कोल्हापूर जिल्ह्यात सुमारे एक लाख आठ हजार एकल महिला असून, त्यांच्या सशक्तीकरण व सक्षमीकरणाला जिल्हा परिषद प्राधान्य देईल, अशी ग्वाही जिल्हा परिषदेच्या मुख्य कार्यकारी अधिकारी डॉ. जसमिन यांनी दिली आहे. एकल महिला धोरणाच्या अनुषंगाने आयोजित जिल्हास्तरीय कार्यशाळेत त्या बोलत होत्या. जिल्हा परिषदेच्या चौथ्या मजल्यावरील समिती सभागृहात ही कार्यशाळा पार पडली. यावेळी व्यासपीठावर जिल्हा परिषद अध्यक्ष शिल्पा खोत, जिल्हा कार्यक्रम अधिकारी महिला व बालकल्याण विभाग (जि.प) नितीन मस्के, महिला बालकल्याण विभागाच्या सभापती श्रीमती विद्या पाटील, अर्थ व शिक्षण सभापती सारिका नांदेकर, तसेच जि.प सदस्या वर्षा सावर्डेकर, आलोक अग्रहरी आणि एस. एस. दाडे यांची प्रमुख उपस्थिती होती. मुख्य कार्यकारी अधिकारी डॉ. जसमिन यांनी सांगितले की, एकल महिलांच्या समस्यांवर साधक-बाधक चर्चा करून उपाययोजना शोधण्यासाठी या कार्यशाळेचे आयोजन करण्यात आले आहे. कोल्हापूर जिल्ह्याचे एकल महिला धोरणासंबंधीचे कामकाज राज्याला पथदर्शी ठरेल, असा आशावाद त्यांनी व्यक्त केला. श्रीमती विद्या पाटील यांनी एकल महिलांना आर्थिक स्वातंत्र्य मिळाल्यास त्या स्वतःच्या पायावर उभे राहण्यास निश्चितपणे मदत होईल असे मत मांडले, तर नितीन मस्के यांनी कार्यशाळेमागील भूमिका स्पष्ट करताना एकल महिलांना येणाऱ्या अनुभवांवर प्रकाश टाकला. या कार्यशाळेसाठी सर्व तालुक्यांचे सीडीपीओ, एकल महिलांच्या प्रश्नांवर काम करणाऱ्या स्वयंसेवी संस्थांचे प्रतिनिधी, तसेच जिल्हा परिषदेचे इतर अधिकारी-कर्मचारी आणि कार्यकर्ते मोठ्या संख्येने उपस्थित होते.

Journalist Ajay

करवीर, कोल्हापूर, महाराष्ट्र•

6 hrs ago

कोल्हापूर जिल्ह्यात सुमारे एक लाख आठ हजार एकल महिला असून, त्यांच्या सशक्तीकरण व सक्षमीकरणाला जिल्हा परिषद प्राधान्य देईल, अशी ग्वाही जिल्हा परिषदेच्या मुख्य कार्यकारी अधिकारी डॉ. जसमिन यांनी दिली आहे. एकल महिला धोरणाच्या अनुषंगाने आयोजित जिल्हास्तरीय कार्यशाळेत त्या बोलत होत्या. जिल्हा परिषदेच्या चौथ्या मजल्यावरील समिती सभागृहात ही कार्यशाळा पार पडली. यावेळी व्यासपीठावर जिल्हा परिषद अध्यक्ष शिल्पा खोत, जिल्हा कार्यक्रम अधिकारी महिला व बालकल्याण विभाग (जि.प) नितीन मस्के, महिला बालकल्याण विभागाच्या सभापती श्रीमती विद्या पाटील, अर्थ व शिक्षण सभापती सारिका नांदेकर, तसेच जि.प सदस्या वर्षा सावर्डेकर, आलोक अग्रहरी आणि एस. एस. दाडे यांची प्रमुख उपस्थिती होती. मुख्य कार्यकारी अधिकारी डॉ. जसमिन यांनी सांगितले की, एकल महिलांच्या समस्यांवर साधक-बाधक चर्चा करून उपाययोजना शोधण्यासाठी या कार्यशाळेचे आयोजन करण्यात आले आहे. कोल्हापूर जिल्ह्याचे एकल महिला धोरणासंबंधीचे कामकाज राज्याला पथदर्शी ठरेल, असा आशावाद त्यांनी व्यक्त केला. श्रीमती विद्या पाटील यांनी एकल महिलांना आर्थिक स्वातंत्र्य मिळाल्यास त्या स्वतःच्या पायावर उभे राहण्यास निश्चितपणे मदत होईल असे मत मांडले, तर नितीन मस्के यांनी कार्यशाळेमागील भूमिका स्पष्ट करताना एकल महिलांना येणाऱ्या अनुभवांवर प्रकाश टाकला. या कार्यशाळेसाठी सर्व तालुक्यांचे सीडीपीओ, एकल महिलांच्या प्रश्नांवर काम करणाऱ्या स्वयंसेवी संस्थांचे प्रतिनिधी, तसेच जिल्हा परिषदेचे इतर अधिकारी-कर्मचारी आणि कार्यकर्ते मोठ्या संख्येने उपस्थित होते.