवन टर्मिनस ते सिम्बायोसिस कॉलेज मार्गे – जुना आडगाव नाका, सीबीएस, वेद मंदिर, पवननगर. राजलक्ष्मी सुर्वे व उज्वल सुर्वे ठरले सिटीलिंक ई-बसचे पहिले प्रवासी सिटीलिंकच्या ई-बस सेवेतून प्रवास करणारे राजलक्ष्मी सुर्वे व उज्वल सुर्वे हे पहिले प्रवासी ठरले. ई-बस सेवेला नाशिककरांकडून उत्स्फूर्त प्रतिसाद मिळत असून, पर्यावरणपूरक, आरामदायी आणि आधुनिक सार्वजनिक वाहतूक व्यवस्थेच्या दिशेने सिटीलिंकने आणखी एक महत्त्वपूर्ण पाऊल टाकले आहे. सकाळी १०:३० वाजेपासून ते ४:३० वाजेपर्यंत ५२६ प्रवाशांनी घेतला ई-बस सेवेचा लाभ सकाळी १०:३० वाजेपासून सायंकाळी ४:३० वाजेपर्यंत दोन ई-बसेसच्या माध्यमातून ये-जा अशा एकूण चार फेऱ्या करण्यात आल्या. या चार फेऱ्यांमधून एकूण ५२६ प्रवाशांनी सिटीलिंकच्या ई-बस सेवेचा लाभ घेतला. ई-बसचा आरामदायी प्रवास, कमी आवाज तसेच पर्यावरणपूरक सेवेबाबत प्रवाशांनी समाधान व्यक्त केले. विशेष म्हणजे, ई-बस सेवेसाठी कोणतीही अतिरिक्त भाडेवाढ करण्यात आलेली नसून, प्रवाशांकडून विद्यमान बस भाडेदरानुसारच प्रवासाचे शुल्क आकारण्यात येत आहे. त्यामुळे पर्यावरणपूरक ई-बस सेवेला नाशिककरांकडून चांगला प्रतिसाद मिळत आहे. सिटीलिंकच्या ई-बस सेवेमुळे प्रदूषणात घट, ध्वनीप्रदूषण कमी होणे तसेच पर्यावरणपूरक सार्वजनिक वाहतुकीला चालना मिळणार आहे. नाशिक शहरातील सार्वजनिक वाहतूक अधिक सक्षम, आधुनिक आणि शाश्वत करण्याच्या दृष्टीने ई-बस सेवा महत्त्वपूर्ण ठरणार आहे. नाशिककरांनी पर्यावरणपूरक सार्वजनिक वाहतुकीचा स्वीकार करून मार्ग क्र. १०२ व १०३ वरील सिटीलिंकच्या ई-बस सेवेचा मोठ्या प्रमाणावर लाभ घ्यावा, असे आवाहन सिटीलिंक प्रशासनाच्या वतीने करण्यात आले आहे. यापुढे टप्प्याटप्प्याने उर्वरित ई-बसेस नाशिक शहरातील विविध मार्गांवर प्रवाशांच्या सेवेत दाखल करण्यात येणार आहेत. त्यामुळे आगामी काळात नाशिक शहरातील विविध भागांमध्ये पर्यावरणपूरक ई-बस सेवेचा विस्तार होऊन, नाशिककरांना अधिक सक्षम, आरामदायी आणि आधुनिक सार्वजनिक वाहतूक सेवा उपलब्ध होणार आहे.