அன்னவாசல் அருகே உள்ள வயலோகத்தில் அமைந்துள்ள பிரசித்தி பெற்ற முத்துமாரியம்மன் கோவிலில் ஆண்டுதோறும் வெகு விமர்சையாக நடைபெறும் வைகாசி தேர்திருவிழா தற்போது நடைபெற்று வருகிறது. இந்த ஆண்டுக்கான திருவிழா கடந்த 24-ந்தேதி காப்பு கட்டுதலுடன் கோலாகலமாகத் தொடங்கியது. அதைத் தொடர்ந்து, ஒவ்வொரு நாளும் மண்டகாப்படிதார்கள் சார்பில் அம்மன் வீதி உலா, சிறப்பு அபிஷேகங்கள் மற்றும் ஆராதனைகள் சிறப்பாக நடைபெற்று வந்தன. திருவிழாவின் முக்கிய நிகழ்ச்சிகள் இனி வரவுள்ளன. அதன்படி, நாளை (ஞாயிற்றுக்கிழமை) பொங்கல் விழா கொண்டாடப்படுகிறது. இந்த பொங்கல் விழாவில் பக்தர்கள் பால்குடம் எடுத்தும், காவடி சுமந்தும், கரும்புத்தொட்டில் ஏந்தியும், பூமிதித்தல் சடங்குகளை செய்தும் தங்களது நேர்த்திக்கடன்களை நிறைவேற்ற உள்ளனர். மேலும், திருவிழாவின் முக்கிய நிகழ்வான தேரோட்டம் நாளை மறுநாள் (திங்கட்கிழமை) நடைபெறவுள்ளது. இந்த தேரோட்டத்தில் திரளான பக்தர்கள் கலந்துகொண்டு தேரை வடம் பிடித்து இழுத்து அம்மனை வழிபடுவர். இந்த வைகாசி தேர்திருவிழாவிற்கான அனைத்து ஏற்பாடுகளையும் விழா குழுவினர்களும் பொதுமக்களும் இணைந்து செய்து வருகின்றனர்.

Batcha

செய்தியாளர் இலுப்பூர், புதுக்கோட்டை, தமிழ்நாடு•

10 hrs ago

அன்னவாசல் அருகே உள்ள வயலோகத்தில் அமைந்துள்ள பிரசித்தி பெற்ற முத்துமாரியம்மன் கோவிலில் ஆண்டுதோறும் வெகு விமர்சையாக நடைபெறும் வைகாசி தேர்திருவிழா தற்போது நடைபெற்று வருகிறது. இந்த ஆண்டுக்கான திருவிழா கடந்த 24-ந்தேதி காப்பு கட்டுதலுடன் கோலாகலமாகத் தொடங்கியது. அதைத் தொடர்ந்து, ஒவ்வொரு நாளும் மண்டகாப்படிதார்கள் சார்பில் அம்மன் வீதி உலா, சிறப்பு அபிஷேகங்கள் மற்றும் ஆராதனைகள் சிறப்பாக நடைபெற்று வந்தன. திருவிழாவின் முக்கிய நிகழ்ச்சிகள் இனி வரவுள்ளன. அதன்படி, நாளை (ஞாயிற்றுக்கிழமை) பொங்கல் விழா கொண்டாடப்படுகிறது. இந்த பொங்கல் விழாவில் பக்தர்கள் பால்குடம் எடுத்தும், காவடி சுமந்தும், கரும்புத்தொட்டில் ஏந்தியும், பூமிதித்தல் சடங்குகளை செய்தும் தங்களது நேர்த்திக்கடன்களை நிறைவேற்ற உள்ளனர். மேலும், திருவிழாவின் முக்கிய நிகழ்வான தேரோட்டம் நாளை மறுநாள் (திங்கட்கிழமை) நடைபெறவுள்ளது. இந்த தேரோட்டத்தில் திரளான பக்தர்கள் கலந்துகொண்டு தேரை வடம் பிடித்து இழுத்து அம்மனை வழிபடுவர். இந்த வைகாசி தேர்திருவிழாவிற்கான அனைத்து ஏற்பாடுகளையும் விழா குழுவினர்களும் பொதுமக்களும் இணைந்து செய்து வருகின்றனர்.