అధిక ఫీజుల వసూళ్లపై పీడీఎస్‌యూ ఆందోళన.. కేయూ పరిపాలన భవనం ఎదుట ధర్నా హనుమకొండ: కాకతీయ యూనివర్సిటీలో పీజీ ప్రవేశాల కోసం అధిక ఫీజులు వసూలు చేస్తున్నారని ఆరోపిస్తూ పీడీఎస్‌యూ ఆధ్వర్యంలో మంగళవారం మధ్యాహ్నం కేయూ పరిపాలన భవనం ఎదుట ధర్నా నిర్వహించారు. విద్యార్థులు పెద్ద సంఖ్యలో పాల్గొని ఫీజుల భారాన్ని తగ్గించాలని డిమాండ్ చేశారు. ఈ సందర్భంగా హనుమకొండ జిల్లా పీడీఎస్‌యూ అధ్యక్షుడు వంశీకృష్ణ మాట్లాడుతూ పీజీ ప్రవేశాల కోసం విద్యార్థులు ఇప్పటికే ఆన్‌లైన్‌ ద్వారా రూ.13 వేల వరకు ఫీజు చెల్లించారని తెలిపారు. తాజాగా మరో రూ.7 వేల ఫీజును తక్షణమే చెల్లించాలని అధికారులు ఆదేశించడం విద్యార్థులపై అదనపు ఆర్థిక భారం మోపడమేనని విమర్శించారు. విద్యార్థుల ఆర్థిక పరిస్థితులను దృష్టిలో ఉంచుకుని అదనపు ఫీజుల నిర్ణయాన్ని వెంటనే ఉపసంహరించుకోవాలని డిమాండ్ చేశారు. పీజీ విద్యార్థులపై ఫీజుల భారం తగ్గించి, అందరికీ ఉన్నత విద్య అందుబాటులో ఉండేలా చర్యలు తీసుకోవాలని కోరారు. కేయూ అధికారులు స్పందించి అధిక ఫీజుల సమస్యను వెంటనే పరిష్కరించాలని పీడీఎస్‌యూ నాయకులు డిమాండ్ చేశారు. కార్యక్రమంలో నాయకులు అరుణ్, చైతన్య తదితరులు పాల్గొన్నారు.

M D Azizuddin

జర్నలిస్ట్ వర్ధన్నపేట, వరంగల్, తెలంగాణ•

16 hrs ago

అధిక ఫీజుల వసూళ్లపై పీడీఎస్‌యూ ఆందోళన.. కేయూ పరిపాలన భవనం ఎదుట ధర్నా హనుమకొండ: కాకతీయ యూనివర్సిటీలో పీజీ ప్రవేశాల కోసం అధిక ఫీజులు వసూలు చేస్తున్నారని ఆరోపిస్తూ పీడీఎస్‌యూ ఆధ్వర్యంలో మంగళవారం మధ్యాహ్నం కేయూ పరిపాలన భవనం ఎదుట ధర్నా నిర్వహించారు. విద్యార్థులు పెద్ద సంఖ్యలో పాల్గొని ఫీజుల భారాన్ని తగ్గించాలని డిమాండ్ చేశారు. ఈ సందర్భంగా హనుమకొండ జిల్లా పీడీఎస్‌యూ అధ్యక్షుడు వంశీకృష్ణ మాట్లాడుతూ పీజీ ప్రవేశాల కోసం విద్యార్థులు ఇప్పటికే ఆన్‌లైన్‌ ద్వారా రూ.13 వేల వరకు ఫీజు చెల్లించారని తెలిపారు. తాజాగా మరో రూ.7 వేల ఫీజును తక్షణమే చెల్లించాలని అధికారులు ఆదేశించడం విద్యార్థులపై అదనపు ఆర్థిక భారం మోపడమేనని విమర్శించారు. విద్యార్థుల ఆర్థిక పరిస్థితులను దృష్టిలో ఉంచుకుని అదనపు ఫీజుల నిర్ణయాన్ని వెంటనే ఉపసంహరించుకోవాలని డిమాండ్ చేశారు. పీజీ విద్యార్థులపై ఫీజుల భారం తగ్గించి, అందరికీ ఉన్నత విద్య అందుబాటులో ఉండేలా చర్యలు తీసుకోవాలని కోరారు. కేయూ అధికారులు స్పందించి అధిక ఫీజుల సమస్యను వెంటనే పరిష్కరించాలని పీడీఎస్‌యూ నాయకులు డిమాండ్ చేశారు. కార్యక్రమంలో నాయకులు అరుణ్, చైతన్య తదితరులు పాల్గొన్నారు.