अहमदनगरच्या कर्जत तालुक्यातील एका कृषी सेवा केंद्राचा कीटकनाशक परवाना रद्द करण्यात आला आहे.

अहमदनगर जिल्ह्यातील कर्जत येथे सहाय्यक निबंधकाला रंगेहाथ पकडण्यात आले आहे. या कारवाईनंतर थेट कर्जत कार्यालयासमोर फटाके फोडण्यात आले.

उजनी धरणाच्या पाणलोट क्षेत्रातील पाण्याच्या पातळीत झपाट्याने वाढ होत आहे.

बीड जिल्ह्यातील जिल्हा परिषदेच्या शाळांमध्ये दररोज सकाळी जगाच्या कल्याणासाठी आणि मानवतेसाठी संत ज्ञानेश्वरांची विश्वात्मक प्रार्थना "पसायदान" म्हटली जाते. मात्र, या विद्यार्थ्यांना शिक्षणासाठी मूलभूत सुविधा, सुरक्षित शाळा इमारत, पिण्याचे स्वच्छ पाणी आणि स्वच्छतागृहे मिळतील काय, असा सवाल सामाजिक कार्यकर्ते डॉ. गणेश ढवळे लिंबागणेशकर यांनी विचारला आहे. तसेच, या विद्यार्थ्यांना सरकारी अधिकाऱ्यांकडून निधीचे "दान" मिळेल काय, असे विचारत त्यांनी प्रशासनाला धारेवर धरले आहे।

अहमदनगर जिल्ह्यातील अकोले तालुक्यातील मवेशी येथे अनुसूचित जमाती प्रवर्गातील मुलींसाठी पोलीस व सैन्यदल भरतीपूर्व प्रशिक्षणाचे मोफत आयोजन करण्यात आले आहे. १ ऑगस्ट ते ३० नोव्हेंबर २०२६ या कालावधीत चालणाऱ्या या प्रशिक्षणामध्ये सहभागी होणाऱ्या मुलींसाठी मोफत निवासी आणि भोजन व्यवस्थेची सोय करण्यात आली आहे. या सुवर्णसंधीचा लाभ घेण्यासाठी इच्छुक तरुणी १२ वी उत्तीर्ण असणे आवश्यक असून, त्यांचे वय १८ ते २६ वर्षांच्या दरम्यान असावे. या मोफत प्रशिक्षणासाठी अर्ज करण्याची अंतिम तारीख २६ जुलै २०२६ आहे. इच्छुकांना पोलीस व सैन्यदल भरतीपूर्व प्रशिक्षण केंद्र, मवेशी, ता. अकोले येथे जाऊन ऑफलाइन पद्धतीने आपला अर्ज सादर करावा लागेल. या सुवर्णसंधीबाबत अधिक माहितीसाठी ९४२१५२५४१६, ८२७५३४९४१४ किंवा ९९६०११२६०० या क्रमांकांवर संपर्क साधण्याचे आवाहन करण्यात आले आहे. पात्र मुलींनी आजच आपले अर्ज सादर करून पोलीस किंवा सैन्यदलातील करिअरच्या दिशेने आत्मविश्वासाने पाऊल टाकावे.

शिरूर तालुक्यातील कान्हेर मेसाई येथील विद्याधाम विद्यालयात 'आनंददायी शनिवार' उपक्रमांतर्गत एवरी डेनिसन व मॅजिक बस यांच्या सहकार्याने लोकशाही पद्धतीने विद्यार्थी बालपंचायत मतदान प्रक्रिया राबविण्यात आली. ही प्रक्रिया केवळ प्रतिनिधी निवडण्यापुरती मर्यादित नसून, विद्यार्थ्यांना जबाबदार नागरिकत्व, समानता, सहभाग आणि लोकशाही मूल्यांचा प्रत्यक्ष अनुभव देणारी एक अत्यंत महत्त्वाची संधी ठरत आहे. या उपक्रमाबाबत बोलताना विद्यालयाचे प्राचार्य विनोद शिंदे यांनी विद्यार्थ्यांना मार्गदर्शन केले. त्यांनी आवाहन केले की, प्रत्येक विद्यार्थ्याने मतदान केंद्रावरील सर्व सूचनांचे पालन करून अत्यंत शिस्तबद्ध, शांततापूर्ण आणि प्रामाणिकपणे आपल्या मतदानाचा हक्क बजावावा. कोणत्याही दबाव, प्रभाव किंवा पक्षपाताशिवाय स्वतःच्या विचारांनुसार योग्य उमेदवाराची निवड करावी, कारण प्रत्येक मत अत्यंत महत्त्वाचे आहे आणि विद्यार्थ्यांच्या सक्रिय सहभागातूनच सक्षम विद्यार्थी नेतृत्व घडू शकते.

पुण्याच्या बारामतीमध्ये पालखी दरम्यान एका ज्येष्ठ व्यक्तीने अन्न औषध प्रशासनाचे आयुक्त तुकाराम मुंढे यांचा फोटो आपल्या गळ्यात घालून समाजाला एक संदेश दिला. पालखीमध्ये या ज्येष्ठ व्यक्तीने गळ्यात तुकाराम मुंढे यांचा फोटो घातल्याचा हा व्हिडिओ सध्या चांगलाच व्हायरल होत आहे.

मोशी कचरा डेपो येथे कचऱ्याचा ढिगारा इमारतीवर कोसळल्याने काही कामगार ढिगाऱ्याखाली अडकल्याची अत्यंत दुर्दैवी घटना घडली आहे. या दुर्घटनेनंतर घटनास्थळी सुरू असलेल्या बचावकार्याचा प्रत्यक्ष आढावा घेण्यासाठी महाराष्ट्र राज्याच्या सन्माननीय उपमुख्यमंत्री तथा पुणे जिल्ह्याच्या पालकमंत्री मा. सुनेत्रावहिनी अजितदादा पवार यांनी दुर्घटनास्थळाला भेट देऊन परिस्थितीची पाहणी केली. याप्रसंगी त्यांनी घटनास्थळाची पाहणी करत ढिगाऱ्याखाली अडकलेल्या कामगारांच्या बचावकार्याला अधिक गती देण्याच्या सूचना दिल्या आहेत.