বাক্সা জিলাৰ আনন্দ বজাৰত নাম্বাৰ প্লেটবিহীন অবৈধ তিনিচকীয়া গাড়ীসমূহে দপদপনি চলাইছে। বজাৰখনৰ অলিয়ে-গলিয়ে বৰ্তমান এনেধৰণৰ অবৈধভাৱে চলাচল কৰা গাড়ীসমূহ সঘনে দেখিবলৈ পোৱা গৈছে।

বৰ্তমান সমগ্ৰ ৰাজ্যতে আহোমীয়া কৃষিজীৱনৰ এক ব্যস্ত সময় চলিছে। ধান খেতিৰ বাবে কঠিয়া তোলাৰ কামত কৃষক, শ্ৰমিক আৰু ৰোৱনীসকল ব্যস্ত হৈ পৰিছে। বাক্সা জিলাৰ শালবাৰী অঞ্চলৰ উধিয়াগুৰিতো একেই ব্যস্ত দৃশ্য পৰিলক্ষিত হৈছে।

কেইবাটাও গুৰুত্বপূৰ্ণ প্ৰাকৃতিক গেছ আন্তঃগাঁথনি প্ৰকল্প ভাৰ্চুৱেলীভাৱে উদ্বোধন কৰা হৈছে। এই উদ্বোধন কৰা প্ৰকল্পসমূহৰ ভিতৰত মঙলদৈত PNG যোগান আৰু তেজপুৰত CNG সুবিধাৰ ব্যৱস্থা অন্তৰ্ভুক্ত।

বজালী জিলাৰ পাঠশালাৰ হৰিপুৰত ভুৱা চিবিআই বিষয়া হিচাপে পৰিচয় দি ফুৰা লক্ষণ বৰুৱা এতিয়া বিপদত পৰিছে। পাঠশালাতে বজৰং দলৰ সদস্যসকলে এই ভুৱা বিষয়াজনক কৰায়ত্ত কৰি আৰক্ষীৰ হাতত গতাই দিয়ে।

বৰপেটা জিলাৰ কলগাছিয়াৰ বলাইপাথাৰ গাঁৱত সংঘটিত হৈছে এক চাঞ্চল্যকৰ বাল্যবিবাহৰ ঘটনা, য'ত ৰুস্তম আলী নামৰ এজন ব্যক্তিয়ে নিজৰ প্ৰথম পত্নী থকাৰ পিছতো এগৰাকী কম বয়সীয়া দশম শ্ৰেণীৰ ছাত্ৰীক বাল্যবিবাহ কৰি ঘৰলৈ লৈ আহিছে। এই লম্পট ৰুস্তম আলী বলাইপাথাৰ গাঁৱৰ হজৰত আলীৰ পুত্ৰ। দ্বিতীয় বিবাহ কৰা ১৭ বছৰীয়া কিশোৰীগৰাকী হৈছে কলগাছিয়া আৰক্ষী থানাৰ অন্তৰ্গত ক্ষুদ্ৰকুছি গাঁৱৰ আব্দুৰ ৰেজ্জাকৰ কন্যা তথা বালাগাও আব্বাছ আলী মেমৰিয়েল উচ্চতৰ মাধ্যমিক বিদ্যালয়ৰ দশম শ্ৰেণীৰ ছাত্ৰী ৰোজিনা পাৰবিন। অভিযোগ অনুসৰি, ৰুস্তম আলীয়ে প্ৰায় এবছৰ পূৰ্বে ধৰ্মপুৰ গাঁৱৰ পৰা এজনী ছোৱালী বিয়া পাতি আনিছিল যদিও বিয়াৰ পিছৰে পৰা যৌতুক বিচাৰি তেওঁক নিৰ্যাতন চলাই আহিছিল। এই হাৰাশাস্তিৰ ফলত প্ৰথম পত্নীগৰাকী যোৱা চাৰিমাহ ধৰি পিতৃ গৃহত আছিল। এই সুযোগ গ্ৰহণ কৰি ৰুস্তম আলীয়ে নিশাত ৰোজিনা পাৰবিনক বাল্যবিবাহ পাতি ঘৰলৈ লৈ আহে। এই খবৰ পাই প্ৰথম পত্নী স্বামীৰ ঘৰলৈ আহি ন্যায় বিচাৰি কলগাছিয়া আৰক্ষী থানাত এজাহাৰ দাখিল কৰে, কিন্তু আৰক্ষীয়ে ইয়াক গুৰুত্ব নিদিয়াৰ অভিযোগ উত্থাপন হৈছে। ঘটনাস্থলীত স্থানীয় ৰাইজ উপস্থিত হৈ ছোৱালীজনীক আবদ্ধ কৰাৰ পিছতো কলগাছিয়া আৰক্ষীক অৱগত কৰাৰ স্বত্বেও তেওঁলোক উপস্থিত নোহোৱাৰ গুৰুতৰ অভিযোগ উত্থাপিত হৈছে। ইফালে, এই ঘটনাৰ পিছতে লম্পট ৰুস্তম আলী ঘৰৰ পৰা পলায়ন কৰে। ফলস্বৰূপে, ৰাইজে এনে বাল্যবিবাহৰ ঘটনা কঠোৰ হাতেৰে দমন কৰি ইয়াৰ সৈতে জড়িত সকলোকে শাস্তি প্ৰদান কৰিবলৈ উৰ্ধতম কৰ্তৃপক্ষক দাবী জনাইছে।

নিউ বঙাইগাঁও ৰেলৱে ষ্টেচনত অসম ৰেল আৰক্ষী আৰু আৰপিএফৰ এক যুটীয়া অভিযানত ২০০০ৰো অধিক নিষিদ্ধ য়াবা টেবলেট জব্দ কৰা হৈছে। জানিব পৰা মতে, ৰাজিলুৰ ৰহমান নামৰ এজন ব্যক্তিয়ে নামনিমুৱা বিবেক এক্সপ্ৰেছ ৰেলেৰে এই টেবলেটখিনি মুৰ্শিদাবাদলৈ কঢ়িয়াই নিয়াৰ সময়তে আৰক্ষীয়ে তেওঁক আটক কৰে। জব্দ কৰা এই নিষিদ্ধ য়াবা টেবলেটখিনিৰ বজাৰ মূল্য কেইবালক্ষাধিক টকা হ'ব বুলি প্ৰকাশ পাইছে।

কৃষি বিভাগৰ একাংশ বিষয়া-কৰ্মচাৰীয়ে কৃষি মন্ত্ৰীৰ নিৰ্দেশক গুৰুত্ব নিদিয়াৰ অভিযোগ উত্থাপন হৈছে। মন্ত্ৰীগৰাকীয়ে পুৱা ৯:৩০ বজাত সকলো বিষয়া-কৰ্মচাৰীক কাৰ্যালয়ত উপস্থিত থাকিবলৈ নিৰ্দেশ দিয়াৰ পিছতো বহু কৰ্মচাৰী সময়মতে উপস্থিত নহয়। আজি দিনৰ ১১ বজা পাৰ হৈ যোৱাৰ পিছতো একাংশ বিষয়া-কৰ্মচাৰী কাৰ্যালয়ত অনুপস্থিত থকা দেখা গৈছে। এই ঘটনা দক্ষিণ কামৰূপৰ মা চণ্ডিকা খণ্ড বিষয়াৰ কাৰ্যালয়ৰ কাষত থকা কৃষি বিভাগৰ খণ্ড সমল কেন্দ্ৰত সংঘটিত হৈছে। কেন্দ্ৰটোত মুঠ ৮ গৰাকী বিষয়াৰ ভিতৰত মাত্ৰ এগৰাকী বিষয়া উপস্থিত আছিল। এইদৰে ছয়গাঁৱত কৃষি বিভাগৰ খণ্ড সমল কেন্দ্ৰৰ কাৰ্যালয়ত ১১ বজালৈকে কৰ্মচাৰী নথকাৰ ফলত কৃষি মন্ত্ৰীৰ নিৰ্দেশনাক একাংশই আওকাণ কৰা স্পষ্ট হৈ পৰিছে।

বাক্সা জিলাৰ কাহিতামা-উন্নেকুৰী পথটো স্বাধীনতাৰ ৭৮ বছৰ পিছতো এতিয়ালৈকে পকীকৰণ নোহোৱাত স্থানীয় ৰাইজৰ মাজত তীব্ৰ ক্ষোভৰ সৃষ্টি হৈছে। পথৰ এই দুৰৱস্থাৰ বাবে গঞা ৰাইজে গভীৰ অসন্তুষ্টি ব্যক্ত কৰিছে।

বাক্সা জিলাৰ শালবাৰী মহকুমাৰ অন্তৰ্গত ৰূপহীত থকা পূৰ্ণিমা স্বৰ্গীয়াৰী মেম’ৰিয়েল সংগীত বিদ্যালয়ৰ নৱনিৰ্মিত ভৱনটো এক বৰ্ণাঢ্য আৰু গাম্ভীৰ্যপূৰ্ণ অনুষ্ঠানৰ মাজেৰে আনুষ্ঠানিকভাৱে উদ্বোধন কৰা হয়।

মাননীয় অসমৰ মুখ্যমন্ত্ৰী ড৹ হিমন্ত বিশ্ব শৰ্মা ডাঙৰীয়াই কৃষ্ণগুৰু সেৱাশ্ৰমত গুৰুজনা গুৰুকৃষ্ণ প্ৰেমানন্দ প্ৰভুৰ পৰা আশীষ গ্ৰহণ কৰে।