Post by Manik AIi

নৱগঠিত ২৭ নং ছমৰীয়া সমষ্টিৰ বিধায়ক ৰেকিবুদ্দিন আহমেদে বিধানসভাৰ মজিয়াত এক বলিষ্ঠ ভাষণ প্ৰদান কৰে। এই ভাষণৰ জৰিয়তে তেওঁ সোণতলী-বহৰি সংযোগী পকী দলং নিৰ্মাণৰ প্ৰসংগটো উত্থাপন কৰে। বিধায়কগৰাকীৰ এই পদক্ষেপক লৈ অঞ্চলটোৰ ৰাইজে বিশেষ সন্তোষ প্ৰকাশ কৰিছে।

দলগাওঁ বিধানসভা সমষ্টিৰ বিধায়ক মুজিবুৰ ৰহমানে বিধানসভাত এক গুৰুত্বপূৰ্ণ ভাষণ প্ৰদান কৰে। এই ভাষণৰ জৰিয়তে তেওঁ বিদেশীৰ নামত প্ৰকৃত ভাৰতীয় নাগৰিকসকলক কিয় হাৰাশাস্তি কৰা হয়, সেই বিষয়টো উত্থাপন কৰি প্ৰশ্ন তোলে।

অসমৰ ২০২৬-২৭ বৰ্ষৰ বাজেটখনক লৈ মন্ত্ৰী জয়ন্ত মল্লবৰুৱাক তীব্ৰ সমালোচনা কৰিছে অখিল গগৈয়ে। তেওঁ অভিযোগ কৰি কয় যে মন্ত্ৰী জয়ন্ত মল্লবৰুৱাৰ কোনো মৌলিকত্ব নাই আৰু ইয়াৰেই প্ৰতিফলন ঘটিছে ৰাজ্যৰ ২০২৬-২৭ বৰ্ষৰ অসম বাজেটখনত।

ৰাজস্থানত অনুষ্ঠিত মিচ টিন ৰয়েল ইণ্টাৰনেচনেল-২০২৬ৰ খিতাপ অৰ্জন কৰিবলৈ সক্ষম হোৱা ৰঙিয়াৰ সন্তান ৰিম্পী বড়ো নিজ গৃহভূমিত উপস্থিত হৈছে। নিজ গৃহভূমিত উপস্থিত হোৱাৰ পিছতে তেওঁ সংবাদ মাধ্যমক সম্বোধন কৰে আৰু এই গৌৰৱোজ্জ্বল সাফল্যক লৈ নিজৰ মনৰ অনুভৱ ব্যক্ত কৰে।

বৰপেটা জিলাত যাতে এক বিঘা চৰকাৰী ভূমিও বেদখলকাৰীৰ হাতত নাথাকে, তাৰ বাবে এগৰাকী খিলঞ্জীয়া যুৱকে আহ্বান জনাইছে।

দীৰ্ঘদিনীয়া অপেক্ষাৰ অন্ত পেলাই আজি মৰিগাঁও নগৰৰ মাজমজিয়াত নিৰ্মিত দৃষ্টিনন্দন ক্লক টাৱাৰ আৰু তৰুণৰাম ফুকন খেলপথাৰত গঢ়ি তোলা আধুনিক ৱাকিং জ'ন আনুষ্ঠানিকভাৱে উদ্বোধন কৰা হয়। নগৰখনৰ সৌন্দৰ্য বৃদ্ধি আৰু নাগৰিকসকলক উন্নত পৰিৱেশ প্ৰদান কৰাৰ লক্ষ্যৰে এই প্ৰকল্প দুটা নিৰ্মাণ কৰা হৈছে। আধুনিক স্থাপত্যশৈলীৰে নিৰ্মিত ক্লক টাৱাৰটোৱে ইতিমধ্যে চহৰখনৰ নতুন পৰিচয় হিচাপে আত্মপ্ৰকাশ কৰিছে আৰু ইয়াৰ আলোকসজ্জাই সকলোকে আকৰ্ষণ কৰিছে। তৰুণৰাম ফুকন খেলপথাৰত মুকলি কৰা ৱাকিং জ'নটোত খোজকঢ়াৰ সুন্দৰ পথ, বহাৰ ব্যৱস্থা আৰু সেউজীয়া পৰিৱেশৰ লগতে মনোৰম আলোকসজ্জাৰ ব্যৱস্থা কৰা হৈছে, যিয়ে ইয়াক এক স্বাস্থ্যসচেতন আৰু পৰিয়ালমুখী বিনোদন কেন্দ্ৰ হিচাপে গঢ়ি তুলিছে। উদ্বোধনী অনুষ্ঠানত উপস্থিত বিশিষ্ট অতিথিসকলে কয় যে এই উন্নয়নমূলক পদক্ষেপে মৰিগাঁও নগৰক অধিক সুন্দৰ আৰু আধুনিক হিচাপে প্ৰতিষ্ঠা কৰাত গুৰুত্বপূৰ্ণ ভূমিকা ল'ব। আগন্তুক দিনত এনে বহু জনকল্যাণমূলক প্ৰকল্পৰ জৰিয়তে নগৰখনক আদৰ্শ হিচাপে গঢ়ি তোলাৰ লক্ষ্য লোৱা হৈছে। উদ্বোধনৰ পিছতেই এই স্থান দুটাত শিশুৰ পৰা বয়োজ্যেষ্ঠলৈকে সকলো শ্ৰেণীৰ লোকৰ ব্যাপক সমাগম হোৱা পৰিলক্ষিত হয়। স্থানীয় বাসিন্দাসকলৰ লগতে দূৰ-দূৰণিৰ পৰা অহা লোকসকলে এই উন্নয়নক আদৰণি জনাইছে। এই প্ৰকল্পসমূহে কেৱল নগৰখনৰ সৌন্দৰ্যই বঢ়োৱা নাই, বৰং ভৱিষ্যতে পৰ্যটনৰ সম্ভাৱনাও উজ্জ্বল কৰি তুলিব বুলি সকলোৱে আশা প্ৰকাশ কৰিছে।

Post by Manik AIi