સુરેન્દ્રનગર જિલ્લાના દસાડા તાલુકાના માનાવાડા ગામમાં વરસાદના પાણીના નિકાલની સમસ્યાથી ગ્રામજનો પરેશાન છે. ગામમાં વરસાદી પાણીના નિકાલ માટે સ્થાનિક લોકો દ્વારા સરપંચ અને તલાટીને કેટલીય વાર જાણ કરવામાં આવી હોવા છતાં પણ હજુ સુધી આ બાબતે કોઈ નિરાકરણ લાવવામાં આવ્યું નથી. વારંવારની રજૂઆતો છતાં સમસ્યાનો ઉકેલ ન આવતા હવે ગામના લોકોનું કહેવું છે કે જો ગામના સરપંચ અને તલાટીને બદલવામાં આવે, તો જ ગામનો વિકાસ થશે.

સુરેન્દ્રનગર જિલ્લાના દસાડા તાલુકાના માનાવાડા ગામમાં વરસાદના પાણીના નિકાલની સમસ્યાથી ગ્રામજનો પરેશાન છે. ગામમાં વરસાદી પાણીના નિકાલ માટે સ્થાનિક લોકો દ્વારા સરપંચ અને તલાટીને કેટલીય વાર જાણ કરવામાં આવી હોવા છતાં પણ હજુ સુધી આ બાબતે કોઈ નિરાકરણ લાવવામાં આવ્યું નથી. વારંવારની રજૂઆતો છતાં સમસ્યાનો ઉકેલ ન આવતા હવે ગામના લોકોનું કહેવું છે કે જો ગામના સરપંચ અને તલાટીને બદલવામાં આવે, તો જ ગામનો વિકાસ થશે.

મહેસાણા જિલ્લાના કડીની ઓળખ અને તેના હૃદય સમાન ગણાતા શંકરલાલ ટાવરની ઘડિયાળના કાંટા બંધ થઈ ગયા છે. આ મહત્વપૂર્ણ ટાવર બંધ થઈ જતાં સ્થાનિક લોકો દ્વારા આ અંગે ચિંતા વ્યક્ત કરવામાં આવી રહી છે. સ્થાનિક રહીશો દ્વારા આ શંકરલાલ ટાવરનું તાકીદે રિપેરિંગ કરવામાં આવે તેવી માંગ ઉઠાવવામાં આવી રહી છે જેથી આ જનસમસ્યાનો વહેલી તકે ઉકેલ લાવી શકાય અને લોકોની યાદો સમાન આ ટાવર ફરીથી કાર્યરત થઈ શકે.

પાટણ જિલ્લાના રાધનપુર ખાતે કોલી ઠાકોર નિરાશ્રીત સમાજનું ભવ્ય મહાસંમેલન યોજાયું છે. શિક્ષણ અને સમાજ સંગઠન અભિયાન અંતર્ગત યોજાયેલા આ કાર્યક્રમમાં સમાજ માટે નવા નિયમોની જાહેરાત કરવામાં આવી છે.

સાણંદ તાલુકાના મોડાસર ગામ નજીક આવેલી કંપનીઓ દ્વારા જાહેરમાં કેમિકલયુક્ત ઝેરી પાણી છોડવામાં આવતું હોવાનો ગંભીર આક્ષેપ સ્થાનિક ખેડૂતો દ્વારા કરવામાં આવ્યો છે. મોડાસર જીઆઇડીસી અને તેની આસપાસ આવેલી નર્મદા લાઇન નજીકની કેટલીક કંપનીઓ દ્વારા રાત્રિના અંધકારમાં અથવા છૂપી રીતે આ કેમિકલમિશ્રિત ઝેરી પાણી ખુલ્લામાં છોડી દેવામાં આવે છે. નર્મદા કેનાલ અને આસપાસના વિસ્તારોમાં છોડાતા આ પ્રદૂષિત પાણીને કારણે ખેતીલાયક જમીન બંજર બનવાની ભીતિ સેવાઈ રહી છે. આ પાણી ધીમે-ધીમે ખેતરો તરફ આગળ વધી રહ્યું હોવાથી ઊભા પાકને મોટું નુકસાન થવાની સંભાવના છે. આ ઉપરાંત, ખુલ્લામાં વહી રહેલા આ ઝેરી પાણીને કારણે મૂંગા પશુઓ રોગચાળાનો ભોગ બની શકે છે અથવા તેમનો જીવ જોખમમાં મુકાઈ શકે છે. આ ગંભીર મામલે રોષે ભરાયેલા ખેડૂતોએ ગુજરાત પ્રદૂષણ નિયંત્રણ બોર્ડ (GPCB) અને સ્થાનિક વહીવટી તંત્ર પાસે તાત્કાલિક તપાસની ઉગ્ર માંગ કરી છે. ખેડૂતોનું કહેવું છે કે આવી કંપનીઓ સામે કડક કાયદાકીય કાર્યવાહી કરવામાં આવે અને નર્મદા કમાન્ડ વિસ્તાર તથા ખેતરોને પ્રદૂષિત થતા અટકાવવામાં આવે. જો વહેલી તકે આ સમસ્યાનું નિવારણ લાવવામાં નહીં આવે, તો આગામી દિવસોમાં સ્થાનિકો દ્વારા ઉગ્ર આંદોલન કરવાની ચીમકી પણ ઉચ્ચારવામાં આવી છે.

પાટણ જિલ્લાના હારીજ તાલુકામાં UGVCLની ચોથી લોક અદાલત યોજાઈ હતી, જેમાં જલીયાણ ગ્રુપ દ્વારા ગરીબ અને જરૂરિયાતમંદ ગ્રાહકોના બાકી વીજ બિલ ભરીને એક ઉત્કૃષ્ટ અને માનવતાભર્યું કાર્ય કરવામાં આવ્યું છે. વીજ બિલ બાકી હોવાના કારણે જે ગ્રાહકોના વીજ જોડાણો કાપી નાખવામાં આવ્યા હતા, તેમના બાકી નાણાં લોક અદાલતના માધ્યમથી ચૂકવીને જલીયાણ ગ્રુપના મિતેશભાઈ ઠક્કર, શૈલેષભાઈ ઠક્કર અને નિલેશભાઈ ઠક્કર દ્વારા આ પરિવારોના ઘરોમાં ફરી અજવાળું પાથરવાનું ખૂબ જ પ્રશંસનીય કામ કરવામાં આવ્યું છે. હારીજ કોર્ટ ખાતે યોજાયેલી આ ચોથી લોક અદાલત અંતર્ગત કુલ ૧૪૩ ગ્રાહકોને નોટિસ મોકલવામાં આવી હતી. જેમાંથી હાજર રહેલા ૬૦ ગ્રાહકો સાથે સમાધાન પ્રક્રિયા હાથ ધરીને તેમના રૂ. ૧.૪૩ લાખના બાકી નાણાં જલીયાણ ગ્રુપ દ્વારા ભરપાઈ કરવામાં આવ્યા હતા. સામાન્ય રીતે લાંબા સમયથી બિલ ન ભરી શકતા ગ્રાહકો પર વ્યાજ અને પેનલ્ટીનો મોજ વધી જાય છે અને UGVCL દ્વારા કેસ તથા નોટિસો જારી કરાય છે, ત્યારે દર ત્રણ મહિને યોજાતી આ લોક અદાલતમાં સમાધાન પ્રક્રિયા દ્વારા દંડ અને પેનલ્ટી માફ કરી ગ્રાહકોને રાહત આપવામાં આવે છે. જલીયાણ ગ્રુપ દ્વારા આ અગાઉ યોજાયેલી ત્રણેય લોક અદાલતોમાં પણ આ જ પ્રકારે ઉમદા સહયોગ આપવામાં આવ્યો હતો. અગાઉ ૧૧ જુલાઈના રોજ યોજાયેલી લોક અદાલતમાં ૬૦ ગ્રાહકોના રૂ. ૧.૪૦ લાખ, ૧૩ સપ્ટેમ્બરના રોજ યોજાયેલી અદાલતમાં ૪૧ વીજ ગ્રાહકોના રૂ. ૩.૬૦ લાખ અને ૧૩ ડિસેમ્બરના રોજ ૯ ગ્રાહકોના રૂ. ૨૫ હજાર ચૂકવવામાં આવ્યા હતા. આમ, ચોથી લોક અદાલતના રૂ. ૧.૪૩ લાખ સહિત ચારેય તબક્કામાં કુલ મળીને અંદાજે રૂ. ૮ લાખ જેટલી માતબર રકમ ચૂકવીને જરૂરિયાતવાળા પરિવારોના આંગણે અજવાળા પાથરવાનું સરાહનીય કાર્ય કરવામાં આવ્યું છે.

સુરતમાં વેપારીઓએ ભારે હલ્લાબોલ મચાવ્યો છે. વેપારીઓના આ આક્રોશ વચ્ચે 'સ્ટીલના કીડા' વાળી ટિપ્પણી ફરી એકવાર વાયરલ થઈ રહી છે.

પાટણ જિલ્લાના રાધનપુર ખાતે કોલી ઠાકોર નિરાશ્રિત સમાજનું એક ભવ્ય મહાસંમેલન યોજાયું હતું. આ મહાસંમેલન શિક્ષણ અને સમાજ સંગઠન અભિયાન અંતર્ગત આયોજિત કરવામાં આવ્યું હતું, જેમાં સમાજના વિકાસ અને સંગઠનને મજબૂત કરવા માટે નવા નિયમોની જાહેરાત કરવામાં આવી છે.

Post by Pankaj Parmar