नाशिकमध्ये प्रशासनातर्फे राबविल्या जाणाऱ्या मतदार विशेष सखोल पुनर्निरीक्षण (एसआयआर) मोहिमेला गती देण्यासाठी जुन्या नाशिकातील विविध मशिदींमधून शुक्रवारच्या नमाजपठणावेळी नागरिकांमध्ये विशेष जनजागृती करण्यात आली. प्रशासनाने तीन दिवसीय विशेष अभियान राबविल्यानंतर विविध मशिदींमधील धर्मगुरूंनी नागरिकांना स्वतःचा फॉर्म भरण्यासोबतच इतरांनाही मदत करण्याचे आवाहन केले आहे. या मोहिमेत जास्तीत जास्त लोकांचा सहभाग वाढावा आणि कोणताही पात्र मतदार या प्रक्रियेपासून वंचित राहू नये, यासाठी धर्मगुरूंनी घेतलेल्या या पुढाकाराचे नागरिकांकडून स्वागत होत आहे. या मोहिमेत जनजागृती करताना आयशानगर मशिदीचे हाफिज जाहिद यांनी नागरिकांना प्रथम आपल्या कुटुंबातील सदस्यांचे फॉर्म भरून नंतर शेजारी, नातेवाईक आणि गरजू नागरिकांना मदत करण्याचे आवाहन केले. अशोका मार्गावरील फातिमा मशिदीचे मौलाना कारी रईस यांनी महिला, युवक आणि सुशिक्षित नागरिकांना स्वयंस्फूर्तीने पुढे येऊन लोकांना मार्गदर्शन करण्याचे आवाहन केले. बागवानपुरा येथील बडी मशिदीचे मुफ्ती अतीक यांनी प्रशासनाकडून घरोघरी येणाऱ्या शिक्षक व कर्मचाऱ्यांना आवश्यक सुविधा देऊन सहकार्य करण्याचे आवाहन केले. सध्या पावसाळ्यामुळे काम करणे कठीण होत असले, तरी कर्मचाऱ्यांच्या सोबत उभे राहणे ही एक सेवा आणि पुण्याचे काम असल्याचे त्यांनी सांगितले. तसेच, काझी कब्रस्तानचे मौलाना रबीऊल आलम यांनी प्रत्येक नागरिकाला स्वयंसेवक म्हणून पुढे येण्याचे आणि आवश्यक कागदपत्रांची पूर्तता करून प्रशासनाला सहकार्य करण्याचे तसेच कोणताही संभ्रम न पसरू देण्याचे आवाहन केले.

Dadasaheb Gaikwad

Nashik, Maharashtra•

6 hrs ago

नाशिकमध्ये प्रशासनातर्फे राबविल्या जाणाऱ्या मतदार विशेष सखोल पुनर्निरीक्षण (एसआयआर) मोहिमेला गती देण्यासाठी जुन्या नाशिकातील विविध मशिदींमधून शुक्रवारच्या नमाजपठणावेळी नागरिकांमध्ये विशेष जनजागृती करण्यात आली. प्रशासनाने तीन दिवसीय विशेष अभियान राबविल्यानंतर विविध मशिदींमधील धर्मगुरूंनी नागरिकांना स्वतःचा फॉर्म भरण्यासोबतच इतरांनाही मदत करण्याचे आवाहन केले आहे. या मोहिमेत जास्तीत जास्त लोकांचा सहभाग वाढावा आणि कोणताही पात्र मतदार या प्रक्रियेपासून वंचित राहू नये, यासाठी धर्मगुरूंनी घेतलेल्या या पुढाकाराचे नागरिकांकडून स्वागत होत आहे. या मोहिमेत जनजागृती करताना आयशानगर मशिदीचे हाफिज जाहिद यांनी नागरिकांना प्रथम आपल्या कुटुंबातील सदस्यांचे फॉर्म भरून नंतर शेजारी, नातेवाईक आणि गरजू नागरिकांना मदत करण्याचे आवाहन केले. अशोका मार्गावरील फातिमा मशिदीचे मौलाना कारी रईस यांनी महिला, युवक आणि सुशिक्षित नागरिकांना स्वयंस्फूर्तीने पुढे येऊन लोकांना मार्गदर्शन करण्याचे आवाहन केले. बागवानपुरा येथील बडी मशिदीचे मुफ्ती अतीक यांनी प्रशासनाकडून घरोघरी येणाऱ्या शिक्षक व कर्मचाऱ्यांना आवश्यक सुविधा देऊन सहकार्य करण्याचे आवाहन केले. सध्या पावसाळ्यामुळे काम करणे कठीण होत असले, तरी कर्मचाऱ्यांच्या सोबत उभे राहणे ही एक सेवा आणि पुण्याचे काम असल्याचे त्यांनी सांगितले. तसेच, काझी कब्रस्तानचे मौलाना रबीऊल आलम यांनी प्रत्येक नागरिकाला स्वयंसेवक म्हणून पुढे येण्याचे आणि आवश्यक कागदपत्रांची पूर्तता करून प्रशासनाला सहकार्य करण्याचे तसेच कोणताही संभ्रम न पसरू देण्याचे आवाहन केले.