वीर वाजेकर महाविद्यालयात मुलींसाठी आरोग्य जागृती कार्यक्रम उत्साहात रयत शिक्षण संस्थेच्या फुंडे येथील वीर वाजेकर महाविद्यालयाच्या हेल्थ क्लब आणि तु. ह. वाजेकर माध्यमिक व उच्च माध्यमिक हायस्कूल यांच्या संयुक्त विद्यमाने विद्यार्थिनींसाठी आरोग्य जागृती कार्यक्रमाचे आयोजन करण्यात आले. मुलींच्या आरोग्याशी संबंधित विविध समस्या, त्यावरील उपाययोजना आणि योग्य जीवनशैली याबाबत मार्गदर्शन करण्यासाठी हा उपक्रम राबविण्यात आला. कार्यक्रमाच्या अध्यक्षस्थानी महाविद्यालयाचे प्र. प्राचार्य डॉ. आमोद ठक्कर होते. यावेळी प्राचार्य बी. बी. साळुंखे, सौ. थोरात मॅडम उपस्थित होते. प्रमुख पाहुणे व मार्गदर्शक म्हणून डॉ. प्रणाली नामदेव दांडेकर (एम.डी. – स्त्रीरोग व प्रसूती, आयुर्वेद), सहाय्यक प्राध्यापक, प्रसूती तंत्र व स्त्रीरोग विभाग, डॉ. जी. डी. पोल फाउंडेशनचे YMT आयुर्वेदिक वैद्यकीय महाविद्यालय व रुग्णालय, खारघर (नवी मुंबई) या उपस्थित होत्या. यावेळी बोलताना प्र. प्राचार्य डॉ. आमोद ठक्कर यांनी मुलींच्या आरोग्याशी संबंधित समस्या अत्यंत महत्त्वाच्या असून त्याकडे दुर्लक्ष न करता याबाबत समाजात अधिक जनजागृती होणे आवश्यक असल्याचे मत व्यक्त केले. तसेच विद्यार्थिनींनी योग्य आहार, व्यायाम आणि आरोग्यदायी सवयी आत्मसात कराव्यात, असेही त्यांनी सांगितले. प्रमुख मार्गदर्शक डॉ. प्रणाली दांडेकर यांनी विद्यार्थिनींना PCOD (पॉलीसिस्टिक ओव्हेरियन डिसीज) या महिलांमध्ये आढळणाऱ्या सामान्य हार्मोनल समस्येबाबत सविस्तर माहिती दिली. पुनरुत्पादक वयातील महिलांमध्ये आढळणाऱ्या या समस्येमुळे मासिक पाळी अनियमित होणे, चेहरा किंवा शरीरावर अतिरिक्त केस येणे, मुरुमे होणे, केस गळणे, वजन वाढणे तसेच वंध्यत्व यांसारखी लक्षणे दिसू शकतात, असे त्यांनी स्पष्ट केले. तसेच खराब जीवनशैली, ताणतणाव, शारीरिक निष्क्रियता आणि अनुवांशिक घटक यांमुळे PCOD होण्याची शक्यता वाढते. योग्य वेळी उपचार न घेतल्यास टाईप-२ मधुमेह, उच्च रक्तदाब आणि गर्भाशयाच्या अस्तराचा कर्करोग (एंडोमेट्रियल कॅन्सर) होण्याचा धोका वाढू शकतो, असा इशाराही त्यांनी दिला. या समस्येवर नियंत्रण मिळवण्यासाठी संतुलित आणि कमी कर्बोदकांचा आहार, फायबरयुक्त पदार्थांचे सेवन, नियमित व्यायाम, योगासने तसेच वजन नियंत्रण यांचे महत्त्व त्यांनी विद्यार्थिनींना पटवून दिले. आवश्यकतेनुसार डॉक्टरांच्या सल्ल्याने औषधोपचार घेण्याचेही त्यांनी सांगितले. याशिवाय कॅन्सरसारख्या गंभीर आजारांबाबतही त्यांनी विद्यार्थिनींना सखोल माहिती दिली. कॅन्सरची लक्षणे, त्यामागील कारणे, प्रतिबंधात्मक उपाय आणि उपचार पद्धती याबाबत मार्गदर्शन करण्यात आले. कार्यक्रमादरम्यान आयोजित चर्चा सत्रात विद्यार्थिनींनी आरोग्याशी संबंधित विविध प्रश्न विचारले, ज्यांची समाधानकारक उत्तरे देऊन त्यांच्या शंकांचे निरसन करण्यात आले. अशा प्रकारचे आरोग्यविषयक उपक्रम विद्यार्थिनींमध्ये जागरूकता निर्माण करण्यासाठी अत्यंत उपयुक्त ठरत असल्याचे मत उपस्थितांनी व्यक्त केले.

विरेश मधुकर मोडखरकर

उरण, रायगड, महाराष्ट्र•

1 hr ago

वीर वाजेकर महाविद्यालयात मुलींसाठी आरोग्य जागृती कार्यक्रम उत्साहात रयत शिक्षण संस्थेच्या फुंडे येथील वीर वाजेकर महाविद्यालयाच्या हेल्थ क्लब आणि तु. ह. वाजेकर माध्यमिक व उच्च माध्यमिक हायस्कूल यांच्या संयुक्त विद्यमाने विद्यार्थिनींसाठी आरोग्य जागृती कार्यक्रमाचे आयोजन करण्यात आले. मुलींच्या आरोग्याशी संबंधित विविध समस्या, त्यावरील उपाययोजना आणि योग्य जीवनशैली याबाबत मार्गदर्शन करण्यासाठी हा उपक्रम राबविण्यात आला. कार्यक्रमाच्या अध्यक्षस्थानी महाविद्यालयाचे प्र. प्राचार्य डॉ. आमोद ठक्कर होते. यावेळी प्राचार्य बी. बी. साळुंखे, सौ. थोरात मॅडम उपस्थित होते. प्रमुख पाहुणे व मार्गदर्शक म्हणून डॉ. प्रणाली नामदेव दांडेकर (एम.डी. – स्त्रीरोग व प्रसूती, आयुर्वेद), सहाय्यक प्राध्यापक, प्रसूती तंत्र व स्त्रीरोग विभाग, डॉ. जी. डी. पोल फाउंडेशनचे YMT आयुर्वेदिक वैद्यकीय महाविद्यालय व रुग्णालय, खारघर (नवी मुंबई) या उपस्थित होत्या. यावेळी बोलताना प्र. प्राचार्य डॉ. आमोद ठक्कर यांनी मुलींच्या आरोग्याशी संबंधित समस्या अत्यंत महत्त्वाच्या असून त्याकडे दुर्लक्ष न करता याबाबत समाजात अधिक जनजागृती होणे आवश्यक असल्याचे मत व्यक्त केले. तसेच विद्यार्थिनींनी योग्य आहार, व्यायाम आणि आरोग्यदायी सवयी आत्मसात कराव्यात, असेही त्यांनी सांगितले. प्रमुख मार्गदर्शक डॉ. प्रणाली दांडेकर यांनी विद्यार्थिनींना PCOD (पॉलीसिस्टिक ओव्हेरियन डिसीज) या महिलांमध्ये आढळणाऱ्या सामान्य हार्मोनल समस्येबाबत सविस्तर माहिती दिली. पुनरुत्पादक वयातील महिलांमध्ये आढळणाऱ्या या समस्येमुळे मासिक पाळी अनियमित होणे, चेहरा किंवा शरीरावर अतिरिक्त केस येणे, मुरुमे होणे, केस गळणे, वजन वाढणे तसेच वंध्यत्व यांसारखी लक्षणे दिसू शकतात, असे त्यांनी स्पष्ट केले. तसेच खराब जीवनशैली, ताणतणाव, शारीरिक निष्क्रियता आणि अनुवांशिक घटक यांमुळे PCOD होण्याची शक्यता वाढते. योग्य वेळी उपचार न घेतल्यास टाईप-२ मधुमेह, उच्च रक्तदाब आणि गर्भाशयाच्या अस्तराचा कर्करोग (एंडोमेट्रियल कॅन्सर) होण्याचा धोका वाढू शकतो, असा इशाराही त्यांनी दिला. या समस्येवर नियंत्रण मिळवण्यासाठी संतुलित आणि कमी कर्बोदकांचा आहार, फायबरयुक्त पदार्थांचे सेवन, नियमित व्यायाम, योगासने तसेच वजन नियंत्रण यांचे महत्त्व त्यांनी विद्यार्थिनींना पटवून दिले. आवश्यकतेनुसार डॉक्टरांच्या सल्ल्याने औषधोपचार घेण्याचेही त्यांनी सांगितले. याशिवाय कॅन्सरसारख्या गंभीर आजारांबाबतही त्यांनी विद्यार्थिनींना सखोल माहिती दिली. कॅन्सरची लक्षणे, त्यामागील कारणे, प्रतिबंधात्मक उपाय आणि उपचार पद्धती याबाबत मार्गदर्शन करण्यात आले. कार्यक्रमादरम्यान आयोजित चर्चा सत्रात विद्यार्थिनींनी आरोग्याशी संबंधित विविध प्रश्न विचारले, ज्यांची समाधानकारक उत्तरे देऊन त्यांच्या शंकांचे निरसन करण्यात आले. अशा प्रकारचे आरोग्यविषयक उपक्रम विद्यार्थिनींमध्ये जागरूकता निर्माण करण्यासाठी अत्यंत उपयुक्त ठरत असल्याचे मत उपस्थितांनी व्यक्त केले.