Shuru
Apke Nagar Ki App…
వేములవాడ లయన్స్ క్లబ్ అధ్యక్షునిగా బచ్చు వంశీకృష్ణను నియమించారు. పట్టణంలోని మున్నూరు కాపు భవనంలో జరిగిన లయన్స్ క్లబ్ సమావేశంలో సీనియర్ లయన్ అనంతుల శివప్రసాద్ ఈ నియామకాన్ని ప్రకటించారు. వంశీకృష్ణతో పాటు ప్రధాన కార్యదర్శిగా కొమ్మ నటరాజ్, కోశాధికారిగా డాక్టర్ వినయ్లను నియమించారు. వీరితోపాటు 14 మంది డైరెక్టర్లను సైతం నియమిస్తూ ప్రకటన జారీ చేయగా, అనంతరం నూతనంగా నియమితులైన వారితో ప్రమాణ స్వీకారం చేయించారు. నూతనంగా ఎన్నికైన అధ్యక్షుడు బచ్చు వంశీకృష్ణ ఈ సందర్భంగా మాట్లాడుతూ, తనపై నమ్మకంతో లయన్స్ క్లబ్ అధ్యక్షునిగా నియామకానికి సహకరించిన సభ్యులందరికీ కృతజ్ఞతలు తెలిపారు. సభ్యులందరినీ ఏకతాటిపైకి తీసుకువచ్చి లయన్స్ క్లబ్ సేవలను మరింత విస్తృతపరుస్తామని ఆయన హామీ ఇచ్చారు. ప్రజలకు లయన్స్ క్లబ్ సేవలను విరివిగా అందించేందుకు కృషి చేస్తానని, పర్యావరణ రక్షణ కోసం ప్రత్యేక ప్రణాళికలు సిద్ధం చేస్తానని, అలాగే క్లబ్ సభ్యత్వం పెంచేందుకు కృషి చేస్తానని వంశీకృష్ణ వెల్లడించారు. ఈ కార్యక్రమంలో మాజీ అధ్యక్షులు డాక్టర్ చీకటి సంతోష్ కుమార్, తీగల వెంకటేశ్వరరావు, రాపెల్లి శ్రీధర్, మారం కుమార్, డాక్టర్ ఆనంద్ రెడ్డి, నగుబోతు రవీందర్, రాజేందర్, మోటూరి శ్రీనివాస్, జమీల్ అహ్మద్లతో పాటు సీనియర్ జర్నలిస్టులు, న్యాయవాదులు, పెద్ద సంఖ్యలో లయన్స్ క్లబ్ సభ్యులు పాల్గొన్నారు.
Gampa mahesh
వేములవాడ లయన్స్ క్లబ్ అధ్యక్షునిగా బచ్చు వంశీకృష్ణను నియమించారు. పట్టణంలోని మున్నూరు కాపు భవనంలో జరిగిన లయన్స్ క్లబ్ సమావేశంలో సీనియర్ లయన్ అనంతుల శివప్రసాద్ ఈ నియామకాన్ని ప్రకటించారు. వంశీకృష్ణతో పాటు ప్రధాన కార్యదర్శిగా కొమ్మ నటరాజ్, కోశాధికారిగా డాక్టర్ వినయ్లను నియమించారు. వీరితోపాటు 14 మంది డైరెక్టర్లను సైతం నియమిస్తూ ప్రకటన జారీ చేయగా, అనంతరం నూతనంగా నియమితులైన వారితో ప్రమాణ స్వీకారం చేయించారు. నూతనంగా ఎన్నికైన అధ్యక్షుడు బచ్చు వంశీకృష్ణ ఈ సందర్భంగా మాట్లాడుతూ, తనపై నమ్మకంతో లయన్స్ క్లబ్ అధ్యక్షునిగా నియామకానికి సహకరించిన సభ్యులందరికీ కృతజ్ఞతలు తెలిపారు. సభ్యులందరినీ ఏకతాటిపైకి తీసుకువచ్చి లయన్స్ క్లబ్ సేవలను మరింత విస్తృతపరుస్తామని ఆయన హామీ ఇచ్చారు. ప్రజలకు లయన్స్ క్లబ్ సేవలను విరివిగా అందించేందుకు కృషి చేస్తానని, పర్యావరణ రక్షణ కోసం ప్రత్యేక ప్రణాళికలు సిద్ధం చేస్తానని, అలాగే క్లబ్ సభ్యత్వం పెంచేందుకు కృషి చేస్తానని వంశీకృష్ణ వెల్లడించారు. ఈ కార్యక్రమంలో మాజీ అధ్యక్షులు డాక్టర్ చీకటి సంతోష్ కుమార్, తీగల వెంకటేశ్వరరావు, రాపెల్లి శ్రీధర్, మారం కుమార్, డాక్టర్ ఆనంద్ రెడ్డి, నగుబోతు రవీందర్, రాజేందర్, మోటూరి శ్రీనివాస్, జమీల్ అహ్మద్లతో పాటు సీనియర్ జర్నలిస్టులు, న్యాయవాదులు, పెద్ద సంఖ్యలో లయన్స్ క్లబ్ సభ్యులు పాల్గొన్నారు.
More news from తెలంగాణ and nearby areas
- రాజన్న సిరిసిల్ల జిల్లాలో ప్రభుత్వ ధాన్యం కొనుగోలు ప్రక్రియలో నకిలీ ట్రక్ చిట్లు సృష్టించి సుమారు ₹91 లక్షల ప్రభుత్వ నిధులను దుర్వినియోగం చేసిన Cr.No.351/2026 U/Sec. 61(2), 318(4), 316(2), 316(5) r/w 3(5) BNS కేసులో ఆరుగురు నిందితులను సిరిసిల్ల టౌన్ పోలీసులు అరెస్ట్ చేసినట్లు జిల్లా ఎస్పీ మహేష్ బి. గితే వెల్లడించారు. సిరిసిల్ల పట్టణంలోని పెద్దూర్ అపారెల్ పార్క్ గోదాంలో మేనేజర్గా పనిచేస్తున్న కరీంనగర్ నివాసి ఉత్కం విజయ్ (A1), అతనితో పనిచేస్తున్న వేములవాడ రూరల్ అచ్చనపల్లి గ్రామానికి చెందిన వాసాల గణేష్ (A5)తో కలిసి ఐకేపీ కేంద్రాల నుంచి ధాన్యం వచ్చినట్లు నకిలీ ట్రక్ షీట్లు తయారు చేశారు. ఈ మోసంలో భాగంగా రుద్రంగి ఐకేపీ కేంద్రం ఇన్చార్జ్ గడ్డం స్వామి (A3) రెండు లారీలకు నకిలీ ట్రక్ చీటీలు జారీ చేయగా, ఉత్కం విజయ్ వాటిని సివిల్ సప్లై వెబ్సైట్లో అప్లోడ్ చేసి నిధులను పంచుకున్నారు. అదేవిధంగా, డీఎంఓ కార్యాలయంలో మండల స్థాయి కో-ఆర్డినేటర్గా పనిచేస్తున్న కమ్మరి రాజశేఖర్ (A2), బద్దెనపల్లి పీఏసీఎస్ కేంద్రం ఇన్చార్జ్ గాజుల నవీన్ (A6)తో కలిసి ఒక లారీ ధాన్యానికి నకిలీ ట్రక్ చీటీ రూపొందించి ఉత్కం విజయ్కు అందించారు. అతను దాన్ని సివిల్ సప్లై వెబ్సైట్లో అప్లోడ్ చేయగా, రాజశేఖర్ ఆమోదం తెలిపారు. విడుదలైన నిధులను ముగ్గురు పంచుకున్నారు. అంతేకాకుండా, వివిధ ఐకేపీ కేంద్రాల నుంచి అపారెల్ పార్క్ గోదాంకు వచ్చిన 10 లారీల ధాన్యాన్ని గోదాంలో దించకుండా, ఆన్లైన్లో దించినట్లు నమోదు చేశారు. అనంతరం ఆ ధాన్యాన్ని వేములవాడకు చెందిన చెపూరి మధుకర్ (A4)కు అప్పగించగా, అతను సిద్ధిపేటకు చెందిన కమిషన్ ఏజెంట్ చిటుకుల శ్రీకాంత్ (A7) ద్వారా వివిధ రైస్ మిల్లులకు విక్రయించి వచ్చిన మొత్తాన్ని పరస్పరం పంచుకున్నారు. ఈ మోసాలను గుర్తించిన జిల్లా సివిల్ సప్లై మేనేజర్ ఎస్. నరసింహ సిరిసిల్ల పట్టణ పోలీస్ స్టేషన్లో ఫిర్యాదు చేయగా కేసు నమోదు చేసి డిఎస్పీ నాగేంద్రచారి ఆధ్వర్యంలో ప్రత్యేక బృందాన్ని ఏర్పాటు చేసి దర్యాప్తు చేపట్టారు. దర్యాప్తులో సుమారు ₹91 లక్షల ప్రభుత్వ నిధులు అక్రమంగా మళ్లించినట్లు తేలింది. నిందితులు ఉత్కం విజయ్ (A1), కమ్మరి రాజశేఖర్ (A2), చెపూరి మధుకర్ (A4), వాసాల గణేష్ (A5), గాజుల నవీన్లను ఈరోజు అరెస్ట్ చేసి వారి వద్ద నుంచి మొబైల్ ఫోన్లు, సంబంధిత పత్రాలు, ₹14,16,800 నగదు స్వాధీనం చేసుకున్నారు. వారి బ్యాంకు ఖాతాల్లో ఉన్న ₹46,21,358 మొత్తాన్ని ఫ్రీజ్ చేసి నిందితులను రిమాండ్కు తరలించారు. ఈ కేసులో మరింత దర్యాప్తు కొనసాగుతోందని జిల్లా ఎస్పీ సిరిసిల్ల పట్టణ పోలీస్ స్టేషన్లో ఏర్పాటు చేసిన మీడియా సమావేశంలో ఈ వివరాలను వెల్లడించారు.4Gampa mahesh
- శనివారం నాడు గంబీరావుపేట పోలీస్ స్టేషన్ పరిధిలోని "మా" అభాగ్యుల వృద్ధాశ్రమాన్ని జిల్లా ఎస్పీ మహేష్ బి.గితే సందర్శించారు. ఈ సందర్భంగా, ఎస్పీ వృద్ధాశ్రమంలో నివసిస్తున్న వృద్ధులతో ఆప్యాయంగా మాట్లాడి, వారి ఆరోగ్య పరిస్థితులు మరియు అవసరాలను అడిగి తెలుసుకున్నారు. అనంతరం, వృద్ధులకు పండ్లు, బియ్యం, కిరాణా సరుకులు, ఇతర నిత్యావసర వస్తువులను పంపిణీ చేశారు. ఈ పర్యటనలో ఎస్పీ వెంట డిఎస్పీ నాగేంద్రచారి, సి.ఐ వెంకటేష్, ఎస్.ఐ శ్రీకాంత్ మరియు వృద్ధాశ్రమ సభ్యులు ఉన్నారు. ఈ సందర్శనలో భాగంగా, ఎస్పీ మాట్లాడుతూ సమాజంలో వృద్ధులు, నిరాశ్రయులు, అనాథల సంక్షేమం పట్ల ప్రతి ఒక్కరూ బాధ్యతగా వ్యవహరించాలని సూచించారు. వృద్ధులకు సేవ చేయడం గొప్ప మానవతా ధర్మమని, వారికి అండగా నిలబడటం ప్రతి ఒక్కరి సామాజిక బాధ్యత అని ఆయన అన్నారు. అవసరమైన వారికి సేవలు అందించడంలో జిల్లా పోలీసు శాఖ ఎల్లప్పుడూ ముందుంటుందని మహేష్ బి.గితే స్పష్టం చేశారు, మానవతా సేవలో పోలీసు శాఖ యొక్క నిబద్ధతను తెలియజేశారు.4సిరిసిల్ల స్వరం
- రాజన్న సిరిసిల్ల జిల్లాలోని గర్జనపల్లి ప్రభుత్వ ఉన్నత పాఠశాల ఇంచార్జి ప్రధానోపాధ్యాయులు కులేరి ప్రేమ్ సాగర్, విద్యార్థుల్లో అభ్యసన సామర్థ్యాలను పెంపొందించడంలో బోధనోపకరణలు ఎంతో ఉపయోగపడతాయని స్పష్టం చేశారు. లెర్నింగ్ ఇంప్రూవ్మెంట్ ప్రోగ్రాం లో భాగంగా, అభ్యసన ప్రక్రియలో వెనకబడిన విద్యార్థులను గుర్తించి వారికి సులభరీతిలో బోధించడానికి వీలుగా, విద్యార్థులతో కలిసి బోధనోపకరణలను తయారు చేసినట్టు ఆయన తెలిపారు. ఇది రాజన్న సిరిసిల్ల జిల్లా ఉపాధ్యాయుల బోధనోపకరణల వర్క్ షాప్లో భాగంగా జరిగింది. ఈ కార్యక్రమంలో ఉపాధ్యాయులు మంజుల, శ్రీనివాస్, కవిత, కార్తీక్ లు పాల్గొన్నారు.2Sai
- కరీంనగర్ కిసానగర్ 29వ డివిజన్ కార్పొరేటర్ సోమిడి వేణు ప్రసాద్పై కిసానగర్లోని రమణయ్య టిఫిన్ సెంటర్ వద్ద కారుతో దాడి జరిగింది. మొన్న రాత్రి 11 గంటలకు రోడ్డుపై వెళ్తున్న సమయంలో ఒక్కసారిగా కారుతో దూసుకువచ్చి గుద్ది చంపే ప్రయత్నం చేశారని కార్పొరేటర్ సోమిడి వేణు ప్రసాద్ వివరించారు. ఈ ప్రమాదంలో ఆయన గాయపడ్డారు. అర్ధరాత్రి వేళ ఒక కార్పొరేటర్పైనే ఇలాంటి దాడి జరగడం స్థానికంగా తీవ్ర కలకలం రేపింది; అయితే, ఈ దాడి నుండి కార్పొరేటర్ ప్రాణాలతో బయటపడ్డారు.1OM NAMSHIVAYA
- కరీంనగర్ జిల్లా గన్నేరువరం మండలం జంగపల్లి గ్రామం వద్ద శనివారం అక్రమంగా ఇసుకను తరలిస్తున్న ఒక ట్రాక్టర్ను అధికారులు స్వాధీనం చేసుకున్నారు. తిమ్మాపూర్ మండలం రేణికుంట శివారులోని మోయతుమ్మెద వాగు నుంచి ఈ ఇసుకను తరలిస్తున్నట్లు గుర్తించారు. ఎస్ఐ నరేందర్రెడ్డి తెలిపిన వివరాల ప్రకారం, ఈ ఘటనకు సంబంధించి ట్రాక్టర్ డ్రైవర్, యజమానిపై కేసు నమోదు చేశారు. అక్రమ ఇసుక రవాణాపై కఠిన చర్యలు తీసుకుంటామని ఆయన ఈ సందర్భంగా హెచ్చరించారు.1Vodnala thirupthi
- కరీంనగర్ జిల్లా సెషన్ జడ్జి శివ కుమార్, రాజీ మార్గమే రాజ మార్గం అని పేర్కొంటూ, లోక్ అదాలత్ ద్వారా కక్షిదారులకు సత్వర న్యాయం జరుగుతుందని స్పష్టం చేశారు. కరీంనగర్ జిల్లా కేంద్రంలోని కోర్ట్ న్యాయ సేవ సదన్ హాల్లో నిర్వహించిన జాతీయ లోక్ అదాలత్ కార్యక్రమానికి ఆయన ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ, ప్రతి ఒక్కరూ తమ కేసులను త్వరగా రాజీ చేసుకోవడానికి లోక్ అదాలత్లో తమ పేర్లను నమోదు చేసుకుని సత్వర న్యాయం పొందాలని సూచించారు. కరీంనగర్ జిల్లాలో కరీంనగర్, హుజురాబాద్లలో కలిపి మొత్తం 12 బెంచ్లను ఏర్పాటు చేసినట్లు డిస్ట్రిక్ట్ సెషన్ జడ్జి శివ కుమార్ వివరించారు. జిల్లాలో మొత్తం 3 వేల పెండింగ్ కేసులను గుర్తించగా, వీటిలో ఇప్పటికే 2 వేలకు పైగా కేసులను పరిష్కరించినట్లు తెలిపారు. మిగిలిన కేసులను ఈ లోక్ అదాలత్ ద్వారా పరిష్కరించనున్నట్లు ఆయన పేర్కొన్నారు. సాయంత్రం వరకు వచ్చే వారి కేసులను పరిష్కరించడానికి బ్యాంకులు, ఫైనాన్స్, ఇతర సంస్థలు కూడా ఈ లోక్ అదాలత్లో పాల్గొని సహకరించనున్నట్లు ఆయన వెల్లడించారు. ఈ కార్యక్రమంలో అసిస్టెంట్ కమీషనర్ ఆఫ్ పోలీస్ శ్రీనివాస్, బార్ అసోసియేషన్ అధ్యక్షులు గడ్డం లక్ష్మణ్ తో పాటు ఇతర న్యాయవాదులు మరియు కక్షిదారులు పాల్గొన్నారు.1శాతవాహన కరీంనగర్
- మానకొండూర్ ఎమ్మెల్యే కవ్వంపల్లి సత్యనారాయణ బెజ్జంకి మండలంలోని దేవక్కపల్లి, పేర్కబండ, పోతారం గ్రామాల్లో పలు అభివృద్ధి పనులకు భూమిపూజ నిర్వహించారు. ఇందులో దేవక్కపల్లి, పేర్కబండ గ్రామాల్లో సీసీ రోడ్ల నిర్మాణం, పోతారం గ్రామంలో డ్రైనేజీ నిర్మాణ పనులు ఉన్నాయి. ఈ సందర్భంగా ఎమ్మెల్యే సత్యనారాయణ మాట్లాడుతూ, గ్రామీణ ప్రాంతాల సమగ్ర అభివృద్ధికి రాష్ట్ర ప్రభుత్వం కట్టుబడి పనిచేస్తోందని తెలిపారు. రహదారుల సమస్యలను దశలవారీగా పరిష్కరిస్తామని ఆయన పేర్కొన్నారు. రోడ్డు విస్తరణ కోసం భూమిని అందించిన దేవక్కపల్లి గ్రామ దాతలను ఈ సందర్భంగా ఆయన అభినందించారు. ఇందిరమ్మ ఇండ్ల తొలి విడతలో ఇళ్లు నిర్మించని 76 మంది స్థానంలో కొత్త లబ్ధిదారులను ఎంపిక చేసినట్లు ఎమ్మెల్యే వెల్లడించారు. ఎంపికైన వారికి సోమవారం ఎమ్మెల్యే క్యాంపు కార్యాలయంలో ధ్రువపత్రాలు అందజేయనున్నట్లు పేర్కొంటూ, వారు తప్పనిసరిగా హాజరుకావాలని సూచించారు. ఈ కార్యక్రమంలో కాంగ్రెస్ నాయకులు, ప్రజాప్రతినిధులు, అధికారులు పాల్గొన్నారు.4ప్రభాకర్
- రాజన్న సిరిసిల్ల జిల్లాలో ప్రభుత్వ ధాన్యం కొనుగోలు ప్రక్రియలో నకిలీ ట్రక్ షీట్లను సృష్టించి సుమారు ₹91 లక్షల ప్రభుత్వ నిధులను దుర్వినియోగం చేసిన కేసులో ఆరుగురు నిందితులను సిరిసిల్ల పట్టణ పోలీసులు అరెస్టు చేసినట్లు జిల్లా ఎస్పీ మహేష్ బి. గితే తెలిపారు. ఈ మేరకు ఆయన పట్టణ పోలీస్ స్టేషన్లో ఏర్పాటు చేసిన మీడియా సమావేశంలో వివరాలు వెల్లడించారు. ఈ మోసం మూడు ప్రధాన పద్ధతులలో జరిగింది. సిరిసిల్ల పట్టణంలోని పెద్దూర్ అపరెల్ పార్క్ గోదాంలో మేనేజర్గా పనిచేస్తున్న కరీంనగర్ నివాసి ఉత్కం విజయ్, అతని సహచరుడు వేములవాడ రూరల్, అచ్చనపల్లి గ్రామానికి చెందిన వాసాల గణేష్తో కలిసి ఐకేపీ కేంద్రాల నుంచి ధాన్యం వచ్చినట్లుగా నకిలీ ట్రక్ షీట్లను తయారు చేశారు. రుద్రంగి ఐకేపీ కేంద్రం ఇన్చార్జ్ గడ్డం స్వామి రెండు లారీలకు నకిలీ ట్రక్ షీట్లు జారీ చేయగా, వాటిని ఉత్కం విజయ్ సివిల్ సప్లై వెబ్సైట్లో అప్లోడ్ చేశారు. అనంతరం, నిందితులు నిధులను పంచుకున్నారు. అదేవిధంగా, డీఎంఓ కార్యాలయంలో మండల స్థాయి కో-ఆర్డినేటర్గా పనిచేస్తున్న కమ్మరి రాజశేఖర్, బద్దెనపల్లి పీఏసీఎస్ కేంద్రం ఇన్చార్జ్ గాజుల నవీన్తో కలిసి ఒక లారీ ధాన్యానికి నకిలీ ట్రక్ షీట్ రూపొందించి ఉత్కం విజయ్కు అందించారు. దీనిని వెబ్సైట్లో అప్లోడ్ చేసిన తర్వాత, రాజశేఖర్ ఆమోదం తెలపగా విడుదలైన నిధులను ముగ్గురు పంచుకున్నారు. ఇంకా, వివిధ ఐకేపీ కేంద్రాల నుంచి అపరెల్ పార్క్ గోదాముకు వచ్చిన 10 లారీల ధాన్యాన్ని గోదాంలో దించకుండా, ఆన్లైన్లో దించినట్లు నమోదు చేశారు. ఆ ధాన్యాన్ని వేములవాడకు చెందిన చెపూరి మధుకర్కు అప్పగించగా, అతను సిద్ధిపేటకు చెందిన కమిషన్ ఏజెంట్ చిటుకుల శ్రీకాంత్ ద్వారా వివిధ రైస్ మిల్లులకు విక్రయించి, వచ్చిన మొత్తాన్ని పరస్పరం పంచుకున్నారు. ఈ మోసాలను గుర్తించిన జిల్లా సివిల్ సప్లై మేనేజర్ ఎస్. నరసింహ సిరిసిల్ల పట్టణ పోలీస్ స్టేషన్లో ఫిర్యాదు చేయగా కేసు నమోదైంది. డీఎస్పీ నాగేంద్రచారి ఆధ్వర్యంలో ఏర్పాటు చేసిన స్పెషల్ టీమ్ దర్యాప్తు చేపట్టగా, సుమారు ₹91 లక్షల ప్రభుత్వ నిధులు అక్రమంగా మళ్లించినట్లు విచారణలో వెల్లడైంది. నిందితులు ఉత్కం విజయ్, కమ్మరి రాజశేఖర్, చెపూరి మధుకర్, వాసాల గణేష్, గాజుల నవీన్, గడ్డం స్వామిలను అరెస్టు చేసి, వారి వద్ద నుంచి మొబైల్ ఫోన్లు, సంబంధిత పత్రాలు, ₹14,16,800 నగదును స్వాధీనం చేసుకున్నారు. అదనంగా, ₹46,21,358 మొత్తాన్ని వారి బ్యాంకు ఖాతాల్లో సీజ్ చేసి, నిందితులను రిమాండ్కు తరలించారు. ఈ కేసులో మరింత దర్యాప్తు కొనసాగుతోందని ఎస్పీ స్పష్టం చేశారు.4సిరిసిల్ల స్వరం
