गणेशोत्सवात कायदा-सुव्यवस्था अबाधित ठेवा; राजारामपुरी पोलिसांची गणेश मंडळांना सूचना कोल्हापूर २७ सिटी न्यूज नेटवर्क गणेशोत्सवाच्या पार्श्वभूमीवर राजारामपुरी पोलीस ठाण्याच्या हद्दीतील विविध गणेश मंडळांच्या पदाधिकाऱ्यांची बैठक घेण्यात आली. राजेंद्र नगर, साळुंखे पार्क, सुभाष नगर, जवाहर नगर, सरनाईक वसाहत आणि नेहरूनगर परिसरातील गणेश मंडळांचे पदाधिकारी व कार्यकर्ते या बैठकीस उपस्थित होते. गणेशोत्सव काळात मंडळांकडून कोणताही अनुचित प्रकार घडू नये तसेच उत्सवादरम्यान कायदा व सुव्यवस्थेचा प्रश्न निर्माण होऊ नये, यासाठी पोलिसांकडून मंडळांना सविस्तर सूचना देण्यात आल्या. सार्वजनिक शांतता, वाहतूक व्यवस्था, ध्वनिक्षेपकाचा वापर, मंडप परिसरातील शिस्त तसेच नागरिकांच्या सुरक्षिततेबाबत विशेष काळजी घेण्याचे आवाहन करण्यात आले. या बैठकीस कोल्हापूर महानगरपालिकेच्या शाखा अभियंता प्रिया पाटील, आरोग्य निरीक्षक दिलीप पाटणकर, महावितरणचे सहायक अभियंता शुभम गुरव यांच्यासह परिसरातील ज्येष्ठ नागरिक, शांतता समितीचे सदस्य, प्रतिष्ठित नागरिक, गणेश मंडळांचे पदाधिकारी व कार्यकर्ते तसेच राजारामपुरी पोलीस ठाण्यातील अधिकारी व अंमलदार उपस्थित होते. बैठकीस सुमारे १०० ते १२५ नागरिकांची उपस्थिती होती. गणेशोत्सव शांततेत, उत्साहात आणि सामाजिक सलोखा कायम ठेवून साजरा करण्याचे आवाहन पोलिसांकडून करण्यात आले.

E city news network

Local News Reporter करवीर, कोल्हापूर, महाराष्ट्र•

4 hrs ago

गणेशोत्सवात कायदा-सुव्यवस्था अबाधित ठेवा; राजारामपुरी पोलिसांची गणेश मंडळांना सूचना कोल्हापूर २७ सिटी न्यूज नेटवर्क गणेशोत्सवाच्या पार्श्वभूमीवर राजारामपुरी पोलीस ठाण्याच्या हद्दीतील विविध गणेश मंडळांच्या पदाधिकाऱ्यांची बैठक घेण्यात आली. राजेंद्र नगर, साळुंखे पार्क, सुभाष नगर, जवाहर नगर, सरनाईक वसाहत आणि नेहरूनगर परिसरातील गणेश मंडळांचे पदाधिकारी व कार्यकर्ते या बैठकीस उपस्थित होते. गणेशोत्सव काळात मंडळांकडून कोणताही अनुचित प्रकार घडू नये तसेच उत्सवादरम्यान कायदा व सुव्यवस्थेचा प्रश्न निर्माण होऊ नये, यासाठी पोलिसांकडून मंडळांना सविस्तर सूचना देण्यात आल्या. सार्वजनिक शांतता, वाहतूक व्यवस्था, ध्वनिक्षेपकाचा वापर, मंडप परिसरातील शिस्त तसेच नागरिकांच्या सुरक्षिततेबाबत विशेष काळजी घेण्याचे आवाहन करण्यात आले. या बैठकीस कोल्हापूर महानगरपालिकेच्या शाखा अभियंता प्रिया पाटील, आरोग्य निरीक्षक दिलीप पाटणकर, महावितरणचे सहायक अभियंता शुभम गुरव यांच्यासह परिसरातील ज्येष्ठ नागरिक, शांतता समितीचे सदस्य, प्रतिष्ठित नागरिक, गणेश मंडळांचे पदाधिकारी व कार्यकर्ते तसेच राजारामपुरी पोलीस ठाण्यातील अधिकारी व अंमलदार उपस्थित होते. बैठकीस सुमारे १०० ते १२५ नागरिकांची उपस्थिती होती. गणेशोत्सव शांततेत, उत्साहात आणि सामाजिक सलोखा कायम ठेवून साजरा करण्याचे आवाहन पोलिसांकडून करण्यात आले.