బాన్సువాడలో అనుమతులు లేని పాఠశాలపై విద్యాశాఖ అధికారుల చర్యలు AIPSU పిర్యాదుతో శ్రీ ఛైతన్య పాఠశాలలో తనిఖీలు .... బాన్సువాడ, ఆగస్టు 27: ప్రభుత్వ నిబంధనలకు విరుద్ధంగా ఎటువంటి అధికారిక అనుమతులు లేకుండా 8వ, 9వ తరగతులను నిర్వహిస్తున్న బాన్సువాడ పట్టణంలోని శ్రీ చైతన్య పాఠశాలపై విద్యాశాఖ అధికారులు చర్యలు చేపట్టారు. మండల విద్యాశాఖ కార్యాలయం (MEO) సిబ్బంది భాను పాఠశాలను తనిఖీ చేసి, అనుమతులు లేకుండా తరగతులు నిర్వహించడాన్ని గుర్తించి తగిన చర్యలు చేపట్టారు. ఈ సందర్భంగా అధికారులు మాట్లాడుతూ, సంబంధిత పాఠశాలకు 8వ, 9వ తరగతులు నిర్వహించేందుకు డీఈఓ కార్యాలయం లేదా సంబంధిత విద్యాశాఖ అధికారుల నుంచి ఎలాంటి అధికారిక అనుమతులు లేవని తెలిపారు. అయినప్పటికీ యాజమాన్యం విద్యార్థుల తల్లిదండ్రుల నుంచి వేలాది రూపాయలు ఫీజుల పేరుతో వసూలు చేస్తూ అక్రమంగా తరగతులు నిర్వహించడం చట్టవిరుద్ధమని పేర్కొన్నారు. అలాగే, విద్యార్థుల తల్లిదండ్రులకు విజ్ఞప్తి చేస్తూ, అనుమతులు లేని పాఠశాలల్లో తమ పిల్లలను చేర్పించి వారి భవిష్యత్తును ప్రమాదంలో పడవేయవద్దని, ప్రభుత్వ అనుమతులు ఉన్న విద్యాసంస్థల్లోనే ప్రవేశాలు కల్పించాలని సూచించారు. ఈ సందర్భంగా అఖిల భారత ప్రగతిశీల విద్యార్థి సంఘం (AIPSU) రాష్ట్ర కమిటీ సభ్యులు గోపాల్ సింగ్ ఠాకూర్ మాట్లాడుతూ, తమ ఫిర్యాదు మేరకు విద్యాశాఖ అధికారులు చర్యలు తీసుకోవడం స్వాగతించదగ్గ విషయమని తెలిపారు. ప్రభుత్వ నిబంధనలను ఉల్లంఘిస్తూ విద్యార్థుల తల్లిదండ్రులను, అధికారులను తప్పుదోవ పట్టించి అక్రమంగా తరగతులు నిర్వహించడం ద్వారా విద్యార్థుల భవిష్యత్తుతో చెలగాటమాడుతున్నారని ఆరోపించారు. అలాగే, విద్యార్థుల నుంచి వసూలు చేసిన ఫీజులను వడ్డీతో సహా తిరిగి చెల్లించి, విద్యార్థులను ప్రభుత్వ అనుమతులు కలిగిన ఇతర పాఠశాలల్లో చేర్పించేలా చర్యలు తీసుకోవాలని డిమాండ్ చేశారు. అనుమతులు లేకుండా విద్యాసంస్థలను నిర్వహించే యాజమాన్యాలపై ప్రభుత్వం కఠిన చర్యలు తీసుకోవాలని కోరారు. ఈ కార్యక్రమంలో RYF ఉమ్మడి జిల్లా కార్యదర్శి పిట్ల నరేష్, AIPSU నాయకులు సూర్యపాల్, శివాజీ తదితరులు పాల్గొన్నారు.

Silamkoti mahesh

బాన్సువాడ, కామారెడ్డి, తెలంగాణ•

53 min ago

బాన్సువాడలో అనుమతులు లేని పాఠశాలపై విద్యాశాఖ అధికారుల చర్యలు AIPSU పిర్యాదుతో శ్రీ ఛైతన్య పాఠశాలలో తనిఖీలు .... బాన్సువాడ, ఆగస్టు 27: ప్రభుత్వ నిబంధనలకు విరుద్ధంగా ఎటువంటి అధికారిక అనుమతులు లేకుండా 8వ, 9వ తరగతులను నిర్వహిస్తున్న బాన్సువాడ పట్టణంలోని శ్రీ చైతన్య పాఠశాలపై విద్యాశాఖ అధికారులు చర్యలు చేపట్టారు. మండల విద్యాశాఖ కార్యాలయం (MEO) సిబ్బంది భాను పాఠశాలను తనిఖీ చేసి, అనుమతులు లేకుండా తరగతులు నిర్వహించడాన్ని గుర్తించి తగిన చర్యలు చేపట్టారు. ఈ సందర్భంగా అధికారులు మాట్లాడుతూ, సంబంధిత పాఠశాలకు 8వ, 9వ తరగతులు నిర్వహించేందుకు డీఈఓ కార్యాలయం లేదా సంబంధిత విద్యాశాఖ అధికారుల నుంచి ఎలాంటి అధికారిక అనుమతులు లేవని తెలిపారు. అయినప్పటికీ యాజమాన్యం విద్యార్థుల తల్లిదండ్రుల నుంచి వేలాది రూపాయలు ఫీజుల పేరుతో వసూలు చేస్తూ అక్రమంగా తరగతులు నిర్వహించడం చట్టవిరుద్ధమని పేర్కొన్నారు. అలాగే, విద్యార్థుల తల్లిదండ్రులకు విజ్ఞప్తి చేస్తూ, అనుమతులు లేని పాఠశాలల్లో తమ పిల్లలను చేర్పించి వారి భవిష్యత్తును ప్రమాదంలో పడవేయవద్దని, ప్రభుత్వ అనుమతులు ఉన్న విద్యాసంస్థల్లోనే ప్రవేశాలు కల్పించాలని సూచించారు. ఈ సందర్భంగా అఖిల భారత ప్రగతిశీల విద్యార్థి సంఘం (AIPSU) రాష్ట్ర కమిటీ సభ్యులు గోపాల్ సింగ్ ఠాకూర్ మాట్లాడుతూ, తమ ఫిర్యాదు మేరకు విద్యాశాఖ అధికారులు చర్యలు తీసుకోవడం స్వాగతించదగ్గ విషయమని తెలిపారు. ప్రభుత్వ నిబంధనలను ఉల్లంఘిస్తూ విద్యార్థుల తల్లిదండ్రులను, అధికారులను తప్పుదోవ పట్టించి అక్రమంగా తరగతులు నిర్వహించడం ద్వారా విద్యార్థుల భవిష్యత్తుతో చెలగాటమాడుతున్నారని ఆరోపించారు. అలాగే, విద్యార్థుల నుంచి వసూలు చేసిన ఫీజులను వడ్డీతో సహా తిరిగి చెల్లించి, విద్యార్థులను ప్రభుత్వ అనుమతులు కలిగిన ఇతర పాఠశాలల్లో చేర్పించేలా చర్యలు తీసుకోవాలని డిమాండ్ చేశారు. అనుమతులు లేకుండా విద్యాసంస్థలను నిర్వహించే యాజమాన్యాలపై ప్రభుత్వం కఠిన చర్యలు తీసుకోవాలని కోరారు. ఈ కార్యక్రమంలో RYF ఉమ్మడి జిల్లా కార్యదర్శి పిట్ల నరేష్, AIPSU నాయకులు సూర్యపాల్, శివాజీ తదితరులు పాల్గొన్నారు.