इंदापूर येथे संत तुकाराम महाराज पालखी सोहळ्यादरम्यान गोल रिंगण पार पडले आहे. या अत्यंत भक्तीमय वातावरणात संतांच्या आगमनाचा आणि विठ्ठलभक्तीचा महिमा व्यक्त करण्यात आला आहे. या सोहळ्याचे वर्णन करताना "साधू संत येती घरा । तोचि दिवाळी दसरा ॥ आवडीन करू त्यांची सेवा । निवारी हे दुजाभाव ॥ नाम संकीर्तन गाऊ । आनंदे विठ्ठल पुजू ॥ तुका म्हणे धन्य झालो । संतांचेनि संगें आलों ॥" या अभंगातून संतांच्या संगतीत मिळणारा आनंद आणि विठ्ठलाच्या भक्तीची थोरवी अगदी मनापासून मांडण्यात आली आहे.

दिल्लीमधील जंतर-मंतर येथे कॉकरोच जनता पार्टीकडून आंदोलन करण्यात येत आहे.

सोलापूर जिल्ह्यातील माढा तालुक्यातील कव्हे येथे संत एकनाथ महाराजांच्या पालखीचा विसावा झाला आहे.

आषाढी वारीसाठी पंढरपूरकडे प्रस्थान ठेवलेल्या श्री संत ज्ञानेश्वर महाराज पालखीचे सोलापूर जिल्ह्यातील धर्मपुरी येथे टाळ-मृदंगाच्या गजरात आणि अत्यंत भक्तिमय वातावरणात आगमन झाले. याप्रसंगी ग्रामविकास विभाग व जिल्हा प्रशासनाच्या वतीने पालकमंत्री जयकुमार गोरे यांनी श्री संत ज्ञानेश्वर महाराजांच्या पादुकांचे दर्शन घेऊन, पुष्पहार अर्पण करत पालखीचे मोठ्या उत्साहाने स्वागत केले. सोलापूर जिल्हा प्रशासनाच्या वतीने पालखी रथावर पुष्पवृष्टी करण्यात आली आणि पालकमंत्री स्वतः टाळ-मृदंगाच्या गजरात पालखीसोबत चालले. यावेळी धर्मपुरी पालखीतळावर वारकरी भाविक व ग्रामस्थांची मोठी गर्दी झाली होती. संपूर्ण परिसर 'राम कृष्ण हरी' आणि 'ज्ञानोबा माऊली, तुकाराम' च्या जयघोषाने दुमदुमून गेला होता, तर पोलीस बँड पथकाने भक्तीमय धून वाजवून पालखीचे स्वागत केले. जिल्हा प्रशासनाच्या वतीने श्री संत ज्ञानेश्वर महाराज संस्थानचे प्रमुख विश्वस्त ह. भ. प. श्री भावार्थ देखणे महाराज यांचे स्वागत करण्यात आले. या सोहळ्याप्रसंगी आमदार उत्तम जानकर, जिल्हाधिकारी एस. कार्तिकेयन, सातारा जिल्हाधिकारी संतोष पाटील, सोलापूर पोलीस अधीक्षक अतुल कुलकर्णी, सातारा पोलीस अधीक्षक निखिल पिंगळे, जिल्हा परिषदेचे मुख्य कार्यकारी अधिकारी कुशल जैन, सातारा मुख्य कार्यकारी अधिकारी याशनी नागराजन, माजी आमदार रणजितसिंह मोहिते-पाटील, उपविभागीय अधिकारी विजया पांगारकर, जिल्हा आरोग्य अधिकारी डॉ. सतीश कोपूरवाड आणि तहसीलदार सुरेश शेजुळ यांच्यासह दोन्ही जिल्ह्यांतील संबंधित अधिकारी व पदाधिकारी मोठ्या संख्येने उपस्थित होते. पालखीच्या स्वागतासाठी धर्मपुरी पालखीतळावर जिल्हा प्रशासनाकडून चोख व्यवस्था करण्यात आली आहे. येथे पिण्याचे पाणी, स्वच्छता, वैद्यकीय पथक, वीज, वाहतूक आणि कायदा-सुव्यवस्थेचे विशेष नियोजन करण्यात आले आहे. आरोग्य विभागाच्या वतीने वारकरी भाविकांची प्राथमिक आरोग्य तपासणी केली जात असून, जिल्हा परिषदेच्या वतीने हिरकणी कक्ष सज्ज ठेवण्यात आला आहे. तसेच, भाविकांच्या पायांना आराम मिळण्यासाठी फूट मसाज मशीनची सोय करण्यात आली असून हजारो भाविक याचा लाभ घेत आहेत. यासोबतच वारकऱ्यांच्या तातडीच्या आरोग्य सेवेसाठी आरोग्य दूत आणि आरोग्य बाईक तैनात करण्यात आल्या आहेत.

बीड जिल्हा रुग्णालयासमोर मुस्कान शेख आणि छाया पांचाळ यांच्या प्रसुती दरम्यान झालेल्या मातामृत्यू प्रकरणी निदर्शने करण्यात आली आहेत. या प्रकरणी दोषींवर सदोष मनुष्यवधाचा गुन्हा दाखल करण्यात यावा, अशी मागणी डॉ. गणेश ढवळे लिंबागणेशकर यांनी केली आहे।

दिल्ली येथे पर्यावरणवादी व शिक्षणतज्ज्ञ सोनम वांगचुक यांच्यावर झालेल्या दडपशाहीचा आणि त्यांच्या अटकेचा अहिल्यानगरात सम्यक विद्यार्थी वतीने तीव्र निषेध करण्यात आला आहे. माळीवाडा वेस येथील क्रांतीसुर्य महात्मा फुले यांच्या पुतळ्याला पुष्पहार अर्पण करून हे संघर्ष आंदोलन करण्यात आले. दिल्लीत गेल्या २० ते २५ दिवसांपासून विविध मागण्यांसाठी शांततापूर्ण आंदोलन करणाऱ्या सोनम वांगचुक यांना कोणतीही स्पष्ट कायदेशीर माहिती न देता पोलिसांनी ताब्यात घेतल्याचा आरोप करत आंदोलनकर्त्यांनी केंद्र सरकारविरोधात जोरदार घोषणाबाजी केली. शांततापूर्ण आंदोलन करणाऱ्यांवर बळाचा वापर करणे ही लोकशाहीला न शोभणारी बाब असून, संबंधित पोलीस अधिकाऱ्यांवर कारवाई करण्याची मागणी यावेळी करण्यात आली. या आंदोलनात जिल्ह्यातील पुरोगामी विद्यार्थी संघटना, शिक्षक, प्राध्यापक आणि शिक्षणप्रेमी नागरिक मोठ्या संख्येने सहभागी झाले होते. आंदोलनकर्त्यांनी हातात फलक घेऊन लोकशाही मार्गाने सुरू असलेल्या आंदोलनांवर दडपशाही होत असल्याचा आरोप केला. शिक्षण क्षेत्रातील प्रश्नांकडे दुर्लक्ष होत असल्याचा आरोप करत केंद्रीय शिक्षणमंत्री धर्मेंद्र प्रधान आणि शिक्षण मंत्री दादा भुसे यांनी तात्काळ राजीनामा द्यावा, अशी मागणी करण्यात आली आहे. मूल्यांचे संरक्षण करणे, आंदोलनकर्त्यांवरील कारवाईची चौकशी करणे आणि शिक्षण क्षेत्रातील प्रलंबित प्रश्न तातडीने सोडवण्याची मागणी निवेदनातून करण्यात आली असून, यामध्ये नवजवान भारत संघटनेचे कार्यकर्ते अविनाश साठे आणि दिशा विद्यार्थी संघटनेच्या साहिली मोहिते यांनी देखील सहभाग घेतला.

महाराष्ट्रात आषाढी वारीच्या भक्तीमय वातावरणात वारकऱ्यांसमवेत दंग होत शासकीय योजना आणि विविध उपक्रमांची माहिती देणारी 'संवाद वारी' सुरू आहे. महाराष्ट्र शासनाच्या कल्याणकारी योजनांची माहिती वारकऱ्यांपर्यंत सोप्या पद्धतीने पोहोचवण्यासाठी या उपक्रमात चित्ररथ आणि विकासरथाचा विशेष वापर केला जात आहे. पंढरपूर आषाढी वारी २०२६ च्या या पावन सोहळ्यात वारकऱ्यांशी थेट संवाद साधणाऱ्या या नाविन्यपूर्ण 'संवाद वारी'ला सर्व भाविकांनी आणि नागरिकांनी आवर्जून भेट द्यावी, असे आवाहन करण्यात आले आहे.

इंदापूरमध्ये संत तुकाराम महाराज पालखी सोहळ्यादरम्यान पारंपरिक फुगडी खेळ खेळण्याचा मोह कृषिमंत्री भरणे यांना आवरला नाही. त्यांनी प्रथमेशसोबत मिळून हा पारंपरिक खेळ खेळला. पालखी सोहळ्यातील हा उत्साह पाहून केवळ कृषिमंत्री भरणेच नव्हे, तर तिथे उपस्थित असलेल्या पत्रकारांनाही फुगडी खेळण्याचा मोह आवरता आला नाही आणि त्यांनीही यात सहभाग घेतला.

उस्मानाबाद जिल्ह्याच्या कळंब तालुक्यातील माळकरंजा येथील भ्रष्टाचारी ग्रामसेवकाने केवळ कागदोपत्री कामे दाखवून गावकऱ्यांना विकासापासून वंचित ठेवले असून, नागरिकांचे मोठे आर्थिक नुकसान केले आहे. गावात पाणी, आरोग्य आणि स्मशानभूमीसारख्या अत्यंत महत्त्वाच्या मूलभूत सुविधांसाठीही नागरिकांना उपोषणाला बसावे लागत आहे, जे या गावाचे मोठे दुर्दैव आहे. एवढे गंभीर प्रकार समोर येऊनही गट विकास अधिकारी (बीडीओ) या भ्रष्टाचारी ग्रामसेवकावर निलंबन किंवा बडतर्फीची कोणतीही कारवाई करत नसून उलट त्याला सहकार्य करत आहेत. यामुळे भ्रष्टाचारी ग्रामसेवकाला बडतर्फ करण्यास बीडीओ असमर्थ ठरत असल्याचे स्पष्ट होत आहे. आता वरिष्ठांनी याकडे गांभीर्याने लक्ष देऊन गावाचा विकास कागदोपत्री ऐवजी प्रत्यक्षात करावा आणि फुकट पगार घेणाऱ्या या भ्रष्टाचारी ग्रामसेवकाला तात्काळ बडतर्फ करावे.