ଅନୁଗୁଳ ଜିଲ୍ଲାର ସୁଦ୍ର ଗ୍ରାମରେ ବର୍ଷା, ପବନ ସହିତ କୁଆପଥର ବର୍ଷା ହୋଇଛି। ଏହି ସମୟରେ ବିଜୁଳିର ପ୍ରକୋପ ମଧ୍ୟ ଦେଖିବାକୁ ମିଳିଛି।

ଅନୁଗୁଳ ଜିଲ୍ଲାର ସୁଦ୍ର ଗ୍ରାମରେ ବର୍ଷା, ପବନ ସହିତ କୁଆପଥର ବର୍ଷା ହୋଇଛି। ଏହି ସମୟରେ ବିଜୁଳିର ପ୍ରକୋପ ମଧ୍ୟ ଦେଖିବାକୁ ମିଳିଛି।

ଢେଙ୍କାନାଳ ଜିଲ୍ଲା ହିନ୍ଦୋଳ ଫରେଷ୍ଟ ରେଞ୍ଜ ଅନ୍ତର୍ଗତ ମଧୁପୁର ଗାଁର ଏକ ପୋଖରୀରେ ଏକ ହାତୀ ଦଳ ଦେଖିବାକୁ ମିଳିଛି। ଜଙ୍ଗଲୀ ହାତୀମାନେ ପାଣି ପିଇବା ସହ ଦୀର୍ଘ ସମୟ ଧରି ଜଳକ୍ରୀଡ଼ା କରିଥିଲେ। ଏହି ଦୃଶ୍ୟ ଦେଖି ଗାଁ ଲୋକେ ବେଶ ଭୟଭୀତ ହୋଇପଡ଼ିଛନ୍ତି।

ଢେଙ୍କାନାଳରେ ବିଜୁ ଜନତା ପକ୍ଷରୁ ବାଜି ଚୌକରୁ ଏକ ବିରାଟ ଶୋଭାଯାତ୍ରା ଆରମ୍ଭ ହୋଇଥିଲା। ଏହି ଶୋଭାଯାତ୍ରା ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲା। ଉକ୍ତ ଶୋଭାଯାତ୍ରାରେ ବିଜୁ ଜନତା ମହିଳା ନେତ୍ରୀ ସୈଂହାଙ୍ଗୀ ନି ଛରିଆ ଅଂଶଗ୍ରହଣ କରିଥିଲେ।

ଢେଙ୍କାନାଳରେ ବିଜୁ ଜନତା ତରଫରୁ ବାଜି ଚୌକରୁ ଏକ ବିରାଟ ଶୋଭାଯାତ୍ରା ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲା। ଏହି ଶୋଭାଯାତ୍ରାରେ ବିଜୁ ଜନତା ମହିଳା ନେତ୍ରୀ ସୈଂହାଙ୍ଗୀ ନି ଛରିଆ ଅଂଶଗ୍ରହଣ କରିଥିଲେ।

ଢେଙ୍କାନାଳ ସଦର ଥାନା ଅନ୍ତର୍ଗତ ଭାପୁର ଅଞ୍ଚଳରେ ଜଣେ ଯୁବତୀଙ୍କୁ ହତ୍ୟା ଉଦ୍ୟମ ଘଟଣାର ସଫଳ ପର୍ଦାଫାସ କରିଛି ଢେଙ୍କାନାଳ ପୋଲିସ। ଗତ ୨୭ ଏପ୍ରିଲ ୨୦୨୬ ତାରିଖରେ ଏହି ଘଟଣା ଘଟିଥିଲା, ଯେତେବେଳେ ଜଣେ ଯୁବତୀ ଗାଧୋଉଥିବା ସମୟରେ ତାଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିଲା। ଏହି ଆକ୍ରମଣରେ ପୀଡିତାଙ୍କ ମୁହଁରେ ଗୁରୁତର ଆଘାତ ଲାଗିଥିବା ବେଳେ ଘଟଣାକୁ ନେଇ ସମଗ୍ର ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଥିଲା। ଏହି ଘଟଣାକୁ ଗୁରୁତ୍ୱର ସହ ନେଇ ସଦର ଥାନା ପୋଲିସ ସଦର ପିଏସ୍ କେସ୍ ନମ୍ବର ୩୬୨, ତାରିଖ ୨୭.୦୪.୨୦୨୬ ଅନୁଯାୟୀ ଭାରତୀୟ ନ୍ୟାୟ ସଂହିତାର ବିଭିନ୍ନ ଧାରାରେ ମାମଲା ରୁଜୁ କରିଥିଲା। ପରେ ପୋଲିସ ତଦନ୍ତକୁ ତ୍ୱରାନ୍ୱିତ କରି ବୈଷୟିକ ପ୍ରମାଣ, ସ୍ଥାନୀୟ ସାକ୍ଷୀଙ୍କ ବୟାନ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସୂତ୍ର ସଂଗ୍ରହ କରିଥିଲା। ଏହି ତଦନ୍ତ ପରେ ବିଶ୍ୱସନୀୟ ସୂଚନା ଆଧାରରେ ଭାପୁର ଅଞ୍ଚଳର ଅଭିଯୁକ୍ତ ସୁକୁଟା ନାଏକଙ୍କୁ ଗିରଫ କରାଯାଇଥିବା ବେଳେ ତାଙ୍କୁ କୋର୍ଟ ଚାଲାଣ ମଧ୍ୟ କରାଯାଇଛି।

ଢେଙ୍କାନାଳ ଜିଲ୍ଲା ଓଡ଼ପଡ଼ା ବ୍ଲକର ଇନ୍ଦିପୁର ଗ୍ରାମପଞ୍ଚାୟତ ଅନ୍ତର୍ଗତ ପାଳସୁଧା ଗ୍ରାମ ନିକଟରେ ନିର୍ମାଣାଧୀନ ଏକ ଅମୃତ ସରବରରୁ ମାଟି ଚୋରୀ ହେଉଥିବା ଅଭିଯୋଗ ହୋଇଛି। ପ୍ରାୟ ୧୦ ଲକ୍ଷ ଟଙ୍କା ବ୍ୟୟରେ ଏହି ସରବର ଖୋଳା ଯାଇଥିଲା, କିନ୍ତୁ କୌଣସି କାରଣରୁ ଏହାର କାର୍ଯ୍ୟ ଅଧାରେ ବନ୍ଦ ରହିଛି। ସ୍ଥାନୀୟ ବାସିନ୍ଦାମାନେ ଅଭିଯୋଗ କରିଛନ୍ତି ଯେ, ଗତ କିଛିଦିନ ହେବ ରାତି ଅଧିଆ ମେସିନ୍ ସାହାଯ୍ୟରେ ଏହି ଅମୃତ ସରବରରୁ ମାଟି ଚୋରୀ ହେଉଛି। ଗ୍ରାମବାସୀମାନେ ଏହି ମାଟି ଚୋରୀ ସମ୍ପର୍କରେ ବ୍ଲକ ପ୍ରଶାସନକୁ ଜଣାଇଥିବା ପ୍ରକାଶ କରିଛନ୍ତି। ସେମାନେ ତୁରନ୍ତ ଏହି ଘଟଣାର ତଦନ୍ତ କରିବା ସହିତ ଦୋଷୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି।

ଦେବଗଡ଼ ଜିଲ୍ଲାର ବାରକୋଟ ବ୍ଲକସ୍ଥିତ କଲା ଗ୍ରାମପଞ୍ଚାୟତ ସମିତି ସମ୍ମିଳନୀ କକ୍ଷଠାରେ ମେ ୨୫, ୨୦୨୬ ରେ ଜିଲ୍ଲାପାଳଙ୍କ ମିଳିତ ଜନ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରେ ଜିଲ୍ଲାପାଳ କବିନ୍ଦ୍ର କୁମାର ସାହୁ ଯୋଗଦେଇ ମୋଟ ୬୦ଟି ଅଭିଯୋଗ ଗ୍ରହଣ କରିଥିଲେ। ଗ୍ରହଣ କରାଯାଇଥିବା ଅଭିଯୋଗ ମଧ୍ୟରୁ ୩୪ଟି ବ୍ୟକ୍ତିଗତ ଏବଂ ୨୬ଟି ସାମୁହିକ ପ୍ରକାରର ଥିଲା। ମୁଖ୍ୟତଃ ପାନୀୟ ଜଳ, ସୁଭଦ୍ରା ଯୋଜନା, ୦.୦୪ ଘରବାରି ପଟ୍ଟା, ସି.ସି ରୋଡ଼ ଏବଂ ଷ୍ଟ୍ରିଟ୍ ଲାଇଟ୍‌ର ଉନ୍ନତିକରଣ ଭଳି ପ୍ରମୁଖ ବିଷୟରେ ଅଭିଯୋଗ ହୋଇଥିଲା। ଅଭିଯୋଗଗୁଡ଼ିକ ଶୁଣିବା ପରେ ଜିଲ୍ଲାପାଳ କବିନ୍ଦ୍ର କୁମାର ସାହୁ ବିଭାଗୀୟ ଅଧିକାରୀମାନଙ୍କୁ ଆବଶ୍ୟକ ପଦକ୍ଷେପ ନେବା ସହ ତୁରନ୍ତ ସମାଧାନ କରିବାକୁ ନିର୍ଦ୍ଦେଶ ଦେଇଥିଲେ। ଏହି ଶିବିରରେ ଉପଜିଲ୍ଲାପାଳ ପରିକ୍ଷିତ ସାହୁ, ଏସିଏଫ୍ ଅରୁଣ କୁମାର ବେହେରା, ଡେପୁଟି କଲେକ୍ଟର ଅଞ୍ଜୁନି କୁଜୁର, ଜିଲ୍ଲା ପଞ୍ଚାୟତ ଅଧିକାରୀ ହେମନ୍ତ କୁମାର ସିଂ, ଗୋଷ୍ଠୀ ଉନ୍ନୟନ ଅଧିକାରୀ ସୂର୍ଯ୍ୟକାନ୍ତ ବରିହା ଏବଂ ତହସିଲଦାର ରବୀନ୍ଦ୍ର ସାମଲଙ୍କ ସମେତ ବିଭିନ୍ନ ବିଭାଗର ସମସ୍ତ ଜିଲ୍ଲାସ୍ତରୀୟ ଅଧିକାରୀମାନେ ଉପସ୍ଥିତ ଥିଲେ।

ଅନୁଗୁଳ ଜିଲ୍ଲାର ସୁଦ୍ରା ଗ୍ରାମରେ ଅପରାହ୍ନ ୨ଟାରୁ ୨ଟା ୨୫ ପର୍ଯ୍ୟନ୍ତ ପ୍ରବଳ କୁଆପଥର ବର୍ଷା ହୋଇଥିଲା। ଏହି ସମୟରେ ଗ୍ରାମରେ କୁଆପଥର ବର୍ଷା ସହିତ ଘଡ଼ଘଡ଼ି ମଧ୍ୟ ଦେଖିବାକୁ ମିଳିଥିଲା।