ପୁରୀରେ ବିଶ୍ୱପ୍ରସିଦ୍ଧ ଘୋଷଯାତ୍ରା ପାଇଁ ରଥ ନିର୍ମାଣ କାର୍ଯ୍ୟ ଜୋରସୋରରେ ଚାଲିଛି। ରଥଖଳାରେ ୨୦୪ ଜଣ ରଥ ନିର୍ମାଣକାରୀ ସେବକ ମହାରଣାଙ୍କ ତତ୍ତ୍ୱାବଧାନରେ ବିଭିନ୍ନ କାର୍ଯ୍ୟ କରୁଛନ୍ତି। ଏହି କାର୍ଯ୍ୟ ମଧ୍ୟରେ ତିନି ରଥର ଚେଚିସ୍ ବା ଦଣ୍ଡାଫ୍ରେମ୍ ନିର୍ମାଣ ସମ୍ପୂର୍ଣ୍ଣ ହୋଇଛି। ପାଞ୍ଚ ଦଣ୍ଡାରେ ମୁହାଁଟ, ସାଲଗୁଜ, ଜଳଯନ୍ତ୍ର ଓ କୋଣଗୁଜ ସଂଯୋଗ ପରେ କୁଡୁକା ଏବଂ ପାର୍ଶ୍ୱ ଦଣ୍ଡା ସଂଯୋଗ କାମ ଶେଷ ହୋଇଛି। ଖୁବଶୀଘ୍ର ନମ୍ବରିଂ କରାଯାଇ ଏହି ଦଣ୍ଡାଫ୍ରେମ୍‌ଗୁଡ଼ିକୁ ସାଇତା କରାଯିବ। ଏହା ସହିତ ତିନି ରଥର ନାଟଗୋଡ଼ ପଟାରେ ମୁଖସାଲ କାର୍ଯ୍ୟ ଆରମ୍ଭ ହୋଇଛି। ନନ୍ଦିଘୋଷ ଓ ତାଳଧ୍ୱଜ ରଥର ପୋଲ ଗୟଳର ଚଉପଟ କାମ ମଧ୍ୟ ଶେଷ ହୋଇଛି। ରୂପକାର ସେବକମାନେ ସିଂହାସନ ମୁହାଁଟରେ କୁମ୍ଭ, ଡାଳି ଓ ଲତାର ସୁନ୍ଦର ଖୋଦେଇ କାର୍ଯ୍ୟ ଜାରି ରଖିଛନ୍ତି। ଅନ୍ୟପଟେ, କରତୀ ସେବକମାନେ ଦର୍ପଦଳନ ରଥର ପୋଲ ଗୟଳ କାର୍ଯ୍ୟକୁ ଶେଷ ପର୍ଯ୍ୟାୟରେ ପହଞ୍ଚାଇଛନ୍ତି। ଦୋଳବେଦୀ କମାରଶାଳରେ ଓଝା ସେବକମାନେ ଦଣ୍ଡା କଣ୍ଟା, ଗୟଳ କଣ୍ଟା ଓ ପୋଟଳ କଣ୍ଟା ନିର୍ମାଣରେ ନିୟୋଜିତ ଥିବାବେଳେ, ପାହି ମହାରଣାମାନେ ଅଣସର ଓ ରଥଯାତ୍ରା ନୀତି ପାଇଁ ବିଭିନ୍ନ କାଠ ସରଞ୍ଜାମ ପ୍ରସ୍ତୁତ କରୁଛନ୍ତି।

Manoj kumar baliyarsingh

ସାମ୍ବାଦିକ ପୁରୀ (M), ପୁରୀ, ଓଡ଼ିଶା•

11 hrs ago

ପୁରୀରେ ବିଶ୍ୱପ୍ରସିଦ୍ଧ ଘୋଷଯାତ୍ରା ପାଇଁ ରଥ ନିର୍ମାଣ କାର୍ଯ୍ୟ ଜୋରସୋରରେ ଚାଲିଛି। ରଥଖଳାରେ ୨୦୪ ଜଣ ରଥ ନିର୍ମାଣକାରୀ ସେବକ ମହାରଣାଙ୍କ ତତ୍ତ୍ୱାବଧାନରେ ବିଭିନ୍ନ କାର୍ଯ୍ୟ କରୁଛନ୍ତି। ଏହି କାର୍ଯ୍ୟ ମଧ୍ୟରେ ତିନି ରଥର ଚେଚିସ୍ ବା ଦଣ୍ଡାଫ୍ରେମ୍ ନିର୍ମାଣ ସମ୍ପୂର୍ଣ୍ଣ ହୋଇଛି। ପାଞ୍ଚ

ଦଣ୍ଡାରେ ମୁହାଁଟ, ସାଲଗୁଜ, ଜଳଯନ୍ତ୍ର ଓ କୋଣଗୁଜ ସଂଯୋଗ ପରେ କୁଡୁକା ଏବଂ ପାର୍ଶ୍ୱ ଦଣ୍ଡା ସଂଯୋଗ କାମ ଶେଷ ହୋଇଛି। ଖୁବଶୀଘ୍ର ନମ୍ବରିଂ କରାଯାଇ ଏହି ଦଣ୍ଡାଫ୍ରେମ୍‌ଗୁଡ଼ିକୁ ସାଇତା କରାଯିବ। ଏହା ସହିତ ତିନି ରଥର ନାଟଗୋଡ଼ ପଟାରେ ମୁଖସାଲ କାର୍ଯ୍ୟ ଆରମ୍ଭ

ହୋଇଛି। ନନ୍ଦିଘୋଷ ଓ ତାଳଧ୍ୱଜ ରଥର ପୋଲ ଗୟଳର ଚଉପଟ କାମ ମଧ୍ୟ ଶେଷ ହୋଇଛି। ରୂପକାର ସେବକମାନେ ସିଂହାସନ ମୁହାଁଟରେ କୁମ୍ଭ, ଡାଳି ଓ ଲତାର ସୁନ୍ଦର ଖୋଦେଇ କାର୍ଯ୍ୟ ଜାରି ରଖିଛନ୍ତି। ଅନ୍ୟପଟେ, କରତୀ ସେବକମାନେ ଦର୍ପଦଳନ ରଥର ପୋଲ ଗୟଳ

କାର୍ଯ୍ୟକୁ ଶେଷ ପର୍ଯ୍ୟାୟରେ ପହଞ୍ଚାଇଛନ୍ତି। ଦୋଳବେଦୀ କମାରଶାଳରେ ଓଝା ସେବକମାନେ ଦଣ୍ଡା କଣ୍ଟା, ଗୟଳ କଣ୍ଟା ଓ ପୋଟଳ କଣ୍ଟା ନିର୍ମାଣରେ ନିୟୋଜିତ ଥିବାବେଳେ, ପାହି ମହାରଣାମାନେ ଅଣସର ଓ ରଥଯାତ୍ରା ନୀତି ପାଇଁ ବିଭିନ୍ନ କାଠ ସରଞ୍ଜାମ ପ୍ରସ୍ତୁତ କରୁଛନ୍ତି।