हिंगोलीत आरोग्य विभागातील गैरव्यवहाराचा आरोप; चौकशीची मागणी फाळेगाव उपकेंद्र बंद असतानाही निधी दाखवला; सामाजिक कार्यकर्ते मुनीर पठाण यांची कारवाईची मागणी हिंगोली जिल्ह्यातील प्राथमिक आरोग्य केंद्र व उपकेंद्रांमध्ये करण्यात आलेल्या विकासकामांमध्ये मोठ्या प्रमाणात आर्थिक गैरव्यवहार झाल्याचा आरोप समोर आला आहे. याप्रकरणी संबंधित विभागाकडे लेखी तक्रार दाखल करण्यात आली असून, सखोल चौकशीची मागणी करण्यात आली आहे. तक्रारीनुसार, सन 2024-25 व 2025-26 या कालावधीत जिल्हा नियोजन समिती अंतर्गत हिंगोली व सेनगाव तालुक्यातील विविध आरोग्य केंद्रांमध्ये पेवर ब्लॉक, विद्युतीकरण, सोलार पॉवर पॅक आदी कामे करण्यात आल्याचे कागदोपत्री दाखवण्यात आले आहे. मात्र, प्रत्यक्ष पाहणीदरम्यान अनेक ठिकाणी ही कामे अपूर्ण किंवा अस्तित्वात नसल्याचा दावा करण्यात आला आहे. फाळेगाव (ता. हिंगोली) येथील प्राथमिक आरोग्य उपकेंद्र हे कार्यरत नसतानाही त्या ठिकाणी लाखो रुपयांची कामे झाल्याचे दाखवून शासनाची फसवणूक केल्याचा आरोप करण्यात आला आहे. तसेच ब्रह्मवाडी येथील प्राथमिक आरोग्य केंद्रात सोलार पॉवर पॅक बसविल्याचे दाखवले असले, तरी प्रत्यक्षात ते काम झाले नसल्याचा संशय व्यक्त करण्यात आला आहे. या प्रकरणी सामाजिक कार्यकर्ते मुनीर पठाण यांनी गंभीर दखल घेत, संपूर्ण प्रकरणाची सखोल चौकशी करून दोषींवर कठोर कारवाई करण्यात यावी, अशी मागणी केली आहे. त्यांनी संबंधित कागदपत्रे व प्रत्यक्ष छायाचित्रेही पुरावा म्हणून सादर केली आहेत. दरम्यान, या प्रकरणामुळे आरोग्य विभागाच्या कामकाजावर प्रश्नचिन्ह निर्माण झाले असून, प्रशासनाने तात्काळ कारवाई करून सत्य समोर आणावे, अशी मागणी नागरिकांकडून होत आहे.

Balu Vitthal Jadhav

पत्रकार हिंगोली, हिंगोली, महाराष्ट्र•

8 hrs ago

हिंगोलीत आरोग्य विभागातील गैरव्यवहाराचा आरोप; चौकशीची मागणी फाळेगाव उपकेंद्र बंद असतानाही निधी दाखवला; सामाजिक कार्यकर्ते मुनीर पठाण यांची कारवाईची मागणी हिंगोली जिल्ह्यातील प्राथमिक आरोग्य केंद्र व उपकेंद्रांमध्ये करण्यात आलेल्या विकासकामांमध्ये मोठ्या प्रमाणात आर्थिक गैरव्यवहार झाल्याचा आरोप समोर आला आहे. याप्रकरणी संबंधित विभागाकडे लेखी तक्रार दाखल करण्यात आली असून, सखोल चौकशीची मागणी करण्यात आली आहे. तक्रारीनुसार, सन 2024-25 व 2025-26 या कालावधीत जिल्हा नियोजन समिती अंतर्गत हिंगोली व सेनगाव तालुक्यातील विविध

आरोग्य केंद्रांमध्ये पेवर ब्लॉक, विद्युतीकरण, सोलार पॉवर पॅक आदी कामे करण्यात आल्याचे कागदोपत्री दाखवण्यात आले आहे. मात्र, प्रत्यक्ष पाहणीदरम्यान अनेक ठिकाणी ही कामे अपूर्ण किंवा अस्तित्वात नसल्याचा दावा करण्यात आला आहे. फाळेगाव (ता. हिंगोली) येथील प्राथमिक आरोग्य उपकेंद्र हे कार्यरत नसतानाही त्या ठिकाणी लाखो रुपयांची कामे झाल्याचे दाखवून शासनाची फसवणूक केल्याचा आरोप करण्यात आला आहे. तसेच ब्रह्मवाडी येथील प्राथमिक आरोग्य केंद्रात सोलार पॉवर पॅक बसविल्याचे दाखवले असले, तरी

प्रत्यक्षात ते काम झाले नसल्याचा संशय व्यक्त करण्यात आला आहे. या प्रकरणी सामाजिक कार्यकर्ते मुनीर पठाण यांनी गंभीर दखल घेत, संपूर्ण प्रकरणाची सखोल चौकशी करून दोषींवर कठोर कारवाई करण्यात यावी, अशी मागणी केली आहे. त्यांनी संबंधित कागदपत्रे व प्रत्यक्ष छायाचित्रेही पुरावा म्हणून सादर केली आहेत. दरम्यान, या प्रकरणामुळे आरोग्य विभागाच्या कामकाजावर प्रश्नचिन्ह निर्माण झाले असून, प्रशासनाने तात्काळ कारवाई करून सत्य समोर आणावे, अशी मागणी नागरिकांकडून होत आहे.