जिल्ह्यातील सीमेवरून वाहणाऱ्या वैनगंगा नदीत आंघोळीला गेलेल्या महिलेचा बुडून मृत्यू चंद्रपूर-गडचिरोली जिल्ह्यांच्या सीमेवरून वाहणाऱ्या वैनगंगा नदीत आंघोळीला जाणे एका महिलेच्या जीवावर बेतल्याची घटना नुकतीच उघडकीस आली . वैनगंगा नदीपात्रात आंघोळीसाठी गेलेल्या कांताबाई मोहुर्ले (४५) या महिलेचा बुडून दुर्दैवी मृत्यू झाल्याची घटना घडली. मृतक कांताबाई मोहुर्ले या गडचिरोली जिल्ह्यातील रामनगर येथील रहिवासी असल्याची माहिती आहे. या घटनेमुळेः परिसरात हळहळ व्यक्त केली जात आहे. प्राप्त माहितीनुसार, कांताबाई मोहुर्ले या आपल्या कुटुंबीयांसह वैनगंगा नदीच्या घाटावर आंघोळीकरिता आल्या होत्या. दुपारच्या सुमारास परिवारातील सदस्यांसह त्या नदीत उतरून आंघोळ करत होत्या. दरम्यान, नदीतील पाण्याचा खोल अंदाज न आल्याने त्या हळूहळू खोल पाण्याकडे सरकत गेल्या. अचानक पाण्याचा प्रवाह वाढल्याने त्यांचा तोल गेला व त्या पाण्यात वाहत गेल्या. काही क्षणातच त्या दिसेनाशा झाल्याने परिसरात एकच खळबळ उडाली. ही घटना लक्षात येताच त्यांच्या परिवारातील सदस्यांनी मोठ्याने आरडाओरड करून मदतीसाठी हाक दिली. त्यानंतर स्थानिक नागरिकांनी तत्काळ घटनास्थळी धाव घेत शोधमोहीम सुरू केली. गडचिरोली सीमेवरील घाटावरून बुडालेल्या कांताबाई यांचा शोध काही वेळ सुरू ठेवण्यात आला. अखेर सायंकाळच्या सुमारास चंद्रपूर जिल्ह्यातील व्याहाड सीमेच्या परिसरात त्यांचा मृतदेह पाण्यावर तरंगताना आढळून आला.

Prakash deogade

Media house चंद्रपूर, चंद्रपूर, महाराष्ट्र•

on 12 March

जिल्ह्यातील सीमेवरून वाहणाऱ्या वैनगंगा नदीत आंघोळीला गेलेल्या महिलेचा बुडून मृत्यू चंद्रपूर-गडचिरोली जिल्ह्यांच्या सीमेवरून वाहणाऱ्या वैनगंगा नदीत आंघोळीला जाणे एका महिलेच्या जीवावर बेतल्याची घटना नुकतीच उघडकीस आली . वैनगंगा नदीपात्रात आंघोळीसाठी गेलेल्या कांताबाई मोहुर्ले (४५) या महिलेचा बुडून दुर्दैवी मृत्यू झाल्याची घटना घडली. मृतक कांताबाई मोहुर्ले या गडचिरोली जिल्ह्यातील रामनगर येथील रहिवासी असल्याची माहिती आहे. या घटनेमुळेः परिसरात हळहळ व्यक्त केली जात आहे. प्राप्त माहितीनुसार, कांताबाई मोहुर्ले या आपल्या कुटुंबीयांसह वैनगंगा नदीच्या घाटावर आंघोळीकरिता आल्या होत्या. दुपारच्या सुमारास परिवारातील सदस्यांसह त्या नदीत उतरून आंघोळ करत होत्या. दरम्यान, नदीतील पाण्याचा खोल अंदाज न आल्याने त्या हळूहळू खोल पाण्याकडे सरकत गेल्या. अचानक पाण्याचा प्रवाह वाढल्याने त्यांचा तोल गेला व त्या पाण्यात वाहत गेल्या. काही क्षणातच त्या दिसेनाशा झाल्याने परिसरात एकच खळबळ उडाली. ही घटना लक्षात येताच त्यांच्या परिवारातील सदस्यांनी मोठ्याने आरडाओरड करून मदतीसाठी हाक दिली. त्यानंतर स्थानिक नागरिकांनी तत्काळ घटनास्थळी धाव घेत शोधमोहीम सुरू केली. गडचिरोली सीमेवरील घाटावरून बुडालेल्या कांताबाई यांचा शोध काही वेळ सुरू ठेवण्यात आला. अखेर सायंकाळच्या सुमारास चंद्रपूर जिल्ह्यातील व्याहाड सीमेच्या परिसरात त्यांचा मृतदेह पाण्यावर तरंगताना आढळून आला.