चंद्रपूर शहरातील रामनगर पोलीस स्टेशनच्या हद्दीतील ताडोबा रोडवर आज, ११ जुलै रोजी सकाळी एका भरधाव बसने सायकलस्वाराला चिरडल्याची अत्यंत दुर्दैवी आणि भीषण दुर्घटना घडली आहे. तुकूम परिसरातील पोलीस हॉल समोर घडलेल्या या अपघातात विनायक गंगाधर पराते (वय ५३ वर्षे, रा. तुकूम) या सायकलस्वाराचा जागीच वेदनादायक मृत्यू झाला. विनायक पराते हे आपल्या सायकलने नेहमीप्रमाणे जात असताना, अचानक आलेल्या MH 40 N 9429 या क्रमांकाच्या बसने त्यांच्या सायकलला जोरदार धडक दिली. हा अपघात इतका भीषण होता की, पराते हे थेट बसच्या चाकाखाली चिरडले गेले. या घटनेमुळे तुकूम आणि ताडोबा रोड परिसरात एकच खळबळ उडाली आहे. अपघाताची माहिती मिळताच रामनगर पोलीस स्टेशनचे पथक तातडीने घटनास्थळी दाखल झाले. पोलिसांनी परिस्थितीवर नियंत्रण मिळवत मृतदेह ताब्यात घेतला असून तो उत्तरीय तपासणीसाठी रुग्णालयात रवाना केला आहे. सध्या रामनगर पोलीस या प्रकरणाचा पुढील तपास करत आहेत. ताडोबा रोड हा अत्यंत वर्दळीचा मार्ग असून या ठिकाणी दिवस-रात्र वाहनांची मोठी रेलचेल असते. रस्त्यावरील वाढते अतिक्रमण अपघातांना कारणीभूत ठरत असल्याचा संताप नागरिकांमधून व्यक्त होत आहे. काही वर्षांपूर्वी याच मार्गावर पोलीस भरतीची तयारी करणाऱ्या एका तरुण मुलीचा अशाच अपघातात मृत्यू झाला होता. त्यावेळी जनक्षोभ उसळल्यानंतर महानगरपालिका आणि पोलीस विभागाने संयुक्त मोहीम राबवून अतिक्रमण हटवले होते. मात्र, प्रशासनाच्या दुर्लक्षामुळे परिस्थिती पुन्हा 'जैसे थी' झाली. याच वाढत्या अतिक्रमणामुळे आज विनायक पराते यांना आपले प्राण गमवावे लागल्याने स्थानिक नागरिकांमधून तीव्र संताप आणि हळहळ व्यक्त केली जात आहे.

Disha News

Media house चंद्रपूर, चंद्रपूर, महाराष्ट्र•

5 hrs ago

चंद्रपूर शहरातील रामनगर पोलीस स्टेशनच्या हद्दीतील ताडोबा रोडवर आज, ११ जुलै रोजी सकाळी एका भरधाव बसने सायकलस्वाराला चिरडल्याची अत्यंत दुर्दैवी आणि भीषण दुर्घटना घडली आहे. तुकूम परिसरातील पोलीस हॉल समोर घडलेल्या या अपघातात विनायक गंगाधर पराते (वय ५३ वर्षे, रा. तुकूम) या सायकलस्वाराचा जागीच वेदनादायक मृत्यू झाला. विनायक पराते हे आपल्या सायकलने नेहमीप्रमाणे जात असताना, अचानक आलेल्या MH 40 N 9429 या क्रमांकाच्या बसने त्यांच्या सायकलला जोरदार धडक दिली. हा अपघात इतका भीषण होता की, पराते हे थेट बसच्या चाकाखाली चिरडले गेले. या घटनेमुळे तुकूम आणि ताडोबा रोड परिसरात एकच खळबळ उडाली आहे. अपघाताची माहिती मिळताच रामनगर पोलीस स्टेशनचे पथक तातडीने घटनास्थळी दाखल झाले. पोलिसांनी परिस्थितीवर नियंत्रण मिळवत मृतदेह ताब्यात घेतला असून तो उत्तरीय तपासणीसाठी रुग्णालयात रवाना केला आहे. सध्या रामनगर पोलीस या प्रकरणाचा पुढील तपास करत आहेत. ताडोबा रोड हा अत्यंत वर्दळीचा मार्ग असून या ठिकाणी दिवस-रात्र वाहनांची मोठी रेलचेल असते. रस्त्यावरील वाढते अतिक्रमण अपघातांना कारणीभूत ठरत असल्याचा संताप नागरिकांमधून व्यक्त होत आहे. काही वर्षांपूर्वी याच मार्गावर पोलीस भरतीची तयारी करणाऱ्या एका तरुण मुलीचा अशाच अपघातात मृत्यू झाला होता. त्यावेळी जनक्षोभ उसळल्यानंतर महानगरपालिका आणि पोलीस विभागाने संयुक्त मोहीम राबवून अतिक्रमण हटवले होते. मात्र, प्रशासनाच्या दुर्लक्षामुळे परिस्थिती पुन्हा 'जैसे थी' झाली. याच वाढत्या अतिक्रमणामुळे आज विनायक पराते यांना आपले प्राण गमवावे लागल्याने स्थानिक नागरिकांमधून तीव्र संताप आणि हळहळ व्यक्त केली जात आहे.