चंद्रपुरात युवासेनेने सत्ताधारी भाजपसोबत गेलेल्या सहा 'गद्दार' खासदारांविरोधात जोरदार निषेध आंदोलन केले. ४० आमदारांनी शिवसेनेशी गद्दारी करत सत्ताधारी भाजपची साथ दिल्यानंतर, आता उद्धव ठाकरे यांच्यामुळे निवडून आलेल्या सहा खासदारांनीही शिंदे गटात सामील होऊन शिवसेनेशी दगाफटका केला आहे, अशी संतप्त प्रतिक्रिया युवासेना जिल्हाप्रमुख विक्रांत सहारे यांनी दिली. या खासदारांनी मतदारांच्या विश्वासाचा अपमान केला असून, शिवसैनिक शांत बसणार नाहीत, असे सहारे यांनी चंद्रपुरातील निषेध आंदोलनादरम्यान स्पष्ट केले. या सहा खासदारांनी '५० खोक्यांच्या' लोभापायी शिवसेनेशी गद्दारी केल्याचा आरोप करत, युवासेनेने जिल्हाप्रमुख विक्रांत सहारे यांच्या नेतृत्वात २४ जून रोजी दुपारी १२ वाजता जिल्हाधिकारी कार्यालयासमोर निषेध आंदोलन केले. या आंदोलनादरम्यान 'गद्दार' खासदारांविरोधात जोरदार घोषणाबाजी करण्यात आली. भर पावसातही शिवसैनिकांनी "गद्दार गद्दार" च्या घोषणा दिल्या, ज्यामुळे त्यांचा संताप दिसून आला. विक्रांत सहारे यांनी तीव्र शब्दांत प्रतिक्रिया देताना सांगितले की, जर या सहा 'गद्दार' खासदारांपैकी कोणीही चंद्रपूर जिल्ह्यात आले, तर त्यांच्या तोंडाला काळे फासल्याशिवाय शिवसैनिक शांत राहणार नाहीत. शिवसैनिक आता पेटून उठले असून, 'गद्दारांना माफी नाही' असा जळजळीत इशारा त्यांनी दिला. या आंदोलनात युवासेना जिल्हा चिटणीस सुमित अग्रवाल, बाळू भगत, युवासेना उपजिल्हाप्रमुख यशपाल उर्फ बंटी कमटम, माजी तालुकाप्रमुख प्रशांत भाऊ गट्टूरवार, युवासेना तालुकाप्रमुख महेश श्रीगिरवार, विवान रामटेके, तालुका समन्वयक सागर गबने यांच्यासह असंख्य युवासैनिकांची उपस्थिती होती.

Disha News

Media house चंद्रपूर, चंद्रपूर, महाराष्ट्र•

2 hrs ago

चंद्रपुरात युवासेनेने सत्ताधारी भाजपसोबत गेलेल्या सहा 'गद्दार' खासदारांविरोधात जोरदार निषेध आंदोलन केले. ४० आमदारांनी शिवसेनेशी गद्दारी करत सत्ताधारी भाजपची साथ दिल्यानंतर, आता उद्धव ठाकरे यांच्यामुळे निवडून आलेल्या सहा खासदारांनीही शिंदे गटात सामील होऊन शिवसेनेशी दगाफटका केला आहे, अशी संतप्त प्रतिक्रिया युवासेना जिल्हाप्रमुख विक्रांत सहारे यांनी दिली. या खासदारांनी मतदारांच्या विश्वासाचा अपमान केला असून, शिवसैनिक शांत बसणार नाहीत, असे सहारे यांनी चंद्रपुरातील निषेध आंदोलनादरम्यान स्पष्ट केले. या सहा खासदारांनी '५० खोक्यांच्या' लोभापायी शिवसेनेशी गद्दारी केल्याचा आरोप करत, युवासेनेने जिल्हाप्रमुख विक्रांत सहारे यांच्या नेतृत्वात २४ जून रोजी दुपारी १२ वाजता जिल्हाधिकारी कार्यालयासमोर निषेध आंदोलन केले. या आंदोलनादरम्यान 'गद्दार' खासदारांविरोधात जोरदार घोषणाबाजी करण्यात आली. भर पावसातही शिवसैनिकांनी "गद्दार गद्दार" च्या घोषणा दिल्या, ज्यामुळे त्यांचा संताप दिसून आला. विक्रांत सहारे यांनी तीव्र शब्दांत प्रतिक्रिया देताना सांगितले की, जर या सहा 'गद्दार' खासदारांपैकी कोणीही चंद्रपूर जिल्ह्यात आले, तर त्यांच्या तोंडाला काळे फासल्याशिवाय शिवसैनिक शांत राहणार नाहीत. शिवसैनिक आता पेटून उठले असून, 'गद्दारांना माफी नाही' असा जळजळीत इशारा त्यांनी दिला. या आंदोलनात युवासेना जिल्हा चिटणीस सुमित अग्रवाल, बाळू भगत, युवासेना उपजिल्हाप्रमुख यशपाल उर्फ बंटी कमटम, माजी तालुकाप्रमुख प्रशांत भाऊ गट्टूरवार, युवासेना तालुकाप्रमुख महेश श्रीगिरवार, विवान रामटेके, तालुका समन्वयक सागर गबने यांच्यासह असंख्य युवासैनिकांची उपस्थिती होती.