महाराष्ट्रामध्ये एका जीआरमुळे ५०% दिव्यांग बांधव मानधनापासून वंचित झाले आहेत. यावर प्रहार जनशक्ती पक्षाचे प्रमुख बच्चू कडू यांनी राज्य सरकारला कठोर इशारा दिला आहे.

महाराष्ट्रामध्ये एका जीआरमुळे ५०% दिव्यांग बांधव मानधनापासून वंचित झाले आहेत. यावर प्रहार जनशक्ती पक्षाचे प्रमुख बच्चू कडू यांनी राज्य सरकारला कठोर इशारा दिला आहे.

Post by Pratik

वर्धा शहरातील रस्त्यावर गटार तुंबल्याने गलिच्छ पाणी सर्वत्र पसरले आहे. यामुळे नागरिकांना दुर्गंधीचा सामना करावा लागत असून, साथीच्या रोगांचा धोका वाढला आहे.

पेशावरमधील एका स्टेडियममध्ये पाकिस्तान लष्कराने क्रिकेट विजयाचा जोरदार जल्लोष साजरा केला. यावेळी 'मिशन चड्डी बनियान' या अनोख्या शब्दांचा वापर झाल्याने हा जल्लोष चर्चेचा विषय ठरला आहे.

यवतमाळ जिल्ह्यातील घाटंजीमध्ये २ ते ९ मे दरम्यान धम्म बालसंस्कार शिबिर घेण्यात आले. या शिबिरात ४० विद्यार्थ्यांनी सहभाग घेतला. शिबिराच्या समारोपाप्रसंगी विद्यार्थ्यांनी धम्म शांतता रॅली काढली.

श्री. संत गजानन महाराज संस्थानचा कडक निर्णय : मंदिर परिसरात मोबाईल वापरास पूर्ण बंदी; नियम मोडल्यास मोबाईल जप्त होणार श्री गजानन महाराज संस्थानचा कडक निर्णय : मंदिर परिसरात मोबाईल वापरास पूर्ण बंदी; नियम मोडल्यास मोबाईल जप्त होणार शेगाव : अध्यात्म, पावित्र्य आणि शिस्त यांची ओळख असलेल्या श्री गजानन महाराजांच्या पवित्र नगरीत आता मंदिर परिसरातील मोबाईल वापरावर कठोर निर्बंध लागू करण्यात आले आहेत. श्री गजानन महाराज संस्थानने याबाबत स्पष्ट आणि कडक इशारा देत भाविकांना मंदिर परिसरात मोबाईल वापरण्यास सक्त मनाई असल्याचे जाहीर केले आहे. मंदिर परिसरातील वाढती गर्दी, दर्शन व्यवस्थेतील अडथळे, तसेच काहींकडून मोबाईलद्वारे होणारे फोटो, व्हिडिओ आणि अनावश्यक गोंधळ यामुळे मंदिराचे पावित्र्य बाधित होत असल्याची गंभीर दखल संस्थानने घेतली आहे. यामुळे आता मंदिरात प्रवेश करण्यापूर्वी मुख्य प्रवेशद्वारावरच मोबाईल बंद करण्याचे आदेश देण्यात आले आहेत. संस्थानने स्पष्ट शब्दांत इशारा दिला आहे की, मंदिर परिसरात मोबाईलचा वापर करताना कोणी आढळल्यास संबंधितांचा मोबाईल तात्काळ जप्त करण्यात येणार आहे. त्यामुळे मोबाईल परत मिळवण्यासाठी होणारा मानसिक त्रास, वेळेची नासाडी आणि गैरसोय टाळण्यासाठी नियमांचे काटेकोर पालन करण्याचे आवाहन करण्यात आले आहे. दररोज लाखो भाविक श्रींच्या दर्शनासाठी शेगावात येतात. मात्र काही जण मोबाईलमध्ये व्यस्त राहून दर्शन रांगेत अडथळे निर्माण करतात, सेल्फी आणि व्हिडिओच्या नादात शिस्त मोडतात, अशी तक्रार वारंवार समोर येत होती. या पार्श्वभूमीवर संस्थानने घेतलेला हा निर्णय अत्यंत महत्त्वाचा मानला जात आहे. “श्रींचे दर्शन हे श्रद्धेचे, शांततेचे आणि भक्तीचे असावे; मोबाईलच्या गोंधळाचे नव्हे,” असा स्पष्ट संदेश संस्थानने या निर्णयातून दिला आहे. त्यामुळे आता मंदिर परिसरात ‘नो मोबाईल झोन’ची कडक अंमलबजावणी होणार असून भाविकांनीही याला सहकार्य करण्याची गरज व्यक्त केली जात आहे. शिस्त, सुरक्षितता आणि पावित्र्य जपण्यासाठी संस्थानने उचललेले हे कठोर पाऊल सध्या संपूर्ण शेगाव परिसरात चर्चेचा विषय ठरत आहे.

बुलढाणा जिल्ह्यात सरकारी कागदपत्रांमध्ये फेरफार करून ५.७० लाखांचा घोटाळा उघडकीस आला आहे, ज्यामुळे महसूल विभागात खळबळ उडाली आहे. या प्रकरणी दुय्यम निबंधकासह ६ जणांवर गुन्हा दाखल करण्यात आला आहे.

अमरावती शहरात उघडकीस आलेल्या एका घरफोडी प्रकरणाचा पोलिसांनी छडा लावला आहे. या प्रकरणी पोलिसांनी आरोपीला अटक करून त्याच्याकडून तब्बल २ लाख ५५ हजार रुपयांचा मुद्देमाल जप्त केला.