२५ फेब्रुवारीला मंदिरात हायअलर्ट! राष्ट्रपतींच्या उपस्थितीत सार्वजनिक दर्शन काही काळ स्थगित – श्री गजानन महाराज संस्थान ची अधिकृत माहिती राष्ट्रपतींच्या शेगांव दौऱ्याच्या पार्श्वभूमीवर दर्शन व्यवस्थेबाबत संस्थानची महत्त्वपूर्ण घोषणा.. शेगाव | प्रतिनिधी संत नगरी शेगाव येथे दि. २५ फेब्रुवारी रोजी भारताच्या महामहिम राष्ट्रपती द्रौपदी मुर्मू यांच्या प्रस्तावित भेटीच्या पार्श्वभूमीवर मंदिर परिसरातील सुरक्षा व्यवस्था अधिक कडक करण्यात येणार आहे. या कालावधीत सुरक्षा यंत्रणांच्या प्रोटोकॉलनुसार सार्वजनिक दर्शन व्यवस्था तात्पुरत्या स्वरूपात स्थगित ठेवण्यात येणार असल्याची माहिती श्री गजानन महाराज संस्थान प्रशासनाने दिली आहे. संस्थानकडून स्पष्ट करण्यात आले आहे की, ही व्यवस्था केवळ राष्ट्रपतींच्या मंदिरातील उपस्थितीपुरती आणि आवश्यक तेवढ्याच वेळेसाठी लागू राहील. त्यानंतर दर्शन व्यवस्था पूर्ववत सुरू करण्यात येणार असून सर्वसामान्य भक्तांना दर्शनापासून कायमस्वरूपी वंचित ठेवण्याचा कोणताही निर्णय झालेला नाही. दरम्यान, राष्ट्रपतींच्या दौऱ्याबाबत सोशल मीडियावर विविध प्रकारचे अप्रमाणित संदेश आणि अफवा प्रसारित होत असल्याचे निदर्शनास आले आहे. या पार्श्वभूमीवर संस्थानने भक्तांना अफवांवर विश्वास न ठेवता शांतता व संयम राखण्याचे नम्र आवाहन केले आहे. राष्ट्रपतींच्या आगमनामुळे मंदिर परिसरात उच्चस्तरीय सुरक्षा, वाहतूक नियोजन आणि प्रोटोकॉलची काटेकोर अंमलबजावणी करण्यात येणार असून, भक्तांच्या सोयीसाठी आवश्यक त्या सर्व उपाययोजना केल्या जात असल्याचेही संस्थानने सांगितले.

Sachin kadukar

Photographer Shegaon, Buldhana•

2 hrs ago

२५ फेब्रुवारीला मंदिरात हायअलर्ट! राष्ट्रपतींच्या उपस्थितीत सार्वजनिक दर्शन काही काळ स्थगित – श्री गजानन महाराज संस्थान ची अधिकृत माहिती राष्ट्रपतींच्या शेगांव दौऱ्याच्या पार्श्वभूमीवर दर्शन व्यवस्थेबाबत संस्थानची महत्त्वपूर्ण घोषणा.. शेगाव | प्रतिनिधी संत नगरी शेगाव येथे दि. २५ फेब्रुवारी रोजी भारताच्या महामहिम राष्ट्रपती द्रौपदी मुर्मू यांच्या प्रस्तावित भेटीच्या पार्श्वभूमीवर मंदिर परिसरातील सुरक्षा व्यवस्था अधिक कडक करण्यात येणार आहे. या कालावधीत सुरक्षा यंत्रणांच्या प्रोटोकॉलनुसार सार्वजनिक दर्शन व्यवस्था तात्पुरत्या स्वरूपात स्थगित ठेवण्यात येणार असल्याची माहिती श्री गजानन महाराज संस्थान प्रशासनाने दिली आहे. संस्थानकडून स्पष्ट करण्यात आले आहे की, ही व्यवस्था केवळ राष्ट्रपतींच्या मंदिरातील उपस्थितीपुरती आणि आवश्यक तेवढ्याच वेळेसाठी लागू राहील. त्यानंतर दर्शन व्यवस्था पूर्ववत सुरू करण्यात येणार असून सर्वसामान्य भक्तांना दर्शनापासून कायमस्वरूपी वंचित ठेवण्याचा कोणताही निर्णय झालेला नाही. दरम्यान, राष्ट्रपतींच्या दौऱ्याबाबत सोशल मीडियावर विविध प्रकारचे अप्रमाणित संदेश आणि अफवा प्रसारित होत असल्याचे निदर्शनास आले आहे. या पार्श्वभूमीवर संस्थानने भक्तांना अफवांवर विश्वास न ठेवता शांतता व संयम राखण्याचे नम्र आवाहन केले आहे. राष्ट्रपतींच्या आगमनामुळे मंदिर परिसरात उच्चस्तरीय सुरक्षा, वाहतूक नियोजन आणि प्रोटोकॉलची काटेकोर अंमलबजावणी करण्यात येणार असून, भक्तांच्या सोयीसाठी आवश्यक त्या सर्व उपाययोजना केल्या जात असल्याचेही संस्थानने सांगितले.