तालुकास्तरीय क्रीडा स्पर्धेत केशोरी विदर्भ विज्ञान महाविद्यालयाच्या मुलींची उत्तम कामगिरी १९ वर्षांखालील कबड्डी संघाची जिल्हास्तरीय स्पर्धेसाठी निवड पंचशील विद्यालय, बाराभाटी येथे सुरू असलेल्या तालुकास्तरीय क्रीडा स्पर्धेत केशोरी येथील विदर्भ विज्ञान महाविद्यालयाच्या मुलींनी उल्लेखनीय कामगिरी करत आपल्या महाविद्यालयाच्या शिरपेचात आणखी एक मानाचा तुरा रोवला आहे. १९ वर्षांखालील मुलींच्या कबड्डी संघाने उत्कृष्ट खेळाचे प्रदर्शन करत जिल्हास्तरीय स्पर्धेसाठी आपली निवड निश्चित केली आहे. स्पर्धेदरम्यान महाविद्यालयाच्या कबड्डी संघातील खेळाडूंनी उत्कृष्ट सांघिक खेळ, चपळाई, आक्रमकता तसेच बचावाचे कौशल्य दाखवत प्रतिस्पर्धी संघांना प्रभावीपणे टक्कर दिली. खेळाडूंच्या या दमदार कामगिरीमुळे महाविद्यालयाच्या क्रीडा क्षेत्रातील गुणवत्तेची पुन्हा एकदा प्रचिती आली आहे. या यशामागे प्राध्यापक रामटेके व प्रा. खोब्रागडे यांचे मोलाचे मार्गदर्शन लाभले. खेळाडूंनी नियमित सराव, शिस्त आणि मेहनतीच्या जोरावर हे यश संपादन केले आहे. १९ वर्षांखालील कबड्डी संघाची जिल्हास्तरीय स्पर्धेसाठी निवड झाल्याबद्दल कनिष्ठ महाविद्यालयाचे प्राचार्य नंदेश्वर यांनी सर्व खेळाडूंचे अभिनंदन केले. तसेच संस्थेचे अध्यक्ष श्रीकांत घाटबांधे, उपाध्यक्ष सचिन फटिंग, प्रा. लोथे, प्रा. मानकर, प्रा. दखणे, प्रा. राऊत, वासनिक व जाधव यांनीही खेळाडूंचे कौतुक करून आगामी जिल्हास्तरीय स्पर्धेसाठी शुभेच्छा दिल्या. महाविद्यालयाच्या मुलींनी मिळविलेल्या या यशामुळे विद्यार्थी, प्राध्यापक व पालकांमध्ये आनंदाचे वातावरण आहे. जिल्हास्तरीय स्पर्धेतही हा संघ दमदार कामगिरी करेल, असा विश्वास यावेळी व्यक्त करण्यात आला.

Nitesh Raut

अर्जुनी मोरगाव, गोंदिया, महाराष्ट्र•

1 hr ago

तालुकास्तरीय क्रीडा स्पर्धेत केशोरी विदर्भ विज्ञान महाविद्यालयाच्या मुलींची उत्तम कामगिरी १९ वर्षांखालील कबड्डी संघाची जिल्हास्तरीय स्पर्धेसाठी निवड पंचशील विद्यालय, बाराभाटी येथे सुरू असलेल्या तालुकास्तरीय क्रीडा स्पर्धेत केशोरी येथील विदर्भ विज्ञान महाविद्यालयाच्या मुलींनी उल्लेखनीय कामगिरी करत आपल्या महाविद्यालयाच्या शिरपेचात आणखी एक मानाचा तुरा रोवला आहे. १९ वर्षांखालील मुलींच्या कबड्डी संघाने उत्कृष्ट खेळाचे प्रदर्शन करत जिल्हास्तरीय स्पर्धेसाठी आपली निवड निश्चित केली आहे. स्पर्धेदरम्यान महाविद्यालयाच्या कबड्डी संघातील खेळाडूंनी उत्कृष्ट सांघिक खेळ, चपळाई, आक्रमकता तसेच बचावाचे कौशल्य दाखवत प्रतिस्पर्धी संघांना प्रभावीपणे टक्कर दिली. खेळाडूंच्या या दमदार कामगिरीमुळे महाविद्यालयाच्या क्रीडा क्षेत्रातील गुणवत्तेची पुन्हा एकदा प्रचिती आली आहे. या यशामागे प्राध्यापक रामटेके व प्रा. खोब्रागडे यांचे मोलाचे मार्गदर्शन लाभले. खेळाडूंनी नियमित सराव, शिस्त आणि मेहनतीच्या जोरावर हे यश संपादन केले आहे. १९ वर्षांखालील कबड्डी संघाची जिल्हास्तरीय स्पर्धेसाठी निवड झाल्याबद्दल कनिष्ठ महाविद्यालयाचे प्राचार्य नंदेश्वर यांनी सर्व खेळाडूंचे अभिनंदन केले. तसेच संस्थेचे अध्यक्ष श्रीकांत घाटबांधे, उपाध्यक्ष सचिन फटिंग, प्रा. लोथे, प्रा. मानकर, प्रा. दखणे, प्रा. राऊत, वासनिक व जाधव यांनीही खेळाडूंचे कौतुक करून आगामी जिल्हास्तरीय स्पर्धेसाठी शुभेच्छा दिल्या. महाविद्यालयाच्या मुलींनी मिळविलेल्या या यशामुळे विद्यार्थी, प्राध्यापक व पालकांमध्ये आनंदाचे वातावरण आहे. जिल्हास्तरीय स्पर्धेतही हा संघ दमदार कामगिरी करेल, असा विश्वास यावेळी व्यक्त करण्यात आला.