పొన్న గ్రామానికి చెందిన రైతు పాండురంగ్ ఆత్మహత్యకు కాంగ్రెస్ ప్రభుత్వ ముందస్తు ప్రణాళిక లోపం, అధికారుల నిర్లక్ష్యమే కారణమని బోథ్ నియోజకవర్గ ఎమ్మెల్యే అనిల్ జాదవ్ తీవ్రంగా మండిపడ్డారు. ఇది ప్రభుత్వం చేసిన హత్యేనని ఆయన అభివర్ణించారు. సిరికొండ మండలంలోని పొన్న గ్రామానికి చెందిన రైతు పాండురంగ్ మృతి పట్ల దిగ్భ్రాంతి వ్యక్తం చేసిన ఎమ్మెల్యే, బాధిత కుటుంబానికి బీఆర్ఎస్ పార్టీ ఎల్లప్పుడూ అండగా ఉంటుందని భరోసా ఇచ్చారు. ఎమ్మెల్యే అనిల్ జాదవ్ మాట్లాడుతూ, రైతు పాండురంగ్ గత నెల 27న తన జొన్న పంటను సిరికొండ మండల కేంద్రంలోని కొనుగోలు కేంద్రానికి తీసుకువచ్చారని, దాదాపు 17 రోజుల పాటు మార్కెట్‌లోనే పడిగాపులు కాసినా అధికారులు పట్టించుకోలేదని తెలిపారు. ఈ నెల 7న పంట తూకం వేసినప్పటికీ, అధికారుల నిర్లక్ష్యం వల్ల నేటికీ లోడింగ్ కాలేదని పేర్కొన్నారు. అంతేకాకుండా, క్వింటాల్‌కు రూ. 50 చొప్పున లంచం వసూలు చేస్తూ అధికారులు దళారులతో కుమ్మక్కయ్యారని ఆరోపించారు. ఈ దళారీల దోపిడీ, లంచగొండి వ్యవస్థను భరించలేకే మనస్తాపంతో రైతు మార్కెట్‌లోనే పురుగుల మందు తాగి ఆత్మహత్య చేసుకున్నాడని ఎమ్మెల్యే ఆవేదన వ్యక్తం చేశారు. ఈ ఘోర ఘటనపై బీఆర్ఎస్ వర్కింగ్ ప్రెసిడెంట్ కేటీఆర్ తక్షణమే స్పందించారని, ఎమ్మెల్యే అనిల్ జాదవ్ ద్వారా బాధిత రైతు కుటుంబ వివరాలను సేకరించారని తెలిపారు. రైతు మరణానికి కారణమైన ఏ ఒక్కరినీ వదిలిపెట్టే ప్రసక్తే లేదని, బాధ్యులపై కఠిన చర్యలు తీసుకునే వరకు పోరాడతామని ఎమ్మెల్యే స్పష్టం చేశారు. కాంగ్రెస్ ప్రభుత్వానికి రైతులపై ప్రేమ లేదని, మార్కెట్లలో కొనుగోళ్లపై కనీస పర్యవేక్షణ కరువైందని ఆయన విమర్శించారు. ఈ కార్యక్రమంలో స్థానిక సర్పంచ్ సూర్యకాంత్ పటేల్, మండల ముఖ్య నాయకులు పెంటన్న, సూర్యకాంత్, రోహిదాస్, ముండే పాండురంగ్, బీఆర్ఎస్ పార్టీ శ్రేణులు, తదితరులు పాల్గొన్నారు.

AlluriMahesh

Local News Reporter Adilabad Urban, Telangana•

3 hrs ago

పొన్న గ్రామానికి చెందిన రైతు పాండురంగ్ ఆత్మహత్యకు కాంగ్రెస్ ప్రభుత్వ ముందస్తు ప్రణాళిక లోపం, అధికారుల నిర్లక్ష్యమే కారణమని బోథ్ నియోజకవర్గ ఎమ్మెల్యే అనిల్ జాదవ్ తీవ్రంగా మండిపడ్డారు. ఇది ప్రభుత్వం చేసిన హత్యేనని ఆయన అభివర్ణించారు. సిరికొండ మండలంలోని పొన్న గ్రామానికి చెందిన రైతు పాండురంగ్ మృతి పట్ల దిగ్భ్రాంతి వ్యక్తం చేసిన ఎమ్మెల్యే, బాధిత కుటుంబానికి బీఆర్ఎస్ పార్టీ ఎల్లప్పుడూ అండగా ఉంటుందని భరోసా ఇచ్చారు. ఎమ్మెల్యే అనిల్ జాదవ్ మాట్లాడుతూ, రైతు పాండురంగ్ గత నెల 27న తన జొన్న పంటను సిరికొండ మండల కేంద్రంలోని కొనుగోలు కేంద్రానికి తీసుకువచ్చారని, దాదాపు 17 రోజుల పాటు మార్కెట్‌లోనే పడిగాపులు కాసినా అధికారులు పట్టించుకోలేదని తెలిపారు. ఈ నెల 7న పంట తూకం వేసినప్పటికీ, అధికారుల నిర్లక్ష్యం వల్ల నేటికీ లోడింగ్ కాలేదని పేర్కొన్నారు. అంతేకాకుండా, క్వింటాల్‌కు రూ. 50

చొప్పున లంచం వసూలు చేస్తూ అధికారులు దళారులతో కుమ్మక్కయ్యారని ఆరోపించారు. ఈ దళారీల దోపిడీ, లంచగొండి వ్యవస్థను భరించలేకే మనస్తాపంతో రైతు మార్కెట్‌లోనే పురుగుల మందు తాగి ఆత్మహత్య చేసుకున్నాడని ఎమ్మెల్యే ఆవేదన వ్యక్తం చేశారు. ఈ ఘోర ఘటనపై బీఆర్ఎస్ వర్కింగ్ ప్రెసిడెంట్ కేటీఆర్ తక్షణమే స్పందించారని, ఎమ్మెల్యే అనిల్ జాదవ్ ద్వారా బాధిత రైతు కుటుంబ వివరాలను సేకరించారని తెలిపారు. రైతు మరణానికి కారణమైన ఏ ఒక్కరినీ వదిలిపెట్టే ప్రసక్తే లేదని, బాధ్యులపై కఠిన చర్యలు తీసుకునే వరకు పోరాడతామని ఎమ్మెల్యే స్పష్టం చేశారు. కాంగ్రెస్ ప్రభుత్వానికి రైతులపై ప్రేమ లేదని, మార్కెట్లలో కొనుగోళ్లపై కనీస పర్యవేక్షణ కరువైందని ఆయన విమర్శించారు. ఈ కార్యక్రమంలో స్థానిక సర్పంచ్ సూర్యకాంత్ పటేల్, మండల ముఖ్య నాయకులు పెంటన్న, సూర్యకాంత్, రోహిదాస్, ముండే పాండురంగ్, బీఆర్ఎస్ పార్టీ శ్రేణులు, తదితరులు పాల్గొన్నారు.