शेतकऱ्यांसाठी मोठी संधी! कृषी यंत्रसामग्रीवर ७५ टक्के अनुदान सेस फंड योजनेअंतर्गत लाभ; २० सप्टेंबरपर्यंत अर्ज करण्याचे आवाहन शेतकऱ्यांसाठी मोठी संधी! कृषी यंत्रसामग्रीवर ७५ टक्के अनुदान सेस फंड योजनेअंतर्गत लाभ; २० सप्टेंबरपर्यंत अर्ज करण्याचे आवाहन शेगांव /बुलढाणा : जिल्ह्यातील शेतकऱ्यांसाठी कृषी विभागाकडून महत्त्वाची योजना जाहीर करण्यात आली आहे. जिल्हा परिषद बुलढाणा कृषी विभागाच्या सेस फंड योजनेअंतर्गत सन २०२६-२७ मध्ये विविध कृषी यंत्रसामग्रीच्या खरेदीसाठी शेतकऱ्यांना तब्बल ७५ टक्के अनुदान देण्यात येणार आहे. त्यामुळे आधुनिक शेतीकडे वाटचाल करणाऱ्या शेतकऱ्यांना मोठा आर्थिक दिलासा मिळणार आहे. या योजनेंतर्गत ५ एच.पी. मोटारपंप संच, ट्रॅक्टरचलित रोटाव्हेटर, बी.बी.एफ. प्लांटर, पेरणी यंत्र आदी कृषी उपयोगी यंत्रसामग्रीचा लाभ देण्याचे प्रस्तावित आहे. अनुदानाची रक्कम थेट लाभ हस्तांतरण (DBT) पद्धतीने लाभार्थी शेतकऱ्यांना देण्यात येणार आहे. योजनेचा लाभ घेण्यासाठी पात्र शेतकऱ्यांकडून अर्ज मागविण्यात आले आहेत. इच्छुक शेतकऱ्यांनी विहित नमुन्यातील अर्ज आवश्यक कागदपत्रांसह आपल्या तालुक्यातील पंचायत समितीच्या गट विकास अधिकारी यांच्याकडे २० सप्टेंबर २०२६ पर्यंत सादर करणे आवश्यक आहे. योजनेबाबत अधिक माहिती, अर्जाचा नमुना, आवश्यक कागदपत्रे तसेच पात्रतेसंदर्भातील माहितीसाठी संबंधित तालुक्यातील पंचायत समितीच्या कृषी विभागातील कृषी अधिकारी (सामान्य) किंवा विस्तार अधिकारी (कृषी) यांच्याशी संपर्क साधावा. शेतकऱ्यांनी संधी दवडू नये आणि उपलब्ध अनुदानाचा लाभ घेण्यासाठी मुदतीपूर्वी अर्ज सादर करावेत, असे आवाहन जिल्हा परिषद बुलढाण्याचे कृषी विकास अधिकारी यांनी केले आहे.

ईद-ए-मिलादच्या पार्श्वभूमीवर पोलिसांचा शहरात रूट मार्च खामगाव : ईद-ए-मिलादच्या पार्श्वभूमीवर शहरात शांतता, कायदा व सुव्यवस्था अबाधित राहावी तसेच कोणताही अनुचित प्रकार घडू नये, यासाठी पोलीस प्रशासनाच्या वतीने शहरात मुख्य मार्गांवरून भव्य रूट मार्च काढण्यात आला. ​हा रूट मार्च शिवाजीनगर पोलीस स्टेशनच्या हद्दीत काढण्यात आला. शिवाजी नगर पोलीस स्टेशन येथे या रूट मार्चचा समारोप झाला. ​शहरात कायदा व सुव्यवस्थेची स्थिती मजबूत राहावी आणि नागरिकांमध्ये सुरक्षेची भावना निर्माण व्हावी,यासाठी या रूट मार्चमध्ये उपविभागीय पोलीस अधिकारी प्रदीप पाटील, शहर पोलीस स्टेशनचे ठाणेदार सुरेंद्र अहेरकर, शिवाजी नगर पोलीस स्टेशनचे ठाणेदार मंदार पुरी यांसह दंगा नियंत्रण पथक,राज्य राखीव पोलीस बलाचे जवान तसेच खामगाव शहर व शिवाजीनगर पोलीस स्टेशनचे अधिकारी आणि अंमलदार , होमगार्ड मोठ्या संख्येने सहभागी झाले होते. आगामी सण-उत्सव सर्वांनी शांततेत आणि उत्साहात साजरे करावेत,असे आवाहन पोलीस प्रशासनाकडून करण्यात आले आहे.

अकोट शहर पोलिसांची धडाकेबाज कारवाई, दोन आरोपीकडुन ०८ चोरीच्या मोटरसायकली व ०२ मोटारसायकल इंजिन व मोटरसायकलचे स्पेअर पार्ट असा एकुन ६,०५,०००/- रू चा मुद्देमाल जप्त. अकोट शहर पोलिसांची धडाकेबाज कारवाई, दोन आरोपीकडुन ०८ चोरीच्या मोटरसायकली व ०२ मोटारसायकल इंजिन व मोटरसायकलचे स्पेअर पार्ट असा एकुन ६,०५,०००/- रू चा मुद्देमाल जप्त. अकोट तालुका प्रतिनिधी.. पोलीस ठाणे अकोट शहर येथे अपराध क्रमांक ६८४/२०२६ कलम ३०३ (२) बि.एन.एस-२०२३ अन्वये दिनांक १६/०८/२०२६ रोजी दाखल असुन सदर गुन्ह्यातील फिर्यादी नामे शिवराज मोहन हाडोळे वय ३२ वर्षे रा. नंदीपेठ अकोट यांनी रिपोर्ट दिला की, दि.१६/०८/२०२६ रोजी रात्री ०२/१५ वा चे सुमारास त्याची एम एच ३० बि. एच ७६९९ क्रमांकाची काळया रंगाची स्प्लेन्डर प्लस मोटरसायकल जिचा इंजिन क्रमांक HA10AGKHA20067 व चेसीस क्रमांक MBLHAW082KHA04910 किमंत ७०,०००/- रू ची घरासमोर उभी केली होती सकाळी ०५/३० वाजता त्याचा लहान भाऊ सुरज हाडोळे हा शेतात जाण्यासाठी उठला असता त्याला फिर्यादीने उभी करून ठेवलेली मोटरसायकल त्याला दिसली नाही. म्हणुन त्याने फिर्यादीस उठवुन विचारले की तु आपली मोटरसायकल कोणाला दिली का तर फिर्यादीने उठुन दारात पाहीले असता त्याने घरासमोर उभी करून ठेवलेली स्प्लेन्डर प्लस मोटरसायकल क्रमांक एम.एच ३० बि.एच ७६९९ किमंत ७०,०००/- रू काळया रंगाची दिसली नाही कोणीतरी अज्ञात इसमाने चोरून नेली आहे. अशा फिर्यादीचे जबानी रिपोर्ट वरून गुन्हा दाखल करण्यात आला आहे.सदर गुन्ह्यात वरिष्ठ अधिकाऱ्याच्या मार्गदर्शनाखाली सुरू असलेल्या तपासादरम्यान तसेच गोपनीय माहितीच्या आधारे पोलिसांनी संशईत आरोपी गजानन प्रभुदास रायबोले वय २३ वर्षे, अब्दुल जावेद अब्दुल जमील जमादार वय ३० वर्षे दोन्ही रा. इंदिरा नगर येवदा ता. दर्यापुर जि. अमरावती यांना ताब्यात घेवुन कसुन चौकशी केली असता त्यांनी अकोट शहर व परिसरात मोटारसायकल चोरी केल्याची माहीती दिली. वरून दोन्ही आरोपीतांचे घराची झडती घेतली असता आरोपीकडुन पोलीस स्टेशन अकोट शहर येथे दाखल अप क्रमांक १) ६८४/२०२६ कलम ३०३(२) बि.एन.एस-२०२३ २) अप क्रमांक ७१५/२०२६ कलम ३०३(२) बि.एन.एस-२०२३ मधील मोटरसायकली मिळुन आल्या असुन त्याचेकडुन मोटरसायकली जप्त करण्यात आल्या आहेत. शाईन मोटर सायकल काळया रंगाची ७०,०००, हिरो होन्डा कंपनीची काळया रंगाची निळा पट्टा असलेली स्प्लेन्डर प्लस मोटरसायकल ६५,०००/-,हिरो होन्डा कंपनीची सिल्वर रंगाची पिवळा पट्टा असलेली स्प्लेन्डर प्लस मोटरसायकल ६०,०००/-,हिरो होन्डा कंपनीची काळया रंगाची स्प्लेन्डर प्लस मोटरसायकल ६५,०००/-, हिरो होन्डा कंपनीची काळया रंगाची निळा व पांढरा रंगाचे प‌ट्टे असलेली स्प्लेन्डर प्लस मो सा ६५,०००/-, हिरो कंपनीची काळया रंगाची सिल्हर रंगाचे प‌ट्टे असलेली स्प्लेन्डर प्लस मो सा६५०००, हिरो कंपनीची काळया रंगाची सिल्वर रंगाचे प‌ट्टे असलेली स्प्लेन्डर प्लस मो सा ६०,०००/- ,हिरो होन्डा कंपनीची निळ्या रंगाची पेंशन प्लस मो सा ६५,०००/-, हिरो कंपनीचे मोटरसायकल इंजिन ३५,०००/-,हिरो कंपनीचे मोटरसायकल इंजिन ३५,०००/-, एक मोटरसायकल चेसीस १०,०००/-, मोटरसायकल चे वेगवेगळे स्पेअर पार्ट १०,०००/- असा एकुन दोन्ही आरोपीकडुन ६,०५,०००/- रू चा मुद्देमाल आरोपीकडुन जप्त करण्यात आला असुन सदर जप्त करण्यात आलेल्या वाहनाबाबत संबंधित पोलिस ठाण्यांमध्ये दाखल असलेल्या चोरीच्या गुन्ह्यांचा तपास करण्यात येत आहे. सदरची कार्यवाही पोलीस अधिक्षक अर्चित चांडक, मा. अप्पर पोलीस अधिक्षक बि. चंद्रकांत रेड्डी मा. उपविभागिय पोलिस अधिकारी निखील पाटील, यांचे मार्गदर्शनात ठाणेदार किशोर जुनघरे तसेच गुन्हे शोध पथक प्रमुख पोउपनि निलेश बारहाते, व गुन्हे शोध पथकाचे अंमलदार पोहेकॉ नरेंद्र जाधव, पोहेकॉ रामेश्वर भगत, पोहेकॉ कपिल राठोड, पोहेकॉ नितेश सोळंके, पोहेकॉ सुबोध खंडारे यांनी केली.

चिखली तहसील कार्यालयात राडा; निकृष्ट रेशन तांदळाविरोधात नागरिकांचे अनोखे आंदोलन, आधी तुम्ही खा, मग आम्ही खाऊ!" चिखलीत तहसीलदारांच्या दालनासमोर ओतला रेशनचा तांदूळ,चिखलीत निकृष्ट तांदळामुळे लाभार्थी आक्रमक....

रावेरच्या वैशाली लॉजिंगमध्ये अल्पवयीन मुलगी बेकायदेशीरपणे रूममध्ये आढळली..! वैशाली लॉजिंगमध्ये धक्कादायक प्रकार उघडकीस..! मॅनेजरसह दोघे अटकेत रावेर पोलिसांची हॉटेल-लॉजिंग तपासणीदरम्यान धक्कादायक बाब उघडकीस आली. अल्पवयीन मुलगी व तरुणाला कोणतेही ओळखपत्र किंवा रजिस्टरमध्ये नोंद न करता रूम उपलब्ध करून दिल्याप्रकरणी वैशाली लॉजिंगच्या मॅनेजरसह दोघांना अटक करण्यात आली आहे.

*ई-चलान मेसेजमुळे १० बनावट ऑटो रिक्षांचे रॅकेट उघड* वाशिम जिल्हा प्रतिनिधी विश्वास कुटे वाशिम : हिंगोली येथील एका रिक्षाचालकाच्या मोबाईलवर वाशिम परिसरात ऑटोचे ई-चलान कापल्याचा मेसेज आला. आपली रिक्षा वाशिमला गेलीच नसताना ई-चलान कसे आले, याची माहिती घेण्यासाठी त्याने वाशिम स्थानिक गुन्हे शाखेशी संपर्क साधला. त्यानंतर पोलिसांनी तपास सुरू केला असता बनावट नंबरप्लेटच्या ऑटो रिक्षांचे रॅकेट उघडकीस आले. पोलीस निरीक्षक सुधाकर आढे यांच्या मार्गदर्शनाखाली पोलीस उपनिरीक्षक सचिन गोखले व पथकाने शुक्रवार पेठ येथील दादाराव राजाराम घुगे (वय ५२) याला ताब्यात घेतले. त्याच्याकडून १० ऑटो रिक्षा जप्त करण्यात आल्या. तपासणीदरम्यान या रिक्षांच्या नंबरप्लेट, चेसिस नंबर तसेच खरेदीची कागदपत्रे बनावट असल्याचे निष्पन्न झाले. आरोपी प्रत्येक ऑटो दररोज २५० रुपये भाड्याने देत असल्याचेही समोर आले. या कारवाईत ८ लाख ६० हजार रुपयांचा मुद्देमाल जप्त करण्यात आला असून आरोपीला वाशिम शहर पोलिसांच्या स्वाधीन करण्यात आले आहे. याप्रकरणी भारतीय न्याय संहितेच्या कलम ३१८(४) व ३३६(२) अन्वये गुन्हा दाखल करण्यात आला आहे. या रॅकेटचा मुख्य सूत्रधार कोण, याचा पोलिसांकडून तपास सुरू आहे.

अवघडराव सावंगी येथे जुगार अड्ड्यावर पोलिसांचा छापा; 11 जणांवर कारवाई भोकरदन तालुका | अवघडराव सावंगी : पारध पोलीस ठाण्याच्या हद्दीतील अवघडराव सावंगी येथे 25 ऑगस्ट रोजी दुपारी पोलिसांनी जुगार अड्ड्यावर छापा टाकत 11 जणांविरुद्ध कारवाई केली. या कारवाईत 5 हजार 370 रुपये रोख रक्कम, 52 पत्त्यांचा कॅट आणि 45 हजार रुपये किमतीची मोटारसायकल, असा एकूण 50 हजार 370 रुपयांचा मुद्देमाल जप्त करण्यात आला. पोलिसांनी दिलेल्या माहितीनुसार, अवघडराव सावंगी येथील मारोती मंदिरालगत आनंदा शेषराव पाडळे यांच्या बकऱ्यांच्या टिनशेडमध्ये काही जण गोलाकार बसून 52 पत्त्यांवर पैसे लावून हार-जीतीचा जुगार खेळत असल्याची माहिती मिळाल्यानंतर पोलिसांनी कारवाई केली. या प्रकरणी अशोक राजगीर मुळे, दिलीप विठ्ठल खराडे, रमेश सौदागीर हजारे, विजय तेजराव शिंदे, विष्णु शिवाजी गायकवाड, संदीप बाबुराव कडेकर, अरबाज शेख रशीद, सचीन शांताराम म्हस्के, शेख ईस्माईल शेख महेमुद, आनंदा शेषराव पाडळे आणि भिका किसण पाडळे यांच्याविरुद्ध महाराष्ट्र जुगार कायदा कलम 12(अ) अंतर्गत गुन्हा दाखल करण्यात आला आहे. पोलिसांनी आरोपींकडून वेगवेगळ्या रकमा जप्त केल्या असून, शेख ईस्माईल शेख महेमुद याच्या ताब्यातून MH-28-AK-7264 क्रमांकाची मोटारसायकलही जप्त करण्यात आली आहे. या प्रकरणी गुन्हा क्रमांक 249/2026 दाखल करण्यात आला असून, पुढील तपास पोलीस उपनिरीक्षक वाल्मीक नेमाने करीत आहेत. धुरंधर वृत्त NEWS | सच के साथ

सावळदबारा येथे ईद-ए-मिलादुन्नबीची मिरवणूक उत्साहात; पोलिसांचा चोख बंदोबस्त सावळदबारा येथे ईद-ए-मिलादुन्नबीची मिरवणूक उत्साहात; पोलिसांचा चोख बंदोबस्त सावळदबारा : येथील मुस्लिम बांधवांच्या वतीने ईद-ए-मिलादुन्नबी निमित्त मिरवणुकीचे आयोजन करण्यात आले. धार्मिक उत्साह आणि शांततेच्या वातावरणात मिरवणूक पार पडली. यावेळी मुस्लिम समाजबांधवांसह ग्रामस्थ मोठ्या संख्येने उपस्थित होते. ग्रामपंचायतीचे सरपंच मोहम्मद आरिफ यांच्या अध्यक्षतेखाली मिरवणुकीचे आयोजन करण्यात आले. मिरवणुकीदरम्यान नागरिकांनी शिस्त व शांतता राखत उत्स्फूर्त सहभाग नोंदविला. धार्मिक घोषणांनी परिसरात उत्साहाचे वातावरण निर्माण झाले होते. मिरवणुकीदरम्यान कायदा व सुव्यवस्था अबाधित राहावी, यासाठी पोलिस प्रशासनाच्या वतीने चोख बंदोबस्त ठेवण्यात आला होता. फर्दापूर पोलीस ठाण्याचे पोलीस निरीक्षक सुधीर मोटे यांच्या मार्गदर्शनाखाली पोलीस कर्मचारी व पोलीस पाटील यांनी मिरवणुकीच्या मार्गावर विशेष दक्षता घेतली. यावेळी कोणताही अनुचित प्रकार घडू नये, यासाठी पोलिसांनी आवश्यक खबरदारी घेतली. नागरिकांनीही पोलिस प्रशासनाला सहकार्य करत शांतता व सामाजिक सलोखा कायम ठेवला. ईद-ए-मिलादुन्नबीचा कार्यक्रम उत्साहात व शांततेत पार पडल्याने आयोजक आणि ग्रामस्थांनी समाधान व्यक्त केले.

*अनोखी चोरी डीपी फोडून आतील साहित्य चोरट्यांनी केले लंपास* वाशिम मंगरुळपीर तालुक्यातील शेंदुर्जना मोरे-मजलापूर परिसरात २४ ऑगस्टच्या रात्री अज्ञात चोरट्यांनी विद्युत डीपी फोडून त्यामधील मौल्यवान साहित्य चोरून नेल्याची अनोखी घटना घडली. या घटनेमुळे परिसरात खळबळ उडाली असून विद्युत विभागाचे मोठे आर्थिक नुकसान झाल्याची शक्यता व्यक्त होत आहे. मिळालेल्या माहितीनुसार, रात्रीच्या सुमारास अज्ञात चोरट्यांनी विद्युत डीपीला लक्ष्य केले. चोरट्यांनी डीपीची तोडफोड करून त्यातील साहित्य बाहेर काढले आणि ते चोरून नेले. दुसऱ्या दिवशी सकाळी नागरिकांच्या निदर्शनास डीपी फुटलेल्या अवस्थेत आल्याने चोरीचा प्रकार उघडकीस आला. त्यानंतर संबंधित विद्युत विभागाला घटनेची माहिती देण्यात आली. डीपीमधील साहित्य चोरीला गेल्याने परिसरातील वीजपुरवठ्यावर परिणाम होण्याची शक्यता निर्माण झाली आहे. विद्युत यंत्रणेची तोडफोड करून चोरी करण्यात आल्याने नागरिकांमध्येही चिंता व्यक्त होत आहे. चोरट्यांनी नेमके कोणते साहित्य आणि किती प्रमाणात चोरून नेले, तसेच या घटनेत किती रुपयांचे नुकसान झाले, हे संबंधित विभागाकडून पंचनामा व तपासणी केल्यानंतर स्पष्ट होणार आहे. ग्रामीण भागात विद्युत डीपी, तारा व इतर विद्युत साहित्य चोरीच्या घटना अधूनमधून घडत असल्याने विद्युत यंत्रणेच्या सुरक्षेचा प्रश्न पुन्हा ऐरणीवर आला आहे. या घटनेतील अज्ञात चोरट्यांचा शोध घेऊन त्यांच्यावर कठोर कारवाई करावी, तसेच भविष्यात अशा घटना घडू नयेत यासाठी विद्युत विभागाने आवश्यक सुरक्षा उपाययोजना कराव्यात, अशी मागणी परिसरातील नागरिकांकडून होत आहे.