दोन मुलांना गमावलं… तरीही हार मानली नाही! स्वाभिमानाने जगण्यासाठी ५० वर्षांपासून सुरू आहे पार्वती आजींची धडपड आयुष्यातील दुःखाचा डोंगर पेलत, दोन मुलांना गमावण्याचे असह्य दुःख मनात घेऊनही परिस्थितीसमोर न झुकता स्वाभिमानाने जगण्याची जिद्द कायम ठेवणाऱ्या अक्कलकोट तालुक्यातील शिरवळ येथील पार्वती श्रीमंत कांते आजी यांची संघर्षकथा मन हेलावून टाकणारी आहे. अक्कलकोट येथील जुना अडत बाजारात, एका दुकानासमोर कडक उन्हात बसून कांद्याची विक्री करताना पार्वती आजी दिसल्या. एका ग्राहकाने कांदा खरेदी केल्यानंतर ऑनलाईन पेमेंट केले. त्याची ६० रुपये रोख रक्कम आजींना देण्यासाठी जवळ गेल्यावर त्यांच्या जीवनातील संघर्षाची ही हृदयस्पर्शी कहाणी समोर आली. मौजे शिरवळ येथील रहिवासी असलेल्या पार्वती आजींनी सांगितले की, त्या तब्बल मागील ५० वर्षांपासून छोटा-मोठा व्यापार करून आपला उदरनिर्वाह करत आहेत. त्यांना दोन मुले होती; मात्र काळाने दोघांनाही हिरावून घेतले. आज त्यांच्या जवळ आधारासाठी कोणीही नसतानाही त्यांनी जगण्याची उमेद सोडलेली नाही. दररोज सकाळी त्या शिरवळहून अक्कलकोटला येतात. येथील व्यापारी आकीब बागवान यांच्याकडून कांद्याचे एक पाकीट घेऊन दिवसभर त्याची विक्री करतात. विक्रीनंतर मुद्दलाची रक्कम व्यापाऱ्याला परत करून, उरलेल्या २०० ते ३०० रुपयांमध्ये त्या आपला उदरनिर्वाह करतात. कडक ऊन असो, वाढते वय असो किंवा आयुष्याने दिलेले दुःख… पार्वती आजींची जगण्याची लढाई मात्र आजही सुरूच आहे! एकीकडे एवढ्या वयातही ही आजी कोणासमोर हात न पसरता कष्टाने आणि स्वाभिमानाने जगत आहे, तर दुसरीकडे अनेक तरुण छोट्या-मोठ्या कामाला कमीपणा समजतात. पार्वती आजींची जिद्द आपल्याला एकच संदेश देते कोणतेही काम लहान नसते आणि परिस्थिती कितीही कठीण असली तरी हार मानायची नसते! पार्वती श्रीमंत कांते आजींच्या संघर्षाला सलाम! त्यांची जगण्याची ही धडपड अनेकांसाठी निश्चितच कौतुकास्पद आणि प्रेरणादायी आहे

Akkalkot news

Fitness Trainer अक्कलकोट, सोलापूर, महाराष्ट्र•

1 hr ago

दोन मुलांना गमावलं… तरीही हार मानली नाही! स्वाभिमानाने जगण्यासाठी ५० वर्षांपासून सुरू आहे पार्वती आजींची धडपड आयुष्यातील दुःखाचा डोंगर पेलत, दोन मुलांना गमावण्याचे असह्य दुःख मनात घेऊनही परिस्थितीसमोर न झुकता स्वाभिमानाने जगण्याची जिद्द कायम ठेवणाऱ्या अक्कलकोट तालुक्यातील शिरवळ येथील पार्वती श्रीमंत कांते आजी यांची संघर्षकथा मन हेलावून टाकणारी आहे. अक्कलकोट येथील जुना अडत बाजारात, एका दुकानासमोर कडक उन्हात बसून कांद्याची विक्री करताना पार्वती आजी दिसल्या. एका ग्राहकाने कांदा खरेदी केल्यानंतर ऑनलाईन पेमेंट केले. त्याची ६० रुपये रोख रक्कम आजींना देण्यासाठी जवळ गेल्यावर त्यांच्या जीवनातील संघर्षाची ही हृदयस्पर्शी कहाणी समोर आली. मौजे शिरवळ येथील रहिवासी असलेल्या पार्वती आजींनी सांगितले की, त्या तब्बल मागील ५० वर्षांपासून छोटा-मोठा व्यापार करून आपला उदरनिर्वाह करत आहेत. त्यांना दोन मुले होती; मात्र काळाने दोघांनाही हिरावून घेतले. आज त्यांच्या जवळ आधारासाठी कोणीही नसतानाही त्यांनी जगण्याची उमेद सोडलेली नाही. दररोज सकाळी त्या शिरवळहून अक्कलकोटला येतात. येथील व्यापारी आकीब बागवान यांच्याकडून कांद्याचे एक पाकीट घेऊन दिवसभर त्याची विक्री करतात. विक्रीनंतर मुद्दलाची रक्कम व्यापाऱ्याला परत करून, उरलेल्या २०० ते ३०० रुपयांमध्ये त्या आपला उदरनिर्वाह करतात. कडक ऊन असो, वाढते वय असो किंवा आयुष्याने दिलेले दुःख… पार्वती आजींची जगण्याची लढाई मात्र आजही सुरूच आहे! एकीकडे एवढ्या वयातही ही आजी कोणासमोर हात न पसरता कष्टाने आणि स्वाभिमानाने जगत आहे, तर दुसरीकडे अनेक तरुण छोट्या-मोठ्या कामाला कमीपणा समजतात. पार्वती आजींची जिद्द आपल्याला एकच संदेश देते कोणतेही काम लहान नसते आणि परिस्थिती कितीही कठीण असली तरी हार मानायची नसते! पार्वती श्रीमंत कांते आजींच्या संघर्षाला सलाम! त्यांची जगण्याची ही धडपड अनेकांसाठी निश्चितच कौतुकास्पद आणि प्रेरणादायी आहे