વિજાપુરની પીએમ શ્રી પ્રાથમિક શાળા નં. 2 ખાતે શુક્રવારે વાલી મિટિંગ અને મા-દીકરી સંમેલનનું આયોજન કરવામાં આવ્યું હતું. આ કાર્યક્રમમાં વાલીઓ અને માતાઓએ મોટી સંખ્યામાં ભાગ લીધો હતો, જેનો મુખ્ય હેતુ વિદ્યાર્થીઓના સર્વાંગી વિકાસમાં વાલીઓની ભાગીદારી વધારવા સાથે કન્યા શિક્ષણ અને સુરક્ષા અંગે જાગૃતિ લાવવાનો હતો. વાલી મિટિંગ દરમિયાન વિદ્યાર્થીઓની નિયમિત હાજરી, ગુણવત્તાયુક્ત શિક્ષણ, પીએમ શ્રી યોજનાની સુવિધાઓ, પોષણ યોજના અને શાળા વ્યવસ્થાપન સમિતિ (એસએમસી)ની પુનઃરચના જેવા મહત્ત્વના મુદ્દાઓ પર ચર્ચા કરવામાં આવી હતી. વાલીઓને બાળકોના અભ્યાસ પર ધ્યાન આપવા અને શાળાકીય પ્રવૃત્તિઓમાં સક્રિય રહેવા પ્રોત્સાહિત કરાયા હતા. મા-દીકરી સંમેલનમાં કન્યા શિક્ષણના મહત્ત્વ, જેન્ડર ઓડિટ, સ્વરક્ષા તાલીમ, સ્વચ્છતા, સેનેટરી નેપકીન સુવિધા અને સરકાર દ્વારા મળતી વિવિધ સુરક્ષાલક્ષી જાણકારીઓ આપવામાં આવી હતી, જેથી દીકરીઓમાં આત્મવિશ્વાસ વધે. આચાર્ય મહેશભાઈ પટેલ અને એસએમસી અધ્યક્ષ પ્રતિકભાઈ સુખડીયાએ ઉપસ્થિત રહી શિક્ષણને ઉજ્જવળ ભવિષ્યનો આધાર ગણાવ્યો હતો. કાર્યક્રમનું સફળ સંચાલન શિક્ષિકા રેખાબેન પ્રજાપતિ અને શિક્ષક યોગેશભાઈ પટેલે કર્યું હતું અને શાળાના સમગ્ર સ્ટાફના સહયોગથી આ આયોજન સંપન્ન થયું હતું.

BABA SAIYAD

Newspaper distribution વિજાપુર, મહેસાણા, ગુજરાત•

12 hrs ago

વિજાપુરની પીએમ શ્રી પ્રાથમિક શાળા નં. 2 ખાતે શુક્રવારે વાલી મિટિંગ અને મા-દીકરી સંમેલનનું આયોજન કરવામાં આવ્યું હતું. આ કાર્યક્રમમાં વાલીઓ અને માતાઓએ મોટી સંખ્યામાં ભાગ લીધો હતો, જેનો મુખ્ય હેતુ વિદ્યાર્થીઓના સર્વાંગી વિકાસમાં વાલીઓની ભાગીદારી વધારવા સાથે કન્યા શિક્ષણ અને સુરક્ષા અંગે જાગૃતિ લાવવાનો હતો. વાલી મિટિંગ દરમિયાન વિદ્યાર્થીઓની નિયમિત હાજરી, ગુણવત્તાયુક્ત શિક્ષણ, પીએમ શ્રી યોજનાની સુવિધાઓ, પોષણ યોજના અને શાળા વ્યવસ્થાપન સમિતિ (એસએમસી)ની પુનઃરચના જેવા મહત્ત્વના મુદ્દાઓ પર ચર્ચા કરવામાં આવી હતી. વાલીઓને બાળકોના અભ્યાસ પર ધ્યાન આપવા અને શાળાકીય પ્રવૃત્તિઓમાં સક્રિય રહેવા પ્રોત્સાહિત કરાયા હતા. મા-દીકરી સંમેલનમાં કન્યા શિક્ષણના મહત્ત્વ, જેન્ડર ઓડિટ, સ્વરક્ષા તાલીમ, સ્વચ્છતા, સેનેટરી નેપકીન સુવિધા અને સરકાર દ્વારા મળતી વિવિધ સુરક્ષાલક્ષી જાણકારીઓ આપવામાં આવી હતી, જેથી દીકરીઓમાં આત્મવિશ્વાસ વધે. આચાર્ય મહેશભાઈ પટેલ અને એસએમસી અધ્યક્ષ પ્રતિકભાઈ સુખડીયાએ ઉપસ્થિત રહી શિક્ષણને ઉજ્જવળ ભવિષ્યનો આધાર ગણાવ્યો હતો. કાર્યક્રમનું સફળ સંચાલન શિક્ષિકા રેખાબેન પ્રજાપતિ અને શિક્ષક યોગેશભાઈ પટેલે કર્યું હતું અને શાળાના સમગ્ર સ્ટાફના સહયોગથી આ આયોજન સંપન્ન થયું હતું.