ଜିଲ୍ଲା ଏସ ପି ଙ୍କ ସାମ୍ବାଦିକ ସମ୍ମିଳନୀ, ବଲାଙ୍ଗୀର ଜ଼ିଲ୍ଲା ସିନ୍ଧେକେଲା ରେ ସିରିଏଲ ଚୋରି ଓ ଡକାୟତି ଘଟଣା ର ପର୍ଦାଫାଶ କଲେ ବଲାଙ୍ଗୀର ଏସ ପି, ସାତ ଜଣ ଅଭିଯୁକ୍ତ ଗିରଫ। ଜିଲ୍ଲା ଏସ ପି ଙ୍କ ସାମ୍ବାଦିକ ସମ୍ମିଳନୀ, ବଲାଙ୍ଗୀର ଜ଼ିଲ୍ଲା ସିନ୍ଧେକେଲା ରେ ସିରିଏଲ ଚୋରି ଓ ଡକାୟତି ଘଟଣା ର ପର୍ଦାଫାଶ କଲେ ବଲାଙ୍ଗୀର ଏସ ପି, ସାତ ଜଣ ଅଭିଯୁକ୍ତ ଗିରଫ। ସିନ୍ଧେକେଲା ଅଞ୍ଚଳର ଦୁଆରସେନି ମନ୍ଦିର ରେ ଚୋରି ସହ ଥାନା ର ୧୦୦ ମିଟର ଦୂର ରେ ଥିବା ଗହଣା ଦୋକାନରୁ ହୋଇଥିବା ବଡ଼ ଧରଣର ଡକାୟତି ଓ ଚୋରି ମାମଲାର ପର୍ଦ୍ଦାଫାଶ ହୋଇଛି। ଏହି ଘଟଣା ରେ ୭ ଅଭିଯୁକ୍ତ ଗିରଫ ସହିତ ଗୋଟିଏ ମହିନ୍ଦ୍ରା ବୋଲେରୋ, ଗୋଟିଏ KTM ବାଇକ୍, ୧୦ ଲକ୍ଷ ଟଙ୍କା ନଗଦ, ପ୍ରାୟ ୨ କିଲୋଗ୍ରାମ ସୁନା ଓ ୨୫ କିଲୋଗ୍ରାମ ରୁପା, ଗୋଟିଏ ଲୁହା ଛୁରୀ, ଲୁହା ରଡ୍ ସହ ଘଟଣାରେ ବ୍ୟବହୃତ ମାସ୍କ ଓ ଗ୍ଲୋଭ୍ସ ଜବତ କରିଛି ବଲାଙ୍ଗୀର ପୋଲିସ।

1 hr ago

Santosh Nayak PRESS

Local News Reporter Balangir, Odisha•

1 hr ago

ରାକ୍ଷୀ ପୂର୍ଣ୍ଣିମାରେ ବି ଥମିଲା ନାହିଁ ପୁରୀବାସୀଙ୍କ ପଦଯାତ୍ରା, ୧୪୯ ଦିନରେ ପହଞ୍ଚିଲା ସଚେତନତା ସତ୍ୟାଗ୍ରହ* *ରାକ୍ଷୀ ପୂର୍ଣ୍ଣିମାରେ ବି ଥମିଲା ନାହିଁ ପୁରୀବାସୀଙ୍କ ପଦଯାତ୍ରା, ୧୪୯ ଦିନରେ ପହଞ୍ଚିଲା ସଚେତନତା ସତ୍ୟାଗ୍ରହ* *ମହାପ୍ରଭୁଙ୍କ ଦର୍ଶନ ପାଇଁ ଆଖିରେ ଅପେକ୍ଷା, ହୃଦୟରେ ଆସ୍ଥା ଓ ପାଦରେ ସଂଘର୍ଷ — ନ୍ୟାୟ ନମିଳିବା ପର୍ଯ୍ୟନ୍ତ ଚାଲିବ ଅହିଂସାର ଏହି ଯାତ୍ରା* ପୁରୀ, ୨୭/୮ : ପବିତ୍ର ରାକ୍ଷୀ ପୂର୍ଣ୍ଣିମାର ଦିନରେ ମଧ୍ୟ ଥମିନି ପୁରୀବାସୀଙ୍କ ନୀରବ ସତ୍ୟାଗ୍ରହ। ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ ପାଇଁ ପୁରୀବାସୀଙ୍କ ନିମନ୍ତେ ସ୍ୱତନ୍ତ୍ର ପ୍ରବେଶ ଓ ପୂର୍ବରୁ ରହିଥିବା ସୁବିଧା ପୁନଃସ୍ଥାପନ ଦାବିରେ ଚାଲିଥିବା ନୀରବ ସତ୍ୟାଗ୍ରହ ସଚେତନତା ପଦଯାତ୍ରା ଆଜି ୧୪୯ତମ ଦିନରେ ପହଞ୍ଚିଛି। ଗତ ଉତ୍କଳ ଦିବସ, ୧ ଏପ୍ରିଲରୁ ବଳଗଣ୍ଡି ସ୍ଥିତ ଭକ୍ତ ସାଲବେଗ ପୀଠରୁ ଶ୍ରୀମନ୍ଦିର ଅଭିମୁଖେ ପ୍ରତିଦିନ ଜାରି ରହିଥିବା ଏହି ପଦଯାତ୍ରା ଏବେ ପୁରୀବାସୀଙ୍କ ଆସ୍ଥା, ଅଧିକାର ଓ ଦୃଢ଼ ସଂକଳ୍ପର ପ୍ରତୀକ ପାଲଟିଛି। ୧୪୯ ଦିନ ଧରି ଖରା, ବର୍ଷା, ପର୍ବପର୍ବାଣୀ ଓ ବିଭିନ୍ନ ପ୍ରତିକୂଳ ପରିସ୍ଥିତି ସତ୍ତ୍ୱେ ସତ୍ୟାଗ୍ରହୀମାନଙ୍କ ପାଦ ଅଟକିନାହିଁ କି ସଂକଳ୍ପ ଦୁର୍ବଳ ହୋଇନାହିଁ। ନୀରବତାକୁ ପ୍ରତିବାଦର ଭାଷା କରି, ହାତରେ ଦାବି ସମ୍ବଳିତ ପ୍ଲାକାର୍ଡ ଧରି ସତ୍ୟାଗ୍ରହୀମାନେ ପ୍ରତିଦିନ ଶ୍ରୀମନ୍ଦିର ଅଭିମୁଖେ ପଦଯାତ୍ରା କରୁଛନ୍ତି। ଆଜି ମଧ୍ୟ ଭକ୍ତ ସାଲବେଗ ପୀଠରୁ ପଦଯାତ୍ରା ବାହାରି ଶ୍ରୀମନ୍ଦିର ନିକଟରେ ପହଞ୍ଚିବା ପରେ ପତିତପାବନଙ୍କ ଦର୍ଶନ କରାଯାଇଥିଲା। ଏହାସହ ପୁରୀବାସୀଙ୍କ ନ୍ୟାୟସଙ୍ଗତ ଦାବି ପୂରଣ ଓ ମହାପ୍ରଭୁଙ୍କ ଦର୍ଶନ ପାଇଁ ପୂର୍ବରୁ ରହିଥିବା ସୁବିଧା ପୁନଃସ୍ଥାପନ ପାଇଁ ଭକ୍ତି ଓ ଶ୍ରଦ୍ଧାର ସହ ପ୍ରାର୍ଥନା କରାଯାଇଥିଲା। ସତ୍ୟାଗ୍ରହ ପଦଯାତ୍ରାର ଆବାହକ ସ୍ୱାଧୀନ କୁମାର ପଣ୍ଡା କହିଛନ୍ତି, “୧୪୯ ଦିନ ଧରି ଆମର ନୀରବ ପଦଯାତ୍ରା ଅବିରତ ଭାବେ ଜାରି ରହିଛି। ଆମର ପାଦ ଅଧିକାର ପାଇଁ ଚାଲୁଛି, ଆମର ନୀରବତା ନ୍ୟାୟର କଥା କହୁଛି ଏବଂ ଆମର ହୃଦୟ ମହାପ୍ରଭୁଙ୍କ ଦର୍ଶନ ପାଇଁ ଅପେକ୍ଷା କରୁଛି। ଏହା କୌଣସି ବ୍ୟକ୍ତି, ରାଜନୈତିକ ଦଳ କିମ୍ବା ସରକାର ବିରୋଧରେ ନୁହେଁ; ଏହା ପୁରୀବାସୀଙ୍କ ଭାବନା, ଆସ୍ଥା ଓ ନ୍ୟାୟସଙ୍ଗତ ଅଧିକାର ପାଇଁ ଏକ ଶାନ୍ତିପୂର୍ଣ୍ଣ ଅହିଂସାମୂଳକ ସଂଘର୍ଷ।” ସେ ଆହୁରି କହିଛନ୍ତି, “ଦାବି ପୂରଣ ନହେବା ପର୍ଯ୍ୟନ୍ତ ଏହି ସତ୍ୟାଗ୍ରହ ଥମିବ ନାହିଁ। ଆମର ସଂକଳ୍ପ ନଇଁବ ନାହିଁ।” ରାକ୍ଷୀ ପୂର୍ଣ୍ଣିମା ଭାଇ-ଭଉଣୀଙ୍କ ସ୍ନେହ ଓ ସୁରକ୍ଷାର ପବିତ୍ର ବାର୍ତ୍ତା ବହନ କରୁଥିବା ବେଳେ, ଏହି ପବିତ୍ର ଦିନରେ ପୁରୀବାସୀଙ୍କ ସତ୍ୟାଗ୍ରହ ମଧ୍ୟ ନିଜ ଆସ୍ଥା ଓ ଅଧିକାରର ସୁରକ୍ଷା ପାଇଁ ଏକ ଦୃଢ଼ ପ୍ରତିବାଦର ସନ୍ଦେଶ ଦେଇଛି। ନୀରବତାରେ ଚାଲୁଥିବା ଏହି ପଦଯାତ୍ରାର ପ୍ରତ୍ୟେକ ପାଦଚିହ୍ନ ଯେପରି ପ୍ରଶ୍ନ କରୁଛି—ମହାପ୍ରଭୁଙ୍କ ସହରର ଲୋକେ ନିଜ ଆସ୍ଥାର ଅଧିକାର ପାଇଁ ଆଉ କେତେ ଦିନ ଅପେକ୍ଷା କରିବେ ? ୧୪୯ ଦିନର ଏହି ଯାତ୍ରା ପ୍ରମାଣ କରିଛି ଯେ ସତ୍ୟ ଓ ଅହିଂସାର ପଥ ଦୀର୍ଘ ହୋଇପାରେ, କିନ୍ତୁ ଦୃଢ଼ ସଂକଳ୍ପର ପାଦ କେବେ ଅଟକି ରହେ ନାହିଁ। ମହାପ୍ରଭୁଙ୍କ ଦର୍ଶନ ପାଇଁ ଅପେକ୍ଷାରତ ପୁରୀବାସୀଙ୍କ ଏହି ନୀରବ ସ୍ୱର ଦିନେ ନା ଦିନେ ନ୍ୟାୟର ଦ୍ୱାର ଖୋଲିବ—ଏହି ଆଶା ଓ ଆସ୍ଥା ସହ ସତ୍ୟାଗ୍ରହୀ ପଦଯାତ୍ରୀମାନେ ଆଜି ମଧ୍ୟ ଆଗକୁ ବଢ଼ିଛନ୍ତି। ଆଜିର ପଦଯାତ୍ରାରେ ସର୍ବଶ୍ରୀ ଶିବସୁନ୍ଦର ମିଶ୍ର, ବିଶ୍ୱନାଥ ମିଶ୍ର, ଚକ୍ରଧର ମହାପାତ୍ର, ନୃସିଂହନାଥ ନାୟକ, ପ୍ରକାଶ ଚନ୍ଦ୍ର ନାୟକ, ରମେଶ ଚନ୍ଦ୍ର ମହାନ୍ତି, ଅରୁଣା ପଟ୍ଟନାୟକ, ସନ୍ଧ୍ୟାରାଣୀ ମିଶ୍ର, ମମତା ଦାସ, ମନୀଷା ପାତ୍ର, ସାଲିନୀ ପ୍ରଧାନ, ରୁବି ମଲ୍ଲିକ, ମମତା ସ୍ବାଇଁ, କିଶୋର ଚନ୍ଦ୍ର ଦାସ, ଶିଶିରକାନ୍ତ ଶତପଥୀ, ମନୋରଞ୍ଜନ ରଣସିଂହ, ଯାଦବାନନ୍ଦ ରାୟ, ଲିଙ୍ଗରାଜ ସାହୁ, ଅଭିମନ୍ୟୁ ରାୟଗୁରୁ, ସୁବାଷ ପଟ୍ଟନାୟକ, କାଶୀନାଥ ସାହୁ ଓ ମାନସ ପଟ୍ଟନାୟକଙ୍କ ସମେତ ବହୁ ସତ୍ୟାଗ୍ରହୀ ସାମିଲ ହୋଇଥିଲେ। ଜୟ ଶ୍ରୀଜଗନ୍ନାଥ।

Santosh Nayak PRESS

Local News Reporter Balangir, Odisha•

50 min ago