सोलापूर जिल्ह्याचे जिल्हादंडाधिकारी कार्तिकेयन एस. (भा.प्र.से.) यांनी मोहरम सणाच्या पार्श्वभूमीवर सार्वजनिक कार्यक्रम आणि मिरवणुकांमध्ये डॉल्बी सिस्टीम तसेच लेझर लाईटच्या वापरास प्रतिबंध घालणारा आदेश जारी केला आहे. नागरिकांच्या आरोग्य व सुरक्षिततेस संभाव्य धोका निर्माण होण्याची शक्यता लक्षात घेऊन हा महत्त्वपूर्ण निर्णय घेण्यात आला आहे. भारतीय नागरिक सुरक्षा संहिता २०२३ च्या कलम १६३ (१) अन्वये हा आदेश लागू करण्यात आला आहे. त्यानुसार, १६ जून २०२६ ते २६ जून २०२६ या कालावधीत सोलापूर जिल्ह्यातील सर्व सार्वजनिक उत्सव मंडळांकडून आयोजित कार्यक्रम व मिरवणुकांमध्ये डॉल्बी सिस्टीम आणि लेझर लाईट शो/वापरास पूर्णपणे बंदी राहणार आहे. मोठ्या आवाजातील डॉल्बी सिस्टीममुळे काही नागरिकांना कान व छातीचे गंभीर त्रास होऊ शकतात, तर लेझर लाईटमुळे विशेषतः लहान मुले आणि ज्येष्ठ नागरिकांच्या डोळ्यांना इजा होण्याची शक्यता असते. याबाबत विविध सामाजिक संघटना आणि नागरिकांकडून प्रशासनाकडे निवेदने प्राप्त झाली होती. सार्वजनिक सुव्यवस्था, नागरिकांची सुरक्षितता आणि आरोग्याच्या दृष्टीने हा निर्णय घेण्यात आला असून, आदेशाचे उल्लंघन करणाऱ्या कोणत्याही व्यक्तीवर कायदेशीर व फौजदारी कारवाई करण्यात येईल, अशी ताकीद जिल्हाधिकाऱ्यांनी दिली आहे.

Solapur News

सोलापूर उत्तर, सोलापूर, महाराष्ट्र•

8 hrs ago

सोलापूर जिल्ह्याचे जिल्हादंडाधिकारी कार्तिकेयन एस. (भा.प्र.से.) यांनी मोहरम सणाच्या पार्श्वभूमीवर सार्वजनिक कार्यक्रम आणि मिरवणुकांमध्ये डॉल्बी सिस्टीम तसेच लेझर लाईटच्या वापरास प्रतिबंध घालणारा आदेश जारी केला आहे. नागरिकांच्या आरोग्य व सुरक्षिततेस संभाव्य धोका निर्माण होण्याची शक्यता लक्षात घेऊन हा महत्त्वपूर्ण निर्णय घेण्यात आला आहे. भारतीय नागरिक सुरक्षा संहिता २०२३ च्या कलम १६३ (१) अन्वये हा आदेश लागू करण्यात आला आहे. त्यानुसार, १६ जून २०२६ ते २६ जून २०२६ या कालावधीत सोलापूर जिल्ह्यातील सर्व सार्वजनिक उत्सव मंडळांकडून आयोजित कार्यक्रम व मिरवणुकांमध्ये डॉल्बी सिस्टीम आणि लेझर लाईट शो/वापरास पूर्णपणे बंदी राहणार आहे. मोठ्या आवाजातील डॉल्बी सिस्टीममुळे काही नागरिकांना कान व छातीचे गंभीर त्रास होऊ शकतात, तर लेझर लाईटमुळे विशेषतः लहान मुले आणि ज्येष्ठ नागरिकांच्या डोळ्यांना इजा होण्याची शक्यता असते. याबाबत विविध सामाजिक संघटना आणि नागरिकांकडून प्रशासनाकडे निवेदने प्राप्त झाली होती. सार्वजनिक सुव्यवस्था, नागरिकांची सुरक्षितता आणि आरोग्याच्या दृष्टीने हा निर्णय घेण्यात आला असून, आदेशाचे उल्लंघन करणाऱ्या कोणत्याही व्यक्तीवर कायदेशीर व फौजदारी कारवाई करण्यात येईल, अशी ताकीद जिल्हाधिकाऱ्यांनी दिली आहे.