मानोरा पोलीस स्टेशन अंतर्गत येणाऱ्या शेंदोना गावातील अवैध हातभट्टी दारूच्या व्यवसायावर कठोर कारवाई करण्यासाठी पोलिसांनी पुढाकार घेत आपल्या कारवाईला वेग दिला आहे. १६ जून रोजी गावातील २० ते २५ महिला मंडळाच्या सदस्यांनी मानोरा पोलीस स्टेशनला लेखी निवेदन सादर करत अवैध हातभट्टी दारू व्यवसायाचे समूळ उच्चाटन करण्याची मागणी केली होती. या तक्रारीची गंभीर दखल घेत, १९ जून रोजी ठाणेदार नैना पोहेकर, एपीआय राम सरोदे, पीएसआय अभिजित बारे, जमादार संदीप जाधव, रोशन राठोड तसेच बीट अंमलदार यांनी शेंदोना गावात भेट दिली. यावेळी त्यांनी महिला व ग्रामस्थांची एक बैठक घेतली, ज्यात सुमारे ८० ते १०० महिला व पुरुष उपस्थित होते. बैठकीदरम्यान, पोलिसांनी गावातील अवैध हातभट्टी व्यवसायाविरोधात प्रभावी कारवाई करण्याचे आश्वासन दिले. त्यानंतर महिला मंडळाच्या सदस्यांनी गावातील संशयित हातभट्टी व्यावसायिकांची घरे पोलिसांना दाखवून दिल्यानंतर, पोलिसांनी बीट अंमलदारांसह प्रत्यक्ष पाहणी करत ७ ते ८ घरांची झडती घेतली. मात्र, या तपासणीदरम्यान कोणत्याही घरात हातभट्टीची दारू आढळून आली नाही. तरीदेखील, हातभट्टी निर्मूलनासाठी बीट अंमलदारांना विशेष सूचना देण्यात आल्या असून, या प्रकारावर पोलिसांचे बारकाईने लक्ष असल्याचे सांगण्यात आले. अवैध दारू व्यवसायाविरोधात प्राधान्याने कारवाई सुरू ठेवण्यात येणार असल्याचे ठाणेदार यांनी स्पष्ट केले. तसेच, नागरिकांनीही अशा प्रकारांची माहिती तत्काळ पोलिसांना द्यावी, असे आवाहन ठाणेदार नैना पोहेकर यांनी मानोरा येथील जनतेला केले आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

3 hrs ago

मानोरा पोलीस स्टेशन अंतर्गत येणाऱ्या शेंदोना गावातील अवैध हातभट्टी दारूच्या व्यवसायावर कठोर कारवाई करण्यासाठी पोलिसांनी पुढाकार घेत आपल्या कारवाईला वेग दिला आहे. १६ जून रोजी गावातील २० ते २५ महिला मंडळाच्या सदस्यांनी मानोरा पोलीस स्टेशनला लेखी निवेदन सादर करत अवैध हातभट्टी दारू व्यवसायाचे समूळ उच्चाटन करण्याची मागणी केली होती. या तक्रारीची गंभीर दखल घेत, १९ जून रोजी ठाणेदार नैना पोहेकर, एपीआय राम सरोदे, पीएसआय अभिजित बारे, जमादार संदीप जाधव, रोशन राठोड तसेच बीट अंमलदार यांनी शेंदोना गावात भेट दिली. यावेळी त्यांनी महिला व ग्रामस्थांची एक बैठक घेतली, ज्यात सुमारे ८० ते १०० महिला व पुरुष उपस्थित होते. बैठकीदरम्यान, पोलिसांनी गावातील अवैध हातभट्टी व्यवसायाविरोधात प्रभावी कारवाई करण्याचे आश्वासन दिले. त्यानंतर महिला मंडळाच्या सदस्यांनी गावातील संशयित हातभट्टी व्यावसायिकांची घरे पोलिसांना दाखवून दिल्यानंतर, पोलिसांनी बीट अंमलदारांसह प्रत्यक्ष पाहणी करत ७ ते ८ घरांची झडती घेतली. मात्र, या तपासणीदरम्यान कोणत्याही घरात हातभट्टीची दारू आढळून आली नाही. तरीदेखील, हातभट्टी निर्मूलनासाठी बीट अंमलदारांना विशेष सूचना देण्यात आल्या असून, या प्रकारावर पोलिसांचे बारकाईने लक्ष असल्याचे सांगण्यात आले. अवैध दारू व्यवसायाविरोधात प्राधान्याने कारवाई सुरू ठेवण्यात येणार असल्याचे ठाणेदार यांनी स्पष्ट केले. तसेच, नागरिकांनीही अशा प्रकारांची माहिती तत्काळ पोलिसांना द्यावी, असे आवाहन ठाणेदार नैना पोहेकर यांनी मानोरा येथील जनतेला केले आहे.