మహబూబాబాద్‌లోని గిరిజన భవన్‌లో ఆయుష్ డిపార్ట్‌మెంట్ ఆధ్వర్యంలో 12వ అంతర్జాతీయ యోగా దినోత్సవ వేడుకలను ఘనంగా నిర్వహించారు. ఈ కార్యక్రమానికి స్థానిక ఎమ్మెల్యే డాక్టర్ మురళి నాయక్ ముఖ్యఅతిథిగా హాజరై ప్రజలందరికీ యోగా దినోత్సవ శుభాకాంక్షలు తెలిపారు. యోగా ద్వారా అందరూ తమ ఆరోగ్యాన్ని కాపాడుకోవాలని ఆయన పిలుపునిచ్చారు. జిల్లా కలెక్టర్ స్నేహ శబరీష్, మున్సిపల్ చైర్‌పర్సన్ గుగులోతు జ్యోతి, జిల్లా అధికారులు, పాఠశాల విద్యార్థులు, మహబూబాబాద్ శాసనసభ్యులు యోగా వేడుకల్లో ఉత్సాహంగా పాల్గొన్నారు. ఈ సందర్భంగా మాట్లాడిన ఎమ్మెల్యే డాక్టర్ భూక్య మురళి నాయక్, యోగాను భారతదేశం ప్రపంచానికి అందించిన అద్భుతమైన కానుకగా అభివర్ణించారు. నిరంతర ఒత్తిడి, వేగవంతమైన జీవితంలో శారీరక దృఢత్వానికి, మానసిక ప్రశాంతతకు యోగా ఒక దివ్యౌషధంలా పనిచేస్తుందని ఆయన పేర్కొన్నారు. తాను ఒక వైద్యుడిగా, మారుతున్న జీవనశైలి కారణంగా వస్తున్న అనేక ఆరోగ్య సమస్యలకు యోగా ద్వారా అడ్డుకట్ట వేయవచ్చని స్పష్టం చేశారు. ప్రతి ఒక్కరూ తమ దైనందిన జీవితంలో కనీసం అరగంట సమయాన్ని యోగాసనాలు, ప్రాణాయామానికి కేటాయించాలని కోరారు. యువత శారీరక, మానసిక వికాసానికి, విద్యార్థులు ఏకాగ్రతను పెంచుకోవడానికి యోగా ఎంతో తోడ్పడుతుందని ఆయన అభిప్రాయపడ్డారు. మహబూబాబాద్ నియోజకవర్గం, జిల్లాలోని ప్రజలందరూ యోగాను ఒక్క రోజుకే పరిమితం చేయకుండా, నిత్య జీవితంలో ఒక భాగంగా మార్చుకుని సంపూర్ణ ఆరోగ్యంతో వర్ధిల్లాలని డాక్టర్ మురళి నాయక్ ఆకాంక్షించారు. యోగ కార్యక్రమానికి చక్కటి ఏర్పాట్లు చేసినందుకు జిల్లా కలెక్టర్ స్నేహ శబరీష్, ఆయుష్ శాఖ, నిర్వాహకులను అభినందించారు. ఈ కార్యక్రమంలో డిసిసి అధ్యక్షులు ఉమా మురళి నాయక్, స్థానిక ప్రజా ప్రతినిధులు, జిల్లా వైద్య ఆరోగ్యశాఖ అధికారి డాక్టర్ రవి రథోడ్, గిరిజన సంక్షేమ శాఖ అధికారి దేశీ రామ్ నాయక్, జిల్లా క్రీడల అధికారిణి జ్యోతి, డిపిఆర్ఓ రాజేంద్రప్రసాద్, జిల్లా అధికారులతో పాటు స్థానిక మున్సిపల్ కౌన్సిలర్ దిలీప్, కళాశాలల, పాఠశాలల విద్యార్థులు, స్థానిక సేవా సంస్థలు, ఆయుష్ డిపార్ట్‌మెంట్ నోడల్ అధికారి డాక్టర్ కిరణ్ కుమార్, రవికుమార్, కన్వీనర్ శ్రవణ్ కుమార్, స్థానిక తహసిల్దార్ రాజేశ్వర్, మున్సిపల్ కమిషనర్ వినోద్ కుమార్, వైద్యులు వసుంధర దేవి, సూర్యం, పూజిత, యోగశిక్షకులు స్పందన, కమల్ సుందర్, రామకృష్ణ, వడ్డెబోయిన శ్రీనివాస్ మరియు ఇతర సిబ్బంది పాల్గొన్నారు.

CHALLA VENU

కురవి, మహబూబాబాద్, తెలంగాణ•

5 hrs ago

మహబూబాబాద్‌లోని గిరిజన భవన్‌లో ఆయుష్ డిపార్ట్‌మెంట్ ఆధ్వర్యంలో 12వ అంతర్జాతీయ యోగా దినోత్సవ వేడుకలను ఘనంగా నిర్వహించారు. ఈ కార్యక్రమానికి స్థానిక ఎమ్మెల్యే డాక్టర్ మురళి నాయక్ ముఖ్యఅతిథిగా హాజరై ప్రజలందరికీ యోగా దినోత్సవ శుభాకాంక్షలు తెలిపారు. యోగా ద్వారా అందరూ తమ ఆరోగ్యాన్ని కాపాడుకోవాలని ఆయన పిలుపునిచ్చారు. జిల్లా కలెక్టర్ స్నేహ శబరీష్, మున్సిపల్ చైర్‌పర్సన్ గుగులోతు జ్యోతి, జిల్లా అధికారులు, పాఠశాల విద్యార్థులు, మహబూబాబాద్ శాసనసభ్యులు యోగా వేడుకల్లో ఉత్సాహంగా పాల్గొన్నారు. ఈ సందర్భంగా మాట్లాడిన ఎమ్మెల్యే డాక్టర్ భూక్య మురళి నాయక్, యోగాను భారతదేశం ప్రపంచానికి అందించిన అద్భుతమైన కానుకగా అభివర్ణించారు. నిరంతర ఒత్తిడి, వేగవంతమైన జీవితంలో శారీరక దృఢత్వానికి, మానసిక ప్రశాంతతకు యోగా ఒక దివ్యౌషధంలా పనిచేస్తుందని ఆయన పేర్కొన్నారు. తాను ఒక వైద్యుడిగా, మారుతున్న జీవనశైలి కారణంగా వస్తున్న అనేక ఆరోగ్య సమస్యలకు యోగా ద్వారా అడ్డుకట్ట వేయవచ్చని స్పష్టం చేశారు. ప్రతి ఒక్కరూ తమ దైనందిన జీవితంలో కనీసం అరగంట సమయాన్ని యోగాసనాలు, ప్రాణాయామానికి కేటాయించాలని కోరారు. యువత శారీరక, మానసిక వికాసానికి, విద్యార్థులు ఏకాగ్రతను పెంచుకోవడానికి యోగా ఎంతో తోడ్పడుతుందని ఆయన అభిప్రాయపడ్డారు. మహబూబాబాద్ నియోజకవర్గం, జిల్లాలోని ప్రజలందరూ యోగాను ఒక్క రోజుకే పరిమితం చేయకుండా, నిత్య జీవితంలో ఒక భాగంగా మార్చుకుని సంపూర్ణ ఆరోగ్యంతో వర్ధిల్లాలని డాక్టర్ మురళి నాయక్ ఆకాంక్షించారు. యోగ కార్యక్రమానికి చక్కటి ఏర్పాట్లు చేసినందుకు జిల్లా కలెక్టర్ స్నేహ శబరీష్, ఆయుష్ శాఖ, నిర్వాహకులను అభినందించారు. ఈ కార్యక్రమంలో డిసిసి అధ్యక్షులు ఉమా మురళి నాయక్, స్థానిక ప్రజా ప్రతినిధులు, జిల్లా వైద్య ఆరోగ్యశాఖ అధికారి డాక్టర్ రవి రథోడ్, గిరిజన సంక్షేమ శాఖ అధికారి దేశీ రామ్ నాయక్, జిల్లా క్రీడల అధికారిణి జ్యోతి, డిపిఆర్ఓ రాజేంద్రప్రసాద్, జిల్లా అధికారులతో పాటు స్థానిక మున్సిపల్ కౌన్సిలర్ దిలీప్, కళాశాలల, పాఠశాలల విద్యార్థులు, స్థానిక సేవా సంస్థలు, ఆయుష్ డిపార్ట్‌మెంట్ నోడల్ అధికారి డాక్టర్ కిరణ్ కుమార్, రవికుమార్, కన్వీనర్ శ్రవణ్ కుమార్, స్థానిక తహసిల్దార్ రాజేశ్వర్, మున్సిపల్ కమిషనర్ వినోద్ కుమార్, వైద్యులు వసుంధర దేవి, సూర్యం, పూజిత, యోగశిక్షకులు స్పందన, కమల్ సుందర్, రామకృష్ణ, వడ్డెబోయిన శ్రీనివాస్ మరియు ఇతర సిబ్బంది పాల్గొన్నారు.