ಅರಸು ಅವರ ಕಾಲ ಹಿಂದುಳಿದ ವರ್ಗಗಳ ಸುವರ್ಣಯುಗ - ಡಾ. ವೆಂಕಟಗಿರಿ ದಳವಾಯಿ ಹೊಸಪೇಟೆ (ವಿಜಯನಗರ): ದೇವರಾಜ ಅರಸು ಅವರನ್ನು ಲೋಕನಾಯಕ, ದುರಂತ ನಾಯಕ, ಖಳನಾಯಕ ಎಂಬ ವಿವಿಧ ನಿರೂಪಣೆಗಳಲ್ಲಿ ದೇವರಾಜ ಅರಸರನ್ನು ಚಿತ್ರಿಸಲಾಗಿದೆ. ನಮ್ಮ ಚರಿತ್ರೆಗಳು ದೇವರಾಜ ಅರಸರನ್ನು ವರ್ತಮಾನದಲ್ಲಿ ಈ ರೀತಿಯಾಗಿ ಏಕೆ ಚಿತ್ರಿಸಿದವು ಎಂಬುದನ್ನು ಹೊಸ ತಲೆಮಾರುಗಳು ಗಂಭೀರವಾಗಿ ಚಿಂತಿಸಬೇಕಿದೆ ಎಂದು ಕನ್ನಡ ವಿಶ್ವವಿದ್ಯಾಲಯದ ಕನ್ನಡ ಸಾಹಿತ್ಯ ಅಧ್ಯಯನ ವಿಭಾಗದ ಪ್ರಾಧ್ಯಾಪಕರಾದ ಡಾ. ವೆಂಕಟಗಿರಿ ದಳವಾಯಿ ಅವರು ಹೇಳಿದರು. ಕನ್ನಡ ವಿಶ್ವವಿದ್ಯಾಲಯ, ಹಂಪಿಯ ಹಿಂದುಳಿದ ವರ್ಗಗಳ ಮತ್ತು ಅಲ್ಪಸಂಖ್ಯಾತರ ವಿಶೇಷ ಘಟಕದ ವತಿಯಿಂದ ಅನಿಕೇತನ ವಸತಿ ನಿಲಯದಲ್ಲಿ 20ನೇ ಆಗಸ್ಟ್ 2026ರಂದು ಆಯೋಜಿಸಿದ್ದ ಡಿ. ದೇವರಾಜ ಅರಸು ಅವರ 111ನೇ ಜನ್ಮದಿನಾಚರಣೆ ಕಾರ್ಯಕ್ರಮದಲ್ಲಿ ವಿಶೇಷ ಉಪನ್ಯಾಸ ನೀಡುತ್ತಾ ಮಾತನಾಡಿದ ಅವರು ಶೋಷಿತ ಸಮುದಾಯಗಳೆಲ್ಲರೂ ದೇವರಾಜ ಅರಸರನ್ನು ತಮ್ಮ ಆಶ್ರಯದಾತ ಹಾಗೂ ಹಿತೈಷಿಯಂತೆ ಕಂಡು, ಅವರ ಸಾಮಾಜಿಕ ಕೊಡುಗೆಗಳನ್ನು ಮತ್ತೆ ಮತ್ತೆ ಸ್ಮರಿಸಬೇಕಾಗಿದೆ. ಶೋಷಿತ ಸಮುದಾಯಗಳು ತಮ್ಮೊಳಗಿನ ಪಿಸುಮಾತಿನೊಂದಿಗೆ ಪರಸ್ಪರ ಮಾತನಾಡಿಕೊಳ್ಳಬೇಕಾಗಿದೆ'' ಎಂದರು. ರಾಜರು ಸಾಮಾನ್ಯರಾಗಬೇಕು, ಸಾಮಾನ್ಯರು ರಾಜರಾಗಬೇಕು ಎಂಬ ಡಾ. ಬಿ.ಆರ್. ಅಂಬೇಡ್ಕರ್ ಅವರ ಕನಸು ಕರ್ನಾಟಕದ ರಾಜಕೀಯ ಚರಿತ್ರೆಯಲ್ಲಿ ಸಾಕಾರಗೊಂಡದ್ದು ದೇವರಾಜ ಅರಸರ ಕಾಲದಲ್ಲಿ ಮಾತ್ರ. ಹರಿದ ಬಟ್ಟೆಯ ಬಡವರು, ಕಾಲಿಗೆ ಚಪ್ಪಲಿಯಿಲ್ಲದವರು, ಹಳ್ಳಿಯ ರೈತರು ಹಾಗೂ ಅನಕ್ಷರಸ್ಥರು ವಿಧಾನಸೌಧದೊಳಗೆ ಪ್ರವೇಶಿಸಿ ತಮ್ಮ ಧ್ವನಿಯನ್ನು ಪ್ರತಿನಿಧಿಸುವಂತಹ ರಾಜಕೀಯ ವಾತಾವರಣ ನಿರ್ಮಾಣವಾಗಿದ್ದು ಅರಸರ ಆಡಳಿತದ ಅವಧಿಯಲ್ಲಿ ಎಂದು ಹೇಳಿದರು. ದೇವರಾಜ ಅರಸರು ಅರಸೊತ್ತಿಗೆಯ ಪರಂಪರೆಯ ವಿರುದ್ಧ ನಿಂತು ಸಾಮಾನ್ಯ ಜನರ ಬದುಕನ್ನು ರಾಜಕೀಯದ ಕೇಂದ್ರಬಿಂದುವಾಗಿಸಿದರು. ಒಳ್ಳೆಯ ಕೆಲಸಗಳಿಗಾಗಿ ಈ ಸಮಾಜ ಜಾತಿ, ಧರ್ಮ ಹಾಗೂ ಇತರ ಭೇದಗಳನ್ನು ಮೀರಿ ಒಂದಾಗಿ ನಿಂತಿದೆ ಎಂಬುದನ್ನು ಮರೆಯಬಾರದು ಎಂದರು. ಸಮಾನ ಮನಸ್ಕರ ದೊಡ್ಡ ಗುಂಪನ್ನು ಕಟ್ಟುವ ಮೂಲಕ ಸಾಮಾಜಿಕ ಪರಿವರ್ತನೆಗೆ ಹೊಸ ದಿಕ್ಕು ನೀಡಿದ ದೇವರಾಜ ಅರಸರ ಕಾಲವನ್ನು ಹಿಂದುಳಿದ ವರ್ಗಗಳ ಸುವರ್ಣಯುಗ ಎಂದು ಕರೆಯಬಹುದು. ಆದರೆ, ಯಾರಿಗಾಗಿ ತಮ್ಮ ಜೀವನವನ್ನು ಮುಡುಪಾಗಿಟ್ಟರೋ, ಅಂತಿಮವಾಗಿ ಅದೇ ಹಿಂದುಳಿದ ವರ್ಗಗಳು ಅವರ ಬೆಂಬಲಕ್ಕೆ ನಿಲ್ಲದಿರುವುದು ದುರಂತ ಎಂದು ವಿಷಾದಿಸಿದರು. ಜನರ ಮನಸ್ಸಿನಲ್ಲಿ ದೀರ್ಘಕಾಲ ಉಳಿಯಬೇಕಾದರೆ ರಾಜಕಾರಣಿಯಲ್ಲಿ ಮೊದಲು ಕ್ಷಮಾಗುಣ ಇರಬೇಕು. ಯಾವ ರಾಜಕಾರಣಿಯಲ್ಲಿ ಕ್ಷಮಾಗುಣ ಇರುವುದಿಲ್ಲವೋ, ಅವರು ನಿಜವಾದ ನಾಯಕರಾಗಲು ಸಾಧ್ಯವಿಲ್ಲ ಎಂಬ ಸಂದೇಶವನ್ನು ದೇವರಾಜ ಅರಸರು ಶಾಸಕರಿಗೆ ನೀಡಿದ್ದರು ಎಂದು ತಿಳಿಸಿದರು. ಕುಡಿಯುವ ನೀರು, ಉರಿಯುವ ದೀಪ, ತಿರುಗುವ ರಸ್ತೆ, ಓದುವ ಶಾಲೆ ಹಾಗೂ ರೋಗಿಗಳ ಚಿಕಿತ್ಸೆಯಂತಹ ಜನರ ಮೂಲಭೂತ ಅಗತ್ಯಗಳ ವಿಚಾರದಲ್ಲಿ ಜಾತಿ, ಜನಾಂಗ, ಧರ್ಮ ಮತ್ತು ಭಾಷೆಯ ಆಧಾರದ ಮೇಲೆ ರಾಜಕಾರಣ ಮಾಡುವುದು ಅತ್ಯಂತ ಅಪಾಯಕಾರಿ ಎಂದು ದೇವರಾಜ ಅರಸರು ಎಚ್ಚರಿಸಿದ್ದರು. ಕಾರ್ಯಕ್ರಮದಲ್ಲಿ ಹಿಂದುಳಿದ ವರ್ಗಗಳ ಮತ್ತು ಅಲ್ಪಸಂಖ್ಯಾತರ ವಿಶೇಷ ಘಟಕದ ಸಂಯೋಜನಾಧಿಕಾರಿಯಾದ ಡಾ.ಎಸ್.ಆರ್. ಚನ್ನವೀರಪ್ಪ ಅವರು ಸ್ವಾಗತಿಸಿ, ಪ್ರಾಸ್ತಾವಿಕವಾಗಿ ಮಾತನಾಡಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕನ್ನಡ ವಿಶ್ವವಿದ್ಯಾಲಯದ ಹಸ್ತಪ್ರತಿಶಾಸ್ತç ವಿಭಾಗದ ಪ್ರಾಧ್ಯಾಪಕರು ಹಾಗೂ ಲಲಿತಕಲಾ ನಿಕಾಯದ ಡೀನರಾದ ಡಾ.ಎಸ್.ಎಸ್. ಅಂಗಡಿ ವಹಿಸಿದ್ದರು. ವಿವಿಧ ವಿಭಾಗಗಳ ಡೀನರು, ಬೋಧಕ ಹಾಗೂ ಬೋಧಕೇತರ ಸಿಬ್ಬಂದಿ, ಸಂಶೋಧನಾ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.

ಎಂ.ಸೋಮೇಶ್ ಉಪ್ಪಾರ

ಪತ್ರಕರ್ತ ಹೊಸಪೇಟೆ, ವಿಜಯನಗರ, ಕರ್ನಾಟಕ•

19 hrs ago

ಅರಸು ಅವರ ಕಾಲ ಹಿಂದುಳಿದ ವರ್ಗಗಳ ಸುವರ್ಣಯುಗ - ಡಾ. ವೆಂಕಟಗಿರಿ ದಳವಾಯಿ ಹೊಸಪೇಟೆ (ವಿಜಯನಗರ): ದೇವರಾಜ ಅರಸು ಅವರನ್ನು ಲೋಕನಾಯಕ, ದುರಂತ ನಾಯಕ, ಖಳನಾಯಕ ಎಂಬ ವಿವಿಧ ನಿರೂಪಣೆಗಳಲ್ಲಿ ದೇವರಾಜ ಅರಸರನ್ನು ಚಿತ್ರಿಸಲಾಗಿದೆ. ನಮ್ಮ ಚರಿತ್ರೆಗಳು ದೇವರಾಜ ಅರಸರನ್ನು ವರ್ತಮಾನದಲ್ಲಿ ಈ ರೀತಿಯಾಗಿ ಏಕೆ ಚಿತ್ರಿಸಿದವು ಎಂಬುದನ್ನು ಹೊಸ ತಲೆಮಾರುಗಳು ಗಂಭೀರವಾಗಿ ಚಿಂತಿಸಬೇಕಿದೆ ಎಂದು ಕನ್ನಡ ವಿಶ್ವವಿದ್ಯಾಲಯದ ಕನ್ನಡ ಸಾಹಿತ್ಯ ಅಧ್ಯಯನ ವಿಭಾಗದ ಪ್ರಾಧ್ಯಾಪಕರಾದ ಡಾ. ವೆಂಕಟಗಿರಿ ದಳವಾಯಿ ಅವರು ಹೇಳಿದರು. ಕನ್ನಡ ವಿಶ್ವವಿದ್ಯಾಲಯ, ಹಂಪಿಯ ಹಿಂದುಳಿದ ವರ್ಗಗಳ ಮತ್ತು ಅಲ್ಪಸಂಖ್ಯಾತರ ವಿಶೇಷ ಘಟಕದ ವತಿಯಿಂದ ಅನಿಕೇತನ ವಸತಿ ನಿಲಯದಲ್ಲಿ 20ನೇ ಆಗಸ್ಟ್ 2026ರಂದು ಆಯೋಜಿಸಿದ್ದ ಡಿ. ದೇವರಾಜ ಅರಸು ಅವರ 111ನೇ ಜನ್ಮದಿನಾಚರಣೆ ಕಾರ್ಯಕ್ರಮದಲ್ಲಿ ವಿಶೇಷ ಉಪನ್ಯಾಸ ನೀಡುತ್ತಾ ಮಾತನಾಡಿದ ಅವರು ಶೋಷಿತ ಸಮುದಾಯಗಳೆಲ್ಲರೂ ದೇವರಾಜ ಅರಸರನ್ನು ತಮ್ಮ ಆಶ್ರಯದಾತ ಹಾಗೂ ಹಿತೈಷಿಯಂತೆ ಕಂಡು, ಅವರ ಸಾಮಾಜಿಕ ಕೊಡುಗೆಗಳನ್ನು ಮತ್ತೆ ಮತ್ತೆ ಸ್ಮರಿಸಬೇಕಾಗಿದೆ. ಶೋಷಿತ ಸಮುದಾಯಗಳು ತಮ್ಮೊಳಗಿನ ಪಿಸುಮಾತಿನೊಂದಿಗೆ ಪರಸ್ಪರ ಮಾತನಾಡಿಕೊಳ್ಳಬೇಕಾಗಿದೆ'' ಎಂದರು. ರಾಜರು ಸಾಮಾನ್ಯರಾಗಬೇಕು, ಸಾಮಾನ್ಯರು ರಾಜರಾಗಬೇಕು ಎಂಬ ಡಾ. ಬಿ.ಆರ್. ಅಂಬೇಡ್ಕರ್ ಅವರ ಕನಸು ಕರ್ನಾಟಕದ ರಾಜಕೀಯ ಚರಿತ್ರೆಯಲ್ಲಿ ಸಾಕಾರಗೊಂಡದ್ದು ದೇವರಾಜ ಅರಸರ ಕಾಲದಲ್ಲಿ ಮಾತ್ರ. ಹರಿದ ಬಟ್ಟೆಯ ಬಡವರು, ಕಾಲಿಗೆ ಚಪ್ಪಲಿಯಿಲ್ಲದವರು, ಹಳ್ಳಿಯ ರೈತರು ಹಾಗೂ ಅನಕ್ಷರಸ್ಥರು ವಿಧಾನಸೌಧದೊಳಗೆ ಪ್ರವೇಶಿಸಿ ತಮ್ಮ ಧ್ವನಿಯನ್ನು ಪ್ರತಿನಿಧಿಸುವಂತಹ ರಾಜಕೀಯ ವಾತಾವರಣ ನಿರ್ಮಾಣವಾಗಿದ್ದು ಅರಸರ ಆಡಳಿತದ ಅವಧಿಯಲ್ಲಿ ಎಂದು ಹೇಳಿದರು. ದೇವರಾಜ ಅರಸರು ಅರಸೊತ್ತಿಗೆಯ ಪರಂಪರೆಯ ವಿರುದ್ಧ ನಿಂತು

ಸಾಮಾನ್ಯ ಜನರ ಬದುಕನ್ನು ರಾಜಕೀಯದ ಕೇಂದ್ರಬಿಂದುವಾಗಿಸಿದರು. ಒಳ್ಳೆಯ ಕೆಲಸಗಳಿಗಾಗಿ ಈ ಸಮಾಜ ಜಾತಿ, ಧರ್ಮ ಹಾಗೂ ಇತರ ಭೇದಗಳನ್ನು ಮೀರಿ ಒಂದಾಗಿ ನಿಂತಿದೆ ಎಂಬುದನ್ನು ಮರೆಯಬಾರದು ಎಂದರು. ಸಮಾನ ಮನಸ್ಕರ ದೊಡ್ಡ ಗುಂಪನ್ನು ಕಟ್ಟುವ ಮೂಲಕ ಸಾಮಾಜಿಕ ಪರಿವರ್ತನೆಗೆ ಹೊಸ ದಿಕ್ಕು ನೀಡಿದ ದೇವರಾಜ ಅರಸರ ಕಾಲವನ್ನು ಹಿಂದುಳಿದ ವರ್ಗಗಳ ಸುವರ್ಣಯುಗ ಎಂದು ಕರೆಯಬಹುದು. ಆದರೆ, ಯಾರಿಗಾಗಿ ತಮ್ಮ ಜೀವನವನ್ನು ಮುಡುಪಾಗಿಟ್ಟರೋ, ಅಂತಿಮವಾಗಿ ಅದೇ ಹಿಂದುಳಿದ ವರ್ಗಗಳು ಅವರ ಬೆಂಬಲಕ್ಕೆ ನಿಲ್ಲದಿರುವುದು ದುರಂತ ಎಂದು ವಿಷಾದಿಸಿದರು. ಜನರ ಮನಸ್ಸಿನಲ್ಲಿ ದೀರ್ಘಕಾಲ ಉಳಿಯಬೇಕಾದರೆ ರಾಜಕಾರಣಿಯಲ್ಲಿ ಮೊದಲು ಕ್ಷಮಾಗುಣ ಇರಬೇಕು. ಯಾವ ರಾಜಕಾರಣಿಯಲ್ಲಿ ಕ್ಷಮಾಗುಣ ಇರುವುದಿಲ್ಲವೋ, ಅವರು ನಿಜವಾದ ನಾಯಕರಾಗಲು ಸಾಧ್ಯವಿಲ್ಲ ಎಂಬ ಸಂದೇಶವನ್ನು ದೇವರಾಜ ಅರಸರು ಶಾಸಕರಿಗೆ ನೀಡಿದ್ದರು ಎಂದು ತಿಳಿಸಿದರು. ಕುಡಿಯುವ ನೀರು, ಉರಿಯುವ ದೀಪ, ತಿರುಗುವ ರಸ್ತೆ, ಓದುವ ಶಾಲೆ ಹಾಗೂ ರೋಗಿಗಳ ಚಿಕಿತ್ಸೆಯಂತಹ ಜನರ ಮೂಲಭೂತ ಅಗತ್ಯಗಳ ವಿಚಾರದಲ್ಲಿ ಜಾತಿ, ಜನಾಂಗ, ಧರ್ಮ ಮತ್ತು ಭಾಷೆಯ ಆಧಾರದ ಮೇಲೆ ರಾಜಕಾರಣ ಮಾಡುವುದು ಅತ್ಯಂತ ಅಪಾಯಕಾರಿ ಎಂದು ದೇವರಾಜ ಅರಸರು ಎಚ್ಚರಿಸಿದ್ದರು. ಕಾರ್ಯಕ್ರಮದಲ್ಲಿ ಹಿಂದುಳಿದ ವರ್ಗಗಳ ಮತ್ತು ಅಲ್ಪಸಂಖ್ಯಾತರ ವಿಶೇಷ ಘಟಕದ ಸಂಯೋಜನಾಧಿಕಾರಿಯಾದ ಡಾ.ಎಸ್.ಆರ್. ಚನ್ನವೀರಪ್ಪ ಅವರು ಸ್ವಾಗತಿಸಿ, ಪ್ರಾಸ್ತಾವಿಕವಾಗಿ ಮಾತನಾಡಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕನ್ನಡ ವಿಶ್ವವಿದ್ಯಾಲಯದ ಹಸ್ತಪ್ರತಿಶಾಸ್ತç ವಿಭಾಗದ ಪ್ರಾಧ್ಯಾಪಕರು ಹಾಗೂ ಲಲಿತಕಲಾ ನಿಕಾಯದ ಡೀನರಾದ ಡಾ.ಎಸ್.ಎಸ್. ಅಂಗಡಿ ವಹಿಸಿದ್ದರು. ವಿವಿಧ ವಿಭಾಗಗಳ ಡೀನರು, ಬೋಧಕ ಹಾಗೂ ಬೋಧಕೇತರ ಸಿಬ್ಬಂದಿ, ಸಂಶೋಧನಾ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.