बानेगाव उपकेंद्रातील रिक्त पदे तात्काळ भरा; अन्यथा आमरण उपोषणाचा इशारा बानेगाव उपकेंद्रातील रिक्त पदे तात्काळ भरा; अन्यथा आमरण उपोषणाचा इशारा घनसावंगी प्रतिनिधी प्राथमिक आरोग्य केंद्र पिंपरखेड बु. अंतर्गत असलेल्या बानेगाव उपकेंद्रातील समुदाय आरोग्य अधिकारी (CHO) आणि बहुउद्देशीय आरोग्य कर्मचारी (MPW) ही दोन पदे मागील सहा महिन्यांपासून रिक्त असल्याने नागरिकांना आरोग्यसेवेसाठी मोठ्या अडचणींचा सामना करावा लागत आहे. ही दोन्ही पदे पुढील १५ दिवसांत भरावीत, अशी मागणी ग्रामपंचायतीने तालुका आरोग्य अधिकाऱ्यांकडे निवेदनाद्वारे केली आहे. ग्रामपंचायतीच्या निवेदनानुसार, बानेगावसह परिसरातील विठ्ठलनगर, लिंगसेवाडी आणि शेवता येथील वृद्ध, महिला व बालकांना प्राथमिक आरोग्यसेवेसाठी अडचणी येत आहेत. किरकोळ आरोग्य समस्या निर्माण झाल्यासही नागरिकांना वाहनाची व्यवस्था करून तीर्थपुरी येथे जावे लागत असून, आर्थिकदृष्ट्या दुर्बल कुटुंबांवर अतिरिक्त खर्चाचा भार पडत आहे. याबाबत ग्रामपंचायतीने १९ ऑगस्ट २०२६ रोजी तालुका आरोग्य अधिकारी, घनसावंगी यांना निवेदन दिले आहे. बानेगाव उपकेंद्रातील CHO आणि MPW ही दोन्ही रिक्त पदे १५ दिवसांत भरण्यात यावीत, अशी स्पष्ट मागणी निवेदनातून करण्यात आली आहे. पदे न भरल्यास आमरण उपोषणाचा इशारा रिक्त पदांवर तातडीने नियुक्त्या न झाल्यास ग्रामस्थांच्या वतीने संबंधित कार्यालयासमोर बेमुदत आमरण उपोषण करण्यात येईल, असा इशारा ग्रामपंचायतीने दिला आहे. उपोषणाची तारीख व वेळ प्रशासनाला कळविण्यात येईल, असेही निवेदनात नमूद करण्यात आले आहे. या निवेदनाच्या प्रती जिल्हाधिकारी जालना, मुख्य कार्यकारी अधिकारी जिल्हा परिषद जालना आणि जिल्हा आरोग्य अधिकारी जालना यांना माहिती व आवश्यक कार्यवाहीसाठी देण्यात आल्या आहेत. ग्रामपंचायतीच्या सरपंच कविता अशोक शिंदे आणि उपसरपंच बालासाहेब आश्रुबा उढाण यांच्या वतीने हे निवेदन देण्यात आले आहे. आता आरोग्य विभाग या मागणीवर कोणती कार्यवाही करतो, याकडे बानेगावसह परिसरातील नागरिकांचे लक्ष लागले आहे.

पत्रकार ओमप्रकाश उढाण

घनसावंगी, जालना, महाराष्ट्र•

1 hr ago

बानेगाव उपकेंद्रातील रिक्त पदे तात्काळ भरा; अन्यथा आमरण उपोषणाचा इशारा बानेगाव उपकेंद्रातील रिक्त पदे तात्काळ भरा; अन्यथा आमरण उपोषणाचा इशारा घनसावंगी प्रतिनिधी प्राथमिक आरोग्य केंद्र पिंपरखेड बु. अंतर्गत असलेल्या बानेगाव उपकेंद्रातील समुदाय आरोग्य अधिकारी (CHO) आणि बहुउद्देशीय आरोग्य कर्मचारी (MPW) ही दोन पदे मागील सहा महिन्यांपासून रिक्त असल्याने नागरिकांना आरोग्यसेवेसाठी मोठ्या अडचणींचा सामना करावा लागत आहे. ही दोन्ही पदे पुढील १५ दिवसांत भरावीत, अशी मागणी ग्रामपंचायतीने तालुका आरोग्य अधिकाऱ्यांकडे निवेदनाद्वारे केली आहे. ग्रामपंचायतीच्या निवेदनानुसार, बानेगावसह परिसरातील विठ्ठलनगर, लिंगसेवाडी आणि शेवता येथील वृद्ध, महिला व बालकांना प्राथमिक आरोग्यसेवेसाठी अडचणी येत आहेत. किरकोळ आरोग्य समस्या निर्माण झाल्यासही नागरिकांना वाहनाची व्यवस्था करून तीर्थपुरी येथे जावे लागत असून, आर्थिकदृष्ट्या दुर्बल कुटुंबांवर अतिरिक्त खर्चाचा भार पडत आहे. याबाबत ग्रामपंचायतीने १९ ऑगस्ट २०२६ रोजी तालुका आरोग्य अधिकारी, घनसावंगी यांना निवेदन दिले आहे. बानेगाव उपकेंद्रातील CHO आणि MPW ही दोन्ही रिक्त पदे १५ दिवसांत भरण्यात यावीत, अशी स्पष्ट मागणी निवेदनातून करण्यात आली आहे. पदे न भरल्यास आमरण उपोषणाचा इशारा रिक्त पदांवर तातडीने नियुक्त्या न झाल्यास ग्रामस्थांच्या वतीने संबंधित कार्यालयासमोर बेमुदत आमरण उपोषण करण्यात येईल, असा इशारा ग्रामपंचायतीने दिला आहे. उपोषणाची तारीख व वेळ प्रशासनाला कळविण्यात येईल, असेही निवेदनात नमूद करण्यात आले आहे. या निवेदनाच्या प्रती जिल्हाधिकारी जालना, मुख्य कार्यकारी अधिकारी जिल्हा परिषद जालना आणि जिल्हा आरोग्य अधिकारी जालना यांना माहिती व आवश्यक कार्यवाहीसाठी देण्यात आल्या आहेत. ग्रामपंचायतीच्या सरपंच कविता अशोक शिंदे आणि उपसरपंच बालासाहेब आश्रुबा उढाण यांच्या वतीने हे निवेदन देण्यात आले आहे. आता आरोग्य विभाग या मागणीवर कोणती कार्यवाही करतो, याकडे बानेगावसह परिसरातील नागरिकांचे लक्ष लागले आहे.