संयुक्त राष्ट्रसंघाने घोषित केलेल्या आंतरराष्ट्रीय विधवा दिनाच्या पार्श्वभूमीवर, महाराष्ट्र शासनाच्या वतीने मंगळवार, २३ जून २०२६ रोजी राज्यभरात 'एकल महिला दिवस' साजरा करण्यात येणार आहे. साऊ एकल महिला समितीचे बीड जिल्हा समन्वयक आणि लेक लाडकी अभियानाचे श्री. बाजीराव नवनाथ ढाकणे यांनी बीड जिल्हा प्रशासनाकडे जिल्ह्यातील सर्व ग्रामपंचायती, नगरपंचायती, नगरपालिका आणि जिल्हा परिषद स्तरावर यासंदर्भात व्यापक कार्यक्रमांचे आयोजन करण्याची मागणी केली आहे. ढाकणे यांनी नमूद केले की, राज्य महिला व बालविकास विभाग एकल महिला धोरण तयार करण्याच्या प्रक्रियेत असताना, हा दिवस केवळ औपचारिक कार्यक्रम न ठरता एकल महिलांच्या समस्या जाणून घेण्याचा आणि त्यांच्या न्याय्य मागण्या शासनापर्यंत पोहोचवण्याचा एक प्रभावी उपक्रम ठरावा. त्यांनी बीड जिल्ह्यातील प्रत्येक ग्रामपंचायत, नगरपालिका आणि स्थानिक स्वराज्य संस्थांना आवाहन केले आहे की, त्यांनी आपल्या कार्यक्षेत्रातील सर्व विधवा, परित्यक्ता, घटस्फोटित, अविवाहित, निराधार व इतर एकल महिलांना सन्मानपूर्वक निमंत्रित करून त्यांचा सत्कार करावा. या महिलांच्या अडचणी, अपेक्षा आणि विविध शासकीय योजनांबाबतच्या समस्या लेखी स्वरूपात नोंदवून त्या एकत्रित करून जिल्हा परिषदेच्या मुख्य कार्यकारी अधिकाऱ्यांकडे सादर कराव्यात, जेणेकरून त्या प्रभावीपणे शासनापर्यंत पोहोचू शकतील. एकल महिलांना सामाजिक सन्मान, आर्थिक स्वावलंबन, सुरक्षितता, निवारा, आरोग्य, शिक्षण, रोजगार आणि शासकीय योजनांचा लाभ सहज उपलब्ध करून देण्यासाठी स्थानिक प्रशासनाने विशेष मोहीम राबविणे आवश्यक असल्याचेही ढाकणे यांनी अधोरेखित केले. 'एकल महिला दिवस' हा एकल महिलांच्या सन्मानाचा आणि त्यांच्या हक्कांविषयी समाजात सकारात्मक जनजागृती घडवून आणण्याचा महत्त्वपूर्ण उपक्रम ठरेल, असा विश्वास व्यक्त करत त्यांनी बीड जिल्ह्यातील सर्व संबंधित यंत्रणांना या उपक्रमात सक्रिय सहभाग घेऊन तो यशस्वी करण्याचे आवाहन केले आहे.

बालाजी जगतकर

Farmer बीड, बीड, महाराष्ट्र•

1 hr ago

संयुक्त राष्ट्रसंघाने घोषित केलेल्या आंतरराष्ट्रीय विधवा दिनाच्या पार्श्वभूमीवर, महाराष्ट्र शासनाच्या वतीने मंगळवार, २३ जून २०२६ रोजी राज्यभरात 'एकल महिला दिवस' साजरा करण्यात येणार आहे. साऊ एकल महिला समितीचे बीड जिल्हा समन्वयक आणि लेक लाडकी अभियानाचे श्री. बाजीराव नवनाथ ढाकणे यांनी बीड जिल्हा प्रशासनाकडे जिल्ह्यातील सर्व ग्रामपंचायती, नगरपंचायती, नगरपालिका आणि जिल्हा परिषद स्तरावर यासंदर्भात व्यापक कार्यक्रमांचे आयोजन करण्याची मागणी केली आहे. ढाकणे यांनी नमूद केले की, राज्य महिला व बालविकास विभाग एकल महिला धोरण तयार करण्याच्या प्रक्रियेत असताना, हा दिवस केवळ औपचारिक कार्यक्रम न ठरता एकल महिलांच्या समस्या जाणून घेण्याचा आणि त्यांच्या न्याय्य मागण्या शासनापर्यंत पोहोचवण्याचा एक प्रभावी उपक्रम ठरावा. त्यांनी बीड जिल्ह्यातील प्रत्येक ग्रामपंचायत, नगरपालिका आणि स्थानिक स्वराज्य संस्थांना आवाहन केले आहे की, त्यांनी आपल्या कार्यक्षेत्रातील सर्व विधवा, परित्यक्ता, घटस्फोटित, अविवाहित, निराधार व इतर एकल महिलांना सन्मानपूर्वक निमंत्रित करून त्यांचा सत्कार करावा. या महिलांच्या अडचणी, अपेक्षा आणि विविध शासकीय योजनांबाबतच्या समस्या लेखी स्वरूपात नोंदवून त्या एकत्रित करून जिल्हा परिषदेच्या मुख्य कार्यकारी अधिकाऱ्यांकडे सादर कराव्यात, जेणेकरून त्या प्रभावीपणे शासनापर्यंत पोहोचू शकतील. एकल महिलांना सामाजिक सन्मान, आर्थिक स्वावलंबन, सुरक्षितता, निवारा, आरोग्य, शिक्षण, रोजगार आणि शासकीय योजनांचा लाभ सहज उपलब्ध करून देण्यासाठी स्थानिक प्रशासनाने विशेष मोहीम राबविणे आवश्यक असल्याचेही ढाकणे यांनी अधोरेखित केले. 'एकल महिला दिवस' हा एकल महिलांच्या सन्मानाचा आणि त्यांच्या हक्कांविषयी समाजात सकारात्मक जनजागृती घडवून आणण्याचा महत्त्वपूर्ण उपक्रम ठरेल, असा विश्वास व्यक्त करत त्यांनी बीड जिल्ह्यातील सर्व संबंधित यंत्रणांना या उपक्रमात सक्रिय सहभाग घेऊन तो यशस्वी करण्याचे आवाहन केले आहे.