આજે બોટાદ ટાઉન પોલીસ સ્ટેશન ખાતે આગામી તહેવારોને અનુલક્ષીને શાંતિ સમિતિની બેઠકનું આયોજન કરવામાં આવ્યું હતું. આ બેઠકમાં ડીવાયએસપીશ્રી, પીઆઈશ્રી તેમજ પોલીસ સ્ટેશનના અન્ય અધિકારીઓ ઉપસ્થિત રહ્યા હતા. આ પ્રસંગે હાજર રહેલા તમામ સમાજના આગેવાનોએ પોલીસ તંત્રને સંપૂર્ણ સહકાર આપવાની ખાતરી વ્યક્ત કરી હતી. આ બેઠક "શાંતિ, એકતા અને સૌહાર્દ જાળવી તહેવારોની ઉજવણી કરીએ" તેવી અપીલ સાથે પૂર્ણ થઈ હતી.

બોટાદમાં ટાઉન પોલીસ સ્ટેશન ખાતે શાંતિ સમિતિની એક બેઠકનું આયોજન કરવામાં આવ્યું હતું.

આજે બોટાદ ટાઉન પોલીસ સ્ટેશન ખાતે આગામી તહેવારોને અનુલક્ષીને શાંતિ સમિતિની બેઠકનું આયોજન કરવામાં આવ્યું હતું. આ બેઠકમાં ડીવાયએસપીશ્રી, પીઆઈશ્રી તેમજ પોલીસ સ્ટેશનના અન્ય અધિકારીઓ ઉપસ્થિત રહ્યા હતા. આ પ્રસંગે હાજર રહેલા તમામ સમાજના આગેવાનોએ પોલીસ તંત્રને સંપૂર્ણ સહકાર આપવાની ખાતરી વ્યક્ત કરી હતી. આ બેઠક "શાંતિ, એકતા અને સૌહાર્દ જાળવી તહેવારોની ઉજવણી કરીએ" તેવી અપીલ સાથે પૂર્ણ થઈ હતી.

સંયુક્ત રાષ્ટ્ર સંઘ દ્વારા ૨૧ જૂનને આંતરરાષ્ટ્રીય યોગ દિવસ તરીકે ઉજવવાના પ્રસ્તાવને મંજૂરી મળ્યા બાદ વિશ્વભરમાં આ દિવસની ઉજવણી થાય છે. આ પૃષ્ઠભૂમિમાં, આજે ૨૧ જૂનના રોજ આણંદ ખાતે “સ્વસ્થ જીવન માટે યોગ” થીમ સાથે આંતરરાષ્ટ્રીય યોગ દિવસની ઉત્સાહભેર ઉજવણી કરવામાં આવી. આણંદ જિલ્લામાં યોજાયેલા જિલ્લા કક્ષાના આંતરરાષ્ટ્રીય યોગ દિવસની ઉજવણીમાં બોરસદના ધારાસભ્ય અને કેબિનેટ મંત્રી રમણભાઈ સોલંકી, આણંદના કલેક્ટર પ્રવીણ ચૌધરી, કરમસદ આણંદ નગરપાલિકાના મેયર દીપિકા પટેલ, ડેપ્યુટી મેયર કમલેશ ડાભી સહિત જિલ્લાના ઉચ્ચ અધિકારી-કર્મચારીઓ, વિવિધ સંસ્થાઓના પ્રતિનિધિઓ અને અગ્રણી નાગરિકો મોટી સંખ્યામાં ઉપસ્થિત રહ્યા હતા. આ ઉજવણીમાં સમગ્ર આણંદ જિલ્લામાં ઠેરઠેર મોટી સંખ્યામાં લોકો આંતરરાષ્ટ્રીય યોગમાં જોડાયા હતા. કેબિનેટ મંત્રી રમણભાઈ સોલંકીએ આ પ્રસંગે પોતાનો પ્રતિભાવ પણ આપ્યો હતો. આણંદ જિલ્લા વહીવટી તંત્ર દ્વારા આ ૧૨મા યોગ દિવસની ઉજવણી આણંદના સાગોડપુરા ખાતે આવેલા પ્રમુખ સ્વામી હોલ ખાતે કલેક્ટર પ્રવીણ ચૌધરીના અધ્યક્ષસ્થાને કરવામાં આવી હતી.

અમદાવાદ જિલ્લાના ધંધુકા તાલુકાના ધંધુકા શહેરી વિસ્તારમાં સ્થિત વિમલમાતા સ્કૂલ ખાતે આગામી ચોમાસાની ઋતુ દરમિયાન મચ્છરજન્ય રોગચાળો ફેલાતો અટકાવવા માટે એક જનજાગૃતિ કાર્યક્રમનું આયોજન કરવામાં આવ્યું હતું. આ કાર્યક્રમ દરમિયાન વિદ્યાર્થીઓને મેલેરિયા, ડેન્ગ્યુ અને ચિકનગુનિયા જેવા વાહકજન્ય રોગો અંગે વિસ્તૃત માહિતી આપવામાં આવી હતી. મચ્છરના જીવનચક્ર વિશે સમજણ આપવાની સાથે, ઘર અને આસપાસના વિસ્તારમાં પાણી ભરાઈ ન રહે તેની તકેદારી રાખવા, સ્વચ્છતા જાળવવા અને મચ્છરના પ્રજનન સ્થળોનો નાશ કરવા અંગે માર્ગદર્શન પૂરું પાડવામાં આવ્યું હતું. આ ઉપરાંત, વિદ્યાર્થીઓને પોતાના પરિવાર અને સમાજમાં પણ મચ્છરજન્ય રોગો અંગે જાગૃતિ ફેલાવવા અપીલ કરવામાં આવી હતી. આ કાર્યક્રમ દ્વારા ચોમાસા દરમિયાન રોગચાળો અટકાવવા માટે સ્વચ્છતા અને સાવચેતીના સંદેશને લોકો સુધી વધુ અસરકારક રીતે પહોંચાડવાનો પ્રયાસ કરાયો હતો.

જસદણ તાલુકાના ગોડલાધાર ગામમાં થોડા દિવસો પહેલા ખેડૂતોના ખેતરોમાં વીજપોલ નાખવામાં આવ્યા હતા, પરંતુ તેમને યોગ્ય વળતર ન મળતા ખેડૂતો દ્વારા ઉગ્ર વિરોધ કરવામાં આવ્યો હતો. આ વિરોધને કારણે વીજપોલ નાખવાનું કામ અટકાવી દેવામાં આવ્યું હતું. આ મામલે સ્થાનિક ખેડૂતો અને આગેવાનોએ વિરોધ નોંધાવ્યો હતો, અને આજરોજ જસદણ ખાતે મામલતદાર કચેરીએ આવેદનપત્ર સુપરત કર્યું હતું. આ પ્રસંગે ખેડૂત આગેવાન બ્રીજરાજ સોલંકી ખાસ ઉપસ્થિત રહ્યા હતા, જ્યારે મોટી સંખ્યામાં ખેડૂતો પણ હાજર રહ્યા હતા.

અમરેલી જિલ્લાના ૨૦ પોલીસ સ્ટેશન વિસ્તારોમાં 'અમરેલી સુરક્ષા કવચ' એપ્લિકેશન અંગે સેમિનારનું આયોજન કરવામાં આવ્યું હતું.

અમરેલી જિલ્લામાં સ્થાનિક ઉદ્યોગસાહસિકતાને નવી ગતિ આપતાં, ઊર્જા અને કાયદા રાજ્યમંત્રીશ્રી કૌશિકભાઈ વેકરિયાના હસ્તે DBS Poly Pack અને DBS Prepack LLP નામના PET પ્રીફોર્મ ઉત્પાદન યુનિટનું ઉદ્ઘાટન કરવામાં આવ્યું. અમરેલી શહેર નજીક કૃષ્ણા સોલ્વેન્ટ પાસે, ફતેપુરા રોડ પર સ્થિત આ અદ્યતન યુનિટની સ્થાપના દિવ્યાંગ ઉદ્યોગસાહસિક શ્રી ચેતનભાઈ તથા તેમના સાથી મિત્રો શ્રી દીપકભાઈ, શ્રી નરેશભાઈ અને શ્રી સુરેશભાઈ સહિત ચાર યુવા ઉદ્યોગસાહસિકોએ સંયુક્ત રીતે કરી છે. આ શુભારંભ તા. ૨૧ જૂન, ૨૦૨૬ના રોજ થયો હતો. PET બોટલના ઉત્પાદન માટે જરૂરી PET પ્રીફોર્મ બનાવતું અમરેલી જિલ્લામાં આ પ્રકારનું આ પ્રથમ યુનિટ છે. આ નવી ઔદ્યોગિક પહેલથી સ્થાનિક રોજગારીની નવી તકો ઊભી થશે અને જિલ્લાના ઔદ્યોગિક વિકાસ તેમજ અર્થતંત્રને મજબૂત બનાવવામાં મહત્ત્વપૂર્ણ યોગદાન મળશે. સ્થાનિક સ્તરે પ્રીફોર્મના ઉત્પાદનથી પેકેજિંગ ક્ષેત્ર સાથે સંકળાયેલા વિવિધ ઉદ્યોગોને પણ સીધો લાભ થવાની શક્યતા છે. આ પ્રસંગે રાજ્યમંત્રીશ્રી વેકરિયાએ યુવા ઉદ્યોગસાહસિકોને અભિનંદન પાઠવતા જણાવ્યું કે, યુવાનોની મહેનત, દૃઢ સંકલ્પ અને નવીન વિચારસરણી જ સ્થાનિક ઉદ્યોગોના વિકાસની ચાવી છે, જે માત્ર વ્યવસાયિક પ્રગતિ જ નહીં, પરંતુ સ્થાનિક રોજગારી અને અર્થતંત્રને પણ વેગ આપે છે. 'મન હોય તો માળવે જવાય'ની કાઠિયાવાડી કહેવતને સાકાર કરતાં, દિવ્યાંગ હોવા છતાં શ્રી ચેતનભાઈએ પોતાના સાથીદારો સાથે મળીને આ ઉદ્યોગ સ્થાપવાનું સ્વપ્ન સાકાર કર્યું છે. તેમની આ સિદ્ધિ યુવાનો માટે પ્રેરણાદાયી છે અને દર્શાવે છે કે સતત પરિશ્રમ, સાહસ અને આત્મવિશ્વાસથી કોઈપણ પડકારને અવસરમાં પરિવર્તિત કરી શકાય છે. રાજ્ય સરકારની ઉદ્યોગલક્ષી નીતિઓ, સરળ વ્યવસાયિક પ્રક્રિયાઓ અને પ્રોત્સાહનોને કારણે નાના અને મધ્યમ ઉદ્યોગોને નવી દિશા મળી રહી છે, જેના પરિણામે અમરેલી જિલ્લામાં પણ ઉદ્યોગો માટે અનુકૂળ માહોલ સર્જાઈ રહ્યો છે. DBS Poly Pack અને DBS Prepack LLP ના સ્થાપકો તથા સમગ્ર ટીમને આ નવી શરૂઆત બદલ શુભેચ્છાઓ અને તેમના ઉદ્યોગના ઉજ્જવળ ભવિષ્ય માટે શુભકામનાઓ વ્યક્ત કરવામાં આવી હતી. આ ઉદ્ઘાટન પ્રસંગે મંત્રીશ્રીના અંગત મદદનીશ શ્રી ભાવેશ ભાલિયા, શ્રી જીતેન્દ્ર બોદર, શ્રી પરેશ બોઘરા, શ્રી મહેશ વઘાસીયા, શ્રી આશિષ ધડુક, શ્રી મિલાપ ભટ્ટ, શ્રી મનીષ કુબાવત, શ્રી લક્ષદીપ મહાજન, શ્રી હાર્દિક સુખડીયા, શ્રી રજની વઘાસીયા, શ્રી મહેશ રંગપારીયા, શ્રી રવિ કોટડીયા, શ્રી નારાયણ કોટડીયા, શ્રી હિમાંશુ ગોધાણી, શ્રી જયદીપ પાંચાણી, શ્રી જયદીપ ચોવટીયા, શ્રી નરેશ વેકરિયા, શ્રી રમેશ ભંડેરી, શ્રી અભિષેક માંડણકા, શ્રી જીતેન્દ્ર કથીરિયા, શ્રી મુકેશ જોષી, શાસ્ત્રીશ્રી પુનિતદાદા જોષી, શ્રી પરેશ વાડદોરીયા, શ્રી ધાર્મિક સોરઠીયા, શ્રી ઘનશ્યામ ભુવા, શ્રી કિરીટભાઈ સુખડીયા, શ્રી ગોપાલ ખૂંટ, શ્રી ખીમજીભાઈ વાડદોરીયા, શ્રી નિમેષભાઈ પારેખ સહિત શ્રી જયસુખભાઈ કોટડીયા અને સારથી સોસાયટીના અંગત મિત્રો ઉપસ્થિત રહ્યા હતા.

લીંબડી શહેરમાં PGVCL (પશ્ચિમ ગુજરાત વીજ કંપની લિમિટેડ) છેલ્લા ઘણા દિવસોથી પોતાની મનમાની ચલાવી રહી હોવાનો સ્થાનિકો દ્વારા ગંભીર આક્ષેપ કરવામાં આવી રહ્યો છે. કાળજાળ ગરમી વચ્ચે દિવસ અને રાત્રિના સમયે પણ કલાકો સુધી વીજળી ગુલ કરી દેવામાં આવતી હોવાથી પ્રજાને ભારે હાલાકીનો સામનો કરવો પડી રહ્યો છે. આ અવારનવાર થતા વીજકાપને કારણે લીંબડી શહેરના લોકોમાં ભારે રોષ ફેલાયો છે. આ મામલે, વીજળી ગુલ થતાં પ્રજા દ્વારા PGVCLના મોબાઈલ તેમજ લેન્ડલાઈન નંબર પર ફોન કરવામાં આવે ત્યારે ફોન પણ સાઈડમાં મૂકી દેવામાં આવતા હોવાના આક્ષેપો છે. લીંબડી શહેરના વાસીઓ દ્વારા એક વીડિયો પણ બનાવવામાં આવ્યો છે, જેમાં સ્પષ્ટપણે શહેર અંધારપટમાં ડૂબેલું દેખાય છે. અંધારપટના કારણે લીંબડીના યુવાનો જ્યારે PGVCL ઓફિસે પહોંચ્યા, ત્યારે ત્યાં હાજર કર્મચારીઓએ ટાળમટોળ કરીને ફોન ચાલુ હોવાનું જણાવ્યું હતું, પરંતુ યુવાનો દ્વારા તેમની વાતનો પર્દાફાશ કરી દેવામાં આવ્યો હતો. PGVCL કચેરી તેમજ ઈજનેરને કોલ કરવા છતાં કોઈ રિસીવ કરતું નથી, અને અધિકારીઓ પોતાની કચેરીઓમાં લાઈટ ચાલુ રાખી મોજ માણી રહ્યા છે, જ્યારે પ્રજા ગરમીમાં પીસાઈ રહી છે. આવી સ્થિતિમાં, લીંબડી શહેરમાં સિવિલ હોસ્પિટલ પણ આવેલી હોવાથી, જો ગરમીના કારણે કોઈ પણ તકલીફ ઊભી થશે કે કોઈ હાનિ પહોંચશે તો તેની જવાબદારી કોની રહેશે તેવો સવાલ પ્રજા પૂછી રહી છે. લોકોનો સ્પષ્ટપણે આક્ષેપ છે કે PGVCL પોતાની મનમાની આદરીને લીંબડી શહેરની પ્રજાને પરેશાન કરી રહ્યું છે.