રાજ્ય સરકાર દ્વારા ‘પ્રગતિનો પ્રવેશોત્સવ’ની થીમ સાથે ૨૩થી ૨૫ જૂન દરમિયાન શાળા પ્રવેશોત્સવ-૨૦૨૬ અને કન્યા કેળવણી મહોત્સવનું આયોજન કરવામાં આવ્યું છે. આ રાજ્યવ્યાપી કાર્યક્રમના ભાગરૂપે, બોટાદ જિલ્લામાં આજે ૨૪મા શાળા પ્રવેશોત્સવનો ઉત્સાહભેર પ્રારંભ થયો. આજના કાર્યક્રમમાં જિલ્લા પૂરવઠા અધિકારી અર્જુન ચાવડા, આગેવાન પારુલબેન પટેલ, આંગણવાડી સુપરવાઈઝર પટેલ, આઈ.સી.ડી.એસ. અધિકારી પરેશભાઈ રાઠોડ, સ્કૂલ મેનેજમેન્ટ કમિટીના અધ્યક્ષ અશોકભાઈ, સી.આર.સી. મહેશભાઈ, લાઠીદડ ગામના સરપંચ જોશનાબેન, દાતા રસિકભાઈ, અગ્રણી જયંતીભાઈ અને કલ્પેશભાઈ સહિત મોટી સંખ્યામાં વિદ્યાર્થીઓ, વાલીઓ તથા ગ્રામજનો ઉપસ્થિત રહ્યા હતા.

રાજ્યભરમાં આજથી આગામી ૨૫ જૂન સુધી ૨૪મા શાળા પ્રવેશોત્સવ અને કન્યા કેળવણી કાર્યક્રમ ૨૦૨૬ની ભવ્ય ઉજવણી શરૂ કરવામાં આવી છે, જેને 'પ્રગતિનો પ્રવેશોત્સવ' નામ અપાયું છે. સરકારી શાળાઓમાં બાળકોના નામાંકનમાં વધારો કરવા અને શિક્ષણના સ્તરને વધુ મજબૂત બનાવવાના ઉદ્દેશ્યથી બોટાદ જિલ્લામાં પણ આ ત્રિ-દિવસીય મહોત્સવનું આયોજન થઈ રહ્યું છે. આ કાર્યક્રમને વધુ અસરકારક બનાવવા માટે, રાજ્યસભાના સાંસદ કેસરી દેવસિંહએ બોટાદ તાલુકાના લાખેણી ગામની સમઢિયાળા-૨ પ્રાથમિક શાળા, સર્વોદય વિદ્યાલય ઝરમાળા, ડી.વી. સુતરિયા પ્રાથમિક શાળા અને એ.કે. સલિયા વિદ્યામંદિર ખાતે બાળકોને શાળામાં પ્રવેશ અપાવ્યો હતો. આ પ્રસંગે મહાનુભાવોએ વૃક્ષારોપણ કરીને પર્યાવરણના જતન અંગેનો સંદેશો પણ આપ્યો હતો. સાંસદ કેસરી દેવસિંહએ જણાવ્યું હતું કે, શિક્ષણ તરફ પ્રથમ પગથિયું માંડતા બાળકોને આ ઉજવણીના ભાગરૂપે ઉત્સાહભેર શાળામાં પ્રવેશ કરાવાયો છે. તેમણે દીકરીઓને શિક્ષિત કરવા પર વધુ ભાર મૂકવાનું મહત્વ સમજાવ્યું હતું. સાંસદએ ઉપસ્થિત વિદ્યાર્થીઓના સન્માન બદલ પ્રશંસા કરી અને ૧૦૦ ટકા નિયમિત હાજરી માટે તેમને અભિનંદન પાઠવ્યા હતા. તેમણે એવી પણ શુભેચ્છાઓ પાઠવી હતી કે રાજ્યના ગ્રામ્ય વિસ્તારના બાળકો ભણી ગણીને વડાપ્રધાનના વિકસિત ભારતના સંકલ્પને સાકાર કરે. આ કાર્યક્રમમાં તાલુકા વિકાસ અધિકારી વિરલ ગઢવી, તાલુકા પંચાયત ઉપપ્રમુખ, સી.આર.સી. કોઓર્ડિનેટર, એસ.એમ.સી.ના સભ્યો, ગામના અગ્રણીઓ, સામાજિક આગેવાનો, જનપ્રતિનિધિઓ સહિત વિદ્યાર્થીઓ અને તેમના વાલીઓ ઉપસ્થિત રહ્યા હતા.

અમદાવાદ જિલ્લાના ધંધુકા શહેર નજીક પચ્છમ પાટિયા હાઇવે પરથી ભારતીય બનાવટનો મોટા પ્રમાણમાં દારૂ ઝડપાયો છે. એક હ્યુન્ડાઇ સેન્ટ્રો ગાડી નંબર GJ 23 BD5604 માંથી ₹1,28,700 ની કિંમતની કુલ 456 નાની-મોટી દારૂની બોટલો સાથે એક ઈસમને ઝડપી પાડવામાં આવ્યો હતો. દારૂ અને અન્ય મુદામાલ મળી કુલ ₹2,33,700 નો મુદ્દામાલ જપ્ત કરવામાં આવ્યો છે. પકડાયેલ આરોપીની ઓળખ રોહિત જીવણભાઈ વલાણીયા તરીકે થઈ છે, જે ધંધુકાના પુનિતનગરનો રહેવાસી છે. અમદાવાદ ગ્રામ્ય LCB ના હેડકોન્સ્ટેબલ પુષ્પરાજસિંહ ચુડાસમા અને ઘનશ્યામસિંહ પરમારને મળેલી ચોક્કસ બાતમીના આધારે આ કાર્યવાહી કરવામાં આવી હતી. અમદાવાદ ગ્રામ્ય LCB ની સતર્કતાને કારણે ધંધુકા શહેરમાંથી દારૂનો આ મોટો સપાટો બોલાવવામાં સફળતા મળી છે.

બોટાદ LCB (સ્થાનિક ગુના શાખા) દ્વારા એક મોટી કાર્યવાહી કરવામાં આવી છે. આ કાર્યવાહી હેઠળ, દારૂના ગુનામાં સંડોવાયેલા એક ઇસમને PASA (પ્રોહિબિશન ઑફ એન્ટી-સોશિયલ એક્ટિવિટીઝ એક્ટ) હેઠળ જેલ હવાલે કરવામાં આવ્યો છે.

રાજ્યવ્યાપી કન્યા કેળવણી મહોત્સવ અને શાળા પ્રવેશોત્સવ 2026-27ની 24મી કડીનો મંગળ પ્રારંભ ૨૩ જૂન, ૨૦૨૬ના રોજ થયો છે. આ અંતર્ગત અમરેલી જિલ્લાના પ્રભારી સચિવ શ્રી સંદિપકુમારે અમરેલીના રાંઢીયા, રિકડીયા અને નાના આંકડીયા પ્રાથમિક શાળા ખાતે બાલવાટિકા, આંગણવાડી અને ધોરણ ૧ તથા ૯માં બાળકોને હર્ષોલ્લાસ સાથે પ્રવેશ કરાવીને નામાંકન કરાવ્યું હતું. રાંઢીયા મુકામે આંગણવાડીમાં કુલ ૭ ભૂલકાઓ અને ધોરણ ૧માં ૯ બાળકોનું નામાંકન થયું. રિકડીયા મુકામે બાલવાટિકામાં ૫ ભૂલકાઓ અને ધોરણ ૧માં ૦૧ બાળકનું નામાંકન થયું. જ્યારે નાના આંકડીયા મુકામે બાલવાટિકામાં ૧૮, આંગણવાડીમાં ૯ અને ધોરણ ૯માં ૨૮ બાળકોએ પ્રવેશ મેળવ્યો હતો. ઉલ્લેખનીય છે કે, તત્કાલીન મુખ્યમંત્રી અને હાલના વડાપ્રધાન શ્રી નરેન્દ્રભાઈ મોદીની પ્રેરણાથી બાળકો આજે પણ હસતાં-રમતાં શાળા પ્રવેશ કરી રહ્યા છે. ગુજરાત રાજય સરકારે અદ્યતન સુવિધાઓથી સંપન્ન શાળાઓ બનાવી છે, જેમાં કોમ્પ્યુટર લેબ અને સ્માર્ટ ક્લાસ જેવી શૈક્ષણિક સુવિધાઓ ઉપલબ્ધ છે. શિક્ષકો પણ પોતાના બાળકની જેમ વિદ્યાર્થીઓના સર્વાંગી વિકાસ અને ઉછેર માટે પ્રતિબદ્ધતા સાથે મહેનત કરે છે. પ્રભારી સચિવ શ્રી સંદિપકુમારે જણાવ્યું હતું કે, આવા શાળા પ્રવેશોત્સવ અને કન્યા કેળવણી જેવા મહોત્સવ થકી શાળાઓમાં નામાંકન દરમાં વધારો થયો છે. તેમણે દીકરીઓ ધોરણ ૮ બાદ પોતાનું શિક્ષણ ન છોડે તે માટે વાલીઓ સહિત સૌને સહિયારા પ્રયત્નો કરવા પર ભાર મૂક્યો. કન્યાઓ ભણીગણીને આગળ વધીને પોતાના સપનાઓ સાકાર કરી શકે અને સમાજને સશક્ત બનાવવામાં અમૂલ્ય યોગદાન આપી શકે તે જરૂરી છે. તેમણે ચાલુ વર્ષે હીટવેવની સમસ્યાને ધ્યાનમાં રાખીને પર્યાવરણ પ્રત્યે જાગૃત બનીને દરેક વ્યક્તિએ વૃક્ષારોપણ કરવા અને તેનું જતન કરવા તથા પ્લાસ્ટિકમુક્ત ભારતના નિર્માણમાં યોગદાન આપવા પણ અપીલ કરી. સચિવશ્રીએ પ્રવેશ મેળવતા બાળકોને ઉજ્જવળ ભવિષ્યની શુભેચ્છાઓ પાઠવી હતી. આ પ્રસંગે દરેક શાળામાં વિદ્યાર્થીઓએ પર્યાવરણ બચાવો, જળ સંરક્ષણ, પ્લાસ્ટિક મુક્ત ભારત અને વિજ્ઞાનના યુગમાં આપણી જવાબદારી જેવા વિષયો પર વકૃત્વ આપી પોતાના વિચારો અભિવ્યક્ત કર્યાં હતા. બાળકોને પ્રવેશ વેળાએ મહાનુભાવોના હસ્તે શૈક્ષણિક કિટનું વિતરણ કરવામાં આવ્યું હતું. પ્રભારી સચિવશ્રીએ આંગણવાડી કેન્દ્રોની મુલાકાત લઈને નાનકડાં ભૂલકાઓને શિક્ષણમાં પ્રારંભ કરાવી વ્હાલ વરસાવી આવકાર્યા હતા. રમતગમત, એન.એમ.એમ.એસ., સી.ઈ.ટી., જ્ઞાન સાધના સ્કોલરશિપ જેવી પરીક્ષાઓ અને શૈક્ષણિક વર્ષ દરમિયાન સિદ્ધિઓ પ્રાપ્ત કરનાર વિદ્યાર્થીઓનું સન્માન કરીને તેમને ઇનામો સાથે પ્રમાણપત્રો એનાયત કરવામાં આવ્યા હતા. દાતાશ્રીઓની સેવાને બિરદાવીને તેમનું શાલ અર્પણ કરીને સન્માન કરવામાં આવ્યું હતું. કાર્યક્રમના અંતે મહાનુભાવોએ શાળાના પટાંગણમાં વૃક્ષારોપણ કરીને પર્યાવરણ સંરક્ષણનો સંદેશ પ્રસરાવ્યો, અને સૌએ રોડ સેફ્ટીના નિયમોનું પાલન કરવાની પ્રતિજ્ઞા સાથે શપથ લીધા હતા. આ પ્રસંગે તાલુકા પંચાયતના હોદ્દેદારો, રાંઢીયા સરપંચ શ્રી વિલાસબેન કાકડીયા અને અગ્રણી શ્રી અરવિંદભાઈ કાકડીયા, રિકડીયા ગામના સરપંચ શ્રી નરેશભાઈ વાળા સહિતના સ્થાનિક અગ્રણીઓ, પ્રાથમિક શાળા આચાર્ય શ્રી નિલેશભાઈ જોશી, નાના આંકડીયા ગામના સ્થાનિક હોદ્દેદારો, અગ્રણીઓ, હાઈસ્કૂલ આચાર્ય શ્રી રામ, પ્રાથમિક શાળા આચાર્ય શ્રી કુલદીપભાઈ મકવાણા, સ્કૂલ મેનેજમેન્ટ કમિટીના સભ્યો, શાળાઓના શિક્ષકો, વિદ્યાર્થીઓ અને બહોળી સંખ્યામાં ગ્રામજનો ઉપસ્થિત રહ્યા હતા.

રાજસ્થાન સરકાર દ્વારા એક નવો કાયદો રજૂ કરવામાં આવ્યો છે. આ નવા કાયદા વિશે જાણકારી હોવી ખૂબ જ મહત્વપૂર્ણ છે, કારણ કે તેનું પાલન ન કરવા પર મોટો દંડ ભરવો પડી શકે છે. તેથી, દરેક માટે આ નવા કાયદાની વિગતો જાણવી અનિવાર્ય છે જેથી કોઈપણ પ્રકારના મોટા દંડથી બચી શકાય.

બોટાદ જિલ્લામાં તા. ૨૩થી ૨૫ જૂન દરમિયાન યોજાઈ રહેલા ૨૪મા શાળા પ્રવેશોત્સવ અને કન્યા કેળવણી મહોત્સવનો હર્ષોલ્લાસભેર પ્રારંભ થયો છે. રાજ્ય સરકાર દ્વારા 'પ્રગતિનો પ્રવેશોત્સવ'ની થીમ હેઠળ આયોજિત આ મહોત્સવનો મુખ્ય ઉદ્દેશ્ય શિક્ષિત અને વિકસિત ભારતના નિર્માણ માટે એક મજબૂત પગથિયું પૂરું પાડવાનો છે. આ અવસરે બોટાદ જિલ્લાના લાઠીદડ ગામે પ્રભારી સચિવશ્રી બી.એ. શાહના હસ્તે ધોરણ ૧ અને ૯ના વિદ્યાર્થીઓનું સ્વાગત કરવામાં આવ્યું હતું. તેમણે લાઠીદડ ગામની કેન્દ્રવર્તી શાળા, પરા પ્રાથમિક શાળા, શ્રી સ્વામિનારાયણ હાઈસ્કૂલ અને શ્રી કન્યા વિદ્યાલય ખાતે ઉપસ્થિત રહી બાળકોને શાળામાં પ્રવેશ અપાવ્યો હતો. સમગ્ર જિલ્લામાં નવા પ્રવેશ મેળવનાર બાળકોનું ઉષ્માભર્યું સ્વાગત કરીને તેમને શિક્ષણના મુખ્ય પ્રવાહ સાથે જોડવામાં આવ્યા હતા. આ કાર્યક્રમ દરમિયાન બાળકોને શૈક્ષણિક કિટ, પાઠ્યપુસ્તકો અને અન્ય શૈક્ષણિક સામગ્રીનું વિતરણ કરાયું હતું. વાલીઓને દીકરીઓના શિક્ષણનું મહત્વ સમજાવી ઉચ્ચ શિક્ષણ સુધી પહોંચાડવા માટે પ્રેરિત કરવામાં આવ્યા, સાથે જ સરકારની વિવિધ વિદ્યાર્થીલક્ષી યોજનાઓની માહિતી આપી ગુણવત્તાસભર શિક્ષણ ઉપલબ્ધ કરાવવાનો સંકલ્પ વ્યક્ત કરાયો હતો. આ શાળા પ્રવેશોત્સવ અભિયાન ગુજરાતના તત્કાલીન મુખ્યમંત્રી અને દેશના વર્તમાન વડાપ્રધાનશ્રી નરેન્દ્રભાઈ મોદીના દુરંદેશી નેતૃત્વ હેઠળ શરૂ થયું હતું. વર્ષ ૨૦૦૩માં શાળાઓમાં ડ્રોપઆઉટ રેશિયો વધુ હોવાથી તેને ઘટાડીને નહિવત્ કરવા માટે આ કાર્યક્રમની શરૂઆત કરવામાં આવી હતી. છેલ્લા બે દાયકાથી વધુ સમયથી ચાલતું આ અભિયાન રાજ્યમાં શૈક્ષણિક જાગૃતિ, શાળા પ્રવેશદર અને કન્યા શિક્ષણના ક્ષેત્રે નોંધપાત્ર પરિવર્તન લાવવામાં સફળ રહ્યું છે, જેના પરિણામ સ્વરૂપે બાળકોમાં ડ્રોપઆઉટ રેશિયો નહીવત સમાન થયો છે અને વાલીઓ જાગૃત બન્યા છે. આજનો શાળા પ્રવેશોત્સવ માત્ર બાળકોના પ્રવેશનો કાર્યક્રમ નથી, પરંતુ 'વિકસિત ભારત'ના સંકલ્પને સાકાર કરવા માટેનું એક મહત્વપૂર્ણ પગથિયું છે, જે શિક્ષણ દ્વારા સશક્ત સમાજ અને આત્મનિર્ભર રાષ્ટ્રના નિર્માણનો માર્ગ સુદૃઢ બનાવે છે. 'બેટી બચાવો, બેટી પઢાવો' થી લઈને વિદ્યાર્થીઓનો ડ્રોપઆઉટ રેશિયો ઘટાડવા અને સર્વસમાવેશક શિક્ષણ સુધીની વિવિધ પહેલો શિક્ષણ તથા નારી સશક્તિકરણ પ્રત્યે સરકારની પ્રતિબદ્ધતાને ઉજાગર કરે છે. આ પ્રસંગે પ્રભારી સચિવશ્રી બી.એ. શાહે શિક્ષણના મહત્વ અંગે માર્ગદર્શન આપ્યું હતું. આજના કાર્યક્રમમાં જિલ્લા પૂરવઠા અધિકારી અર્જુન ચાવડા, આગેવાન પારુલબેન પટેલ, આંગણવાડી સુપરવાઈઝર પટેલ, આઈ.સી.ડી.એસ. અધિકારી પરેશભાઈ રાઠોડ, સ્કૂલ મેનેજમેન્ટ કમિટીના અધ્યક્ષ અશોકભાઈ, સી.આર.સી. મહેશભાઈ, લાઠીદડ ગામના સરપંચ જોશનાબેન, દાતા રસિકભાઈ, અગ્રણી જયંતીભાઈ અને કલ્પેશભાઈ સહિત મોટી સંખ્યામાં વિદ્યાર્થીઓ, વાલીઓ અને ગ્રામજનો ઉપસ્થિત રહ્યા હતા. બાળકોના ચહેરા પરનો ઉત્સાહ અને આનંદ શિક્ષણ પ્રત્યેના ઉજ્જવળ ભવિષ્યની આશાઓને પ્રતિબિંબિત કરતા હતા, જેનાથી ઉપસ્થિત સૌ કોઈએ ધન્યતા અનુભવી હતી અને આજના શાળા પ્રવેશોત્સવને ખરા અર્થમાં 'પ્રગતિનો પ્રવેશોત્સવ' બનાવ્યો હતો.

અમદાવાદ જિલ્લાના ધંધુકા ખાતે એક વૃક્ષારોપણ કાર્યક્રમનું આયોજન કરવામાં આવ્યું હતું. આ કાર્યક્રમ ધંધુકાની શ્યામઘાટ શાળામાં પર્યાવરણ બચાવો કાર્યક્રમ સાથે યોજાયો હતો.

ધારાસભ્ય કાળુભાઈ ડાભીના હસ્તે કુંડળીની સરકારી માધ્યમિક શાળાના નવનિર્મિત મકાનનું લોકાર્પણ કરવામાં આવ્યું છે.

હે પ્રભુ, વિદ્યાર્થીઓ સાથે આવા હૃદયદ્રાવક દ્રશ્યોનો અંત ક્યાં સુધી આવશે, અને નિર્દોષ બાળકોના જીવ આગની ભેટ ક્યાં સુધી ચડતા રહેશે તે અંગે ગહન ચિંતા વ્યક્ત કરવામાં આવી છે. લખનૌમાં બનેલી દુઃખદ ઘટનાએ ફરી એકવાર સુરક્ષા વ્યવસ્થાઓ સામે ગંભીર પ્રશ્નો ઊભા કર્યા છે, જે આ મુદ્દાની સતત પુનરાવૃત્તિ દર્શાવે છે.