छत्रपती संभाजीनगर जिल्ह्यात रविवारी विवाहमांडवा-चौंडाळा मार्गावर एक भीषण अपघात घडला. येथे पिकअप वाहन आणि दुचाकीची समोरासमोर जोरदार धडक झाली, ज्यात एकाच कुटुंबातील चौघांचा जागीच मृत्यू झाला. या हृदयद्रावक घटनेमुळे संपूर्ण परिसरात शोककळा पसरली आहे. मिळालेल्या माहितीनुसार, पाचोड येथील आठवडी बाजार करून चव्हाण कुटुंब आपल्या दुचाकीवरून (एमएच २० एफडब्ल्यू ५२२६) खंडाळा येथील पारधी वस्तीकडे परतत होते. याचवेळी विवाहमांडवा-चौंडाळा रोडवर समोरून भरधाव वेगाने येणाऱ्या पिकअप वाहनाने (एमएच २० ईएल ८०३०) त्यांच्या दुचाकीला जोरदार धडक दिली. हा अपघात इतका भीषण होता की दुचाकीवरील एकाच कुटुंबातील चौघांचा जागीच मृत्यू झाला. मृतांमध्ये पती, पत्नी आणि दोन लहान मुलांचा समावेश असल्याची प्राथमिक माहिती समोर आली असून, त्यांची अधिकृत ओळख अद्याप जाहीर करण्यात आलेली नाही. अपघातानंतर पिकअप चालकाने आपले वाहन घटनास्थळीच सोडून पळ काढला. घटनेची माहिती मिळताच स्थानिक नागरिकांनी घटनास्थळी धाव घेत मदतकार्य सुरू केले, मात्र धडक इतकी तीव्र असल्याने चौघांचाही जागीच मृत्यू झाला होता. पाचोड पोलिसांनी घटनास्थळी येऊन पंचनामा केला असून, मृतदेह शवविच्छेदनासाठी पाठविण्यात आले आहेत. अपघाताचे नेमके कारण अद्याप स्पष्ट झालेले नाही. फरार चालकाचा शोध सुरू असून, पाचोड पोलीस या प्रकरणाचा पुढील तपास करत आहेत. या हृदयद्रावक घटनेमुळे पैठण तालुक्यासह संपूर्ण छत्रपती संभाजीनगर जिल्ह्यात हळहळ व्यक्त होत आहे.

पत्रकार ओमप्रकाश उढाण

घनसावंगी, जालना, महाराष्ट्र•

3 hrs ago

छत्रपती संभाजीनगर जिल्ह्यात रविवारी विवाहमांडवा-चौंडाळा मार्गावर एक भीषण अपघात घडला. येथे पिकअप वाहन आणि दुचाकीची समोरासमोर जोरदार धडक झाली, ज्यात एकाच कुटुंबातील चौघांचा जागीच मृत्यू झाला. या हृदयद्रावक घटनेमुळे संपूर्ण परिसरात शोककळा पसरली आहे. मिळालेल्या माहितीनुसार, पाचोड येथील आठवडी बाजार करून चव्हाण कुटुंब आपल्या दुचाकीवरून (एमएच २० एफडब्ल्यू ५२२६) खंडाळा येथील पारधी वस्तीकडे परतत होते. याचवेळी विवाहमांडवा-चौंडाळा रोडवर समोरून भरधाव वेगाने येणाऱ्या पिकअप वाहनाने (एमएच २० ईएल ८०३०) त्यांच्या दुचाकीला जोरदार धडक दिली. हा अपघात इतका भीषण होता की दुचाकीवरील एकाच कुटुंबातील चौघांचा जागीच मृत्यू झाला. मृतांमध्ये पती, पत्नी आणि दोन लहान मुलांचा समावेश असल्याची प्राथमिक माहिती समोर आली असून, त्यांची अधिकृत ओळख अद्याप जाहीर करण्यात आलेली नाही. अपघातानंतर पिकअप चालकाने आपले वाहन घटनास्थळीच सोडून पळ काढला. घटनेची माहिती मिळताच स्थानिक नागरिकांनी घटनास्थळी धाव घेत मदतकार्य सुरू केले, मात्र धडक इतकी तीव्र असल्याने चौघांचाही जागीच मृत्यू झाला होता. पाचोड पोलिसांनी घटनास्थळी येऊन पंचनामा केला असून, मृतदेह शवविच्छेदनासाठी पाठविण्यात आले आहेत. अपघाताचे नेमके कारण अद्याप स्पष्ट झालेले नाही. फरार चालकाचा शोध सुरू असून, पाचोड पोलीस या प्रकरणाचा पुढील तपास करत आहेत. या हृदयद्रावक घटनेमुळे पैठण तालुक्यासह संपूर्ण छत्रपती संभाजीनगर जिल्ह्यात हळहळ व्यक्त होत आहे.