అల్లూరి జిల్లాలోని డుంబ్రిగూడ మండల కేంద్రంలో జరిగిన సిపిఎం మండల జనరల్ బాడీ సమావేశంలో సిపిఎం అల్లూరి జిల్లా ప్రధాన కార్యదర్శి పి. అప్పల నరస కేంద్ర, రాష్ట్ర ప్రభుత్వాలపై తీవ్ర విమర్శలు చేశారు. మోడీ, చంద్రబాబు ప్రభుత్వాలు ఆదివాసి గిరిజనులను అడవుల నుండి గెంటివేయడానికి కుట్ర పన్నుతున్నాయని, కార్పొరేట్ కంపెనీలతో కుమ్మకై ఆదివాసుల అడవులు, భూములు, సహజ వనరులను దోచుకోవడానికి ప్రయత్నిస్తున్నాయని ఆయన ఆరోపించారు. గత కొన్ని సంవత్సరాలుగా ఈ జిల్లాలో ఒక్క లబ్ధిదారుడికి కూడా అటవీ హక్కుల పట్టాలు మంజూరు చేయకపోవడం ప్రభుత్వ నిర్లక్ష్యానికి నిదర్శనమన్నారు. ఆదివాసులకు పౌష్టికాహారం అందించకుండా యోగా పేరుతో మోసం చేస్తున్నందున మాతృ, శిశు మరణాలు పెరుగుతున్నాయని ఆయన విమర్శించారు. పాడేరు రెవెన్యూ డివిజన్‌లోని చింతపల్లి మండలంలో 1450 చదరపు కిలోమీటర్ల విస్తీర్ణంలో బాక్సైట్, మాంగనీస్, గ్రానైట్, టంగ్‌స్టన్, కోబాల్ట్, రేర్ ఎర్త్ ఎలిమెంట్స్ మరియు మినరల్స్ సర్వేకు కేంద్ర ప్రభుత్వం 2024లో అనుమతి ఇవ్వగా, రాష్ట్ర ప్రభుత్వం 2025లో సర్వేకు అనుమతులు మంజూరు చేసిందని అప్పల నరస వివరించారు. క్రిటికల్ మినరల్ రాకర్స్ (సీఎం టీ) కంపెనీ జిల్లా కలెక్టర్‌కు దరఖాస్తు చేసుకుని, గత రెండు నెలలుగా ఆరు బ్లాకుల్లో రహస్యంగా మట్టి నమూనాలను సేకరిస్తోందని ఆయన తెలిపారు. జీకే వీధి మండలం జర్రేల ప్రాంతంలో గుర్తుతెలియని వ్యక్తులు రహస్యంగా బాక్సైట్ సర్వేలు చేస్తున్న విషయం తెలిసి, ఆ ప్రాంత గిరిజనులు భయభ్రాంతులకు గురవుతున్నారని పేర్కొన్నారు. ఇటీవల ఒక సర్వే బృందాన్ని స్థానికులు అడ్డుకున్నారని కూడా ఆయన చెప్పారు. ఈ రహస్య సర్వేలు అటవీ ప్రాంతాలు, ఆదివాసి గ్రామాలు, సంరక్షిత వన్యప్రాణి నివాసాలను కవర్ చేస్తున్నాయని, గ్రామసభల అనుమతి, సమగ్ర పర్యావరణ అంచనా (ఈఐఏ), సామాజిక ప్రభావ అంచనా (ఎస్ఐఏ) లేకుండా జరుగుతున్న ఈ సర్వేలు పీసా చట్టం, ఎఫ్‌ఆర్‌ఏ 2006, 1/70 చట్టాలను, రాజ్యాంగ హక్కులను స్పష్టంగా ఉల్లంఘిస్తున్నాయని ఆయన అన్నారు. డిప్యూటీ సీఎం, అటవీ శాఖ మంత్రి పవన్ కళ్యాణ్ 1450 చదరపు కిలోమీటర్ల సర్వేకు అనుమతి ఇవ్వడం అన్యాయమని, ఒకవైపు అడవులు పెంచాలని చెబుతూనే మరోవైపు కార్పొరేట్ కంపెనీలకు అడవులను దారపోస్తున్నారని అప్పల నరస విమర్శించారు. తక్షణమే బాక్సైట్ సర్వే అనుమతులు రద్దు చేయాలని, సీఎంకే సంస్థపై ఎస్సీ, ఎస్టీ అట్రాసిటీ చట్టం కింద కేసు నమోదు చేయాలని, రహస్య సర్వేలకు అనుమతి ఇచ్చిన జిల్లా అధికారులను తక్షణమే బదిలీ చేయాలని ఆయన డిమాండ్ చేశారు. జర్రేల, జీకే వీధి, చింతపల్లి ప్రాంతాల్లో జరుగుతున్న రహస్య సర్వేలపై స్వతంత్ర విచారణ జరిపి సర్వే చేస్తున్న వారిని అరెస్టు చేయాలని కూడా ఆయన డిమాండ్ చేశారు. గ్రామసభల అనుమతి లేకుండా ఎలాంటి సర్వేలు లేదా కార్యకలాపాలు చేపట్టవద్దని, ఈ రహస్య సర్వేలపై ముఖ్యమంత్రి చంద్రబాబు, డిప్యూటీ సీఎం పవన్ కళ్యాణ్ బహిరంగంగా ప్రకటన చేయాలని ఆయన కోరారు. లేనిపక్షంలో ఆదివాసి ప్రజల భూములు, అడవులు, వనరులను కార్పొరేట్ లాభాల కోసం ధ్వంసం చేసే ఏ ప్రయత్నాలనైనా ఆదివాసి సమాజం సహించదని ఆయన హెచ్చరించారు. ఈ కార్యక్రమంలో సిపిఎం జిల్లా కమిటీ సభ్యులు టి. సూర్యనారాయణ, సురేష్, దొంబుతో పాటు పార్టీ కార్యకర్తలు పాల్గొన్నారు.

Nava surya

జర్నలిస్ట్ డుంబ్రిగూడ, అల్లూరి సీతారామ రాజు, ఆంధ్రప్రదేశ్•

4 hrs ago

అల్లూరి జిల్లాలోని డుంబ్రిగూడ మండల కేంద్రంలో జరిగిన సిపిఎం మండల జనరల్ బాడీ సమావేశంలో సిపిఎం అల్లూరి జిల్లా ప్రధాన కార్యదర్శి పి. అప్పల నరస కేంద్ర, రాష్ట్ర ప్రభుత్వాలపై తీవ్ర విమర్శలు చేశారు. మోడీ, చంద్రబాబు ప్రభుత్వాలు ఆదివాసి గిరిజనులను అడవుల నుండి గెంటివేయడానికి కుట్ర పన్నుతున్నాయని, కార్పొరేట్ కంపెనీలతో కుమ్మకై ఆదివాసుల అడవులు, భూములు, సహజ వనరులను దోచుకోవడానికి ప్రయత్నిస్తున్నాయని ఆయన ఆరోపించారు. గత కొన్ని సంవత్సరాలుగా ఈ జిల్లాలో ఒక్క లబ్ధిదారుడికి కూడా అటవీ హక్కుల పట్టాలు మంజూరు చేయకపోవడం ప్రభుత్వ నిర్లక్ష్యానికి నిదర్శనమన్నారు. ఆదివాసులకు పౌష్టికాహారం అందించకుండా యోగా పేరుతో మోసం చేస్తున్నందున మాతృ, శిశు మరణాలు పెరుగుతున్నాయని ఆయన విమర్శించారు. పాడేరు రెవెన్యూ డివిజన్‌లోని చింతపల్లి మండలంలో 1450 చదరపు కిలోమీటర్ల విస్తీర్ణంలో బాక్సైట్, మాంగనీస్, గ్రానైట్, టంగ్‌స్టన్, కోబాల్ట్, రేర్ ఎర్త్ ఎలిమెంట్స్ మరియు మినరల్స్ సర్వేకు కేంద్ర ప్రభుత్వం 2024లో అనుమతి ఇవ్వగా, రాష్ట్ర ప్రభుత్వం 2025లో సర్వేకు అనుమతులు మంజూరు చేసిందని అప్పల నరస వివరించారు. క్రిటికల్ మినరల్ రాకర్స్ (సీఎం టీ) కంపెనీ జిల్లా కలెక్టర్‌కు దరఖాస్తు చేసుకుని, గత రెండు నెలలుగా ఆరు బ్లాకుల్లో రహస్యంగా మట్టి నమూనాలను సేకరిస్తోందని ఆయన తెలిపారు. జీకే వీధి మండలం జర్రేల ప్రాంతంలో గుర్తుతెలియని వ్యక్తులు రహస్యంగా బాక్సైట్ సర్వేలు చేస్తున్న విషయం తెలిసి, ఆ ప్రాంత గిరిజనులు భయభ్రాంతులకు గురవుతున్నారని పేర్కొన్నారు. ఇటీవల ఒక సర్వే బృందాన్ని స్థానికులు అడ్డుకున్నారని కూడా ఆయన చెప్పారు. ఈ రహస్య సర్వేలు

అటవీ ప్రాంతాలు, ఆదివాసి గ్రామాలు, సంరక్షిత వన్యప్రాణి నివాసాలను కవర్ చేస్తున్నాయని, గ్రామసభల అనుమతి, సమగ్ర పర్యావరణ అంచనా (ఈఐఏ), సామాజిక ప్రభావ అంచనా (ఎస్ఐఏ) లేకుండా జరుగుతున్న ఈ సర్వేలు పీసా చట్టం, ఎఫ్‌ఆర్‌ఏ 2006, 1/70 చట్టాలను, రాజ్యాంగ హక్కులను స్పష్టంగా ఉల్లంఘిస్తున్నాయని ఆయన అన్నారు. డిప్యూటీ సీఎం, అటవీ శాఖ మంత్రి పవన్ కళ్యాణ్ 1450 చదరపు కిలోమీటర్ల సర్వేకు అనుమతి ఇవ్వడం అన్యాయమని, ఒకవైపు అడవులు పెంచాలని చెబుతూనే మరోవైపు కార్పొరేట్ కంపెనీలకు అడవులను దారపోస్తున్నారని అప్పల నరస విమర్శించారు. తక్షణమే బాక్సైట్ సర్వే అనుమతులు రద్దు చేయాలని, సీఎంకే సంస్థపై ఎస్సీ, ఎస్టీ అట్రాసిటీ చట్టం కింద కేసు నమోదు చేయాలని, రహస్య సర్వేలకు అనుమతి ఇచ్చిన జిల్లా అధికారులను తక్షణమే బదిలీ చేయాలని ఆయన డిమాండ్ చేశారు. జర్రేల, జీకే వీధి, చింతపల్లి ప్రాంతాల్లో జరుగుతున్న రహస్య సర్వేలపై స్వతంత్ర విచారణ జరిపి సర్వే చేస్తున్న వారిని అరెస్టు చేయాలని కూడా ఆయన డిమాండ్ చేశారు. గ్రామసభల అనుమతి లేకుండా ఎలాంటి సర్వేలు లేదా కార్యకలాపాలు చేపట్టవద్దని, ఈ రహస్య సర్వేలపై ముఖ్యమంత్రి చంద్రబాబు, డిప్యూటీ సీఎం పవన్ కళ్యాణ్ బహిరంగంగా ప్రకటన చేయాలని ఆయన కోరారు. లేనిపక్షంలో ఆదివాసి ప్రజల భూములు, అడవులు, వనరులను కార్పొరేట్ లాభాల కోసం ధ్వంసం చేసే ఏ ప్రయత్నాలనైనా ఆదివాసి సమాజం సహించదని ఆయన హెచ్చరించారు. ఈ కార్యక్రమంలో సిపిఎం జిల్లా కమిటీ సభ్యులు టి. సూర్యనారాయణ, సురేష్, దొంబుతో పాటు పార్టీ కార్యకర్తలు పాల్గొన్నారు.