କେନ୍ଦୁଝର ସଦର ବ୍ଲକ ଅନ୍ତର୍ଗତ ପଦ୍ମପୁର ପଞ୍ଚାୟତର ଭାଟୁଣିଆଁ ଗାଁରେ ଏକ ନିଆରା ଢଙ୍ଗରେ ରଜ ମହୋତ୍ସବ ପାଳିତ ହୋଇଛି। ଗାଁର ପ୍ରତ୍ୟେକ ଘରେ ଲିପାପୋଛା କରାଯାଇ ପିଠାପଣା ପ୍ରସ୍ତୁତ କରାଯାଇଥିଲା ଏବଂ ସମସ୍ତେ ନୂଆ ବସ୍ତ୍ର ପରିଧାନ କରି ଏହି ଉତ୍ସବକୁ ହସଖୁସିରେ ପାଳନ କରିଛନ୍ତି। ଏହି ଅବସରରେ ପୂର୍ବପୁରୁଷରୁ ପ୍ରଚଳିତ କୁଣ୍ତାପିଠା ପାଇଁ ବୁଢାବୁଢିଙ୍କ ମଧ୍ୟରେ ପିଠା ଭାଗବଣ୍ଟାକୁ ନେଇ ସୃଷ୍ଟି ହୋଇଥିବା ଏକ କାହାଣୀ ସହିତ ପଥର ପାଲଟିଥିବା ହୁଡିରେ ପୂଜାର୍ଚ୍ଚନା କରାଯାଇଛି। ଗ୍ରାମର ବୟୋଜ୍ୟେଷ୍ଠ ବ୍ୟକ୍ତିମାନଙ୍କ କହିବା ଅନୁସାରେ, ଭାଟୁଣିଆଁ ହୁଡିରେ ବୁଢାବୁଢି କୁଣ୍ତାପିଠା ତିଆରି କରିଥିଲେ। ସେଠାରେ ବୁଢା ଅଧିକ ପିଠା ଖାଇବାକୁ ବୁଢିକୁ ଅଳି କରିବସିଥିଲା ଏବଂ ବୁଢି ମଧ୍ୟ ନିଜ ଜିଦରେ ଅଟଳ ଥିଲା। ରାତି ପାହି ସକାଳ ହେବା ବେଳକୁ ଉଭୟ ପଥରଶୀଳାରେ ପରିଣତ ହୋଇଯାଇଥିଲେ। ସେହି ଦିନଠାରୁ ଏହାକୁ ଲୋକେ ବୁଢାବୁଢି ପାହାଡ଼ ନାମରେ ଜାଣିଛନ୍ତି। ରଜ ସଂକ୍ରାନ୍ତି ଅବସରରେ ଭାଟୁଣିଆଁ ଗ୍ରାମବାସୀ ଏକତ୍ରିତ ହୋଇ ଘଣ୍ଟହୁଳହୁଳି ପକାଇ ସେଠାରେ ପହଞ୍ଚିଥିଲେ ଏବଂ ଚକ୍ରଧର ଦେହୁରୀ ଓ କାନ୍ତଦେହୁରୀ ପୂଜାର୍ଚ୍ଚନା କରିଥିଲେ। ପୂଜା ପରେ ନାଳସାହିରେ ରଜମହୋତ୍ସବ ପାଇଁ ନିର୍ମିତ ଖାଇଦୋଳି ସମେତ ଅନ୍ୟାନ୍ୟ ଦୋଳିଗୁଡ଼ିକୁ ଭ୍ରମର ଦେହୁରୀ ପୂଜାର୍ଚ୍ଚନା କରିବା ପରେ ଦୋଳି ଖେଳ ଆରମ୍ଭ ହୋଇଥିଲା। କୁଆଁରୀ ଝିଅ ଓ ବିବାହିତା ମହିଳାମାନେ ରଜପାନ ଖାଇବା ସହ ରଜଗୀତ ଗାଇ ଦୋଳି ଖେଳିଥିଲେ। ଏହି ଅବସରରେ ମହିଳାଙ୍କ ମଧ୍ୟରେ ମ୍ୟୁଜିକ୍ ଚେୟାର, ବାସ୍କେଟ୍ ବଲ୍, ହାଣ୍ଡିପିଟା ଖେଳ, ଶଙ୍ଖଫୁଙ୍କା, ହୁଳହୁଳି, ଜିଲାପି ଖିଆ, ୫୦ ଓ ୧୦୦ ମିଟର ଦୌଡ଼, ରସିଟଣା, ପୁଚି ଖେଳ, କବାଡି, ହଁସ ଖେଳ ଭଳି ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଛି। ନବକିଶୋର ଦେହୁରୀ ଏହି କାର୍ଯ୍ୟକ୍ରମ ପରିଚାଳନା କରିଥିଲେ। ଗାଁର ନିରୋଦ ଦେହୁରୀ, ସତ୍ୟାନନ୍ଦ ଦେହୁରୀ, ଶମ୍ବୁନାଥ ଦେହୁରୀ, ରଜନୀକାନ୍ତ ଦେହୁରୀ, ଗଜାନନ ନାଏକ, ଦିଲ୍ଲିପ ଦେହୁରୀ, କୁଳମଣି ଦେହୁରୀ, ନର୍ମଦା ଦେହୁରୀ, ମାମି ଦେହୁରୀ, ତ୍ରିବେଣୀ ଦେହୁରୀ, ସଞ୍ଜୁଲତା ଦେହୁରୀ, ଗୁନମଣୀ ଦେହୁରୀ, ସୀତା ଦେହୁରୀ, ଗୁଲ ଦେହୁର ପ୍ରମୁଖ ସହଯୋଗ କରିଥିଲେ। ଆସନ୍ତା ଗୁରୁବାର ଏଠାରେ ରଜବତୀ ବିବାହ ଉତ୍ସବ ସହ ରଜ ବିଦାୟ କାର୍ଯ୍ୟକ୍ରମ ରହିଛି।

ଦୁର୍ଯ୍ୟୋଧନ ପାତ୍ର

Building society Kendujhar Sadar, Odisha•

3 hrs ago

କେନ୍ଦୁଝର ସଦର ବ୍ଲକ ଅନ୍ତର୍ଗତ ପଦ୍ମପୁର ପଞ୍ଚାୟତର ଭାଟୁଣିଆଁ ଗାଁରେ ଏକ ନିଆରା ଢଙ୍ଗରେ ରଜ ମହୋତ୍ସବ ପାଳିତ ହୋଇଛି। ଗାଁର ପ୍ରତ୍ୟେକ ଘରେ ଲିପାପୋଛା କରାଯାଇ ପିଠାପଣା ପ୍ରସ୍ତୁତ କରାଯାଇଥିଲା ଏବଂ ସମସ୍ତେ ନୂଆ ବସ୍ତ୍ର ପରିଧାନ କରି ଏହି ଉତ୍ସବକୁ ହସଖୁସିରେ ପାଳନ କରିଛନ୍ତି। ଏହି ଅବସରରେ ପୂର୍ବପୁରୁଷରୁ ପ୍ରଚଳିତ କୁଣ୍ତାପିଠା ପାଇଁ ବୁଢାବୁଢିଙ୍କ ମଧ୍ୟରେ ପିଠା ଭାଗବଣ୍ଟାକୁ ନେଇ ସୃଷ୍ଟି ହୋଇଥିବା ଏକ କାହାଣୀ ସହିତ ପଥର ପାଲଟିଥିବା ହୁଡିରେ ପୂଜାର୍ଚ୍ଚନା କରାଯାଇଛି। ଗ୍ରାମର ବୟୋଜ୍ୟେଷ୍ଠ ବ୍ୟକ୍ତିମାନଙ୍କ କହିବା ଅନୁସାରେ, ଭାଟୁଣିଆଁ ହୁଡିରେ ବୁଢାବୁଢି କୁଣ୍ତାପିଠା ତିଆରି କରିଥିଲେ। ସେଠାରେ ବୁଢା ଅଧିକ ପିଠା ଖାଇବାକୁ ବୁଢିକୁ ଅଳି କରିବସିଥିଲା ଏବଂ ବୁଢି ମଧ୍ୟ ନିଜ ଜିଦରେ ଅଟଳ ଥିଲା। ରାତି ପାହି ସକାଳ ହେବା ବେଳକୁ ଉଭୟ ପଥରଶୀଳାରେ ପରିଣତ ହୋଇଯାଇଥିଲେ। ସେହି ଦିନଠାରୁ ଏହାକୁ ଲୋକେ ବୁଢାବୁଢି ପାହାଡ଼ ନାମରେ ଜାଣିଛନ୍ତି। ରଜ ସଂକ୍ରାନ୍ତି ଅବସରରେ ଭାଟୁଣିଆଁ ଗ୍ରାମବାସୀ ଏକତ୍ରିତ ହୋଇ ଘଣ୍ଟହୁଳହୁଳି ପକାଇ ସେଠାରେ ପହଞ୍ଚିଥିଲେ ଏବଂ ଚକ୍ରଧର ଦେହୁରୀ ଓ କାନ୍ତଦେହୁରୀ ପୂଜାର୍ଚ୍ଚନା କରିଥିଲେ। ପୂଜା ପରେ ନାଳସାହିରେ ରଜମହୋତ୍ସବ ପାଇଁ ନିର୍ମିତ ଖାଇଦୋଳି ସମେତ ଅନ୍ୟାନ୍ୟ ଦୋଳିଗୁଡ଼ିକୁ ଭ୍ରମର ଦେହୁରୀ ପୂଜାର୍ଚ୍ଚନା କରିବା ପରେ ଦୋଳି ଖେଳ ଆରମ୍ଭ ହୋଇଥିଲା। କୁଆଁରୀ ଝିଅ ଓ ବିବାହିତା ମହିଳାମାନେ ରଜପାନ ଖାଇବା ସହ ରଜଗୀତ ଗାଇ ଦୋଳି ଖେଳିଥିଲେ। ଏହି ଅବସରରେ ମହିଳାଙ୍କ ମଧ୍ୟରେ ମ୍ୟୁଜିକ୍ ଚେୟାର, ବାସ୍କେଟ୍ ବଲ୍, ହାଣ୍ଡିପିଟା ଖେଳ, ଶଙ୍ଖଫୁଙ୍କା, ହୁଳହୁଳି, ଜିଲାପି ଖିଆ, ୫୦ ଓ ୧୦୦ ମିଟର ଦୌଡ଼, ରସିଟଣା, ପୁଚି ଖେଳ, କବାଡି, ହଁସ ଖେଳ ଭଳି ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଛି। ନବକିଶୋର ଦେହୁରୀ ଏହି କାର୍ଯ୍ୟକ୍ରମ ପରିଚାଳନା କରିଥିଲେ। ଗାଁର ନିରୋଦ ଦେହୁରୀ, ସତ୍ୟାନନ୍ଦ ଦେହୁରୀ, ଶମ୍ବୁନାଥ ଦେହୁରୀ, ରଜନୀକାନ୍ତ ଦେହୁରୀ, ଗଜାନନ ନାଏକ, ଦିଲ୍ଲିପ ଦେହୁରୀ, କୁଳମଣି ଦେହୁରୀ, ନର୍ମଦା ଦେହୁରୀ, ମାମି ଦେହୁରୀ, ତ୍ରିବେଣୀ ଦେହୁରୀ, ସଞ୍ଜୁଲତା ଦେହୁରୀ, ଗୁନମଣୀ ଦେହୁରୀ, ସୀତା ଦେହୁରୀ, ଗୁଲ ଦେହୁର ପ୍ରମୁଖ ସହଯୋଗ କରିଥିଲେ। ଆସନ୍ତା ଗୁରୁବାର ଏଠାରେ ରଜବତୀ ବିବାହ ଉତ୍ସବ ସହ ରଜ ବିଦାୟ କାର୍ଯ୍ୟକ୍ରମ ରହିଛି।