தஞ்சாவூர் மாவட்டம், பாபநாசம் தாலுக்காவில் உள்ள தேவராயன்பேட்டை ஊராட்சி, கீழத்தெரு கிராமத்தில் வசிக்கும் நூற்றுக்கும் மேற்பட்ட குடும்பங்கள் கடந்த ஒரு மாதமாக குடிநீர் இன்றி கடும் அவதிக்குள்ளாகி வருகின்றனர். மேல்நிலை நீர்த்தேக்க தொட்டி சரிவர சுத்தம் செய்யப்படாததால், மஞ்சள் பாசிகள் நிறைந்த குடிநீரை பயன்படுத்தி வந்த நிலையில், தற்போது ஒரு மாத காலமாக அந்த தண்ணீரும் வரவில்லை என கிராம மக்கள் குற்றம் சாட்டுகின்றனர். இது குறித்து சம்பந்தப்பட்ட துறை அதிகாரிகளிடம் புகார் தெரிவித்தும் இதுவரை எந்த ஒரு நடவடிக்கையும் எடுக்கப்படவில்லை என அவர்கள் தெரிவித்துள்ளனர். மேலும், இந்தப் பகுதியில் பள்ளி, கல்லூரிகளுக்குச் செல்லும் மாணவ, மாணவிகள், தினசரி வேலைக்குச் செல்பவர்கள் மற்றும் உடல்நலம் குன்றிய முதியவர்கள் உள்ளிட்டோர் பேருந்து வசதி மற்றும் சாலை வசதி இல்லாததால் சிரமப்படுவதாகவும் கிராம மக்கள் தெரிவிக்கின்றனர். எனவே, கிராமத்திற்குத் தேவையான அடிப்படை வசதிகளை உடனடியாகச் செய்து தர வேண்டும் என தமிழக அரசுக்கு அவர்கள் கோரிக்கை விடுத்துள்ளனர்.

சிவகுமார்.மு

பத்திரிகையாளர் பாபநாசம், தஞ்சாவூர், தமிழ்நாடு•

7 hrs ago

தஞ்சாவூர் மாவட்டம், பாபநாசம் தாலுக்காவில் உள்ள தேவராயன்பேட்டை ஊராட்சி, கீழத்தெரு கிராமத்தில் வசிக்கும் நூற்றுக்கும் மேற்பட்ட குடும்பங்கள் கடந்த ஒரு மாதமாக குடிநீர் இன்றி கடும் அவதிக்குள்ளாகி வருகின்றனர். மேல்நிலை நீர்த்தேக்க தொட்டி சரிவர சுத்தம் செய்யப்படாததால், மஞ்சள் பாசிகள் நிறைந்த குடிநீரை பயன்படுத்தி வந்த நிலையில், தற்போது ஒரு மாத காலமாக அந்த தண்ணீரும் வரவில்லை என கிராம மக்கள் குற்றம் சாட்டுகின்றனர். இது குறித்து சம்பந்தப்பட்ட துறை அதிகாரிகளிடம் புகார் தெரிவித்தும் இதுவரை எந்த ஒரு நடவடிக்கையும் எடுக்கப்படவில்லை என அவர்கள் தெரிவித்துள்ளனர். மேலும், இந்தப் பகுதியில் பள்ளி, கல்லூரிகளுக்குச் செல்லும் மாணவ, மாணவிகள், தினசரி வேலைக்குச் செல்பவர்கள் மற்றும் உடல்நலம் குன்றிய முதியவர்கள் உள்ளிட்டோர் பேருந்து வசதி மற்றும் சாலை வசதி இல்லாததால் சிரமப்படுவதாகவும் கிராம மக்கள் தெரிவிக்கின்றனர். எனவே, கிராமத்திற்குத் தேவையான அடிப்படை வசதிகளை உடனடியாகச் செய்து தர வேண்டும் என தமிழக அரசுக்கு அவர்கள் கோரிக்கை விடுத்துள்ளனர்.