પર્યાવરણ સંરક્ષણ અને હરિત વિકાસને પ્રોત્સાહન આપવાના હેતુથી પશ્ચિમ રેલવેના અમદાવાદ મંડળ દ્વારા ગુજરાત સરકારના સહયોગથી વ્યાપક વૃક્ષારોપણ અભિયાન શરૂ કરવામાં આવ્યું છે. આ રાજ્યવ્યાપી મેગા અભિયાન અંતર્ગત અમદાવાદ મંડળના ૧૦ વિવિધ રેલવે સ્થળો પર ૮ લાખથી વધુ છોડ વાવવાનું લક્ષ્ય નક્કી કરવામાં આવ્યું છે. આ અંતર્ગત પ્રથમ તબક્કા હેઠળ સાણંદમાં રેલવેની જમીન પર ૨ લાખથી વધુ છોડનું સફળતાપૂર્વક રોપણ પૂર્ણ કરી લેવામાં આવ્યું છે, જ્યારે બાકીના છોડ આગામી તબક્કાઓમાં રોપવામાં આવશે. આ કાર્યક્રમ દરમિયાન અમદાવાદના મંડળ રેલ પ્રબંધક (ડીઆરએમ) શ્રી વેદ પ્રકાશ, વન વિભાગના એસીએફ રૂચિ દવે અને ડૉ. મીનલ જાની સહિત રેલવે તથા વન વિભાગના વરિષ્ઠ અધિકારીઓએ સંયુક્ત રીતે છોડ રોપીને પર્યાવરણ બચાવવાનો સંદેશ આપ્યો હતો. 'વન કવચ યોજના' હેઠળ સાણંદ યાર્ડ અને ડીએફસી લાઇન વચ્ચે આવેલી ૧,૨૦,૦૦૦ ચોરસ મીટર રેલવેની જમીન પર કુલ ૪ લાખ છોડ વાવવાની યોજના છે. આ અભિયાન હેઠળ અમદાવાદ મંડળના આંબલી રોડ-ગોરાઘુમા, છારોડી-જખવાડા, સાબરમતી-ચાંદલોડિયા અને જખવાડા રેલવે સ્ટેશન સહિતના વિવિધ સ્થળોની જમીન પર વ્યાપક વાવેતર કરવામાં આવી રહ્યું છે, જેમાં સાબરમતીમાં ૯,૦૦૦ અને આંબલી રોડ પર ૧,૦૨૦ છોડ રોપાયા છે. આ વિશેષ અભિયાન અંતર્ગત ફાઉન્ટેન ગ્રાસ (૭૫,૦૦૦), બોગનવેલિયા (૫૧,૦૦૦), વાંસ (૧૮,૦૦૦), ટેકોમા (૧૪,૦૦૦), કેસૂડો (૧૨,૦૦૦), નાગોદ (૬,૦૦૦), દેશી મહેંદી (૬,૦૦૦) તેમજ કરંજ, પારિજાત, કચનાર અને અમલતાસ જેવી વિવિધ પ્રજાતિઓ વાવવામાં આવી રહી છે. આ અભિયાન ગુજરાત સરકારના તે રાજ્યવ્યાપી કાર્યક્રમનો ભાગ છે જેમાં કેન્દ્રીય ગૃહ અને સહકારિતા મંત્રી શ્રી અમિત શાહ પણ ગાંધીનગર સંસદીય ક્ષેત્રમાંથી સહભાગી બન્યા હતા. આ અભિયાન હેઠળ સમગ્ર રાજ્યમાં એક જ દિવસમાં ૩૫ કરોડ છોડ રોપવાનો લક્ષ્યાંક છે. રેલવે પ્રશાસન અને વન વિભાગે નાગરિકોને આ હરિત અભિયાનમાં સક્રિયપણે જોડાવા અને રોપાયેલા છોડના સંરક્ષણમાં સહયોગ આપવા અપીલ કરી છે.

Jagdish Raval

Photographer વિરમગામ, અમદાવાદ, ગુજરાત•

2 hrs ago

પર્યાવરણ સંરક્ષણ અને હરિત વિકાસને પ્રોત્સાહન આપવાના હેતુથી પશ્ચિમ રેલવેના અમદાવાદ મંડળ દ્વારા ગુજરાત સરકારના સહયોગથી વ્યાપક વૃક્ષારોપણ અભિયાન શરૂ કરવામાં આવ્યું છે. આ રાજ્યવ્યાપી મેગા અભિયાન અંતર્ગત અમદાવાદ મંડળના ૧૦ વિવિધ રેલવે સ્થળો પર ૮ લાખથી વધુ છોડ વાવવાનું લક્ષ્ય નક્કી કરવામાં આવ્યું છે. આ અંતર્ગત પ્રથમ તબક્કા હેઠળ સાણંદમાં રેલવેની જમીન પર ૨ લાખથી વધુ છોડનું સફળતાપૂર્વક રોપણ પૂર્ણ કરી લેવામાં આવ્યું છે, જ્યારે બાકીના છોડ આગામી તબક્કાઓમાં રોપવામાં આવશે. આ કાર્યક્રમ દરમિયાન અમદાવાદના મંડળ રેલ પ્રબંધક (ડીઆરએમ) શ્રી વેદ પ્રકાશ, વન વિભાગના એસીએફ રૂચિ દવે અને ડૉ. મીનલ જાની સહિત રેલવે તથા વન વિભાગના વરિષ્ઠ અધિકારીઓએ સંયુક્ત રીતે છોડ રોપીને પર્યાવરણ બચાવવાનો સંદેશ આપ્યો હતો. 'વન કવચ યોજના' હેઠળ સાણંદ યાર્ડ અને ડીએફસી લાઇન વચ્ચે આવેલી ૧,૨૦,૦૦૦ ચોરસ મીટર રેલવેની જમીન પર કુલ ૪ લાખ છોડ વાવવાની

યોજના છે. આ અભિયાન હેઠળ અમદાવાદ મંડળના આંબલી રોડ-ગોરાઘુમા, છારોડી-જખવાડા, સાબરમતી-ચાંદલોડિયા અને જખવાડા રેલવે સ્ટેશન સહિતના વિવિધ સ્થળોની જમીન પર વ્યાપક વાવેતર કરવામાં આવી રહ્યું છે, જેમાં સાબરમતીમાં ૯,૦૦૦ અને આંબલી રોડ પર ૧,૦૨૦ છોડ રોપાયા છે. આ વિશેષ અભિયાન અંતર્ગત ફાઉન્ટેન ગ્રાસ (૭૫,૦૦૦), બોગનવેલિયા (૫૧,૦૦૦), વાંસ (૧૮,૦૦૦), ટેકોમા (૧૪,૦૦૦), કેસૂડો (૧૨,૦૦૦), નાગોદ (૬,૦૦૦), દેશી મહેંદી (૬,૦૦૦) તેમજ કરંજ, પારિજાત, કચનાર અને અમલતાસ જેવી વિવિધ પ્રજાતિઓ વાવવામાં આવી રહી છે. આ અભિયાન ગુજરાત સરકારના તે રાજ્યવ્યાપી કાર્યક્રમનો ભાગ છે જેમાં કેન્દ્રીય ગૃહ અને સહકારિતા મંત્રી શ્રી અમિત શાહ પણ ગાંધીનગર સંસદીય ક્ષેત્રમાંથી સહભાગી બન્યા હતા. આ અભિયાન હેઠળ સમગ્ર રાજ્યમાં એક જ દિવસમાં ૩૫ કરોડ છોડ રોપવાનો લક્ષ્યાંક છે. રેલવે પ્રશાસન અને વન વિભાગે નાગરિકોને આ હરિત અભિયાનમાં સક્રિયપણે જોડાવા અને રોપાયેલા છોડના સંરક્ષણમાં સહયોગ આપવા અપીલ કરી છે.