ଖବର ପ୍ରସାରଣର ପ୍ରଭାବ: ପଦ୍ମପୁରରେ ଜଳ ଯୋଗାଣ ସ୍ୱାଭାବିକ। ଖବର ପ୍ରସାରଣର ପ୍ରଭାବ: ପଦ୍ମପୁରରେ ଜଳ ଯୋଗାଣ ସ୍ୱାଭାବିକ। ଗୁଣପୁର, ୧୯।୦୪ (ଏସଏନଏସ) ରାୟଗଡ଼ା ଜିଲ୍ଲା ପଦ୍ମପୁର ଅଞ୍ଚଳରେ ଦୀର୍ଘ ଦିନ ଧରି ଲାଗି ରହିଥିବା ପାନୀୟ ଜଳ ସମସ୍ୟାର ଶେଷରେ ସମାଧାନ ହୋଇଛି। ବିଭିନ୍ନ ଗଣମାଧ୍ୟମରେ ଏ ସମ୍ପର୍କିତ ଖବର ପ୍ରସାରଣ ପରେ ପ୍ରଶାସନ ତତ୍ପରତା ପ୍ରକାଶ କରିବା ସହ ବର୍ତ୍ତମାନ ସ୍ଥିତି ଧୀରେ ଧୀରେ ସ୍ୱାଭାବିକ ହେବାରେ ଲାଗିଛି।ରାୟଗଡ଼ା ଜିଲ୍ଲାପାଳ ଓ ଗୁଣପୁର ଉପ-ଜିଲ୍ଲାପାଳଙ୍କ ପ୍ରତ୍ୟକ୍ଷ ହସ୍ତକ୍ଷେପ ପରେ ବିଭାଗୀୟ ଅଧିକାରୀ ମାନେ ଯୁଦ୍ଧକାଳୀନ ଭିତ୍ତିରେ ମରାମତି କାର୍ଯ୍ୟ ସମ୍ପୂର୍ଣ୍ଣ କରି ଅଞ୍ଚଳ ବାସୀଙ୍କୁ ଜଳ ଯୋଗାଇ ଦେଇଛନ୍ତି। ସୂଚନାଯୋଗ୍ୟ ଯେ, ଗୁମୁଡ଼ା ନଦୀ କୂଳରେ ଥିବା ପ୍ରକଳ୍ପର ପ୍ରଡକ୍ସନ ୱେଲ୍‌ ମଧ୍ୟରେ ବାଲି ଜମି ଯିବା ସହ ଏକ ୧୫ ଏଚ୍.ପି.ର ମୋଟର ପମ୍ପ ପୋଡ଼ି ଯାଇଥିଲା। ଯାହା ଦ୍ୱାରା ଜଳ ଯୋଗାଣ ବାଧାପ୍ରାପ୍ତ ହୋଇଥିଲା। ଫଳରେ ଗ୍ରୀଷ୍ମ ପ୍ରବାହ ସମୟରେ ପଦ୍ମପୁର ପଞ୍ଚାୟତରେ ପାନୀୟ ଜଳ ପାଇଁ ହାହାକାର ପରିସ୍ଥିତି ସୃଷ୍ଟି ହୋଇଥିଲା। ଏହି ଅସମୟରେ କିଏ ୱାଟର ଟ୍ୟାଙ୍କ ତ କିଏ ପିକଅପରେ ଜରି ତ୍ରିପାଲ ସାହାଯ୍ୟ ରେ ଘରକୁ ପାଣି ନେଲେ। ଏହି ଜଟିଳ ସମସ୍ୟାକୁ ନେଇ ସ୍ଥାନୀୟ ଉନ୍ନୟନ ପରିଷଦ ଓ ଜନସାଧାରଣଙ୍କ ଅଭିଯୋଗକୁ ଆଧାର କରି ବିଭିନ୍ନ ଗଣମାଧ୍ୟମ ରେ ଖବର ପ୍ରକାଶ ପାଇଥିଲା। ଏନେଇ ପ୍ରଶାସନିକ ତତ୍ପରତା ପ୍ରକାଶ ପରେ ସମସ୍ୟାର ଗୁରୁତ୍ୱକୁ ଉପଲବ୍ଧି କରି ଆରଡବ୍ଲୁଏସଏସ ବିଭାଗ ଘଟଣା ସ୍ଥଳରେ ପହଞ୍ଚି ମରାମତି କାର୍ଯ୍ୟ ଆରମ୍ଭ କରିଥିଲା। ନିର୍ବାହୀ ଯନ୍ତ୍ରୀ ଶୁଭ୍ରଜିତ ସେନ ଏବଂ ସହକାରୀ ନିର୍ବାହୀ ଯନ୍ତ୍ରୀ ଲୋକନାଥ ଯାଦବଙ୍କ ପ୍ରତ୍ୟକ୍ଷ ତତ୍ତ୍ୱାଧାନରେ କନିଷ୍ଠ ଯନ୍ତ୍ରୀ ଅଜୟ ମାଝୀ ଓ ବିଭାଗୀୟ କର୍ମଚାରୀ ମାନେ ଅନ୍ତରଝୋଲି ନିକଟରେ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ କରିଥିଲେ। ଅନ୍ତରଝୋଲି ନିକଟରେ ଥିବା ତିନୋଟି ଜାକ ବୋରୱେଲ୍‌କୁ କମ୍ପ୍ରେସର ମାଧ୍ୟମରେ ସଫା କରାଯାଇ ବାଲି କଢ଼ା ଯାଇଥିଲା। ଏହା ସହିତ ଅକାମୀ ହୋଇପଡ଼ିଥିବା ସ୍ଥାନରେ ଦୁଇଟି ନୂତନ ମୋଟର ସ୍ଥାପନ କରାଯାଇ ଜଳ ଯୋଗାଣ ଆରମ୍ଭ କରାଯାଇଛି। ବର୍ତ୍ତମାନ ପଦ୍ମପୁର ପଞ୍ଚାୟତର ଘରେ ଘରେ ପାଣି ପହଞ୍ଚିଥିବା ବେଳେ ଲୋକଙ୍କ ମଧ୍ୟରେ ଆଶ୍ୱସ୍ତି ଦେଖାଦେଇଛି। ତେବେ କୋଟି କୋଟି ଟଙ୍କାର ଏହି ବସୁଧା ପ୍ରକଳ୍ପରେ ରହିଥିବା ଅନ୍ୟାନ୍ୟ ଯାନ୍ତ୍ରିକ ତ୍ରୁଟି ଏବଂ ନିମ୍ନମାନର ପାଇପ୍ ବିଛାଯିବା ଭଳି ସମସ୍ୟା ପ୍ରତି ସ୍ଥାୟୀ ଦୃଷ୍ଟି ଦେବାକୁ ପଦ୍ମପୁରବାସୀ ଦାବି କରିଛନ୍ତି। ପ୍ରଶାସନର ଏହି ତ୍ୱରିତ ପଦକ୍ଷେପ ପାଇଁ ସ୍ଥାନୀୟ ଜନସାଧାରଣ ଧନ୍ୟବାଦ ଜଣାଇଛନ୍ତି।

Gunupur Updates

Local News Reporter ଗୁଣୁପୁର, ରାୟଗଡା, ଓଡ଼ିଶା•

6 hrs ago

ଖବର ପ୍ରସାରଣର ପ୍ରଭାବ: ପଦ୍ମପୁରରେ ଜଳ ଯୋଗାଣ ସ୍ୱାଭାବିକ। ଖବର ପ୍ରସାରଣର ପ୍ରଭାବ: ପଦ୍ମପୁରରେ ଜଳ ଯୋଗାଣ ସ୍ୱାଭାବିକ। ଗୁଣପୁର, ୧୯।୦୪ (ଏସଏନଏସ) ରାୟଗଡ଼ା ଜିଲ୍ଲା ପଦ୍ମପୁର ଅଞ୍ଚଳରେ ଦୀର୍ଘ ଦିନ ଧରି ଲାଗି ରହିଥିବା ପାନୀୟ ଜଳ ସମସ୍ୟାର ଶେଷରେ ସମାଧାନ ହୋଇଛି। ବିଭିନ୍ନ ଗଣମାଧ୍ୟମରେ ଏ ସମ୍ପର୍କିତ ଖବର ପ୍ରସାରଣ ପରେ ପ୍ରଶାସନ ତତ୍ପରତା ପ୍ରକାଶ କରିବା ସହ ବର୍ତ୍ତମାନ ସ୍ଥିତି ଧୀରେ ଧୀରେ ସ୍ୱାଭାବିକ ହେବାରେ ଲାଗିଛି।ରାୟଗଡ଼ା ଜିଲ୍ଲାପାଳ ଓ ଗୁଣପୁର ଉପ-ଜିଲ୍ଲାପାଳଙ୍କ ପ୍ରତ୍ୟକ୍ଷ ହସ୍ତକ୍ଷେପ ପରେ ବିଭାଗୀୟ ଅଧିକାରୀ ମାନେ ଯୁଦ୍ଧକାଳୀନ ଭିତ୍ତିରେ ମରାମତି କାର୍ଯ୍ୟ ସମ୍ପୂର୍ଣ୍ଣ କରି ଅଞ୍ଚଳ

ବାସୀଙ୍କୁ ଜଳ ଯୋଗାଇ ଦେଇଛନ୍ତି। ସୂଚନାଯୋଗ୍ୟ ଯେ, ଗୁମୁଡ଼ା ନଦୀ କୂଳରେ ଥିବା ପ୍ରକଳ୍ପର ପ୍ରଡକ୍ସନ ୱେଲ୍‌ ମଧ୍ୟରେ ବାଲି ଜମି ଯିବା ସହ ଏକ ୧୫ ଏଚ୍.ପି.ର ମୋଟର ପମ୍ପ ପୋଡ଼ି ଯାଇଥିଲା। ଯାହା ଦ୍ୱାରା ଜଳ ଯୋଗାଣ ବାଧାପ୍ରାପ୍ତ ହୋଇଥିଲା। ଫଳରେ ଗ୍ରୀଷ୍ମ ପ୍ରବାହ ସମୟରେ ପଦ୍ମପୁର ପଞ୍ଚାୟତରେ ପାନୀୟ ଜଳ ପାଇଁ ହାହାକାର ପରିସ୍ଥିତି ସୃଷ୍ଟି ହୋଇଥିଲା। ଏହି ଅସମୟରେ କିଏ ୱାଟର ଟ୍ୟାଙ୍କ ତ କିଏ ପିକଅପରେ ଜରି ତ୍ରିପାଲ ସାହାଯ୍ୟ ରେ ଘରକୁ ପାଣି ନେଲେ। ଏହି ଜଟିଳ ସମସ୍ୟାକୁ ନେଇ ସ୍ଥାନୀୟ ଉନ୍ନୟନ

ପରିଷଦ ଓ ଜନସାଧାରଣଙ୍କ ଅଭିଯୋଗକୁ ଆଧାର କରି ବିଭିନ୍ନ ଗଣମାଧ୍ୟମ ରେ ଖବର ପ୍ରକାଶ ପାଇଥିଲା। ଏନେଇ ପ୍ରଶାସନିକ ତତ୍ପରତା ପ୍ରକାଶ ପରେ ସମସ୍ୟାର ଗୁରୁତ୍ୱକୁ ଉପଲବ୍ଧି କରି ଆରଡବ୍ଲୁଏସଏସ ବିଭାଗ ଘଟଣା ସ୍ଥଳରେ ପହଞ୍ଚି ମରାମତି କାର୍ଯ୍ୟ ଆରମ୍ଭ କରିଥିଲା। ନିର୍ବାହୀ ଯନ୍ତ୍ରୀ ଶୁଭ୍ରଜିତ ସେନ ଏବଂ ସହକାରୀ ନିର୍ବାହୀ ଯନ୍ତ୍ରୀ ଲୋକନାଥ ଯାଦବଙ୍କ ପ୍ରତ୍ୟକ୍ଷ ତତ୍ତ୍ୱାଧାନରେ କନିଷ୍ଠ ଯନ୍ତ୍ରୀ ଅଜୟ ମାଝୀ ଓ ବିଭାଗୀୟ କର୍ମଚାରୀ ମାନେ ଅନ୍ତରଝୋଲି ନିକଟରେ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ କରିଥିଲେ। ଅନ୍ତରଝୋଲି ନିକଟରେ ଥିବା ତିନୋଟି ଜାକ ବୋରୱେଲ୍‌କୁ କମ୍ପ୍ରେସର ମାଧ୍ୟମରେ ସଫା

କରାଯାଇ ବାଲି କଢ଼ା ଯାଇଥିଲା। ଏହା ସହିତ ଅକାମୀ ହୋଇପଡ଼ିଥିବା ସ୍ଥାନରେ ଦୁଇଟି ନୂତନ ମୋଟର ସ୍ଥାପନ କରାଯାଇ ଜଳ ଯୋଗାଣ ଆରମ୍ଭ କରାଯାଇଛି। ବର୍ତ୍ତମାନ ପଦ୍ମପୁର ପଞ୍ଚାୟତର ଘରେ ଘରେ ପାଣି ପହଞ୍ଚିଥିବା ବେଳେ ଲୋକଙ୍କ ମଧ୍ୟରେ ଆଶ୍ୱସ୍ତି ଦେଖାଦେଇଛି। ତେବେ କୋଟି କୋଟି ଟଙ୍କାର ଏହି ବସୁଧା ପ୍ରକଳ୍ପରେ ରହିଥିବା ଅନ୍ୟାନ୍ୟ ଯାନ୍ତ୍ରିକ ତ୍ରୁଟି ଏବଂ ନିମ୍ନମାନର ପାଇପ୍ ବିଛାଯିବା ଭଳି ସମସ୍ୟା ପ୍ରତି ସ୍ଥାୟୀ ଦୃଷ୍ଟି ଦେବାକୁ ପଦ୍ମପୁରବାସୀ ଦାବି କରିଛନ୍ତି। ପ୍ରଶାସନର ଏହି ତ୍ୱରିତ ପଦକ୍ଷେପ ପାଇଁ ସ୍ଥାନୀୟ ଜନସାଧାରଣ ଧନ୍ୟବାଦ ଜଣାଇଛନ୍ତି।