ધાનેરા નગરપાલિકાની ઘોર બેદરકારીના કારણે વોર્ડ નંબર ૫ માં આવેલી મેમણ સોસાયટી વિસ્તારમાં ભૂગર્ભ ગટરના ગંદા પાણી રસ્તાઓ પર ઉભરાઈ રહ્યા છે. નગરપાલિકાની પ્રી-મોન્સૂન કામગીરી અને સફાઈ વ્યવસ્થાના દાવાઓ આ વિસ્તારમાં નિષ્ફળ સાબિત થયા છે, કારણ કે લાંબા સમયથી ગટરની કોઈ સફાઈ કરવામાં આવી નથી. ગંદા પાણીના ભરાવાને કારણે સ્થાનિકોમાં ડેન્ગ્યુ અને મલેરિયા જેવા રોગચાળા ફેલાવવાનો ભારે ભય વ્યાપી ગયો છે. આ કપરી પરિસ્થિતિમાં, ચૂંટણી સમયે મોટા વાયદાઓ કરીને વોટ મેળવનારા સ્થાનિક ચૂંટાયેલા સભ્યો જાણે ભૂગર્ભમાં ઉતરી ગયા હોય તેમ ગાયબ જોવા મળે છે. વારંવાર રજૂઆતો કરવા છતાં, નગરપાલિકા તંત્રના બહેરા કાન સુધી જનતાનો અવાજ પહોંચી શકતો નથી. આ પરિસ્થિતિને લઈને સ્થાનિક લોકો તંત્ર અને ચૂંટાયેલા પ્રતિનિધિઓ પર ઉગ્ર રોષ ઠાલવી રહ્યા છે. તેઓ સવાલ કરી રહ્યા છે કે શું નગરપાલિકા કોઈ મોટા રોગચાળાની રાહ જોઈ રહી છે અને શું ચૂંટાયેલા સભ્યો માત્ર એસી ઓફિસોમાં બેસવા માટે જ ચૂંટાયા છે.

ઈકબાલ મેમણ

Local News Reporter ધાનેરા, બનાસકાંઠા, ગુજરાત•

6 hrs ago

ધાનેરા નગરપાલિકાની ઘોર બેદરકારીના કારણે વોર્ડ નંબર ૫ માં આવેલી મેમણ સોસાયટી વિસ્તારમાં ભૂગર્ભ ગટરના ગંદા પાણી રસ્તાઓ પર ઉભરાઈ રહ્યા છે. નગરપાલિકાની પ્રી-મોન્સૂન કામગીરી અને સફાઈ વ્યવસ્થાના દાવાઓ આ વિસ્તારમાં નિષ્ફળ સાબિત થયા છે,

કારણ કે લાંબા સમયથી ગટરની કોઈ સફાઈ કરવામાં આવી નથી. ગંદા પાણીના ભરાવાને કારણે સ્થાનિકોમાં ડેન્ગ્યુ અને મલેરિયા જેવા રોગચાળા ફેલાવવાનો ભારે ભય વ્યાપી ગયો છે. આ કપરી પરિસ્થિતિમાં, ચૂંટણી સમયે મોટા વાયદાઓ કરીને વોટ મેળવનારા

સ્થાનિક ચૂંટાયેલા સભ્યો જાણે ભૂગર્ભમાં ઉતરી ગયા હોય તેમ ગાયબ જોવા મળે છે. વારંવાર રજૂઆતો કરવા છતાં, નગરપાલિકા તંત્રના બહેરા કાન સુધી જનતાનો અવાજ પહોંચી શકતો નથી. આ પરિસ્થિતિને લઈને સ્થાનિક લોકો તંત્ર અને ચૂંટાયેલા પ્રતિનિધિઓ

પર ઉગ્ર રોષ ઠાલવી રહ્યા છે. તેઓ સવાલ કરી રહ્યા છે કે શું નગરપાલિકા કોઈ મોટા રોગચાળાની રાહ જોઈ રહી છે અને શું ચૂંટાયેલા સભ્યો માત્ર એસી ઓફિસોમાં બેસવા માટે જ ચૂંટાયા છે.