અમદાવાદ જિલ્લાના ધંધુકા ખાતે એક વૃક્ષારોપણ કાર્યક્રમનું આયોજન કરવામાં આવ્યું હતું. આ કાર્યક્રમ ધંધુકાની શ્યામઘાટ શાળામાં પર્યાવરણ બચાવો કાર્યક્રમ સાથે યોજાયો હતો.

અમદાવાદ જિલ્લાના ધંધુકા ખાતે એક વૃક્ષારોપણ કાર્યક્રમનું આયોજન કરવામાં આવ્યું હતું. આ કાર્યક્રમ ધંધુકાની શ્યામઘાટ શાળામાં પર્યાવરણ બચાવો કાર્યક્રમ સાથે યોજાયો હતો.

ગઈકાલે રાજકોટના રૈયા રોડ પર એક સગીર દ્વારા ગંભીર અકસ્માતને અંજામ આપવામાં આવ્યો હતો. આ મામલામાં ગાંધીગ્રામ પોલીસે માત્ર સગીર વિરુદ્ધ ગુનો દાખલ કરીને સંતોષ માની લીધો હોવાનું જણાઈ રહ્યું છે. જોકે, સગીરના પિતા અને કાર ચાલકને 'બચાવી લેવામાં આવ્યા' હોવાની વાત પણ સામે આવી છે.

બોટાદમાં ટાઉન પોલીસ સ્ટેશન ખાતે શાંતિ સમિતિની એક બેઠકનું આયોજન કરવામાં આવ્યું હતું.

આજે બોટાદ ટાઉન પોલીસ સ્ટેશન ખાતે આગામી તહેવારોને અનુલક્ષીને શાંતિ સમિતિની બેઠકનું આયોજન કરવામાં આવ્યું હતું. આ બેઠકમાં ડીવાયએસપીશ્રી, પીઆઈશ્રી તેમજ પોલીસ સ્ટેશનના અન્ય અધિકારીઓ ઉપસ્થિત રહ્યા હતા. આ પ્રસંગે હાજર રહેલા તમામ સમાજના આગેવાનોએ પોલીસ તંત્રને સંપૂર્ણ સહકાર આપવાની ખાતરી વ્યક્ત કરી હતી. આ બેઠક "શાંતિ, એકતા અને સૌહાર્દ જાળવી તહેવારોની ઉજવણી કરીએ" તેવી અપીલ સાથે પૂર્ણ થઈ હતી.

આજ રોજ સાણંદ તાલુકાના બકરાણા ગામે પર્યાવરણની જાળવણી અને ગ્રીન વિલેજના સંકલ્પ સાથે એક ભવ્ય વૃક્ષારોપણ કાર્યક્રમનું આયોજન કરવામાં આવ્યું હતું. આ કાર્યક્રમ અંતર્ગત સમગ્ર ગામમાં અંદાજે ૭૦૦ જેટલા જુદા જુદા વૃક્ષોના છોડનું રોપણ કરવામાં આવ્યું. આ સરાહનીય કાર્યક્રમનું સફળ આયોજન બકરાણા ગ્રામ પંચાયત અને સેવા સહકારી મંડળીના સંયુક્ત ઉપક્રમે થયું હતું, જેમાં ગ્રામજનોએ ઉત્સાહભેર ભાગ લઈ શ્રમદાન પણ કર્યું. પર્યાવરણ જાગૃતિના સંદેશાને વેગ આપવા માટે બકરાણા પ્રાથમિક શાળાના શિક્ષકો અને સ્ટાફ મિત્રોએ પણ વૃક્ષારોપણમાં ખાસ હાજરી આપી હતી. ગ્રામ પંચાયતના સરપંચ ગજેન્દ્રસિં વાઘેલા, હોદ્દેદારો, મંડળીના સભ્યો અને ગ્રામજનોના સહિયારા પ્રયાસોથી આખો કાર્યક્રમ સફળતાપૂર્વક સંપન્ન થયો હતો.

અમદાવાદ જિલ્લાના ધંધુકા તાલુકાના ધંધુકા શહેરી વિસ્તારમાં સ્થિત વિમલમાતા સ્કૂલ ખાતે આગામી ચોમાસાની ઋતુ દરમિયાન મચ્છરજન્ય રોગચાળો ફેલાતો અટકાવવા માટે એક જનજાગૃતિ કાર્યક્રમનું આયોજન કરવામાં આવ્યું હતું. આ કાર્યક્રમ દરમિયાન વિદ્યાર્થીઓને મેલેરિયા, ડેન્ગ્યુ અને ચિકનગુનિયા જેવા વાહકજન્ય રોગો અંગે વિસ્તૃત માહિતી આપવામાં આવી હતી. મચ્છરના જીવનચક્ર વિશે સમજણ આપવાની સાથે, ઘર અને આસપાસના વિસ્તારમાં પાણી ભરાઈ ન રહે તેની તકેદારી રાખવા, સ્વચ્છતા જાળવવા અને મચ્છરના પ્રજનન સ્થળોનો નાશ કરવા અંગે માર્ગદર્શન પૂરું પાડવામાં આવ્યું હતું. આ ઉપરાંત, વિદ્યાર્થીઓને પોતાના પરિવાર અને સમાજમાં પણ મચ્છરજન્ય રોગો અંગે જાગૃતિ ફેલાવવા અપીલ કરવામાં આવી હતી. આ કાર્યક્રમ દ્વારા ચોમાસા દરમિયાન રોગચાળો અટકાવવા માટે સ્વચ્છતા અને સાવચેતીના સંદેશને લોકો સુધી વધુ અસરકારક રીતે પહોંચાડવાનો પ્રયાસ કરાયો હતો.

સુરેન્દ્રનગર જિલ્લાના સોલડી ગામ નજીક એક માર્ગ અકસ્માતની ઘટના સામે આવી છે. આ અકસ્માત એક સ્કૂલ બસ અને એક પીકઅપ ગાડી વચ્ચે થયો હતો.