दिनांक २७ जून २०२६ रोजी मंठा तालुक्यातील नायगाव येथे रयत शेतकरी गटाच्या सर्व चौदा सदस्यांनी 'एक पेड माँ के नाम' या अभिनव उपक्रमांतर्गत आपल्या आईच्या सन्मानार्थ प्रत्येकी दोन याप्रमाणे एकूण २८ आंब्याच्या रोपांची लागवड केली. यावेळी त्यांनी या रोपांना संरक्षणासाठी कुंपणही उभारले आणि वृक्षसंवर्धन व पर्यावरण संरक्षणाची सामूहिक शपथ घेतली. या उपक्रमाचे निमंत्रक अविनाश राठोड यांनी वृक्षांचे पर्यावरणीय महत्त्व स्पष्ट करताना सांगितले की, मानवाचे दीर्घायुष्य, पृथ्वीचे पर्यावरणीय संतुलन आणि भावी पिढ्यांचे सुरक्षित भविष्य यासाठी वृक्षलागवड व त्यांचे संवर्धन अत्यंत आवश्यक आहे. त्यांनी नायगाव, दहिफळ खंदारे आणि गारटेकी येथील रयत शेतकरी गटातील सदस्यांना आपापल्या गावातही 'एक पेड माँ के नाम' अभियान राबवून लावलेल्या वृक्षांचे संरक्षण व संगोपन करण्याचे आवाहन केले. वृक्षांपासून ऑक्सिजन, औषधी, फळे, सावली, पाणी संवर्धन, सेंद्रिय खत तसेच जमिनीची धूप रोखण्यास मदत मिळते, हे त्यांनी अधोरेखित केले. त्यामुळे प्रत्येक नागरिकाने किमान एक तरी वृक्ष लावून त्याचे संवर्धन करावे, असेही त्यांनी यावेळी सांगितले. या कार्यक्रमास गजानन फुफाटे, समाधान देशमुख, पवन खंदारे, चेतन जाधव, वैभव देशमुख, गौतम दाहिजे, विजय जाधव, प्रकाश दाहिजे, गोविंद सानप, विकी चव्हाण, कृष्णा कोकाटे, शंकर कोकाटे, भरत राठोड यांच्यासह रयत शेतकरी गटाचे सर्व सदस्य उपस्थित होते.

AJINKYA S DAWANE

मंठा, जालना, महाराष्ट्र•

1 hr ago

दिनांक २७ जून २०२६ रोजी मंठा तालुक्यातील नायगाव येथे रयत शेतकरी गटाच्या सर्व चौदा सदस्यांनी 'एक पेड माँ के नाम' या अभिनव उपक्रमांतर्गत आपल्या आईच्या सन्मानार्थ प्रत्येकी दोन याप्रमाणे एकूण २८ आंब्याच्या रोपांची लागवड केली. यावेळी त्यांनी या रोपांना संरक्षणासाठी कुंपणही उभारले आणि वृक्षसंवर्धन व पर्यावरण संरक्षणाची सामूहिक शपथ घेतली. या उपक्रमाचे निमंत्रक अविनाश राठोड यांनी वृक्षांचे पर्यावरणीय महत्त्व स्पष्ट करताना सांगितले की, मानवाचे दीर्घायुष्य, पृथ्वीचे पर्यावरणीय संतुलन आणि भावी पिढ्यांचे सुरक्षित भविष्य यासाठी वृक्षलागवड व त्यांचे संवर्धन अत्यंत आवश्यक आहे. त्यांनी नायगाव, दहिफळ खंदारे आणि गारटेकी येथील रयत शेतकरी गटातील सदस्यांना आपापल्या गावातही 'एक पेड माँ के नाम' अभियान राबवून लावलेल्या वृक्षांचे संरक्षण व संगोपन करण्याचे आवाहन केले. वृक्षांपासून ऑक्सिजन, औषधी, फळे, सावली, पाणी संवर्धन, सेंद्रिय खत तसेच जमिनीची धूप रोखण्यास मदत मिळते, हे त्यांनी अधोरेखित केले. त्यामुळे प्रत्येक नागरिकाने किमान एक तरी वृक्ष लावून त्याचे संवर्धन करावे, असेही त्यांनी यावेळी सांगितले. या कार्यक्रमास गजानन फुफाटे, समाधान देशमुख, पवन खंदारे, चेतन जाधव, वैभव देशमुख, गौतम दाहिजे, विजय जाधव, प्रकाश दाहिजे, गोविंद सानप, विकी चव्हाण, कृष्णा कोकाटे, शंकर कोकाटे, भरत राठोड यांच्यासह रयत शेतकरी गटाचे सर्व सदस्य उपस्थित होते.