தேனி மாவட்டம் சின்னமனூர் அருகே உள்ள குச்சனூர் கிராமத்தில் அமைந்துள்ள சுயம்பு ஸ்ரீ சனீஸ்வரர் பகவான் கோவிலில் புதுச்சேரி முதலமைச்சர் ரெங்கசாமி சாமி தரிசனம் செய்தார். சனிதோஷ நிவர்த்தி ஸ்தலமான இந்த கோவிலுக்கு வருகை தந்த அவர், அங்குள்ள காக்கை உருவ சிலைக்கு பொறி படைத்தும், எள் தீபம் ஏற்றியும் வழிபாடு நடத்தினார். தொடர்ந்து, மூலவருக்கு நடத்தப்பட்ட சிறப்பு பூஜையில் கலந்து கொண்டு அவர் சாமி தரிசனம் செய்தார். இதனைத் தொடர்ந்து செய்தியாளர்களைச் சந்தித்த புதுச்சேரி முதலமைச்சர் ரெங்கசாமி, குச்சனூர் சனீஸ்வரர் பகவான் கோவிலுக்கு வருவது தனக்கு வழக்கமான ஒன்று தான் என்று கூறினார். மேலும், இந்த இடத்தில் அரசியல் தொடர்பாக ஏதும் பேச விரும்பவில்லை என்றும் அவர் தெரிவித்தார்.

தேனி மாவட்டம் ஆண்டிபட்டி நுகர்பொருள் வாணிப கழக கிட்டங்கியில் உணவுப் பொருள் வழங்கல்துறை அமைச்சர் வெங்கட்ரமணன் திடீர் ஆய்வு மேற்கொண்டார். இந்த ஆய்வின் போது, கிட்டங்கியில் உணவுப் பொருட்கள் இருப்பு வைக்கப்பட்டிருந்த பகுதி முழுவதும் மிகவும் சுகாதாரமற்ற முறையிலும், குப்பைகள் நிறைந்து அசுத்தமாகவும் இருந்ததை அமைச்சர் கண்டறிந்தார். இதனைப் பார்த்து அதிருப்தியடைந்த அமைச்சர் வெங்கட்ராமன், அங்கிருந்த அதிகாரிகளை கடுமையாக கண்டித்தார். "உங்கள் வீட்டை இப்படித்தான் அசுத்தமாக வைத்துக் கொள்வீர்களா?" என்று கேள்வி எழுப்பிய அவர், சொந்த வீட்டை எவ்வாறு சுத்தமாக வைத்துக் கொள்கிறீர்களோ, அதேபோல் அரசு கிட்டங்கியையும் சுத்தமாக வைத்திருக்க வேண்டும் என உத்தரவிட்டார். மேலும், வாணிப கழக கிட்டங்கியை எப்போதும் சுத்தமாக பராமரிக்க வேண்டும் என்றும் அமைச்சர் கண்டிப்புடன் அறிவுறுத்தினார்.

தேனி மாவட்டம் ஆண்டிபட்டி பெரியகுளம் சாலையில் உள்ள தமிழ்நாடு நுகர்பொருள் வாணிப கழக கிட்டங்கியில், உணவு மற்றும் உணவுப் பொருள் வழங்கல்துறை அமைச்சர் வெங்கட்ரமணன் இன்று மாலை திடீர் ஆய்வு மேற்கொண்டார். ஆய்வின் போது, கடந்த ஆட்சி காலத்தில் அம்மா சிமெண்ட் குடோன் வைக்கப்பட்டிருந்த பகுதி மிகவும் அசுத்தமாகவும், குப்பைகளுடனும் சுகாதாரமற்று இருந்ததைக் கண்டு அமைச்சர் கடும் அதிருப்தி அடைந்தார். "உங்கள் வீட்டை இப்படித்தான் அசுத்தமாக வைத்துக் கொள்வீர்களா? உங்கள் வீட்டை சுத்தமாக வைத்துக் கொள்வது போல் அரசு கிட்டங்கியையும் சுத்தமாக வைத்துக் கொள்ள வேண்டும்" என்று அங்கிருந்த அதிகாரிகளையும் பணியாளர்களையும் அவர் கடுமையாகக் கண்டித்தார். இதனைத் தொடர்ந்து, வளாகத்தில் உள்ள இரண்டு கிட்டங்கிகளிலும் ஒவ்வொரு பகுதியாகச் சென்று ஆய்வு செய்த அமைச்சர், உணவுப் பொருட்களின் தரம், இருப்பு, எடை, சுகாதாரம் மற்றும் பணியாளர்களின் வருகைப் பதிவேடு ஆகியவற்றைச் சரிபார்த்தார். மேலும், ஒவ்வொரு வருடமும் ஜூன் மாதம் உணவுப் பொருள் துறையில் பணிபுரியும் அதிகாரிகள் மற்றும் பணியாளர்களின் வீடுகளில் ஆய்வு செய்து, அவர்கள் வீட்டை எவ்வாறு சுத்தமாக வைத்திருக்கிறார்கள் என்பதைக் கண்டறியும் திட்டம் உள்ளதாகவும் அவர் தெரிவித்தார். தொடர்ந்து, பருப்பு, சீனி மற்றும் மைதா ஆகியவற்றை மாற்றுவதற்குப் பயன்படுத்தப்படும் பிளாஸ்டிக் சாக்குகள் மிகவும் தரமற்றதாகவும், சேதமடைந்தும், பழையதாகவும் இருந்ததைக் கண்ட அமைச்சர், அவற்றை உடனடியாக மாற்றி, தரமான பிளாஸ்டிக் பைகளில் உணவுப் பொருட்களைப் பாதுகாப்பாக வைக்க உத்தரவிட்டார். வாகனங்கள் மூலம் கொண்டு வரப்படும் உணவுப் பொருள் பைகள் மிகவும் தரமற்று இருப்பதாக ஊழியர்கள் தனக்கு அனுப்பிய ஆடியோ புகாரை, அங்கிருந்த பணியாளர்களிடமே அமைச்சர் நேரடியாகப் போட்டுக் காட்டினார். இதனால் ஆண்டிபட்டி நுகர்பொருள் வாணிப கழக அதிகாரிகள் மற்றும் பணியாளர்களிடையே பெரும் பரபரப்பு ஏற்பட்டது. இந்த ஆய்வின் போது, தேனி மாவட்ட ஆட்சியர் வைத்தியநாதன், உணவு மற்றும் உணவுப் பொருட்கள் வழங்கல் துறை அதிகாரிகள் மற்றும் தேனி மாவட்ட தவெக செயலாளர் பாண்டி உள்ளிட்ட நிர்வாகிகள் உடனிருந்தனர்.

தமிழக வெற்றிக்கழக பொதுச் செயலாளரின் பிறந்தநாள் விழா வருகிற 18.07.2026 சனிக்கிழமை அன்று சிறப்பாகக் கொண்டாடப்பட உள்ளதை முன்னிட்டு, திண்டுக்கல் மத்திய மாவட்டம் சார்பில் முன்னேற்பாடுகள் குறித்த ஆலோசனைக் கூட்டம் நடைபெற்றது. திண்டுக்கல் மத்திய மாவட்ட செயலாளர் எம். எல். வாசுதேவன் அவர்கள் தலைமையில் இக்கூட்டம் நடைபெற்றது. மாவட்டம் முழுவதும் பொதுச் செயலாளரின் பிறந்தநாளை மக்கள் நலன் சார்ந்த நிகழ்ச்சிகளுடன் சிறப்பாகக் கொண்டாடுவது குறித்து இதில் விரிவாக ஆலோசிக்கப்பட்டது. இக்கூட்டத்தில் ஒன்றிய செயலாளர்கள், நகர மற்றும் பேரூராட்சி நிர்வாகிகள், இளைஞர் அணித் தலைவர்கள், மகளீர் அணி, மாணவரணி மற்றும் கட்சி நிர்வாகிகள் திரளாகப் பங்கேற்றனர். பிறந்தநாளை முன்னிட்டு இரத்ததான முகாம், மரக்கன்று நடுதல், அன்னதானம், ஏழை எளிய மக்களுக்கு நலத்திட்ட உதவிகள் மற்றும் மாணவர்களுக்கு கல்வி உபகரணங்கள் வழங்குதல் உள்ளிட்ட பல்வேறு மக்கள் நலப் பணிகளை மாவட்டம் முழுவதும் ஒருங்கிணைந்து நடத்த முடிவு செய்யப்பட்டது. அனைத்து நிர்வாகிகளும் தங்களுக்கு ஒதுக்கப்பட்ட பகுதிகளில் பொதுமக்களின் பங்கேற்புடன் சிறப்பான ஏற்பாடுகளை மேற்கொள்ள வேண்டும் என்று மாவட்ட செயலாளர் எம். எல். வாசுதேவன் அவர்கள் அறிவுறுத்தினார்.

திண்டுக்கல் வத்தலகுண்டு சாலை முழுவதும் பள்ளங்கள் நிறைந்து மோசமான நிலையில் காணப்படுகிறது. மேலும், மழை பெய்தால் இப்பகுதியில் சாக்கடை நீர் தேங்கி கடுமையான துர்நாற்றம் வீசுகிறது. மக்களுக்கு அரசு அதிகாரிகள் செய்துள்ள 'நற்பணிகள்' இந்த அளவிற்கு அதிகமாக உள்ளது என்று பொதுமக்கள் கடுமையான நையாண்டியுடனும் ஆத்திரத்துடனும் குற்றம் சாட்டுகின்றனர். இந்தச் சாலை வழியாக நெடுஞ்சாலைத்துறையினர், அரசு அதிகாரிகள், மாவட்ட ஆட்சித் தலைவர் மற்றும் ஏராளமான உள்ளாட்சி நிர்வாகிகள் என பலரும் தினசரி பயணித்துக் கொண்டுதான் இருக்கிறார்கள். பொதுமக்கள் மனு கொடுத்தால் மட்டும்தான் அதிகாரிகள் நடவடிக்கை எடுப்பார்களா என்றும், இதுவரை கொடுத்த மனுக்கள் மீது எந்த அதிகாரியும் நடவடிக்கை எடுக்கவில்லை என்றும் மக்கள் கேள்வி எழுப்புகின்றனர். சாலை அவலத்தால் நடக்கும் விபத்துகளுக்கு அரசு அதிகாரிகள்தான் காரணம் என்று பொதுமக்கள் நேரடியாகக் குற்றம் சாட்டியுள்ளனர்.

தேனியைச் சேர்ந்த மோசஸ் பவுன்ராஜ் மற்றும் திவ்யா ஆகியோர், மறைந்த மோசஸ் தர்மராஜுக்கு 21-வது ஆண்டு நினைவஞ்சலி செலுத்தியுள்ளனர். 10-10-1951 அன்று பிறந்து, 12-7-2005 அன்று மறைந்த மோசஸ் தர்மராஜின் நினைவாக இந்த அஞ்சலி செலுத்தப்பட்டுள்ளது.

அதிமுக முன்னாள் அமைச்சர் உதயகுமார் இன்று (ஜூலை 12) வெளியிட்டுள்ள காணொளிப் பதிவில், தமிழக முதல்வர் விஜய்க்குப் பல காரசாரமான கேள்விகளை எழுப்பியுள்ளார். கரூரில் நடைபெற்ற விஜய் கூட்டத்தில் பங்கேற்று உயிரிழந்தவர்களின் வாரிசுகளுக்கு, விதிகளுக்குப் புறம்பாக அரசுப் பணி வழங்கப்பட்டுள்ளதாக அவர் குற்றம்சாட்டியுள்ளார். முதல்வர் விஜய் அரசு அதிகாரிகளிடம் ஆலோசனை செய்திருந்தால், அவர்கள் உருப்படியான யோசனைகளை வழங்கியிருப்பார்கள் என்றும் அவர் தெரிவித்துள்ளார். போட்டித் தேர்வுகளில் பங்கேற்கும் இளைஞர்களின் நம்பிக்கையை இவ்வாறு சிதைக்கலாமா என்று கேள்வி எழுப்பியுள்ள முன்னாள் அமைச்சர் உதயகுமார், வேலை தேடி வரும் ஒரு கோடிக்கும் மேற்பட்ட இளைஞர்களைத் தெருக் கோடியில் நிற்க வைக்கலாமா என்றும் முதல்வர் விஜய்யை நோக்கிக் கடுமையாக வினவியுள்ளார்.

தேனி மாவட்டம் உத்தமபாளையத்தில் அமைந்துள்ள தமிழ்நாடு நுகர்பொருள் வாணிபக் கழகத்தின் கிட்டங்கியில் அமைச்சர் வெங்கடரமணன் ஆய்வு மேற்கொண்டார். இந்த ஆய்வின் போது, அங்கு பணிபுரியும் சுமைதூக்கும் தொழிலாளர்கள் தங்களது கோரிக்கைகள் அடங்கிய மனுவினை அமைச்சரிடம் நேரில் வழங்கினர். தொழிலாளர்கள் அளித்த இந்த மனுவின் மீது பதிவு செய்யப்படும் என்று அமைச்சர் தெரிவித்தார். இதனைத் தொடர்ந்து, போடி பகுதியில் நடைபெறவுள்ள ஆய்வு நிகழ்வுகளில் பங்கேற்பதற்காக அமைச்சர் அங்கிருந்து கிளம்பிச் சென்றார்.

திருப்பூர் மாவட்டம் குண்டடம் காவல் எல்லைக்குட்பட்ட வேங்கிப்பாளையம் செங்காட்டுத் தோட்டம் ராமநாதபுரம் அருகே நந்தகோபால் (47) என்பவருக்குச் சொந்தமான கோகுல் காட்டன் பஞ்சு குடோனில் பயங்கர தீ விபத்து ஏற்பட்டது. இன்று மதியம் சுமார் 1.30 மணியளவில் குடோனில் திடீரென கரும்புகை எழுந்ததை அங்கு பணியாற்றி வந்த உத்தரப் பிரதேச மாநிலத்தைச் சேர்ந்த தொழிலாளர்களான சிவா (29) மற்றும் அரவிந்த் (28) ஆகியோர் கவனித்து உடனடியாக வெளியேறினர். மின் கசிவு காரணமாக இந்த தீ விபத்து ஏற்பட்டிருக்கலாம் என முதற்கட்ட தகவல்கள் தெரிவிக்கின்றன. தகவலறிந்த தாராபுரம் தீயணைப்பு நிலைய அலுவலர் ஆ. ரவிச்சந்திரன் தலைமையிலான 10-க்கும் மேற்பட்ட வீரர்கள் சம்பவ இடத்திற்கு விரைந்து தீயணைக்கும் பணியில் ஈடுபட்டனர். தீ வேகமாக பரவியதால், காங்கேயம் தீயணைப்பு நிலைய அலுவலர் மு. கார்த்திகேஷன் தலைமையிலான 7 பேர் கொண்ட குழுவும் அவர்களுடன் இணைந்து சுமார் ஒரு மணி நேரம் போராடி தீயை முழுமையாகக் கட்டுக்குள் கொண்டு வந்தது. இந்த விபத்தில் உயிரிழப்போ அல்லது காயமோ ஏற்படவில்லை என்றாலும், ₹1 கோடிக்கும் மேற்பட்ட மதிப்பிலான பஞ்சு எரிந்து நாசமாகியுள்ளதாக குடோன் உரிமையாளர் நந்தகோபால் தெரிவித்துள்ளார். இச்சம்பவம் தொடர்பாக அதிகாரிகள் விசாரணை மேற்கொண்டு வரும் நிலையில், உரிய நஷ்டஈடு வழங்க நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.