पिपरटोला ते चिचटोला मार्गावरील कुबादाश नाल्यावर कायमस्वरूपी पूल बांधण्यात यावा, या प्रमुख मागणीसाठी ग्रामपंचायत सदस्य सुनील गिरडकर यांनी २४ जून २०२६ पासून बेमुदत आमरण उपोषण सुरू केले आहे. अनेक वर्षांपासून या भागातील नागरिक, शेतकरी, विद्यार्थी आणि रुग्णांना पावसाळ्यात मोठ्या अडचणींचा सामना करावा लागत असल्याने या पुलाची मागणी सातत्याने केली जात आहे. यापूर्वीही आंदोलन करून प्रशासनाचे लक्ष वेधण्यात आले होते, मात्र अद्याप यावर कोणताही ठोस निर्णय झालेला नाही. यामुळे ग्रामस्थांमध्ये तीव्र नाराजी असून, आंदोलन अधिक तीव्र करण्याचा इशारा देण्यात आला आहे. उपोषणस्थळी परिसरातील नागरिकांनी भेट देऊन या आंदोलनाला पाठिंबा दर्शवला आहे. ग्रामस्थांच्या म्हणण्यानुसार, पुलाच्या अभावामुळे या भागाच्या विकासाला खीळ बसली आहे आणि नागरिकांच्या सुरक्षिततेचा प्रश्नही निर्माण झाला आहे. त्यामुळे प्रशासनाने तातडीने सकारात्मक निर्णय घेऊन पुलाच्या कामाला मंजुरी द्यावी, अशी मागणी आंदोलनकर्त्यांनी केली आहे.

नरेश बोपचे

Journalist आमगाव, गोंदिया, महाराष्ट्र•

5 hrs ago

पिपरटोला ते चिचटोला मार्गावरील कुबादाश नाल्यावर कायमस्वरूपी पूल बांधण्यात यावा, या प्रमुख मागणीसाठी ग्रामपंचायत सदस्य सुनील गिरडकर यांनी २४ जून २०२६ पासून बेमुदत आमरण उपोषण सुरू केले आहे. अनेक वर्षांपासून या भागातील नागरिक, शेतकरी, विद्यार्थी आणि रुग्णांना पावसाळ्यात मोठ्या अडचणींचा सामना करावा लागत असल्याने या पुलाची मागणी सातत्याने केली जात आहे. यापूर्वीही आंदोलन करून प्रशासनाचे लक्ष वेधण्यात आले होते, मात्र अद्याप यावर कोणताही ठोस निर्णय झालेला नाही. यामुळे ग्रामस्थांमध्ये तीव्र नाराजी असून, आंदोलन अधिक तीव्र करण्याचा इशारा देण्यात आला आहे. उपोषणस्थळी परिसरातील नागरिकांनी भेट देऊन या आंदोलनाला पाठिंबा दर्शवला आहे. ग्रामस्थांच्या म्हणण्यानुसार, पुलाच्या अभावामुळे या भागाच्या विकासाला खीळ बसली आहे आणि नागरिकांच्या सुरक्षिततेचा प्रश्नही निर्माण झाला आहे. त्यामुळे प्रशासनाने तातडीने सकारात्मक निर्णय घेऊन पुलाच्या कामाला मंजुरी द्यावी, अशी मागणी आंदोलनकर्त्यांनी केली आहे.