नांदेडमध्ये येत्या ६ सप्टेंबर २०२६ रोजी आयोजित करण्यात येणाऱ्या राज्यस्तरीय पद्मशाली समाज उपवधू-वर परिचय मेळाव्याच्या पार्श्वभूमीवर, कलामंदिरजवळील लेबर फेडरेशन कार्यालयात एक महत्त्वपूर्ण आढावा बैठक पार पडली. अखिल भारतीय पद्मशाली संघम हैद्राबाद संलग्न आणि मराठवाडा पद्मशाली महासभा अंतर्गत नांदेड जिल्हा पद्मशाली प्रौढ, युवक व महिला संघटनेच्या वतीने या मेळाव्याचे आयोजन केले जात आहे. रविवारी १२ जुलै रोजी पार पडलेल्या या बैठकीला समाजातील विविध संघटनांचे पदाधिकारी, नोंदणी प्रमुख, चौधरी प्रमुख आणि कार्यकर्ते मोठ्या संख्येने उपस्थित होते. या बैठकीमध्ये राज्यभर सुरू असलेल्या उपवधू-वर नोंदणी मोहिमेचा सविस्तर आढावा घेण्यात आला. सध्या विविध जिल्हे आणि तालुक्यांतून या मोहिमेला उत्स्फूर्त प्रतिसाद मिळत असून नोंदणीचे काम समाधानकारक सुरू असल्याची माहिती यावेळी देण्यात आली. मेळाव्याची माहिती समाजबांधवांपर्यंत अधिक प्रभावीपणे पोहोचवण्यासाठी सोशल मीडिया, व्हॉट्सॲप ग्रुप्स आणि स्थानिक पातळीवरील संपर्क अधिक व्यापक करण्याचा निर्णय घेण्यात आला. तसेच परिचय पुस्तिकेच्या छपाईसाठी लागणारे नोंदणी फॉर्म, जाहिरात फॉर्म आणि आर्थिक संकलनाची माहिती तातडीने गोळा करण्यावर भर देण्यात आला आहे. विवाहयोग्य युवक-युवतींना योग्य जोडीदार मिळवून देण्यासाठी हे व्यासपीठ दिशादर्शक ठरेल, असा विश्वास उपस्थितांनी व्यक्त केला असून सर्व समाजबांधवांना यात सक्रिय सहभाग घेण्याचे आवाहन करण्यात आले आहे. या बैठकीला नांदेड जिल्ह्यातील सर्व जिल्हाध्यक्ष, उपाध्यक्ष, महासचिव, सचिव, कोषाध्यक्ष, महिला व युवक पदाधिकाऱ्यांसह समाजबांधव मोठ्या संख्येने उपस्थित होते. त्यांनी आगामी मेळाव्याच्या नियोजनाला अधिक गती देण्याचा निर्धार यावेळी व्यक्त केला.

आपली बिलोली नगरी

Social worker बिलोली, नांदेड, महाराष्ट्र•

1 hr ago

नांदेडमध्ये येत्या ६ सप्टेंबर २०२६ रोजी आयोजित करण्यात येणाऱ्या राज्यस्तरीय पद्मशाली समाज उपवधू-वर परिचय मेळाव्याच्या पार्श्वभूमीवर, कलामंदिरजवळील लेबर फेडरेशन कार्यालयात एक महत्त्वपूर्ण आढावा बैठक पार पडली. अखिल भारतीय पद्मशाली संघम हैद्राबाद संलग्न आणि मराठवाडा पद्मशाली महासभा अंतर्गत नांदेड जिल्हा पद्मशाली प्रौढ, युवक व महिला संघटनेच्या वतीने या मेळाव्याचे आयोजन केले जात आहे. रविवारी १२ जुलै रोजी पार पडलेल्या या बैठकीला समाजातील विविध संघटनांचे पदाधिकारी, नोंदणी प्रमुख, चौधरी प्रमुख आणि कार्यकर्ते मोठ्या संख्येने उपस्थित होते. या बैठकीमध्ये राज्यभर सुरू असलेल्या उपवधू-वर नोंदणी मोहिमेचा सविस्तर आढावा घेण्यात आला. सध्या विविध जिल्हे आणि तालुक्यांतून या मोहिमेला उत्स्फूर्त प्रतिसाद मिळत असून नोंदणीचे काम समाधानकारक सुरू असल्याची माहिती यावेळी देण्यात आली. मेळाव्याची माहिती समाजबांधवांपर्यंत अधिक प्रभावीपणे पोहोचवण्यासाठी सोशल मीडिया, व्हॉट्सॲप ग्रुप्स आणि स्थानिक पातळीवरील संपर्क अधिक व्यापक करण्याचा निर्णय घेण्यात आला. तसेच परिचय पुस्तिकेच्या छपाईसाठी लागणारे नोंदणी फॉर्म, जाहिरात फॉर्म आणि आर्थिक संकलनाची माहिती तातडीने गोळा करण्यावर भर देण्यात आला आहे. विवाहयोग्य युवक-युवतींना योग्य जोडीदार मिळवून देण्यासाठी हे व्यासपीठ दिशादर्शक ठरेल, असा विश्वास उपस्थितांनी व्यक्त केला असून सर्व समाजबांधवांना यात सक्रिय सहभाग घेण्याचे आवाहन करण्यात आले आहे. या बैठकीला नांदेड जिल्ह्यातील सर्व जिल्हाध्यक्ष, उपाध्यक्ष, महासचिव, सचिव, कोषाध्यक्ष, महिला व युवक पदाधिकाऱ्यांसह समाजबांधव मोठ्या संख्येने उपस्थित होते. त्यांनी आगामी मेळाव्याच्या नियोजनाला अधिक गती देण्याचा निर्धार यावेळी व्यक्त केला.