సర్వర్ మొరాయింపు.. రేషన్ బియ్యం కోసం ఇరవెండి గ్రామస్తుల పడిగాపులు ఇరవెండి, బూర్గంపహాడ్, ఆగస్టు 26: తెలంగాణ ప్రభుత్వం మూడు నెలల రేషన్ బియ్యాన్ని ఒకేసారి పంపిణీ చేస్తున్న నేపథ్యంలో సర్వర్ సమస్యతో ఇరవెండి గ్రామ పంచాయతీ పరిధిలోని లబ్ధిదారులు తీవ్ర ఇబ్బందులు ఎదుర్కొంటున్నారు. ఈ నెల 30వ తేదీ వరకు మాత్రమే బియ్యం పంపిణీకి గడువు ఉందని తెలియడంతో గ్రామస్తుల్లో ఆందోళన నెలకొంది. సర్వర్ పనిచేయక రేషన్ షాపు వద్ద లబ్ధిదారులు గంటల తరబడి వేచి ఉండాల్సి వస్తోంది. విషయం తెలుసుకున్న ఇరవెండి సర్పంచ్ గుండి బాబురావు, ఉప సర్పంచ్ మహంకాళి రామారావు వెంటనే బూర్గంపహాడ్ డిప్యూటీ తహసీల్దార్‌ను గ్రామానికి పిలిపించి రేషన్ షాపు వద్ద నెలకొన్న పరిస్థితిని వివరించారు. సర్వర్ సమస్యను ఉన్నతాధికారుల దృష్టికి తీసుకెళ్లి, రేషన్ బియ్యం పంపిణీ గడువును పొడిగించేలా చర్యలు తీసుకుంటామని డిప్యూటీ తహసీల్దార్ హామీ ఇచ్చారు. అర్హత ఉన్న ప్రతి లబ్ధిదారుడికి రేషన్ బియ్యం అందే వరకు పంపిణీ కొనసాగించాలని సర్పంచ్, ఉప సర్పంచ్‌లు అధికారులను కోరారు.

Ramprasad Pothuganti

Local News Reporter బుర్గుంపహాడ్, భద్రాద్రి కొత్తగూడెం, తెలంగాణ•

13 hrs ago

సర్వర్ మొరాయింపు.. రేషన్ బియ్యం కోసం ఇరవెండి గ్రామస్తుల పడిగాపులు ఇరవెండి, బూర్గంపహాడ్, ఆగస్టు 26: తెలంగాణ ప్రభుత్వం మూడు నెలల రేషన్ బియ్యాన్ని ఒకేసారి పంపిణీ చేస్తున్న నేపథ్యంలో సర్వర్ సమస్యతో ఇరవెండి గ్రామ పంచాయతీ పరిధిలోని లబ్ధిదారులు తీవ్ర ఇబ్బందులు ఎదుర్కొంటున్నారు. ఈ నెల 30వ తేదీ వరకు మాత్రమే బియ్యం పంపిణీకి గడువు ఉందని తెలియడంతో గ్రామస్తుల్లో ఆందోళన నెలకొంది. సర్వర్ పనిచేయక రేషన్ షాపు వద్ద లబ్ధిదారులు గంటల తరబడి వేచి ఉండాల్సి వస్తోంది. విషయం తెలుసుకున్న ఇరవెండి సర్పంచ్ గుండి బాబురావు, ఉప సర్పంచ్ మహంకాళి రామారావు వెంటనే బూర్గంపహాడ్ డిప్యూటీ తహసీల్దార్‌ను గ్రామానికి పిలిపించి రేషన్ షాపు వద్ద నెలకొన్న పరిస్థితిని వివరించారు. సర్వర్ సమస్యను ఉన్నతాధికారుల దృష్టికి తీసుకెళ్లి, రేషన్ బియ్యం పంపిణీ గడువును పొడిగించేలా చర్యలు తీసుకుంటామని డిప్యూటీ తహసీల్దార్ హామీ ఇచ్చారు. అర్హత ఉన్న ప్రతి లబ్ధిదారుడికి రేషన్ బియ్యం అందే వరకు పంపిణీ కొనసాగించాలని సర్పంచ్, ఉప సర్పంచ్‌లు అధికారులను కోరారు.